Fréttablaðið - 05.04.2006, Blaðsíða 16

5. apríl 2006 MIÐVIKUDAGUR16
nær og fjær
„ORÐRÉTT“
Enda framleiðið
þið ekki ál
„Okkur finnst stjórnvöld
sýna mikla lítilsvirðingu og
tómlæti því það er látið eins
og við séum ekki til.“
ÁLFHEIÐUR BJARNADÓTTIR
STARFSKONA Á HRAFNISTU UM
FRAMGÖNGU STJÓRNVALDA Í
KJARAMÁLUM. FRÉTTABLAÐIÐ.
Með vonina
eina að vopni
„En ég vona eins og
allir aðrir að það gangi vel
að manna þessi heimili
þannig að starfsemin verði
sem best.“
SIV FRIÐLEIFSDÓTTIR HEILBRIGÐ-
ISRÁÐHERRA UM KJARAMÁL
STARFSFÓLKS HJÚKRUNARHEIM-
ILA. MORGUNBLAÐIÐ.
Hinn goðsagnakenndi söluturn
Vikivaki á Laugaveginum tekur
nú í fyrsta skipti í sögunni við
kredit- og debetkortum.
Vikivaka þekkja margir enda
er hann ein formfastasta verslun
Laugavegarins. Margir þekkja
Vikivaka einfaldlega sem sjopp-
una sem tekur ekki við kortum.
Hefur það orðið nokkrum
hungruðum gestum til trafala á
meðan aðrir hafa sagt það hafa
ákveðinn sjarma að taka ekki við
greiðslukortum. Nú hefur hins
vegar orðið breyting þar á.
Nýverið urðu eigendaskipti á
söluturninum og tóku þá við
rekstrinum Anna Dóra Ármanns-
dóttir og tengdasonur hennar
Högni Brekason. Að sögn nýju
eigendanna höfðu fyrirennarar
þeirra séð um reksturinn í um tvo
áratugi. Anna segir að hugmyndin
um kaup á Vikivaka hafi komið frá
tengdasyninum eftir að hann hafði
verið að leita sér að viðskiptatæki-
færum.
Brydduðu Anna og Högni strax
upp á þeirri nýbreytni að taka við
kortum, bæði debet- og kredit-
kortum. Hefur slíkt ekki tíðkast
hjá Vikivaka síðan slík kort komu
á markað. Anna segir að margir
viðskiptavinir hafi lýst yfir
ánægju sinni með breytinguna.
„Margir hafa komið hingað ein-
göngu til þess að fá að prófa að
borga með kortunum sínum.“
Anna segist samt eiga von á því að
sumir fastakúnnar þurfi smá tíma
til að aðlagast breytingunum.
„Annars erum við nokkuð ánægð
og okkur hefur almennt verið
mjög vel tekið.“ ■
TÖKUM ÖLL KORT Auglýsingaskilti hefur
verið komið fyrir á Laugaveginum til að
vekja athygli á breytingunni.
FRÉTTABLAÐIÐ/VILHELM
Tekið við kortum í Vikivaka
„Við eigum að gera öðrum það sem
við viljum að aðrir geri okkur. Ef við
værum raunverulega kristin mynd-
um við gera það. Því miður komum
við oft illa fram við aðra og vekjum
þannig upp hatur og grimmd,“ segir
Anna Marta Guðmundsdóttir, bóndi á
Hesteyri í Mjóafirði. „Nýlega varð mér
hugsað til fangelsismálanna eftir að
hafa heyrt af slæmu máli sem varðar
lágmarksmannréttindi fanga. Oft er
fólk þar í aumu ástandi eftir að hafa
verið stungið inn í klefa til að sofa úr
sér vímuna. Þetta fólk þráir aðeins eitt
þegar það vaknar af eitursvefninum
og það er að fá vatn að drekka. Hvers
vegna er ekki vatn haft í klefum?“ spyr
Anna Marta.
HVAÐ SEGIR ANNA?
KÆRLEIKUR
Vatn í
fangaklefa
Erna Aðalheiður Karlsdóttir, starfsmaður eldhússins
á Nordica hóteli, bar sigur úr býtum á Íslandsmótinu í
uppvaski sem fram fór á föstudag. Hún segir lykilinn að
árangrinum vera almenna skynsemi.
„Þetta var mjög skemmtileg
keppni,“ segir Íslandsmeistarinn
nýkrýndi og neitar um leið að
keppnin hafi verið eitthvað sér-
staklega erfið. Keppnin var haldin
í tengslum við sýninguna Matur
2006 sem haldin var í Fífunni í
Kópavogi og tóku fjórtán þátt. Þur-
íður Helga Guðbrandsdóttir, for-
maður Félags matartækna, segir
mótið hafa tekist frábærlega og
keppendur staðið sig vel. Erna
Aðalheiður verður í fararbroddi
Íslendinga á Norðurlandamóti upp-
vaskara sem fram fer í Stokkhólmi
25. apríl. Fer hún fyrir fimm manna
landsliði en auk hennar skipa það
þau Da Chadapon og Songmvang
Wong Wan sem vinna á Landspítal-
anum, Brynhildur Magnúsdóttir
frá Hrafnistu í Hafnarfirði og Hug-
rún Ólafsdóttir frá Alcan.
Erna Aðalheiður er vitaskuld
spennt fyrir Svíþjóðarferðinni og
ætlar að gera sitt besta til að verða
landi og þjóð til sóma. Hún veit þó
ekki hverjir möguleikarnir ytra
verða.
Stutt er síðan Erna Aðalheiður
hóf störf á Nordica, aðeins einn
mánuður, og má því heita undra-
vert hve skjótt hún hefur náð
tökum á uppvaskinu. „Ég er nýflutt
til landsins frá Danmörku þar sem
ég bjó í tíu ár. Foreldrar mínir
fluttu heim fyrir einu og hálfu ári
og ég saknaði þeirra og langaði líka
að prufa eitthvað nýtt.“ Hún vann
á skyndibitastaðnum Sunset Boul-
evard í Danmörku og þurfti stund-
um að setja í uppþvottavélina þar.
Á þeim grunni byggir hún. Annars
segir hún almenna skynsemi ráða
mestu um góðan árangur í upp-
vaskinu.
Erna Aðalheiður lætur vel af
vinnunni á Nordica, segir stemn-
inguna góða. Hún er líka ánægð
með að hafa flutt aftur til Íslands
en ber strætó ekki vel söguna.
„Hér þarf maður greinilega að
hafa bíl því ekki er mikið varið í
strætókerfið,“ segir hún. Og
Íslandsmeistarinn í uppvaski þarf
ekki að vaska upp heima hjá sér.
„Nei, ég slepp við það, en þríf í
staðinn,“ segir hún og hlær.
Helsta áhugamál Ernu Aðal-
heiðar er dans. Hún dansaði
mikið í Danmörku en hefur ekki
enn byrjað æfingar hér. „Ég
dansa djass, stepp og riverdans
og bara hvað sem er,“ segir hún
en neitar að hún stígi sporin í eld-
húsinu á Nordica. „Gólfið er svo
sleipt að það er hættulegt að
dansa á því.“ ■
„Það er allt fínt að frétta nema kannski helst
til rólegt hjá mér,“ segir Guðmundur Páll
Óskarsson fiskverkandi í Hnífsdal. „Nú er
steinbítsvertíð í gangi en það er bara búin að
vera bræluskratti í nær hálfan mánuð þannig
að ég fæ ekkert hráefni.“ Auk þess að herða
fisk verkar Guðmundur Páll hákarl. „Það gekk
mjög vel með hákarlinn. Hann rauk út eins og
heitar lummur og mig vantaði um þrjú tonn til
að getað annað eftirspurn. Steinbíturinn gengur
líka ágætlega enda er verkunin löngu orðin
landsþekkt.“ Faðir hans, Óskar Friðbjarnarson,
var þekktur á árum áður fyrir gæðaharðfisk og
hákarl en hann lætur nú syni sínum eftir öll sín
leyndarmál í þessari iðju.
„Svo skrapp ég reyndar til Reykjavíkur,“ held-
ur Guðmundur Páll áfram. „Ég var reyndar bara
í sólarhring en þá var ég líka alveg búinn að fá
nóg og varð bara að komast vestur. Ég skil það
ekki hvernig nokkur maður getur búið þarna í
þessu stressi. Svo er allt svo flókið og ef það á
að redda einhverju þá tekur það mikinn tíma;
hérna fyrir vestan ganga hlutirnir bara einn,
tveir og bingó.“
Nú stendur yfir kosning um
kynþokkafyllsta Vestfirðinginn en
Guðmundur Páll lætur sér það í léttu
rúmi liggja. „Ég var svo sem ekki
tilnefndur enda lítill og samanrek-
inn svo ekki var við því að búast,“
segir hann og hlær.
HVAÐ ER AÐ FRÉTTA? GUÐMUNDUR PÁLL ÓSKARSSON FISKVERKANDI Í HNÍFSDAL
Þolir ekki við í höfuðborginni
Vaskar ekki upp heima
ÍSLANDSMEISTARINN AÐ
STÖRFUM Erna Aðalheiður
Karlsdóttir hefur unnið
í einn mánuð í eldhús-
inu á Nordica hóteli en
áður vann hún á danska
skyndibitastaðnum Sunset
Boulevard. Hún hefur
gaman af að dansa en
stígur ekki sporin í vinn-
unni því gólfið er svo hált.
FRÉTTABLAÐIÐ/HEIÐA
Stofnar 440
milljarða
Risaúttekt á Björgólfi Thor í Bloomberg
áhættusjóð
„BRJÁLÆÐINGUR
EÐA SNILLINGUR!“
2x15 4.4.2006 20:43 Page 1