Fréttablaðið - 24.04.2006, Síða 60

24. apríl 2006 MÁNUDAGUR40
Um 150.000 lesendur
Leitin hefst hér!
– mest lesna fasteignablaðið
Þú finnur allar nýjustu fasteignirnar í Allt – fasteignum sem
fylgir frítt með Fréttablaðinu alla mánudaga.
Ekki missa af mest lesna fasteignablaðinu í vikubyrjun!
Allar eignir eru skráðar á visir.is svo þú getur fylgst með
fasteignamarkaðnum jafnóðum!
Fasteignaverð á Akranesi er
hærra en í Árborg og á Akur-
eyri.
Meðalupphæð í þeim fasteigna-
samningum sem gerðir voru á
Akranesi í mars síðastliðnum var
27,9 milljónir króna, á Árborgar-
svæðinu var meðalupphæð 22
milljónir og á Akureyri 20 millj-
ónir. Þó var hlutfall fjölbýlisíbúða
mun hærra á Akranesi en á hinum
stöðunum. Þetta kemur fram
þegar borið er saman verð á seld-
um eignum á þessum þremur
svæðum í mars, samkvæmt vef
Fasteignamats ríkisins.
Samtals var 44 kaupsamning-
um þinglýst á Akranesi í mars,
þar af voru 36 um eignir í fjölbýli
en sjö um eignir í sérbýli. Á sama
tíma var þinglýst 79 samningum
á Akureyri, 46 um eignir í fjölbýli
og 25 í sérbýli og á Árborgar-
svæðinu voru samningarnir 62,
tólf þeirra voru um eignir í fjöl-
býli og 41 samningur um eignir í
sérbýli.
Dýrast á
Akranesi
Akranes er vinsælt íbúðasvæði.
Foldaskóli var sannkallaður frum-
byggjaskóli í þá nýrisnu Grafarvogs-
hverfi. Skólastarf hófst árið 1985 í
hálfkláruðu skólahúsnæði og var
jafn algengt að sjá iðnaðarmenn á
vappi á göngum skólans og kennara.
Eins og vill verða í nýjum hverfum
fylltust allar götur af smáfólki. Nem-
endum í skólanum fjölgaði því mjög
hratt og árið 1990 voru þeir orðnir
1.200 talsins. Þá er meðtalið útibú
í Hamrahverfi. Í dag eru nemendur
520.
Skólahúsnæðið er að grunninum til
þrjár byggingar með tengibyggingum
sín á milli. Fyrsta áfanga lauk árið
1991 en 10 árum síðar var tekin
fyrsta skóflustunga að næsta áfanga.
2002 voru teknar í notkun nýjar
sérkennslustofur auk íþróttahúss. Á
sama tíma varð skólinn einsetinn.
Skólahljómsveit Grafarvogs og
Tónskóli Grunnskóla í Grafarvogi
eiga aðsetur sitt í Foldaskóla og ÍTR
rekur frístundaheimilið Regnboga-
land og félagsmiðstöðina Fjörgyn í
skólanum.
Árið 1993 var komið fyrir útilistaverki
á hringtorgi skólans. Verkið er eftir
Örn Þorsteinsson og heitir Foldagná.
FOLDASKÓLI
FRÉTTABLAÐIÐ/GVA
Það er ekki oft sem draumarnir rætast. Það gerist þó og í tilfelli Hörpu Melsted
handknattleikskonu, rættist hann snemma. Draumahúsið hennar er engin höll,
þvert á móti. Draumahúsið hennar er einbýlishús sem nú rís í nýju hverfi á
Völlunum í Hafnafirði.
Framkvæmdir eru ekki langt komnar. „Það er búið að grafa holuna og teikna
húsið,“ segir Harpa og hlær. „Þetta er nýtískuhús í fönky stíl.“
Húsið er að sögn Hörpu lítið og sætt einbýlishús á einni hæð. Flatt þak og
gluggar sem ná niður í gólf eru meðal þess sem húsið prýðir. Garðurinn sem
umlykur húsið er ekki stór enda algjör óþarfi að hafa of mikið gras að slá. Það
kemur reyndar á óvart að ekki er gert ráð fyrir handboltavelli á teikningunum.
Þar kann staðsetningin að ráða einhverju um, en það er stutt á Ásvelli.
Harpa telur að ráðist verði í að byggja einhvern tímann í haust. Hún ætlar
að vera fljót að henda upp húsinu og vonast til að vera komin inn fyrir áramót.
Fréttablaðið óskar Hörpu góðs gengis í þessu hraðaupphlaupi.
DRAUMAHÚSIÐ MITT: HARPA MELSTED HANDKNATTLEIKSKONA
Er innan seilingar
Harpa Melsted byggir nú sitt
draumahús í Hafnafirði.
FRÉTTABLAÐIÐ/STEFÁN
SELDAR EIGNIR Á
HÖFUÐBORGARSVÆÐINU*
*þinglýstir kaupsamningar, heimild Fasteignamat ríkisisins.
300
250
200
150
100
50
0
FJÖLDI
3/3-
9/3
179
10/3-
16/3
214
17/3-
23/3
190
24/3-
30/3
214
31/3-
6/4
207
7/4-
11/4
114