Fréttablaðið - 16.05.2006, Side 54

16. maí 2006 ÞRIÐJUDAGUR22
Glæsibæ / Álfheimum 74 / 104 Reykjavík / sími 540-2200 / www.masterbill.is
lager innfl uttur í dag OKKAR VERÐ mismunur
3 stk. 4.890.000 3.690.000 1.200.000
5 stk. 5.450.000 4.190.000 1.260.000
1 stk. 5.190.000 4.290.000 900.000
2 stk. 6.150.000 4.490.000 1.660.000
1 stk. 4.190.000 2.990.000 1.200.000
C 200 KOMPR.
C 240
C 240 Wagon
C 320
C 200 Coupe
Nýir Mercedes Benz ef tirársbílar
birt með fyrirvara á prentvillum
2
4
Seldir
Seldur
Næsta þriðjudag 16. maí bjóða
AFA - Aðstandendafélag aldraðra
og Landsamband eldri borgara til
Þjóðfundar í Háskólabíói undir
slagorðinu Þjóðarátak um úrbæt-
ur í málum aldraðra. Stefán Ólafs-
son prófessor í félagsvísindum
mun flytja erindi um „Lífskjör
aldraðra á Íslandi“. Ragnar Aðal-
steinsson hrl. mun í framhaldi
stýra fundinum og beina fyrir-
spurnum til pallborðs. Við höfum
stefnt völdum einstaklingum
saman til að leita lausna, ryðja úr
vegi hindrunum og hrinda í fram-
kvæmd þjóðarátaki um úrbætur í
málum aldraðra. Það þarf þjóðar-
sátt um þetta átak. Þjóðin þarf öll
á því að halda, ekki bara eldri
borgarar og aðstandendur þeirra.
AFA - Aðstandendafélag aldr-
aðra var stofnað þann 26. mars sl.
í þeim tilgangi að þrýsta á stjórn-
völd um úrbætur fyrir aldraða,
strax í dag. Á stofnfundinum var
húsfyllir og það þurfum við að
endurtaka í Háskólabíói á þriðju-
daginn kemur. Á fundinum mun
landsmönnum gefast kjörið tæki-
færi til að hlýða á vísindalegar
staðreyndir um lífskjör aldraðra á
Íslandi í dag. Hvert stefnir íslenskt
þjóðfélag í velferðarmálum? Verð-
ur Ísland velferðarþjóðfélag eftir
20 ár ef við höldum áfram á þess-
ari braut skerðinga og skattlagn-
inga á lífeyri og grunnframfærslu
almannatrygginga? Verður milli-
stríðskynslóðin sem byggði upp
velferðar- og velmegunarsamfélg-
ið sem við hinir yngri njótum í
dag, „jörðuð“ af stjórnvöldum sem
þurfalingar án þeirrar viðurkenn-
ingar og virðingar sem hún á skil-
ið? Á heimasíðu AFA, hjaafa.is, er
að finna stefnu félagsins en hana
má draga saman í þrjú orð: lífs-
kjör, búseta og umönnun.
Sjálfstæð búseta sem lengst
Í heilbrigðisáætlun til ársins 2010
er lagt til að heilsueflandi aðgerðir
verði auknar svo allir geti búið sem
lengst heima. En eins og við vi and-
endur og aldraðir virðast ekki
treysta á að fá heimaþjónustu og
hafa sagt í mín eyru: „Jú þær eru
ágætar: ef þær koma; en þær
stoppa aldrei neitt, það er hlaupið
inn og út; ef hún verður veik er
engin send í hennar stað; þegar ég
brotnaði og þurfti aðstoð var enga
að fá því ég var ekki á þjónustu-
lista þeirra.“ Ég þekki ekki þessar
aðstæður af eigin raun í dag, en
ekki finnst mér þetta lýsa þeirri
sveigjanlegu og einstaklingsmið-
uðu þjónustu sem stefna ber að. Ég
tek fram að þegar móðir mín þurfti
á þessari þjónustu að halda fyrir
meira en fimm árum leystu vakt-
hafandi hjúkrunarfræðingar á
næstu heilsugæslustöð málið þó
kvöldþjónusta hefði ekki formlega
hafist frá stöðinni. Þarna var
heimahjúkrun veitt þar sem henn-
ar var þörf, þegar hún var nauð-
synleg.
Mér er ekki kunnugt um að gerð
hafi verið þjónustukönnun á heima-
hjúkrun og heimilisþjónustu á
höfuðborgarsvæðinu en það tel ég
vera mjög brýnt. Tala þarf bæði
við notendur þjónustunnar og allan
almenning til að greina hvað þarf
að bæta og hvaða væntingar
almenningur hefur til hennar. Svo
þarf að skilgreina þjónustuna sem
á að vera í boði og upplýsa alla um
hana. Mér finnst ekki hægt að
sætta sig við að bíða allt að þremur
dögum eftir svari um hvort hægt
sé að fá þjónustu. Það er langur
tími ef viðkomandi bíður á bráða-
deild og hefur lokið sérhæfðri
læknismeðferð.
Getur verið að þrátt fyrir
sífelldar yfirlýsingar um að auka
eigi þjónustu heima sé aukningin
ekki nægjanleg til að forskot náist
á stofnanaþjónustuna sem við
Íslendingar þekkjum, þrátt fyrir
að margir standi agndofa þegar í
ljós koma aðstæðurnar sem í boði
eru á sumum stofnunum. Getur
einhver jafnaldra minna hugsað
sér að hafa ekki möguleika á að
eiga einkastund með ástvini sínum,
þó hann sé sjúkur og þurfi á hjúkr-
unarþjónustu að halda? Því trúi ég
ekki.
Þjóðfundur
Framundan eru tvennar kosningar.
Þessi mál verða ekki leyst nema
bæði sveitarstjórnar- og alþingis-
menn leggist á eitt um það. AFA
stefnir að því að vekja samfélagið
allt, aðstandendur, aldraða og
stjórnmálamenn, til vitundar um
að aðstandendur aldraðra geta
beitt sér saman sem stór þrýsti-
hópur. Við erum mörg atkvæði og
við erum alls staðar í þjóðfélaginu.
AFA sættir sig ekki við að eldri
borgarar jafnt sjúkir sem frískir
bíði lengur eftir að kjör þeirra og
aðstæður batni.
Sýnum að blóðið rennur til
skyldunnar. Tökum saman höndum
og þrýstum á stjórnvöld til aðgerða
í stað orða. Mætum öll í Háskólabíó
á þriðjudagskvöldið kl. 20:00.
Höfundur er ritari AFA -
Aðstandendafélags aldraðra.
Þjóðarátak í málum aldraðra
UMRÆÐAN
KJÖR ALDRAÐRA
INGIBJÖRG H. ELÍASDÓTTIR
HJÚKRUNARFRÆÐINGUR OG
HEILBRIGÐISFULLTRÚI
Verður millistríðskynslóðin sem byggði
upp velferðar- og velmegunarsamfélgið
sem við hinir yngri njótum í dag,
„jörðuð“ af stjórnvöldum sem
þurfalingar án þeirrar viðurkenningar
og virðingar sem hún á skilið?
Frumvarp iðnaðarráðherra um að
leggja niður Byggðastofnun en
stofna þess í stað Nýsköpunarmið-
stöð Íslands hefur valdið uppnámi
í skipulagi byggðamála.
Virðast stjórnarflokkarnir vera
þar fullkomlega á öndverðum
meiði.
Flutningur Byggðastofnunar til
Sauðárkróks var umdeildur á
sínum tíma en engu að síður lofs-
verð aðgerð í að færa stjórnsýslu-
stofnun út á land. Slíkur flutning-
ur er þó aldrei sársaukalaus og er
því mikilvægt að ekki sé verið að
tjalda til einnar nætur.
Binda þarf í lögum heimilið á
Sauðárkróki
Í frumvarpinu er aðeins sagt að
„ráðherra ákveður staðsetningu
Nýsköpunarmiðstöðvar Íslands“.
Hvergi er minnst á Sauðárkrók í
því sambandi.
Þótt ráðherra hafi sagt í ræðu
að höfuðstöðvar hinnar nýju stofn-
unar verði á Sauðárkróki er það
lítil trygging og næsti ráðherra er
ekki skuldbundinn af þeirri
ákvörðun. Nýsköpunarmiðstöð-
inni er m.a. ætlað að stunda rann-
sóknir, þekkingarmiðlun og stuðn-
ingsþjónustu við atvinnulífið og
efla samstarf milli rannsókna-
stofnana, háskóla og fyrirtækja.
Einmitt í Skagafirði er unnið öfl-
ugt rannsókna- og þróunarstarf á
þessum sviðum.
Tvískinnungur stjórnvalda með
staðsetningu
Í frumvarpinu um Nýsköpunar-
miðstöð Íslands segir einnig:
„Nýsköpunarmiðstöð Íslands
verður að grunni til þekkingarset-
ur og stefnt er að því að hún teng-
ist betur rannsóknastarfsemi
háskóla og starfsemi þekkingar-
fyrirtækja. Starfsemi stofnunar-
innar mun á sama hátt tengjast
þekkingarsetrum úti á landi og
mun hún stuðla að vexti og við-
gangi þeirra. Einkum er horft til
uppbyggingar þekkingarsetra á
Ísafirði, Akureyri og á Egilsstöð-
um enda hefur styrking landshluta-
kjarna á þessum stöðum verið eitt
af markmiðum byggðaáætlunar
stjórnvalda. Háskólasetur Vest-
fjarða og þekkingarnet Austur-
lands mynda nú þegar kjarna
vaxtar í þekkingarsetrum á þess-
um stöðum. Háskólinn á Akureyri
og sú starfsemi sem fer fram í
Rannsókna- og nýsköpunarhúsinu
og enn frekari vöxtur rannsókna
og nýsköpunarstarfsemi í væntan-
legum Tæknigarði er sú umgjörð
sem mun mynda kjarna starfsem-
innar á Norðurlandi.“ Hvergi er
minnst á landshlutakjarnann Sauð-
árkrók. Þrátt fyrir ítrekaðar
ábendingar um gildi og mikilvægi
þess að Sauðárkrókur verði skil-
greindur sem byggðakjarni í
byggðaáætlunum og nýsköpunar-
starfi hafa stjórnarliðar í Sjálf-
stæðisflokki og Framsóknarflokki
verið sinnulitlir um það mikla
hagsmunamál. Þessu þarf að
breyta. Skilgreina ber Sauðárkrók
sem landshlutakjarna.
Byggðarannsóknir Háskólans á
Hólum
Í texta frumvarpsins er sagt tæpi-
tungulaust að Akureyri myndi
kjarna starfsemi Nýsköpunarmið-
stöðvar Íslands á Norðurlandi. Er
að furða þó iðnaðarráðherra, Val-
gerði Sverrisdóttur, verði svaraf-
átt þegar spurt er hvaða starfsemi
Nýsköpunarmiðstöðvarinnar eigi
að vera á Sauðárkróki.
Þá vekur furðu að hvergi er
minnst á samstarf við Hólaskóla
eða annað rannsókna- og þróunar-
starf sem er kraftmikið í Skaga-
firði og ætti í raun að vera ein af
meginástæðum fyrir því að
Nýsköpunarmiðstöðin verði á
Sauðárkróki. Háskólinn á Hólum
er jú ein öflugasta byggðarann-
sóknastofnun landsins.
Taka þarf af öll tvímæli um stað-
setningu
Sá tvískinnungur sem kemur
fram hjá iðnaðarráðherra í mál-
efnum Byggðastofnunar og
Nýsköpunarmiðstöðvar er okkur
hér í Skagafirði mikið áhyggju-
efni.
Kveða þarf afdráttarlaust á
um það í lögunum að höfuðstöðv-
ar hinnar nýju stofnunar verði á
Sauðárkróki og að Háskólinn á
Hólum verði aðalsamstarfsaðili
hennar í byggðarannsóknum og
ráðgjöf. Þar með verði staðfest að
bæði höfuðstöðvarnar og öll
þungamiðja starfseminnar á
Norðurlandi verði í raun á
Sauðárkróki.
Hér með er skorað á þingmenn
Norðvesturkjördæmis að fylgja
þessum kröfum okkar Vinstri
grænna í Skagafirði eftir á
Alþingi.
Um Nýsköpunarstöð
Íslands á Sauðarkróki
UMRÆÐAN
NÝSKÖPUNARSTÖÐ
BJARNI JÓNSSON
SVEITARSTJÓRNARMAÐUR
VINSTRI GRÆNNA Í SKAGAFIRÐI
ALLT SEM fiIG VANTAR
ER Á VISIR.IS/ALLT
n‡ vöru- & fljónustu-
skrá á visir.is