Fréttablaðið - 19.03.2006, Page 19

19SUNNUDAGUR 19. mars 2006
Viðskiptavinir Landsbankans hafa getað keypt og selt hlutabréf
í Danmörku, Svíþjóð og Bandaríkjunum í gegnum E*TRADE. Nú
bætist Noregur við. Landsbankinn er eini bankinn sem býður upp
á bein viðskipti með hlutabréf á öllum Norðurlöndunum og í
Bandaríkjunum.
Mikið líf hefur verið á norska markaðnum síðustu misseri og
margir spennandi fjárfestingarmöguleikar í boði enda er olíuverð
hátt, en það hefur jafnan góð áhrif á norska markaðnum. Margt
bendir því til þess að tækifæri séu til staðar á Noregsmarkaði um
þessar mundir.
Með skráningu á E*TRADE í gegnum Landsbankann býðst
möguleiki að nýta sér þau tækifæri beint og milliliðalaust og fá
jafnframt aðgang að haldgóðum markaðsupplýsingum.
E*TRADE er einfalt í notkun og allt viðmót er á íslensku. Því er
ekkert til fyrirstöðu að tryggja sér aðgang að mörkuðum Norður-
landanna og Bandaríkjanna með því að skrá sig á E*TRADE og
byrja að nýta tækifærin.
Ert þú á E*TRADE?
Kynntu þér málið á landsbanki.is eða hringdu síma 410 4000.
Velkominn Noregur!
Á síðasta ári hækkaði Det Norske
Oljeselskap (DNO) um 853% sem
var mesta hækkunin á markaðnum.
Markaðsverðmæti félaga í Noregi
er 170.266 milljónir evra.
Fjöldi fyrirtækja í norsku
kauphöllinni árið 2005
var 219 og þar af voru
46 ný félög.
Á morgun opnar E*TRADE
fyrir vi›skipti í kauphöllinni í Osló
25 félög mynda úrvalsvísitöluna
í norsku kauphöllinni.
gegnum marga aðila til þess að fá
leyfi fyrir sprengingum en verkin
sem sjá má á sýningunni núna voru
sprengd í Geldinganesi. „Fólk
hringdi inn til lögreglunnar og hélt
að það væri kominn jarðskjálfti,“
segir Guðjón en víst er að sitthvað
hefur gengið á þegar stálbitarnir
tættust í sundur.
„Fólk fær oftast óstöðvandi hlát-
ursköst í nokkrar mínútur á eftir
sprengingarnar,“ segir Guðjón kím-
inn. „Það að sjá eitthvað sem áður
var ferhyrnt og afmarkað, líkjast
ekki neinu - það er stórkostlegt, það
er eins og að sjá rós opnast og
lifna.
Það má finna brot úr verkum
Guðjóns ansi víða því hann segir að
það sé illmögulegt að týna þau öll
saman. „Þessi brot eru fjársjóður
framtíðarinnar,“ segir hann hlæj-
andi. „Þau eru þarna út um allt og
ef einhver fer á ról er alls ekki ólík-
legt að hann fyndi eitt og eitt brot
sem ég bið hinn sama að varðveita
vel.
Veikir hið sterka
Guðjón hóf að sprengja skúlptúr-
ana sína fyrir tíu árum en áður
hafði hann fengist við gerð naum-
hyggju verka. „Ég sauð á þau alls-
konar flúr og mynstur til þess að
veikja burðarþol þeirra - gera þau
burðarminni.“ Á þeim tíma voru
sterkir skúlptúrar ríkjandi í mynd-
listinni en Guðjón hóf að vinna í
hina áttina. Hugmyndina að baki
sprengingunum rekur hann til sam-
ræðna við vin sinn og starfsfélaga
en þeir ræddu eitt sinn um sálar-
ástand Skandinavíubúa. „Undir
sléttu og felldu yfirborði okkar
Skandinava kraumar afl sem ekki
fær útrás,“ segir Guðjón. „Kerfin
okkar og borgarímyndirnar - allt er
þetta ósköp settlegt og gott en það
er mikil pressa á manneskjunni að
haga sér rétt og skikkanlega við
þessar kingumstæður.“ Í framhald-
inu fór Guðjón að vinna með kraft-
inn í manneskjunni og þá spennu
sem umkringir okkur.
„Ég vildi virkja sprengikraftinn
sem býr í manneskjunni í skúlptúr.
Þeir eru einskonar líkamningar,
skúlptúrarnir hafa svipaða vigt, í
lengdarmetrum talið. Ekki að ég sé
að sprengja fólk heldur vísa ég til
þeirrar bælingar sem fylgir hvers-
dagsleikanum.
Lífið er í rauninni togstreita
milli hversdagsins og þeirra hug-
sjóna sem við lifum fyrir og þá tog-
streitu upplifum við öll á hverjum
degi.“
Tómið
„Mér finnst mikilvægt að kalla
fram tómið í verkunum. Tómið er
eftirsóknarvert því það hefur lík-
ingu við það ósegjanlega, það óvit-
anlega sem alltaf fylgir tilverunni
og er innsti kjarni myndlistarinn-
ar,“ segir Guðjón og áréttar að
þegar menn fáist við myndlist séu
þeir að vinna með mjög saman-
þjappaða merkingu, þar safnist
saman margar ólíkar hugsanir og
meiningar sem erfitt sé að henda
reiður á í einu. „Ég lýt á verkin mín
sem hvata til umræðu, þau hvetja
ímyndunaraflið og tengjast öðrum
listgreinum. Það er mjög stutt yfir
í arkitektúrinn í verkunum mínum
og yfir í heimspekilega og fagur-
fræðilegan þankagang, póststrúkt-
úralisma, trúarbrögð.
Raunar er hægt að yfirfæra þau á
flestar tegundir fræða,“ útskýrir
listamaðurinn.
Í tengslum við sýninguna kemur
út bók um höfundarverk Guðjóns
Bjarnasonar á vegum Listasafns
Reykjavíkur þar sem fjölmargir
höfundar lýsa hughrifum sínum og
upplifunum. „Þannig eru verkin
t.d. orðin hvati og kveikja að ímynd-
um hjá öðrum,“ segir Guðjón.
Fjöldi erlendra gesta er hingað
kominn í tilefni af opnun sýningar-
innar í Hafnarhúsinu t.d. Richard
Vine, ritstjóri tímaritsins Art in
America, sem mun fara yfir feril
listamannsins ásamt Jóni Proppé
og honum sjálfum á Listamanna-
spjalli í dag kl. 15.00.
ÚR AFSPRENGI HUGSUNAR Vinnuferlið er skemmtilegt en jafnframt flókið, að sögn Stefáns
og óvíða í heiminum er hægt að búa til listaverk með þessum hætti. FRÉTTABLAÐIÐ/ STEFÁN
GUÐJÓN BJARNASON Finnst mikilvægt að kalla fram tómið
í verkunum því það hefur líkingu við það ósegjanlega.
FRÉTTABLAÐIÐ/ STEFÁN
„Það að sjá eitthvað
sem áður var ferhyrnt
og afmarkað, líkjast ekki
neinu - það er stórkost-
legt, það er eins og að sjá
rós opnast og lifna.“