Fréttablaðið - 07.05.2006, Qupperneq 2
2 7. maí 2006 SUNNUDAGUR
Bílvelta Ölvaður ökumaður hlaut
minniháttar meiðsli þegar hann velti
bíl sínum út af Vesturlandsvegi á móts
við Bóndholt í gærmorgun. Að sögn
lögreglu var bíllinn óökufær eftir slysið.
Sjö teknir Lögreglan í Keflavík stöðv-
aði þrjá ökumenn í gær sem voru ekki
með beltin spennt. Tveir ökumenn voru
kærðir fyrir að tala í farsíma undir stýri
og tveir ökumenn kærðir fyrir of hraðan
akstur, sá er hraðar ók var mældur á 121
kílómetra hraða.
LÖGREGLUFRÉTTIR
LÖGREGLUMÁL Fimm voru teknir
með fíkniefni í fórum sínum á
Akureyri frá því um miðjan dag á
föstudag fram til hádegis í gær.
Að sögn lögreglu var um að ræða
minniháttar magn af amfetamíni
og hassi til eigin neyslu. Um var
að ræða svokallaða góðkunningja
lögreglunnar.
Einnig voru fjörutíu og fimm
ökumenn teknir fyrir of hraðan
akstur innan og utan bæjarmarka
Akureyrar. Að sögn varðstjóra hjá
lögreglunni nyrðra mældist sá sem
hraðast ók á 122 kílómetra hraða á
klukkustund. Nú fer í hönd tími
þar sem mikið er um hraðakstur og
því er lögregla vel á verði. - shá
Lögreglan á Akureyri:
Fimm teknir
með fíkniefni
RÚSSLAND, AP Breski göngugarp-
urinn Karl Bushby og bandarískur
félagi hans, Dimitry Kieffer, geta
haldið áfram göngu sinni umhverf-
is jörðina. Þeir þurfa að greiða
sekt fyrir að fara ólöglega inn í
Rússland frá Alaska yfir ísi lagt
Beringsund í vetur, en þeir verða
ekki reknir úr landi.
Héraðsdómstóll í Rússlandi
felldi niður úrskurð um að þeir
skyldu reknir úr landi og fengju
ekki að koma til Rússlands í fimm
ár. Þótt þeir hafi komið ólöglega
inn í landið sagði dómstóllinn
engin rök vera fyrir því að þeir
hefðu haft eitthvað illt í huga. - gb
Göngugarpar í Rússlandi:
Verða ekki
reknir úr landi
ALDRAÐIR Aldraðir Íslendingar, 67
ára og eldri, eiga tæplega 500
milljarða króna í eignum ef marka
má upplýsingar sem koma fram í
framtölum hjóna og einhleypinga.
Eignirnar felast einkum í fast-
eignum eða sem nemur tæplega
300 milljörðum samkvæmt fast-
eignamati og innstæðum á bönk-
um sem nemur tæpum 86 millj-
örðum króna. Aldraðir eiga einnig
fé í ökutækjum sem samsvarar
20,5 milljörðum króna. Þar er ekki
tekið tillit til markaðsverðs.
Hlutabréfaeign aldraðra nemur
11,2 milljörðum króna. Rétt er að
taka fram að virði hlutabréfaeign-
arinnar er reiknuð á nafnverði og
gefur ekki rétta mynd af markaðs-
verði. Þar getur því verið um van-
mat að ræða.
Stór hluti af eignum
aldraðra felst einnig í eign-
arskattfrjálsum verðbréf-
um að verðmæti um 28,7
milljarðar króna. Annar
stór eignaliður felst í verð-
bréfum og útistandandi
skuldum eða sem svarar
26,8 milljörðum króna.
Aldraðir voru með sam-
tals tæplega 69 milljarða í
laun árið 2005. Stærstu liðirnir í
því eru laun og starfstengdar
greiðslur að fjárhæð yfir 19 millj-
arðar króna. Þessi liður er lang-
stærstur hjá yngsta fólkinu, sér-
staklega þeim sem fæddir eru
1935-1939.
Greiðslur úr lífeyrissjóðum
námu 24,2 milljörðum króna sam-
kvæmt framtölum 2005 og greiðsl-
ur frá Tryggingastofnun ríkisins
námu 19,7 milljörðum króna.
Aldraðir, 67 ára og
eldri, voru rúmlega 38
þúsund talsins árið 2005,
þar af um 15.500 einhleyp-
ingar. Ef um hjón er að
ræða er farið eftir fæðing-
arári þess maka sem er
eldri.
Ólafur Ólafsson, for-
maður Landssamtaka eldri
borgara, segir að það séu
margir forríkir eldri borgarar til
en ekki megi gleyma því að nærri
þrjátíu prósent þeirra sem eru
veikir og aldraðir eigi ekki íbúðir
samkvæmt könnunum heilbrigðis-
ráðuneytisins. Það hafi einnig
komið skýrt fram að kaupmáttur
láglaunafólks og margra ellilífs-
eyrisþega hafi aukist minna en
annarra.
„Ef meðaltalið er skoðað eru
það tiltölulega fáir sem eiga mikl-
ar eignir þannig að dreifingin
verður skekkt. Við erum að berj-
ast fyrir þá sem eru með 110-120
þúsund á mánuði. Það eru um 30
prósent lífeyrisþega.“ segir hann.
ghs@frettabladid.is
ÓLAFUR ÓLAFSSON
Aldraðir eiga 500
milljarða í eignum
Aldraðir Íslendingar eiga tæpa 500 milljarða í eignum og eru með tæpa 69 millj-
arða í laun, samkvæmt framtölum 2005. Formaður Landssamtaka eldri borgara
segir að margir vellríkir séu meðal aldraðra og það sé ekkert nýtt.
EIGNIR OG TEKJUR ALDRAÐRA 2005
milljarðar
Eignir alls 500
Fasteignir 300
Bankainnistæður 86
Ökutæki 20,5
Hlutabréf 11,2
Eignarskattfrjáls verðbréf 28,7
Verðbréf og útistandandi skuldir 26,8
Laun 69
Laun og starfstengdar greiðslur 19
Lífeyrissjóðir 24,2
TR 19,7
AFGANISTAN, AP Herþyrla hrapaði í
austurhluta Afganistans á föstu-
dag. Tíu bandarískir hermenn
voru um borð og létust þeir allir
að sögn talskonu Bandaríkjahers.
Hermennirnir voru í sendiför
vegna aðgerða til að uppræta
starfsemi vígamanna Talíbana og
al-Kaída við landamæri Pakistans.
Rúmlega 20.000 manna herlið er
staðsett í vestur- og suðurhluta
Afganistans.
Málið er í rannsókn. Eins og er
bendir ekkert til annars en að um
slys hafi verið að ræða. - sdg
Þyrla hrapaði í Afganistan:
Tíu bandarískir
hermenn fórust
ÍRAK, AP Óeirðir brutust út í borg-
inni í Basra í Írak í gær þegar
bresk herþyrla var skotin niður
með eldflaugaskeyti. Allir fjórir í
áhöfn þyrlunnar létust að sögn
lögregluyfirvalda á staðnum en
enginn á jörðu niðri.
Þyrlan lenti á húsi í miðri borg-
inni og mikill fjöldi Íraka þusti að
brakinu. Mannfjöldinn fagnaði
ákaft þegar þykkur reykjarstrók-
ur stóð upp af þyrlubrakinu og er
talið að um 250 manns hafi verið á
staðnum. Fólkið kastaði grjóti að
breskum hermönnum sem komu á
vettvang og girtu af svæðið.
Kveikt var í þremur brynvörðum
farartækjum hermanna með bens-
ínsprengjum að sögn vitna. Bresk-
ir hermenn skutu af vopnum
sínum upp í loftið til að reyna að
dreifa mannfjöldanum.
Fréttastofan Al-Jazeera og
írösk ríkissjónvarpstöð voru með
myndatökulið á staðnum og sendu
út atburðinn út beint.
Til skotbardaga kom milli
breskra hermanna og vopnaðra
vígamanna og létust fjórir í átök-
unum að sögn lögreglu. Basra er í
suðurhluta Írak en minna hefur
verið um ofbeldi á því svæði held-
ur en í höfuðborginni Bagdad og
vesturhluta Íraks þar sem mikið
hefur verið um árásir gegn borg-
urum, lögreglu og her. - sdg
BRESKIR HERMENN SKÝLA SÉR MILLI FAR-
ARTÆKJA Hópur af Írökum lét grjóti rigna
yfir breska hermenn sem girtu af svæðið
kringum þyrlubrakið. FRÉTTABLAÐIÐ/AP
Óeirðir í borginni Basra í suðurhluta Íraks í gær:
Bresk herþyrla skotin niður
ELDRI BORGARAR Aldraðir voru með tæplega 69 milljarða í laun á síðasta ári. Ólafur
Ólafsson segir að þótt til séu margir forríkir eldri borgarar megi ekki gleyma því að nærri
þriðjungur þeirra eigi ekki íbúð. MYNDIN ER ÚR SAFNI
GAZASTRÖNDIN, AP Hundruð Palest-
ínumanna lögðu niður vinnu og
mótmæltu á Vesturbakkanum og
Gazaströndinni í gær til að krefj-
ast launa sem þeir eiga inni hjá
stjórnvöldum í Palestínu. Þetta
eru fyrstu merki um óánægju
almennings með vaxandi efna-
hagskreppu ríkisstjórnar Hamas-
samtakanna.
Evrópusambandið og Banda-
ríkin hættu fjárstuðningi við Pal-
estínu eftir að Hamas-samtökin
náðu þar völdum, vegna stefnu
þeirra um eyðingu Ísraelsríkis
sem þeir neita að hverfa frá. Ekki
hefur reynst unnt að greiða um
165.000 ríkisstarfsmönnum laun
síðustu tvo mánuði. - sdg
Mótmæli í Palestínu:
Krefjast van-
goldinna launa
MÓTMÆLAGANGA Gagnrýna stjórnvöld
vegna efnahagskreppunnar og niðurfell-
ingu fjárstuðnings frá vestrænum ríkjum.
FRÉTTABLAÐIÐ/AP
FJÖLMIÐLAR Skíðasamband Íslands
gagnrýnir harðlega frétt DV í gær
en þar var fjallað um smygl á 140
grömmum af kókaíni en birt mynd
af Elsu Guðrúnu Jónsdóttur,
Íslandsmeistara í skíðagöngu,
með fréttinni þrátt fyrir að hún
tengist ekki málinu.
„Við erum mjög svekktir yfir
því að vinnubrögðin skyldu ekki
vera betri en þetta og með þessum
hörmulegu afleiðingum,“ segir
Friðrik Einarsson, fyrrverandi
formaður sambandsins, en hann
lét af formennsku í gær.
„Svo erum við óánægðir með
það að sagt var í fréttinni að skíða-
kona skuli hafa smyglað inn fíkni-
efnum en þessi kona hefur ekki
stundað skíði í þrjú ár. Samkvæmt
þessu ættu þá nær allir Íslending-
ar að vera skíðamenn eða konur.
Þetta teljum við vera aðför að
skíðahreyfingunni.“
„Við hörmum þessi alvarlegu
mistök innilega,“ segir Páll Bald-
vin Baldvinsson, ritstjóri DV.
Hann segir að blaðamaður hafi
haft samband við Elsu Guðrúnu
og beðist velvirðingar á mistökun-
um.
„Þetta kallar á endurskoðun á
reglum um vinnslu blaðsins,“
bætir hann við. Mistökin urðu
með þeim hætti að myndin af Elsu
Guðrúnu birtist þegar nafn stúlk-
unnar sem fréttin fjallar um var
slegið inn á leitarvef.
„Við munum leiðrétta þetta en
þar sem næsta blað kemur ekki út
fyrr en um næstu helgi fögnum
við því að hafa getað komið leið-
réttingunni á framfæri í öðrum
fjölmiðlum,“ segir hann.
Hann segir að notað hafi verið
orðið skíðakona þar sem viðkom-
andi var þekkt fyrir afrek sín á
þeim vettvangi en þvertekur ekki
fyrir gagnrýni Friðriks. - jse
Skíðasamband Íslands gagnrýnir fréttaflutning DV harðlega:
Ritstjóri DV harmar mistök
PÁLL BALDVIN BALDVINSSON RITSTJÓRI
DV Páll segist harma mistökin og að þau
munu kalla á endurskoðun á reglum um
vinnslu blaðsins. Haft var samband við Elsu
Guðrúnu og hún beðin velvirðingar.
SKIPULAGSMÁL Fulltrúar minni-
hlutans í bæjarstjórn Garðabæjar
hafa lagt fram þá tillögu að bær-
inn kaupi sig út úr samningnum
sem gerður var við eignarhaldsfé-
lagið Klasa um uppbyggingu mið-
bæjarins.
Tillagan var send til bæjar-
ráðs. „Við teljum að eignarhalds-
félagið hafi fyrst og fremst áhuga
á að fá lóðir fyrir íbúðarblokkir
en ekki fyrir starfsemi í mið-
kjarna bæjarins,“ segir Sigurlaug
Garðarsdóttir ein af flutnings-
mönnum tillögunnar. - jse
Miðbæjarskipulag í Garðabæ:
Vilja hætta við
SPURNING DAGSINS?
Aðalheiður, er mikið álag á
þér?
Já, það liggja mörg álög á mér.
Aðalheiður Guðmundsdóttir íslenskufræð-
ingur hélt fyrirlestur um álög á málþinginu
Einu sinni var... sem Félag þjóðfræðinga
hélt í gær.