Fréttablaðið - 07.06.2006, Síða 14

14 7. júní 2006 MIÐVIKUDAGUR
PERÚ, AP Forsetakosningarnar í
Perú mörkuðu endurkomu hins 57
ára gamla Alan Garcia í forsetastól,
sextán árum eftir að hans fyrri for-
setatíð lauk með fjárhagslegu hruni
ríkisins og skæruhernaði. Garcia
vann seinni umferð kosninganna á
sunnudag með um 53,5 prósentum
atkvæða gegn 46,5 prósentum
atkvæða mótframbjóðanda hans,
Ollanta Humala, þegar 91 prósent
atkvæðanna hafði verið talið.
Humala er 43 ára vinstrisinn-
aður hermaður, sem kom fyrst
fram á sjónarsviðið í uppreisn árið
2000 gegn þáverandi forseta,
Alberto Fujimori. Hann hefur
verið dyggilega studdur af Hugo
Chavez, forseta Venesúela, og
hefur barist fyrir þjóðnýtingu
olíulinda og jafnari dreifingu auðs,
en hann sækir fylgi sitt helst til
fátækari hluta íbúanna, indíána
sem búa upp til sveita.
Garcia, sem fékk mest sitt fylgi
í höfuðborginni Lima, sagði úrslit
kosninganna sýna að landsmenn
höfnuðu herstefnu Chavez-sinna
og segist munu berjast af krafti
gegn spillingu, en í hans fyrri for-
setatíð fengu tugir þúsunda flokks-
manna hans störf í hinum opin-
bera geira. Tveimur árum eftir að
valdatíð hans lauk flúði hann í
útlegð, en sneri aftur árið 2001,
þegar ákærurnar gegn honum
höfðu fyrnst. Hann tapaði naum-
lega gegn sitjandi forseta, Alej-
andro Toledo, í síðustu kosning-
um. -sgj
KLÆÐSKIPTINGAR Í RÚMENÍU Eldri maður
fylgist með göngu samkynhneigðra í Búka-
rest, þar sem samtök samkynhneigðra hafa
skipulagt viku viðburða til þess að andæfa
allri mismunun gegn þeim. Samkynhneigð
var bönnuð í Rúmeníu þangað til komm-
únistastjórnin féll árið 1989. FRÉTTABLAÐIÐ/AP
Heilaheill eru samtök fólks sem fengið hefur
heilablóðfall, aðstandenda þeirra og fagfólks.
Miðvikudaginn 7.júní klukkan 20.00
hefst formlega söfnunarátak fyrir Faðm, sem er
stuðningssjóður fyrir unga foreldra sem hafa
fengið heilablóðfall.
Fundarstjóri:
Rósa Björk Brynjólfsdóttir sjónvarpskona.
Þórunn Lárusdóttir verndari Faðms ávarpar fundinn
og syngur nokkur lög
Birgir Henningsson, Katrín Júlíusdóttir og Kristín
Stefánsdóttir kynna söfnunina og sjóðinn
Jón Hersir Elíasson taugalæknir flytur erindi um
ungt fólk og heilablóðfall.
Umræður um erindi
Jón Ólafsson tónlistarmaður flytur nokkur lög
Heiðar Örn úr Botnleðju flytur nokkur lög
Þórir Steingrímsson formaður Heilaheilla ávarpar
fundinn
Allir velkomnir!
Reikningsnúmer söfnunar er :
0101-05-290900
kennitala: 611294-2209
FAÐMUR HEILAHE
ILLA
Upphaf söfnuna
rátaks!- 4.hæð í Iðuhúsin
u í Lækjargötu
GLÆSILEG DAGSK
RÁ:
ALLIR VELKOMNI
R!
ALAN GARCIA Garcia var áður hrakinn úr
embætti með skömm, en sigraði nú hinn
vinstrisinnaða Ollanta Humala.
FRÉTTABLAÐIÐ/AP
VERKALÝÐSMÁL Nýtt verkalýðs-
félag, Stéttarfélag Vesturlands,
var stofnað síðastliðinn miðviku-
dag. Félagið varð til við samein-
ingu Verkalýðsfélags Borgarness,
Verkalýðsfélagsins Vals í Dala-
byggð og Verkalýðsfélagsins
Harðar.
Formaður hins nýja félags er
Sveinn G. Hálfdánarson en stofn-
unin var samþykkt í allsherjar-
atkvæðagreiðslu félaganna um
miðjan maí.
Sveinn segist vona að þetta
verði gæfuspor fyrir launafólk á
starfssvæði Stéttarfélags Vestur-
lands. Sameinað félag verði öfl-
ugra í kjarabaráttu launafólks. - sgj
Sameining verkalýðsfélaga:
Sameina þrjú
verkalýðsfélög
HÚSNÆÐISLÁN Vextir á húsnæðis-
lánum eru á bilinu 4,60 og 4,90
prósent hjá bönkum, sparisjóðum
og Íbúðalánasjóði. Þessir vextir
eru verðtryggðir, sem þýðir það
að verðbólgan leggst ofan á þá.
Einnig er hægt að fá óverðtryggð
íbúðalán en þá eru vextir mun
hærri.
Seðlabankinn setur sér það
markmið að verðbólgan verði að
jafnaði 2,5 prósent á ári en hann
getur breytt vöxtum til þess að ná
verðbólgumarkmiði sínu. Verð-
bólgan í dag er 7,6 prósent en það
er þó nokkuð yfir markmiði bank-
ans. Seðlabankinn gerir verð-
bólguspá til tveggja ára og er gert
ráð fyrir að hún verði 4,9 prósent
að meðaltali árið 2006 en 6,2 pró-
sent árið 2007.
Hærri verðbólga hækkar
afborganir lánsins og eftirstöðv-
arnar hækka. Það er því mikil-
vægt að taka áhrif verðbólgunnar
inn í reiknisdæmið þegar ákvörð-
un um húsnæðiskaup er tekin.
Vextir á húsnæðislánum innan
Evrópusambandsins eru um 3,5
prósent en þeir vextir eru óverð-
tryggðir. Bretland er nokkuð frá-
brugðið en þar eru vextirnir um
sex prósent. Á Íslandi eru vextir
almennt fastir en í Evrópu eru
þeir breytilegir.
Meðfylgjandi tafla sýnir hvað
húsnæðiseigendur mega búast við
að greiða af láni sínu ef miðað er
við 4,9 prósent vexti og meðal-
verðbólgu samkvæmt verðbólgu-
spá Seðlabankans. Árið 2008 er
gert ráð fyrir að verðbólga lækki
en Greiningardeild KB banka
spáir því að meðalverðbólga verði
komin niður í 2,5 prósent þá. - gþg
Vextir íbúðalána eru verðtryggðir og ofan á þá leggst verðbólga á hverjum tíma sem hefur verið há á Íslandi:
Verðbólgan hækkar afborganir lána
Forsetakosningar í Perú enda með sigri manns sem hraktist úr embættinu:
Garcia snýr aftur til valda
LANDVERND Landgræðsla ríkisins
hefur gefið út ársskýrslu sína en
landgræðslan verður hundrað ára
á næsta ári og er sú elsta sinnar
tegundar í heiminum.
Í henni kemur fram að á sautján
prósentum landsins sé hraðfara
jarðvegsrof, en eyðing gróðurs er
hættuleg búsetu manna. Sveinn
Runólfsson landgræðslustjóri
telur mikilvægt að Íslendingar
setji á fót alþjóðlegan jarðvegs-
verndarskóla þar sem við getum
miðlað af reynslu okkar til ann-
arra þjóða sem glíma við jarð-
vegseyðingu. Íslandendingar hafi
mörgu að miðla í þessum efnum.
Eyðimerkurmyndun ógnar
heilsu jarðarbúa, samkvæmt
skýrslunni, en hún hefur í för með
sér vatnsskort og erfiðleika við
fæðuframleiðslu og er því alvar-
legt vandamál í heiminum. - gþg
Ársskýrsla Landgræðslunnar:
Víða hraðfara
jarðvegsrof
VEXTIR ÁSAMT VERÐTRYGGINGU:
■ Árið 2005:
■ Vextir ásamt verðtryggingu: 8,9 prósent
■ Árið 2006:
■ Vextir ásamt verðtryggingu: 9,8 prósent
■ Árið 2007:
■ Vextir ásamt verðtryggingu: 11,1 prósent
NÝBYGGINGAR Í SJÁLANDSHVERFI Afborganir af húsnæðislánum hækka um leið og verð-
bólgan hækkar. Verða íbúðakaupendur að taka tillit til þess.