Fréttablaðið - 18.05.2006, Blaðsíða 52

10
Urðarhóll í Kópavogi er fyrsti heilsu-
leikskólinn á landinu. ,,Leikskólinn
hefur þá stefnu að leiðarljósi að
auka gleði og vellíðan barnanna
með áherslu á næringu, hreyfingu
og listir allt saman í gegnum leik,“
segir Unnur Stefánsdóttir, skóla-
stjóri á Urðarhóli.
Til þess að fylgjast með árangri
barnanna hefur leikskólinn útbúið
svokallaða heilsubók barnsins. ,,Inn
í heilsubókina skráum við tvisvar
á ári. Við gefum ekki einkunnir en
með þessu móti getum við fylgst
með því hvort börnin ná þeim
þroska sem þeirra aldurshópar á að
ná. Börnin eru hjá okkur í átta tíma
á dag og ef foreldrar þeirra fylgja
sömu áherslum þegar heim er komið
eiga þau að ná markmiðunum 100
prósent,“ segir Unnur.
Á Urðarhóli er ekki hefðbund-
inn morgunverður líkt og á öðrum
leikskólum. ,,Klukkan 10 á morgn-
ana bjóðum við upp á grænmeti og
ávexti í staðinn fyrir hefðbundinn
morgunmat eins og tíðkast á öðrum
leikskólum.“
Í hádeginu fá börnin fisk tvo
daga í viku og kjöt einn dag í viku.
Þess á milli fá þau hollmeti eins og
skyr. Suma dagana eru þó pitsur eða
pítur í hádegismat.
Tvisvar í viku fara börnin í
formlegan íþróttatíma í íþróttahúsi
skólans sem Unnur segir að sé lít-
ill en vel búinn. Þar tekur á móti
þeim íþróttakennari sem kennir
þeim mikilvægi hollrar hreyfingar
í gegnum leiki. Á leikskólanum er
lágmarks útivistartími einn klukku-
tími á dag en á sumrin og þegar vel
viðrar er hann mun lengri. ,,Hér eru
líka góðar gönguferðir vor, sumar
og haust þannig að hér fær enginn
að liggja í leti.“
Börnin á Urðarhóli fara einu
sinni í viku til listakennara þar sem
þau fá undirbúning í tónlist, leiklist
og myndlist. Í listatímunum reyn-
ir kennarinn að stuðla að því að
krakkarnir skapi eitthvað sjálfir.“
Heilsuleikskólinn hefur verið
rekinn í 10 ár og nú hafa 6 aðrir
leikskólar tekið upp sömu stefnu og
þar af einn í Kópavogi. Urðarhóll er
að sögn Unnar einn af stærstu leik-
skólum landsins með tæplega 150
börn en flestir aðrir leikskólar eru
með 80-100 börn.
,,Urðarhóll er ekki einkaskóli,
hann er rekinn af Kópavogsbæ en
við höfum fengið mikið frelsi til
þess að þróa okkar hugmyndir sjálf.
Kópavogsbær hefur alltaf staðið vel
við bakið á okkur.“
Hér liggur enginn í leti
Heilsuleikskóli hefur verið starfræktur í Kópavogi í tíu ár. Á leikskólanum fá börnin
hollan mat og mikla hreyfingu í bland við listakennslu. Sex aðrir leikskólar hafa nú
tekið upp sömu stefnu og Urðarhóll.
Það er alltaf líf og fjör á leikskólanum.
Breiðablik leikur í Landsbankadeild-
inni í sumar í fyrsta skipti í nokkur
ár. Marel Baldvinsson, leikmaður
Blika, segir að Kópavogsbúar standi
vel við bakið á sínu liði í deildinni
í sumar. ,,Það er náttúrlega erfið-
ara að gera sér grein fyrir áhugan-
um svona snemma á tímabilinu en
maður hefur heyrt það frá fólki úti
um allt hvað það sé gaman að við
skulum vera komnir í efstu deild,“
segir Marel.
Rígurinn á milli Kópavogslið-
anna tveggja er sterkur og segir
Marel að leikmenn liðanna leggi
sig mjög fram í viðureignum þeirra.
,,Það liggur við að liðin óski hvort
öðru alls hins versta í baráttunni.
Litlir guttar í HK-búningum hafa
meira að segja lýst vanþóknun á
mér fyrir það að vera Bliki. Það
hefur einhver kennt þeim þetta,“
segir Marel en bætir því við að
hann hagi sér ekki þannig.
Það eru aðallega stuðningsmenn
Breiðabliks sem standa við bakið
á þeim í Landsbankadeildinni en
Marel segir að Kópavogsbúar mættu
gjarnan sameinast meira til þess að
standa við bakið á Blikunum. ,,Ég
held að það sé alveg nauðsynlegt
fyrir bæjarlífið að hafa lið í efstu
deild. Það væri bara til skammar ef
svo væri ekki. Maður sér það líka
alveg að ef vel gengur þá vekur það
fólkið í bænum til lífsins og stuðn-
ingur úr öllum hverfum bæjarins
eykst.“ Breiðablik á flesta uppalda
leikmenn allra liða í Landsbanka-
deildinni í sumar og því eru leik-
menn eflaust staðráðnir í því að
vera bænum sínum eða að minnsta
kosti bæjarhlutum sínum til sóma í
sumar.
Nauðsynlegt að eiga
lið í efstu deild
Framherjinn knái Marel Baldvinsson gekk nýverið til liðs
við Breiðablik sem leikur í Landsbankadeildinni í knatt-
spyrnu.
Marel Baldvinson leikmaður Breiðabliks. FRÉTTABLAÐIÐ/HÖRÐUR Ómar Stefánsson, bæjarfulltrúi og
oddviti framboðslista Framsókn-
arflokksins, getur ómögulega gert
upp á milli uppáhaldsstaða á heim-
ili sínu í Kastalagerðinu. „Þetta er
góð spurning, það koma nú tveir
staðir strax upp í hugann, annar
er fyrir framan tölvuna og hinn
er fyrir framan sjónvarpið,“ segir
Ómar sem segist aðallega horfa á
gamanþætti, íþróttir og fréttir. „Ég
horfi líka gríðarlega mikið á veð-
urfréttir. Sérstaklega á ákveðnum
árstímum. Þá get ég alls ekki misst
af veðurfréttunum.“
Tölvan er líkt og hjá öðrum sem
vilja vera í takt við tímann algjört
þarfaþing á heimili Ómars og eyðir
hann sömuleiðis miklum tíma fyrir
framan hana. Það eru sjaldan ról-
egheit hjá oddvitanum og því er
um að gera að nota tímann heima
fyrir vel. „Þegar ég vil gleyma mér
alveg og hugsa um eitthvað allt
annað en vinnuna og stjórnmál þá
knúsa ég börnin mín og leik við
þau. Annars horfir maður bara á
sjónvarpið.“
Bæjarfulltrúinn segist hafa yfir-
drifið nóg að lesa í tengslum við
vinnuna og því hefur það bitnað
verulega á lestri í frístundum. „Já,
lesturinn hefur minnkað mikið
síðustu ár. Ég les nóg í vinnunni.“
Knúsar börnin sín til að
gleyma stjórnmálunum
Ómar Stefánsson, oddviti Framsóknarflokksins, nýtur sín vel fyrir framan sjónvarpið
og tölvuna. Þegar hann vill gleyma stjórnmálunum sinnir hann börnunum sínum.
Ómar Stefánsson, oddviti Framsóknarflokksins, kann vel við sig heima.
■■■■ { kópavogur } ■■■■■■■■■■■■■■■■■■■■■■■■■■■■■■■■■■■■■■■■■■■■■■■■
Söngvarinn Jón Jósep Snæbjörnsson úr hljómsveit-
inni Í svörtum fötum mun taka lagið eins og honum er
einum lagið á konukvöldi HK í Fagralundi föstudags-
kvöldið 19. maí. Veislustjórn kvöldsins verður í hönd-
um Guðríðar Arnardóttur og sumarið verður þema
kvöldsins. Miðaverð er 3.000 krónur og er miðasala
þegar hafin.
Jónsi á konukvöldi HK