Fréttablaðið - 05.04.2006, Blaðsíða 38

MARKAÐURINN
A U R A S Á L I N
5. APRÍL 2006 MIÐVIKUDAGUR18
M E N N T U N
Kennsla í MBA-námi í viðskiptafræði hófst
við Háskólann í Reykjavík árið 2001, þrem-
ur árum eftir stofnun skólans. Um er að
ræða almennt stjórnunar- og rekstrarnám
á meistarastigi sem ætlað er einstaklingum
með háskólapróf sem vilja styrkja stjórn-
unar- og leiðtogahæfileika sína. Markmiðið
er að þjálfa nemendur í rekstri og stjórnun
fyrirtækja. Ein af áherslum í MBA-náminu er
að þróa hæfileika hvers og eins til að stjórna
og reka fyrirtæki í síbreytilegum heimi, búa
nemendur undir aukna ábyrgð og leiðtoga-
hlutverk í fyrirtækjum og stofnunum. Námið
er fjórar annir; tvær fyrstu eru grunnnám
en nemendur geta valið um sérhæfingu á
fjármála-, mannauðsstjórnunar- og stjórn-
unarsviðum á hinum tveimur. Finnur segir
náminu hafa verið tekið einkar vel frá upp-
hafi og bendir á að horft hafi verið til þess að
nemendur hafi reynslu úr atvinnulífinu, sér í
lagi stjórnun.
REYNSLA SKILYRÐI
140 nemendur hafa verið útskrifaðir með
MBA-gráðu í viðskiptafræðum frá HR á síð-
astliðnum fimm árum. Í vor útskrifast rúm-
lega 50 nemendur og verða þeir því alls um
200 talsins. „Miðað við fjölda útskriftarár-
ganga og útskrifaðra nemenda þá höfum við
mesta reynslu af framkvæmd náms af þessu
tagi hér á landi,“ segir Finnur.
Umsóknum í MBA-nám hefur fjölgað ár
frá ári en síðastliðin tvö ár hafa á bilinu 120
til 130 sótt um námið. Um 50 þátttakendur
eru teknir inn í MBA-námið ár hvert. „Þetta
stífa val gerir það að verkum að á hverju ári
byrjar afar sterkur hópur nemenda í MBA-
náminu, sem er ein forsenda gæða slíks
náms“ segir Finnur. Jón Ormur bendir á
að HR leggi áherslu á að taka eingöngu inn
nemendur með mikla eða verulega reynslu
úr atvinnulífinu. Þetta gefi kost á því að
nemendur leggi skerf af reynslu sinni á
vogarskálar námsins og læri hver af öðrum.
Finnur tekur undir þetta og bætir við að
kennari í MBA-námi sé á stundum nær því að
vera í hlutverki umræðustjórnanda en kenn-
ara í hefðbundnum skilningi. Þá víkki það
sjónarhornið og dýpki námið að taka fólk inn
í skólann með reynslu úr atvinnulífinu. „Þeir
sem hafa kennt stjórnendum vita vel að það
erfiðasta sem þeir lenda í er að kenna þeim
stjórnun sem hafa enga reynslu af henni,“
segir hann og bætir við að lögð sé rík áhersla
á þátttöku allra nemenda í náminu.
Almennt séð eru til þrjár gerðir af MBA-
námi. Í fyrsta lagi fullt nám og í öðru lagi
hlutanám, sem dreifist yfir lengri tíma. Þriðji
kosturinn er svokallað „Executive“ MBA,
eins og HR býður upp á, en þar geta nem-
endur sinnt námi með vinnu. „Við kennum á
hefðbundnum önnum, aðra hverja helgi frá
hádegi á fimmtudegi til laugardagseftirmið-
dags,“ segir hann. Jón Ormur tekur undir að
allir nemendurnir séu í vinnu meðfram nám-
inu, sumir þeirra í mjög krefjandi starfi við
stjórnun fyrirtækja og stofnana. Því sé eðli-
legt að þeim finnist álagið mikið á stundum.
Að sögn Jóns Orms eru tengsl atvinnulífs
og náms kostur. Bendir hann á að þegar
hann fjalli um dæmi úr alþjóðaviðskiptum í
tímum sínum þá sé það oft raunin að einhver
nemenda þekki þau og geti bætt við upplýs-
ingum. „Það er næstum alltaf einhver sem
hefur unnið hjá fyrirtækinu sem ég tek fyrir
eða þekkir þannig til að hann getur farið
nákvæmlega í gegnum dæmið. Þannig geta
nemendur verið kennarar í leiðinni,“ segir
Jón og ítrekar að kennarar í MBA-náminu
verði að gleyma því að þeir viti allt því nem-
endur geti ætíð lumað á betri upplýsingum.
Finnur tekur undir að þetta form sé mjög
skemmtilegt því kennarinn fái mikið til
baka.
ALÞJÓÐLEGAR ÁHERSLUR
Finnur segir að þótt MBA-námið við HR sé
alþjóðlegt þá sé það sérstaklega sniðið að
þörfum íslenskra stjórnenda og sérfræðinga.
„Það er alls ekki sérstaklega hugsað fyrir
Íslendinga sem vilja starfa erlendis heldur
fyrir þá sem ætla sér að takast á við krefj-
andi verkefni, óháð því hvar þeir ætla að
búa. Í okkar litla samfélagi og viðskiptalífi,
sem stöðugt fær á sig alþjóðlegri brag, er
nauðsynlegt að draga þekkingu frá útlönd-
um, víkka sjóndeildarhringinn og styrkja
þannig okkar fólk. Þetta gerum við með því
að kenna á ensku, fá framúrskarandi erlenda
sérfræðinga til kennslunnar og gefa nemend-
um tækifæri til að stunda nám með erlendum
kollegum. Þetta er í raun eina færa leiðin
fyrir skóla sem er ætlað að efla samkeppnis-
hæfni íslensks atvinnulífs.“
MBA-nám er kennt í yfir 1300 skólum í
allt að 130 löndum víða um heim. Til að gefa
dæmi um fjölda nemenda í einhverju þessara
landa segir Finnur að ár hvert útskrifist um
90.000 til 100.000 nemendur með MBA-gráðu
í Bandaríkjunum. Svo virðist sem ekkert
bendi til að ætli að draga úr eftirspurn eftir
fólki með þessa menntun að baki. Jón Ormur
bendir á að nemendum í MBA-námi hafi stór-
fjölgað annars staðar, s.s. í Miðaustur-Asíu,
Indlandi og Japan. Þá er tiltölulega stutt síðan
MBA-nám hófst í Evrópu. „Þýsk stórfyrirtæki
tóku sig saman og ýttu af stað þessari tegund
menntunar og nú eru nokkur verkefni á borð
við MBA-námið hér komin af stað þar,“ segir
hann og bendir á að gífurleg eftirspurn sé
eftir nemendum með þessa gráðu. Hins vegar
sé MBA-námið jafn misjafnt eftir löndum og
þau eru mörg, að sögn Jóns.
Háskólinn í Reykjavík hefur átt í ágætu
samstarfi við IESE-viðskiptaháskólann í
Barcelona á Spáni, sem er meðal virtustu við-
skiptaskóla í heimi samkvæmt flokkun tíma-
ritanna Forbes, Fortune og Economist. Fjórir
gestakennarar koma frá IESE með reglulegu
millibili og kenna nemendum í MBA-náminu
í HR. Auk þeirra koma kennarar frá London
Business School í Bretlandi, Richard Ivy
School of Business, Boston University og
Columbia University í Bandaríkjunum. Þeir
Finnur og Jón Ormur eru sammála um að
framúrskarandi kennarar séu það sem geri
MBA-námið í HR samkeppnishæft. „Með því
að koma með góða kennara hingað jafnast
námið á við það að senda nemendurna í bestu
skóla í heimi,“ segir Jón Ormur. Hafi það verið
spursmál hvort betra hefði verið að ýta nem-
endunum til bestu viðskiptaháskóla í öðrum
löndum eða ýta náminu úr vör hér á landi.
Alþjóðlegt andrúmsloft í MBA-námi
Háskólinn í Reykjavík (HR) hefur boðið upp á meistaranám (MBA) í viðskipta-
fræðum í fimm ár. Námið hefur þróast mikið og er í sífelldri endurskoðun. Jón
Aðalsteinn Bergsveinsson tók hús á þeim Finni Oddssyni, forstöðumanni MBA
námsins, og Jóni Ormi Halldórssyni, dósent við skólann, og kynnti sér námið.
FINNUR ODDSSON OG JÓN ORMUR HALLDÓRSSON Fjöldi fyrirtækja hefur litið dagsins ljós eftir MBA-nám í HR.
Fjölmargir einstaklingar hafa stofnað fyrirtæki
að MBA-námi loknu frá HR. Eftirtalin eru nokkur
fyrirtæki sem litu dagsins ljós:
Ávaxtalausnir
Betri lausnir
Birta vefauglýgingar
Kvikmyndir.is
Pizza Hut
Sjöfn
Sumarferðir
Tónlist.is
Árangur
MBA-námsins
Allt frá því að Aurasálin hóf
skrif hér í þetta blað hefur
Kauphallarmarkaðurinn brunað
beinustu leið upp á við þrátt
fyrir viðvaranir Aurasálarinnar
um að allt væri á niðurleið. Allt
frá því að Úrvalsvísitalan rauf
þrjú þúsund stiga múrinn hefur
Aurasálin varað við því að
óraunhæfur æsingur hefði grip-
ið um sig á fjármálamörkuðum
og hrun væri yfirvofandi.

Úrvalsvísitalan er komin niður
fyrir sex þúsund!

Nú er spádómurinn að rætast: Sól
tér sortna, sígur markaður í
mar, hverfa af himnir heiðar
stjörnur. Geisar krónan við ald-
urnara, leikur hár hiti við
Seðlabanka sjálfan.

Þetta skilja þeir fáir í
Kauphöllinni, enda halda þeir
flestir að Völuspá sé eitthvað
sem er birt í Vikunni í desem-
ber. En þeir skilja rauðu tölurn-
ar á skjánum og þekkja muninn
á því þegar línan fer upp og
þegar hún fer niður. Og nú fer
hún niður og bónusarnir líka.
Nú eru þeir allir hættir að
panta Cayenne á Ebay og farnir
að telja saman hvort þeir eigi
fyrir bæði afborgunum og bens-
íni út árið. Sic transit gloria
mundi.

En eins og ítrekað hefur komið
fram í þessum pistlum þá
stendur Aurasálin óhögguð
þrátt fyrir ágjöf á markaðinum.
Hún hefur aldrei trúað á fjár-
málageirann og keypti hvorki
jeppa né land í hinni svokölluðu
uppsveiflu síðustu ára.
Aurasálin er nákvæmlega jafn-
blönk og hún hefur alltaf verið
– en hún þarf þó ekki að grenja
yfir því að hagur hennar hafi
versnað. Í huga Aurasálarinnar
er hin stöðuga og þögla eymd
betri heldur en stöðugar sveifl-
ur ofsakætis og vonleysis.

Stöðugleiki er það ástand sem
Aurasálin kann best. Breytingar
eru sjaldnast til góða og gildir
þá einu um hvort þær eru góðar
eða slæmar. Þetta gildir um
hlutabréfaverð eins og annað.
Þess vegna vill Aurasálin helst
kaupa hlutabréf sem halda
nákvæmlega gildi sínu þannig
að hægt sé að ganga að þeim
vísum en þurfa ekki að velta
fyrir sér pirrandi hækkunum
eða lækkunum. Hvað stoðar það
manninn að eignast milljónir í
pappírshagnaði en fyrirgjöra
sálarró sinni?

Nei – það er ekki á vísan að róa í
Kauphöll Íslands. Sum árin tvö-
faldast bréfin en stundum
hækka þau bara um 50 prósent.
Þessi íslenski markaður er óút-
reiknanlegur.
Hvað kostar
sálarró?