Fréttablaðið - 18.05.2006, Blaðsíða 86

54 18. maí 2006 FIMMTUDAGUR
sport@frettabladid.is
Ísland nálgast 100. sætið
Íslenska karlalandsliðið í knattspyrnu
er komið niður í sæti númer 99 á styrk-
leikalista FIFA. Liðið heldur áfram að
hríðfalla niður listann, en Ísland hefur
fallið um tvö sæti frá aprílmánuði og sjö
sæti á þessu ári.
Fréttablaðið greindi í gær frá skamm-
arlegri umgjörð Valsmanna í kringum
leik kvennaliðs félagsins og Stjörnunnar
á Valbjarnarvelli en í stuttu máli voru
engir starfsmenn frá félaginu klárir fyrir
leik, engin vallarklukka var til staðar,
réttur bolti var heldur ekki á staðnum og
svona mætti lengi telja.
„Við erum ekki á heimavelli lengur
og aðstöðuleysið er að há okkur. Við
lentum í hremmingum með skiltin
okkar sem fóru á vitlausan
stað og svo var einhver mis-
skilningur með sjálfboða-
liðana. Þetta er afsökun
en samt ekki góð,” sagði
Pétur Stefánsson,
framkvæmdastjóri
knattspyrnudeildar
Vals. „Okkur þykir ekki skemmtilegt að
hafa byrjað tímabilið svona hjá stelp-
unum. Auðvitað er þetta ekki boðlegt.
Þetta mun ekki koma fyrir aftur og verð-
ur búið að laga fyrir næsta leik. Þetta
er dónaskapur í okkur í garð allra þeirra
sem koma að leikjunum. Við erum búnir
að biðja stelpurnar afsökunar í gegnum
meistaraflokksráð kvenna.”
Eins og málið væri ekki nógu
neyðarlegt fyrir Val ráku
glöggir lesendur valur.is
augun í að á heimasíðu
félagsins sama dag og leik-
urinn fór fram var Valur að auglýsa
eftir sjálfboðaliðum á heimaleiki
karlaliðsins.
Ekki var
minnst á að
vantaði sjálfboðaliða hjá kvennaliðinu
en eins og segir að framan var ekki einn
starfsmaður til taks í upphafi leiks.
„Við erum með nægt fólk í kvennastarf-
inu og það er meira umstang í kringum
karlaleikina og þess vegna vorum við
að óska eftir fólki í kringum karlaleik-
ina,” sagði Þurý Björk Björgvinsdóttir,
formaður heimaleikjanefndar Vals,
spurð af hverju ekki var auglýst eftir fólki
á kvennaleikina. Eðlileg spurning í ljósi
þessa svars er hvar þetta fólk var eigin-
lega á þriðjudag? „Þetta voru í raun bara
mistök því við eigum fólk til að sinna
þessum leikjum. Það varð misskilning-
ur sem leiddi til þessara mistaka. Við
héldum að ákveðið fólk ætlaði að mæta
sem síðan mætti ekki. Þetta kemur ekki
fyrir aftur.”
VALSMENN SKAMMAST SÍN FYRIR UMGJÖRÐINA HJÁ STELPUNUM: SKULDINNI SKELLT Á MISSKILNING
Kvennalið Vals beðið afsökunar
HANDBOLTI Stefán og Gunnar hafa
dæmt ógrynni leikja, bæði hér
heima og erlendis. Eftir að hafa
dæmt í mörg ár mynduðu þeir eitt
besta dómarapar í heimi þegar
þeir tóku saman árið 1999 og hafa
allar götur þá dæmt leiki í Evr-
ópukeppnum, á Heims- og Evr-
ópumótum sem og á Ólympíuleik-
unum í Aþenu árið 2004.
„Þetta markar ákveðin tíma-
mót en ákvörðunin átti sér eðlileg-
an aðdraganda, það hlaut að koma
að þessu fyrr en síðar. Við erum
búnir að dæma nánast allt sem
hægt er að dæma og því fer þetta
að renna alltaf í sama farinu. Þetta
starf útheimtir ótrúlega mikla
vinnu og fjarveru frá fjölskyld-
unni. Þetta er orðið gott í bili,“
sagði Stefán við Fréttablaðið í
gær.
„Við vildum hætta á toppnum,
ef svo má segja, áður en við förum
að síga til baka. Þannig viljum við
ekki láta minnast okkar. Við kveðj-
um mjög sáttir og þetta hefur
verið stórkostlegur tími. Það er
hægt að segja að það séu forrétt-
indi að fá að vera svona lengi á
meðal þeirra bestu,“ sagði Stefán
sem þurfti að hugsa sig vandlega
um áður en hann tók út það besta
úr ferlinum.
„Það er mjög erfitt að draga
eitthvað eitt út úr öllum þeim stór-
leikjum sem við höfum dæmt. Það
er gömul og ný klisja að Ólympíu-
leikarnir séu alltaf stærsta mótið,
og það gæti staðið upp úr. Það var
mjög gaman að fá að dæma í
Aþenu, ég hefði alls ekki viljað
missa af því tækifæri,“ sagði Stef-
án, sem segir að þeir hafi lent í
mörgum skrautlegum atvikum.
„Það sem við minnumst einna
helst er að þegar við vorum að
dæma á móti í Kína. Þegar við
rákum menn útaf í tvær mínútur
stilltu þeir sér upp fyrir framan
okkur, hneigðu sig og báðust
afsökunar á ensku. Það var ansi
skrautlegt og eitthvað annað en
það sem maður heyrir aðeins oftar,
þetta kom okkur algjörlega í opna
skjöldu,“ sagði Stefán.
Handboltaunnendur á Íslandi
kvarta mikið yfir dómgæslunni á
leikjum en mjög fáir dómarar eru
til staðar. Stefán hefur áhyggjur af
þessari þróun. „Dómgæslunni
hefur fleytt lítið fram enda er
endurnýjunin lítil. Það vantar dóm-
ara til starfa auk þess sem vinnu-
umhverfið og viðhorfið mætti klár-
lega vera betra,“ sagði Stefán, sem
vonast til allsherjarátaks hvað
handboltann á Íslandi varðar.
„Það þurfa allir að leggjast á
eitt við til að lyfta handboltanum í
heild sinni upp á hærra plan, og þá
kemur dómgæslan að sjálfsögðu
með. Þeir sem eru í forsvari fyrir
handboltahreyfinguna þurfa að
taka á málinu. Það væri til dæmis
hægt að markaðssetja þetta alveg
upp á nýtt en það þarf að finna ein-
hverjar leiðir. Handboltinn er að
verða undir samanborið við aðrar
íþróttir,“ sagði Stefán Arnaldsson.
hjalti@frettabladid.is
Vildum hætta á toppnum
Þeir Stefán Arnaldsson og Gunnar Viðarsson hafa ákveðið að leggja dómara-
flautuna á hilluna. Félagarnir hafa verið meðal bestu dómarapara heims
undanfarin ár og er ákvörðunin mikið áfall fyrir íslenskan handbolta.
GUNNAR VIÐARSSON OG STEFÁN ARNALDSSON Besta dómarapar landsins, og eitt það
besta í heimi, hefur ákveðið að hætta. Þeir félagar sjást hér að störfum á Ólympíuleikunum
í Aþenu árið 2004. FRÉTTABLAÐIÐ/TEITUR
HANDBOLTI Spurningar hafa vakn-
að um framtíð línumannsins Har-
aldar Þorvarðarsonar hjá Íslands-
meisturum Fram eftir að Einar
Ingi Hrafnsson gekk til liðs við
félagið úr Aftureldingu. Sú saga
hefur gengið að Haraldur sé á
óskalista Stjörnunnar úr Garðabæ
en sjálfur segist Haraldur ekki
hafa heyrt frá Stjörnumönnum þó
hann hafi heyrt þennan orðróm
um að liðið hafi áhuga á honum.
„Ég er samningslaus en stefni á
að vera áfram hjá Fram. Það er
fínt að hafa samkeppni og svo
verður gríðarlegt álag vegna
Meistaradeildarinnar. Það eru
spennandi verkefni fram undan
hjá Fram en ég neita því ekki að ef
lið munu hafa samband við mig
mun ég skoða það,“ sagði Harald-
ur,
Þorsteinn Rafn Johnsen, for-
maður Stjörnunnar, vildi ekkert
tjá sig um málið þegar Fréttablað-
ið hafði samband við hann í gær
en sagði að markmið næsta vetrar
væru skýr. „Við ætlum að vinna
deildina,“ sagði Þorsteinn.
- egm
Miklar hræringar í handboltanum síðustu daga:
Haraldur á leið til Stjörnunnar?
Í STJÖRNUNA? Haraldur er hér ásamt Kjartani Ragnarssyni, formanni handknattleiksdeildar
Fram, er hann gekk í raðir Framara.
FÓTBOLTI Stuðningsmenn FH eru
fyrir löngu orðnir þekktir fyrir
að vera þeir bestu á landinu.
Kjarninn í hópi þeirra er stuðn-
ingsmannaklúbbur liðsins sem
kallar sig Mafíuna. Þeir ætla nú
að toppa sjálfa sig á sunnudag-
inn þegar FH heimsækir Vals-
menn á Laugardalsvelli klukkan
20.00.
Mafían hefur leigt fjóra
eðalvagna sem hún ætlar að fylla
af fólki og mæta með stæl á þjóð-
arleikvanginn. Tveir eðalvagn-
anna verða svartir og tveir hvítir
og ætlar Mafían að merkja þá
FH í bak og fyrir. Meðal annars
mun fáni Mafíunnar blakta á
húddum bílanna og verður vænt-
anlega mikil stemning hjá
Mafíunni fyrir leikinn. - hþh
Leikur Vals og FH um helgina:
Mafían mætir á
eðalvögnum
STUÐNINGSMENN FH Ætla að hvetja lið
sitt áfram sem aldrei fyrr á sunnudaginn.
FRÉTTABLAÐIÐ/HÖDDI
HANDBOLTI Fram fer mikinn á
leikmannamarkaðnum þessa
dagana og eftir stöðugar fréttir
af karlaliði félagsins er stjórnin
farin að vinna í kvennaliðinu og
fyrsti leikmaðurinn, og tæplega
sá síðasti, sem liðið fær fyrir
næsta tímabil er markvörðurinn
Kristina Matuzeviciute sem leik-
ið hefur með Haukum síðustu ár.
Hún gerði tveggja ára samning
við félagið. - hbg
Framarar byrjaðir að versla fyrir kvennaliðið:
Matuzeviciute í raðir Fram
> Arnór á leið í bæinn?
Hinn 18 ára gamli hornamaður Þórs og
einn allra efnilegasti leikmaður DHL-
deildarinnar, Arnór Þór Gunnarsson,
er hugsanlega á förum frá félaginu og
á leið í bæinn.
Arnór stundar
nám á Akureyri
sem hann getur
aðeins klárað
á höfuðborgar-
svæðinu og er
það því í raun
ekki spurning
hvort heldur
hvenær hann
flytur suður.
Samkvæmt heimildum Fréttablaðsins
hafa þrjú lið borið víurnar í Arnór, þar á
meðal Valur og Íslandsmeistarar Fram,
en hann á eitt ár eftir af samningi sínum
við norðanliðið. Arnór var langmarka-
hæsti leikmaður Þórs í vetur með 172
mörk í 25 leikjum.