Fréttablaðið - 19.03.2006, Qupperneq 72

SUNNUDAGUR 19. mars 2006 33
spray-on brúnka betri? Og hvaða
snyrti-tips áttu fyrir okkur metró-
mennina?
Ég hef aldrei prófað spray on.
Hef fengið mér strípur en það er
dálitið langt síðan. Eina snyrti-
tipsið sem ég get gefið er að lykta
vel.

Stefán Benedikt Stefánsson, Rvík, 30
ára. Ef þú færir í annað lið,hvaða
lið væri þá þitt draumalið?
AC Milan.
Gunnar Ásgeirsson, Kópavogi, 41
árs. Nú bendir allt til þess að
Ballack komi til Chelsea. Hvaða
álit hefur þú á honum sem leik-
manni og kemur þetta til þess
að hafa áhrif á þína stöðu innan
liðsins?
Mér finnst hann mjög góður
leikmaður. Nei, ég á ekki von á því
þetta hafi mikil áhrif á mína stöðu.
Þetta undirstrikar enn einu sinni
að maður verður alltaf að sýna sitt
besta og vera í topp formi.
Arna Diljá Guðmundsdóttir, Garða-
bæ, 17 ára. Hverju þakkarðu vel-
gengni þína ?
Guði og fjölskyldu og smá sjálf-
um mér.
Hægt er að sjá fleiri svör Eiðs
Smára við spurningum lesenda
Fréttablaðins og Vísis inni á visir.
is.
Enska úrvalsdeildin
ARSENAL - CHARLTON 3-0
1-0 Robert Pires (13.), 2-0 Emmanuel Adebayor
(32.), 3-0 Alexandr Hleb (49.).
BIRMINGHAM - TOTTENHAM 0-2
0-1 Aaron Lennon (66.), 0-2 Robbie Keane (78.).
BLACKBURN - MIDDLESBROUGH 3-2
1-0 Craig Bellamy (11.), 1-1 Mark Viduka (16.),
2-1 Morten Gamst Pedersen (28.), 2-2 Fabio
Rochemback (63.), 3-2 Craig Bellamy (68.).
BOLTON - SUNDERLAND 2-0
1-0 Kevin Davies (47.), 2-0 Kevin Nolan (85.).
EVERTON - ASTON VILLA 4-1
1-0 James McFadden (15.), 2-0 Tim Cahill (22.),
3-0 Leon Osman (45.), 3-1 Gabriel Agbonlahor
(64.), 4-1 Tim Cahill (90.).
MANCHESTER CITY - WIGAN ATHLETIC 0-1
0-1 Lee McCulloch (55.).
WBA - MANCHESTER UNITED 1-2
0-1 Louis Saha (16.), 0-2 Louis Saha (64.), 1-2 Nat-
han Ellington (78.).
WEST HAM UNITED - PORTSMOUTH 2-4
0-1 Lomana Lua-Lua (19.), 0-2 Sean Davis (25.),
0-3 Pedro Mendes (42.), 1-3 Teddy Sheringham
(69.), 1-4 Svetoslav Todorov (77.), 2-4 Yossi Ben-
ayoun (90.)
STAÐAN:
CHELSEA 29 24 3 2 58-18 75
MAN. UNITED 29 19 6 4 58-29 63
LIVERPOOL 30 17 7 6 39-20 58
TOTTENHAM 30 14 10 6 43-28 52
ARSENAL 30 15 5 10 48-23 50
BLACKBURN 30 15 4 11 41-36 49
BOLTON 28 13 9 6 39-28 48
WIGAN 30 14 4 12 35-36 46
EVERTON 30 13 4 13 28-38 43
WEST HAM 29 12 6 11 44-44 42
MAN. CITY 30 12 4 14 39-35 40
NEWCASTLE 29 11 6 12 29-32 39
CHARLTON 30 11 6 13 34-41 39
ASTON VILLA 30 8 10 12 34-41 34
MIDDLESB. 29 9 7 13 39-49 34
FULHAM 30 9 5 16 39-51 32
WBA 30 7 6 17 27-45 27
BIRMINGHAM 29 6 6 17 23-41 24
PORTSMOUTH 30 6 6 18 24-51 24
SUNDERLAND 30 2 4 24 19-54 10
Enska meistaradeildin
COVENTRY CITY - LEEDS UNITED 1-1
Gylfi Einarsson sat á bekk Leeds United allan leik-
inn eins og svo oft í vetur.
MILLWALL - LEICESTER CITY 0-1
Jóhannes Karl Guðjónsson spilaði allan leikinn
fyrir Leicester City.
READING - WOLVES 1-1
Ívar Ingimarsson og Brynjar Björn Gunnarsson
voru báðir í byrjunarliði Reading. Ívar lék allan
leikinn en Brynjar fór af velli á 76. mínútu.
STOKE CITY - BURNLEY 1-0
Hannes Sigurðsson spilaði síðustu tíu mínútur
leiksins fyrir Stoke City.
ÚRSLIT GÆRDAGSINS
FÓTBOLTI Um fátt annað er talað í
Manchester þessa dagana en
framtíð Ruuds van Nistelrooy hjá
Man. Utd. en þessi magnaði hol-
lenski markahrókur hefur mátt
gera sér það að góðu undanfarnar
vikur að fylgjast með félögum
sínum af varamannabekknum
enda hefur Frakkinn Louis Saha
skorað í hverjum leik fyrir Unit-
ed.
Sir Alex Ferguson, stjóri Man.
Utd, segir að van Nistelrooy hafi
ekki kvartað en þrátt fyrir það
biður hann Hollendinginn um að
sýna þolinmæði.
„Ruud er með langtímasamn-
ing við United og það er ekkert
sem breytir því,“ sagði Sir Alex
eftir 2-1 sigur United á WBA í gær.
Við vitum öll hvað hann getur og
að sjálfsögðu mun hann fá tæki-
færi með liðinu á ný. Louis á aftur
á móti skilið sæti sitt í liðinu þar
sem hann er að spila vel og skorar
grimmt. Þetta er óheppileg staða
fyrir Ruud en hann verður að vera
þolinmóður og hann hefur verið
mjög rólegur. Hann hefur aldrei
kvartað og veit vel að hans tími
kemur fljótt aftur.“
Saha skoraði bæði mörkin fyrir
United í gær og öruggur sigur
liðsins var í nokkurri hættu undir
lokin eftir að Nathan Ellington
hafði minnkað muninn fyrir WBA.
Bryan Robson, framkvæmdastjóri
WBA og fyrrum fyrirliði Man.
Utd., kvartaði ekki yfir frammi-
stöðu sinna manna eftir leikinn.
„Strákarnir stóðu vel fyrir sínu
og með smá heppni hefðu þeir
nælt í stig. Við vorum að spila við
öflugt lið og stóðum ágætlega í
þeim. Það er mikil barátta fram
undan næstu vikur og við megum
ekki hugsa of mikið um önnur lið
heldur verðum við að hugsa um
okkur sjálfa ef við ætlum að
bjarga okkur frá falli,“ sagði
Robson.
Man. Utd. er ekki eina liðið sem
er á mikilli siglingu því Arsenal er
ekki á minni ferð, en Thierry
Henry og félagar fóru illa með
Charlton á Highbury í gær. Arsen-
al lék nágranna sína grátt allan
leikinn og vann mjög sannfærandi
3-0 sigur sem hæglega hefði getað
orðið stærri en Arsenal átti sautján
skot í leiknum en Charlton aðeins
tvö.
„Það var aldrei spurning um
hvort liðið færi með sigur af hólmi
í dag,“ sagði Arsene Wenger, stjóri
Arsenal, eftir leikinn. „Við byrjuð-
um vel, það var góð hreyfing á lið-
inu og maður hafði aldrei trú á því
að Charlton myndi takast að kom-
ast inn í leikinn á ný. Liðið okkar
verður betra í hverri viku þannig
að ég er mjög sáttur.“ sagði Weng-
er en hann sér fram á hatramma
baráttu við Tottenham um fjórða
sæti deildarinnar sem gefir þát-
tökurétt í Meistaradeildinni á
næstu leiktíð. henry@frettabladid.is
Louis Saha er sjóðheitur
Hollenski markahrókurinn Ruud van Nistelrooy situr enn utan vallar. Á með-
an fer Louis Saha á kostum með Manchester United og skoraði tvö mörk í gær.
Stjórinn Sir Alex Ferguson hefur beðið van Nistelrooy um að sýna þolinmæði.
AÐALMAÐURINN Louis Saha er einn sá heitasti í enska boltanum í dag og hann skoraði tvö
mörk gegn WBA í gær. Hann fagnar hér með John O´Shea.
FRÉTTABLAÐIÐ/GETTY IMAGES
Í upphafi úrslitakeppninnar í
körfuknattleik er hollt að velta
stuttlega fyrir sér hvað ræður
úrslitum leikja. Hverjir koma til
með að vinna mótið? Strax í fyrstu
umferð er ljóst að áþekk lið mæt-
ast og þá er næsta víst að undan-
úrslitin verða jöfn og að úrslitin
sjálf verða spennandi, a.m.k. bend-
ir lokaniðurstaðan í deildinni til
þess. Efsta lið vann 18 leiki en
Snæfell, sem endaði í 6. sæti, vann
14 leiki.
Þegar þjálfarar og jafnvel
lærðir fræðimenn rýna í leiki og
mögulegan gang þeirra er oft
vísað í dagsformið. Sagt er að
úrslit leikja ráðist af dagsform-
inu. Reyndir þjálfarar og sérfræð-
ingar setja sig jafnvel í gáfulegar
stellingar fyrir mikilvæga kapp-
leiki og vísa í þetta svokallaða
dagsform: „Þetta ræðst af dags-
forminu“. Hér er ugglaust átt við
form eða ástand af einhverju tagi
sem leikmaður og/eða lið er í eina
stundina en ekki aðra. Samkvæmt
því þá gæti dagsformið verið í lagi
fyrir hádegi tiltekinn dag, en ekki
seinni part sama dags. Því er tíma-
og dagsetning leikja nokkuð sem
vert er að rannsaka af kostgæfni
til að skilja eðli og uppruna þessa
þýðingamikla forms. Því mikil-
vægari sem leikurinn er, því oftar
er vísað í dagsformið. Fréttaritar-
ar íþróttadeilda gleypa þessa skýr-
ingu og nota hana jafnvel til að
koma eigin snilligáfu og innsæi til
skila og spyrja jafnvel fyrir leiki:
„Ræðst þetta ekki af dagsforminu
gæskurinn?“
Í framhaldinu finnst mér eðli-
legt að reyna að skilgreina þennan
þýðingarmikla áhrifaþátt sem
virðist ráða svo miklu um gang
leikja, með það að markmiði að
reyna að þjálfa leikmenn í því að
vera í góðu dagsformi öllum stund-
um. Nú er almennt viðurkennt að
besta leiðin til að hitta betur úr
vítaskotum er einfaldlega að æfa
vítaskot, en um dagsformið virðist
gilda önnur lögmál. Þar virðast
ekki gilda einföld lögmál kennslu-
fræðinnar, um æfingu og endur-
tekningar til að hámarka afköst,
heldur frekar lögmál veðurfræð-
innar: annað hvort er rigning eða
ekki. Það sem er hins vegar ólíkt
er að okkur hefur tekist að þróa
ágætar aðferðir til að spá með
nokkurri vissu um veðrið, en það
virðist ógjörningur að spá fyrir
um dagsformið.
Það er ekki fyrr en eftir leik
sem við getum sagt hvort þetta
mikilvæga dagsform hafi verið
okkur í hag eður ei. Hafi sigur
unnist þá var dagsformið okkur í
hag en í tapleik var dagsformið
hreinlega ekki í lagi. Vandinn er
hins vegar sá að eftir leikinn er
nánast útilokað að snúa úrslitum
hans við, það er einfaldlega of
seint. Hugsanlega væri hægt að
kæra niðurstöðuna en það ber afar
sjaldan árangur. Það besta sem
við getum gert í stöðunni er að
vona að lögmál tilviljunar virki á
dagsformið líkt og þegar krónu-
peningi er kastað, þannig að dags-
formið verði okkur í hag í helm-
ingi tilvika. En svo virðist að
jafnvel tilviljunarlögmálin virki
ekki á dagsformið.
Með tali um dagsformið er í
raun verið að varpa frá sér ábyrgð
og treysta á afar vafasöm fræði
eins og heppni eða slakan undir-
búning andstæðinganna. Dags-
formið hefur sennilega álíka mikil
áhrif á úrslit leikja og veðrið í
þeim íþróttum sem keppt er í inn-
andyra. Við þurfum ekki að leita
flókinna skýringa til að spá fyrir
um úrslit leikja. Það lið sem hefur
betri körfuknattleiksmenn (t.d.
hittir betur úr skotum sínum), þar
sem hlutverkaskipan er skýr, er
betur þjálfað og betur undirbúið
og, síðast en ekki síst, það lið sem
leggur sig betur fram, vinnur mik-
inn meirihluta leikja.
Það var ekkert að dagsforminu
hjá Njarðvíkingum þegar þeir
mættu Keflavík um daginn í
úrslitaleik deildarkeppninnar. Það
vantaði hins
vegar tals-
vert upp á
skipulagð-
an sóknar-
leik og góð
svör við
sterkri vörn
Keflavíkur.
Sóknarleik-
ur Njarðvík-
inga ein-
kenndist
einna helst
af því að
hinn stór-
góði leik-
maður
þeirra, Jeb
Ivey,
reyndi að
skoppa knettinum svo títt og mikið
að andstæðingarnir fengju varn-
arleiða og gleymdu stað og stund.
En án árangurs. Þá virtist einnig
verulegur skortur á samstöðu
innan liðsins við að svara afar sig-
urviljugum Keflvíkingum. Svo
áfram sé haldið, þá er það ekki
dagsformið sem hefur verið Kefla-
vík svona hentugt á liðnum miss-
erum og Valsmönnum svo sérdeil-
is óhentugt. Keflvíkingar eru
einfaldlega góðir í körfuknattleik,
prýðisgóðir leikmenn og með góða
erlenda leikmenn, ágæta þjálfara
og afar mikla þekkingu á því
hvernig vinna á leiki. Valsmenn á
hinn bóginn hafa einfaldlega verið
með frekar slakt lið í samanburði
við þau bestu og leiðin til að breyta
því er ekki að setja saman dags-
formsstyrkjandi æfingapró-
gramm, heldur æfa betur leikinn
fagra.
Að þessu sögðu óska ég leik-
mönnum og þjálfurum alls
hins besta í komandi úrslita-
keppni. Megi hún verða í senn
spennandi og hörð en á sama
tíma drengileg. Þá vona
ég að dagsformið
verði með öllum
liðum, öllum stund-
um – „may the
force be with you“.
Að lokum finnst
mér við hæfi að
gera orð séra
Friðriks að
mínum: „Látið
ekki kappið bera
fegurðina ofur-
liði.“
SUNNUDAGSPENNINN SVALI H. BJÖRGVINSSON
Ráðast úrslitin af dagsforminu?