Fréttablaðið - 16.05.2006, Side 42

■■■■ { útskrift 2006 } ■■■■■■■■■■■■■
Það var létt yfir Vali Gunnarssyni
þegar blaðamaður hitti á hann þar
sem hann var að læra fyrir próf í
Kennaraháskólanum. Hann er nú
að ljúka við þriggja ára nám sitt í
skólanum. „Fyrsta árið byrja allir á
almennri braut en strax á öðru ári á
að velja sér kjörsvið. Ég er að klára
grunnskólabrautina með íslenskuna
sem aðalkjörsvið og svo valdi ég
upplýsingatækni sem aukakjörsvið.
Þetta er níutíu eininga nám, maður
tekur þrjátíu einingar á ári og því
tekur þetta þrjú ár í heildina og
ég er einmitt að klára þetta núna,“
sagði Valur.
Kennarinn hefur þó ekki blund-
að í Vali alla tíð þó að móðir hans
starfi sem kennari. „Ég tók þessa
ákvörðun á lokaári mínu í Fjöl-
brautaskólanum í Breiðholti. Þetta
heillaði mig og það er gott að hafa
kennaragráðu upp á framtíðina þar
sem það vantar alltaf kennara. Ég
lenti í mjög góðum bekk, það er
ekki mikið um karlmenn í skólanum
en á fyrsta árinu voru nítján karl-
menn og þar af níu í mínum bekk
en það voru fimm bekkir. Það voru
allt einstaklega vel hannaðir strák-
ar og skemmtilegir og við höfum
haldið hópinn.“
Valur segir að námið hafi verið
nokkuð skemmtilegt. „Þetta er nátt-
úrlega samt bara nám og sumir
áfangar eru ekki skemmtilegir eins
og gengur og gerist, aðrir eru hins
vegar hagnýtir og skemmtilegir,“
sagði Valur sem stefnir á áfram-
haldandi nám og ætlar í íslensku
í háskólanum. „Svo langar mig að
læra kvikmyndafræði og ætla líka
í hana. Það eru fjölmargir sem
fara beint að kenna og þar á meðal
nokkrir af mínum nánustu vinum úr
skólanum. Ég ákvað hins vegar að
bíða aðeins enda er ég bara 24 ára
meðan strákarnir í kringum mann
eru komnir nær þrítugu. Ég ætla
hins vegar í meira nám og sjá svo
til eftir eitt til tvö ár,“ sagði Valur.
Hann segir að það sé ekki alveg
klárt hvort hann verði kennari en
segir líkurnar á því meiri en minni,
hvort sem það verði í grunnskóla
eða framhaldsskóla. „Ég hef mjög
gaman af því að vinna með ungu
fólki, ég var að vinna á leikjanám-
skeiði en ef ég fer að kenna stefni
ég frekar á að gera það í unglinga-
deild,“ segir Valur. Með námi hefur
hann verið að taka helgarvaktir
í íþróttahúsinu í Austurbergi og
þá er hann á fullu í íþróttum en
hann spilar sem markvörður hjá 1.
deildarliði Leiknis í Breiðholtinu.
Valur ætlar að halda upp á
útskriftina með því að halda veg-
lega veislu fyrir vini og vandamenn
en hann ætlar þó ekkert að kaupa
sér ný föt sérstaklega fyrir það til-
efni. „Ég á stórglæsileg jakkaföt
sem ég ætla að nota,“ sagði Valur
Gunnarsson.
Ætlar ekki
beint að kenna
Valur Gunnarsson er að útskrifast úr Kennaraháskóla Ís-
lands en hann ætlar þó ekki að demba sér beint í kennsl-
una heldur hyggur hann á áframhaldandi nám.
Valur Gunnarsson hefur gaman af því að starfa í kringum ungt fólk.
FRÉTTABLAÐIÐ/HÖRÐUR
Námsráðgjafar og kennarar skólans verða til viðtals og
geta nemendur innritað sig á staðnum.
Nemendur kynna félagslífið í máli og myndum.
Gestir geta skoðað húsakynni skólans.
Léttar veitingar.
Nánari upplýsingar á www.verslo.is og á skrifstofu
skólans í síma 5 900 600.
•
•
•
•
•
Umsóknarfrestur er til kl. 24:00
mánudaginn 12. júní
http://kynning.verslo.is