Fréttablaðið - 24.04.2006, Page 78

24. apríl 2006 MÁNUDAGUR38
1
6 7 8
10
13
119
12
15
16
18
21
20
17
14
19
2 3 4 5
Besta hryllingsmynd allra tíma að mati
Úlfhildar Dagsdóttur bókmenntafræð-
ings er Alien sem var gefin út árið 1979.
Hún segir að í myndinni séu gotnesk
áhrif sett í nútímabúning í öflugri
vísindaskáldsögu. „Þetta er hrollvekja
þar sem uppspretta hryllingsins er bæði
utanaðkomandi og býr líka hið innra.
Hún slær þarna tvær flugur í einu höggi
því yfirleitt er það bara annað hvort
sem er í hryllingsmyndum en ekki hvort
tveggja,“ segir Úlfhildur.
„Það sama á við um kynferðislegu
undirtónana sem eru í öllum hryllings-
myndum. Þarna nást þessir tvöföldu
kvenlegu og karlmannlegu kynferðis-
legu undirtónar. Bæði er þarna vagina
dentata og síðan er myndin fallísk
líka þar sem litli hausinn skýst út úr
líkamanum og er táknmynd karlmanns-
limsins. Þetta er mjög smart sameining,“
segir hún.
Úlfhildur bætir því við að hlutverk
Sigourney Weaver sem Ripley sé mjög
öflugt. „Hún er gífurlega gott dæmi
um þessa sterku kvenhetju sem fer að
birtast í hrollvekjum undir lok áttunda
áratugarins sem er talin hafa byrjað
með Halloween en Alien fylgir þar fast
á eftir.“
Að sögn Úlfhildar eru framhalds-
myndir Alien hver annarri betri en fjórða
myndin, Alien Resurrection, komist næst
fyrstu myndinni í gæðum hvað varðar
hryllinginn.
SÉRFRÆÐINGURINN ÚLFHILDUR DAGSDÓTTIR: BESTA HRYLLINGSMYND ALLRA TÍMA
Alien slær tvær flugur í einu höggi
RIPLEY Sigourney Weaver í hlutverk Ripley í
Alien Resurrection.
ÚLFHILDUR DAGSDÓTTIR Úlfhildur er hrifin
af kvikmyndinni Alien sem kom út árið
1979.
Bassaleikarinn Árni Egilsson er
nú staddur hér á landi en hann
hefur síðastliðin 36 ár unnið fyrir
helstu tónlistarhöfunda Holly-
wood. Árni hefur verið búsettur í
Los Angeles síðan 1961 þar sem
hann hefur leikið inn á plötur,
kvikmyndir og sjónvarpsefni.
„Eftir að ég mætti á nítjándu
óskarsverðlaunahátíðina þá ákvað
ég að það væri kominn tími til
þess að hætta enda er ég kominn á
aldur,“ segir Árni sem er þó síður
en svo sestur í helgan stein. Hann
er nú á tónleikaferð um landið
með hljómsveitinni Útlendinga-
hersveitinni sem er skipuð fimm
gamalkunnum djasstónlistar-
mönnum og þegar þeirri reisu
lýkur heldur hann til Þýskalands
þar sem er verið að taka upp tvær
plötur með tónlist eftir hann sjálf-
an.
Árni hefur plokkað bassann í
meira en 2000 kvikmyndum um
dagana þar á meðal í stórmyndunum
Indiana Jones og Titanic. „Þegar
ég var að byrja í þessum bransa
þóttu kvikmyndirnar vera toppur-
inn fyrir tónlistarfólk og pening-
arnir lágu einnig þar,“ segir Árni
sem hefur átt afar farsælan feril í
bransanum. „Hver kvikmynd er
manns síðasta verkefni því ef þú
stendur þig ekki vel þá færðu ekki
annað verkefni. Það er mikil sam-
keppni í þessum bransa og geri
maður mistök er annar maður
settur í manns stað,“ segir Árni.
Spurður hvort hann hafi þá aldrei
gert mistök fyrst hann hafi enst í
bransanum svona lengi svarar
hann hlæjandi að kúnstin sé að
gera mistök án þess að upp um þau
komist. Árni veit ekki til þess að
annar Íslendingur, hvað þá annar
Norðurlandabúi, hafi unnið svona
mikið við tónlist Hollywood-kvik-
myndanna, en hann hefur spilað
fyrsta bassa hjá öllum stærstu
kvikmyndatónskáldunum vestan-
hafs. Ekki segist Árni þó safna
þessum myndum sem hann hefur
leikið inn á enda um gríðarlegt
magn að ræða. „Maður nennir
hvorki að horfa né hlusta á þetta í
frítímanum,“ segir Árni og hlær
enda hefur hann nóg annað að
gera. Þess má geta að tónleikar
Útlendingahersveitarinnar verða
væntanlega gefnir út á geisladisk
og sveitin mun einnig spila á Djass-
hátíð Reykjavíkur í haust. - snæ
ÁRNI EGILSSON BASSALEIKARI: Á AÐ BAKI FARSÆLAN STARFSFERIL
36 ár í Hollywoodmyndunum
FLOTTUR FYRSTI BASSI Árni hefur þanið bassann í stórmyndum á borð við Titanic og Indiana Jones. Hann hefur nú sagt skilið við Holly-
wood-bransann eftir 36 ár og er nú á tónleikaferð um landið með hljómsveitinni Útlendingahersveitinni. FRÉTTABLAÐIÐ/ANTON BRINK
FRÉTTIR AF FÓLKI
Þegar einn þáttur er eftir af Bikiním-ódeli Íslands á sjónvarpsstöðinni
Sirkus er ljóst að Ósk Norðfjörð mun
hampa titlinum Bikinímódel Íslands
2006. Ósk er enginn byrjandi í fyrir-
sætubransanum og ekki er loku fyrir
það skotið að aldur hennar og reynsla
hafi riðið baggamuninn en hún hefur
nokkur ár á flestar stúlkurnar sem öttu
kappi við hana. Sagan er þó víst ekki öll
sögð og einhver vandamál hafa komið
upp í herbúðum bíkínimódelanna og
þannig er alls ekki víst að Ósk muni
komast til Las Vegas og keppa í Miss
Hawaiian Tropic International en sú
vegsemd átti að fylgja sigrinum hér
heima. Kunnugir spá því æsispennandi
lokaþætti á miðvikudaginn
en þá kemur í ljós hvort
Ósk kemst alla leið eða
hvort hún neyðist til að
gefa sigurlaunin frá sér
og þá hvers vegna.
Komist Ósk ekki til
Las Vegas kemur
það í hlut Rakelar
Gunnarsdóttur að
fylla skarð aldursfor-
seta keppninnar.
Stelpurnar í Nylon hafa lagt undir sig sérstakt svæði á vefnum www.
minnsirkus.is þar sem þær munu
setja inn myndir frá frægðarför sinni
til Englands þar sem þær hita nú upp
fyrir Westlife í heilmikilli tónleikaferð
sveitarinnar. Stúlkurnar munu einnig
blogga um ævintýri sín með Mestlife
þannig að það má búast við ferskum
fréttum af Nylon-hópnum á minnsirkus.
is á næstu vikum. Slóðin á ferðafram-
haldssöguna er minnsirkus/nylon og þar
munu aðdáendur geta fylgst með gangi
mála. Þeir sem eru með eigin síður á
Minnsirkus fá einnig aðgang að ýmiss
konar aukafréttum og upplýsingum.
Þá mun einhver heppinn meðlimur
Nylon-samfélagsins á Minnsirkus vinna
flug, gistingu og miða fyrir tvo á tónleika
þeirra á Wembley þann 19. maí.
��������
�� �� ��� ��� ���
��� �� ��� ��� ������
��� ��� ��
�� �� �� �� �
�� �� �� �� �
���������
�����������������������
�������������
������������������������������
��
���������
�����������
��������������
���� ���������
�������������������������
LÁRÉTT
2 ryk 6 karlkyn 8 dýrahljóð 9 angan
11 tveir eins 12 nuddast 14 fellinga
16 tveir eins 17 kjaftur 18 for 20 í
röð 21 krukka.
LÓÐRÉTT
1 birta 3 tveir eins 4 fregnir 5 viður 7
félag 10 sjór 13 dæling 15 svara 16
hryggur 19 óreiða.
LAUSN
LÁRÉTT: 2 duft, 6 kk, 8 urr, 9 ilm, 11
éé, 12 núast, 14 brota, 16 bb, 17 gin,
18 aur, 20 rs, 21 krús.
LÓÐRÉTT: 1 skin, 3 uu, 4 fréttir, 5 tré,
7 klúbbur, 10 mar, 13 sog, 15 ansa, 16
bak, 19 rú.
Blái hnötturinn, leikverk eftir
Andra Snæ Magnason, var nýlega
sett upp í alþjóðlegum skóla í
Islamabad í Pakistan. Leikritið
hlaut á sýnum tíma þriðju verð-
laun í leikritasamkeppni Þjóðleik-
hússins og var sett á fjalirnar þar
árið 2001, en samnefnd bók Andra
hlaut Íslensku bókmenntaverð-
launin árið 2000. Frá þeim tíma
hafa bókin og leikgerðin verið
þýddar á 18 tungumál og verkið
hefur verið sett upp í nokkrum
löndum og má þar telja Þýskaland,
Kanada og Bretland. Andri Snær
segir að fyrir tveimur árum hafi
íslenski sendiráðspresturinn í
London fengið handritið í hend-
urnar og það hafi síðan endað í
leiklestri í leikhúsi í London. Þar
hafi einhver sem tengdist Pakistan
hlustað á lesturinn og þannig kom
það til að verkið var sett upp á
skólasýningu í Pakistan. „Það er
gaman að sjá hvernig áhuginn á
verkinu smitast um heiminn, án
þess að maður þurfi að hafa mikið
fyrir því,“ segir Andri og bendir á
að í haust muni Blái hnötturinn
koma út á þýsku og finnsku.
Blái hnötturinn er spennandi
ævintýri sem fjallar um villibörn
á Bláa hnettinum. Börnin eru
algerlega frjáls og halda að lífið
geti ekki orðið fallegra og
skemmtilegra. En þegar
geimskrímsli lendir á hnettinum
og kennir börnunum að fljúga fara
ævintýrin fyrst að gerast. „Af
myndunum sem ég hef fengið úr
sýningunni í Pakistan þá virðist
hún hafa verið mjög metnaðar-
full,“ segir Andri Snær ánægður
með það að söguþráður verksins
skuli falla börnum víðs vegar um
heiminn svona vel í geð. „Það
þurfti reyndar að fresta sýningu
verksins í mánuð þar sem Bush
kom í heimsókn til landsins en
þetta hefur annars greinilega bara
gengið vel hjá þeim,“segir Andri
Snær. - snæ
Blái hnötturinn á svið í Pakistan
AUGLÝSINGAPLAKATIÐ Krakkarnir bjuggu
sjálfir til myndina á auglýsingaplakatið.
FRÁ SÝNINGUNNI Í PAKISTAN Sýningin var greinilega mjög metnaðarfull og falleg. Þess má
geta að Blái hnötturinn er væntanlegur á fjalirnar í Finnlandi í haust.
HRÓSIÐ
... fær sópransöngkonan Kather-
ine Jenkins fyrir að átta sig á
hæfileikum Garðars Thors Cortes
og bjóða honum að syngja með
sér á tónleikaferð sinni um
Bretland í haust.
1 Árni Þór Sigurðsson
2 Mígreni
3 Jawad al-Maliki
SVÖR VIÐ VEISTU SVARIÐ