Fréttablaðið - 07.06.2006, Qupperneq 54

MARKAÐURINN
A U R A S Á L I N
7. JÚNÍ 2006 MIÐVIKUDAGUR18
H Á D E G I S V E R Ð U R I N N
Í marsmánuði réði Alfesca til sín Antony
Hovanessian í starf framkvæmdastjóra við-
skiptaþróunar félagsins. Starf hans er marg-
þætt og sér hann meðal annars um fjárfesta-
tengsl og hefur yfirumsjón með fjárfesting-
um fyrirtækisins. Hann vinnur einnig náið
með forstjóra og öðrum innan framkvæmda-
stjórnar félagsins að ýmsum málum sem
varða stefunumótun og rekstur. Alfesca hefur
gjörbreyst síðustu misseri og innviðir sam-
stæðunnar hafa verið styrktir. „Við tryggjum
að dótturfélögin fái stuðning og höfum eftir-
fylgni með að starfsfólk þess fái þá þjálfun
sem þarf. Tilgangur höfuðstöðvanna er ekki
einungis að fylgjast með dótturfélögunum
heldur að tryggja að þau fái þann stuðning
sem þau þurfa til að vel gangi.“
ALLTAF OG ALLS STAÐAR ÚTLENDINGUR
Antony fæddist í Bretlandi árið 1969. Faðir
hans er Armeni sem hafði farið til Bretlands
í háskólanám og kynnst þar ungri hjúkrunar-
konu. Stuttu síðar eignuðust þau svo soninn
Antony og fluttist litla fjölskyldan þá til
Íran. Þangað hafði stórfjölskyldan flúið vegna
ofsókna tyrkneska meirihlutans á armenska
minnihlutanum við upphaf fyrri heimsstyrj-
aldarinnar. Í höfuðborginni Teheran ólst hann
svo upp til fjórtán ára aldurs. Hann hugsar
hlýlega til æskuáranna og segir armenska
minnihlutann í Íran vel liðinn þótt hann hafi
lítið sem ekkert að segja um pólitík landsins.
Þegar Antony var fjórtán ára flutti hann aftur
til Bretlands þar sem hann segir marga hafa
átt erfitt með að skilja bakgrunn hans. „Ég
hef í raun alltaf upplifað mig sem útlending.
Ég var útlendingur í Íran, ég var útlendingur
í Bretlandi, svo nú er ekkert mál fyrir mig að
vera útlendingur á Íslandi.“
SKRIFSTOFA Í LONDON OPNUÐ Í SUMAR
Antony eyðir drjúgum hluta tíma síns
á Íslandi og kann vel við sig
hér. Hann á sitt skrifborð
í höfuðstöðvum Alfesca
í Hafnarfirði og þekkir
orðið vel til Reykjavíkur
og þess sem borgin hefur
upp á að bjóða. Eitt fer þó
fjarri að hann geti tengt sig við en
það er Eurovision-umræða og -áhugi landans
sem honum þykir stórfurðuleg.
Það mun þó ekki koma til þess að Antony
flytjist alfarið hingað til lands því opnun
skrifstofu Alfesca í London er fyrirhuguð nú
í júlí. Þar verða Antony og Nadine Deswasiere
til húsa og þar mun Jakob Sigurðsson, for-
stjóri félagsins, jafnframt hafa aðsetur. „Við
þurfum að vera nær þeim verkefnum og þeim
markaði sem við vinnum á svo fólk geti komið
og hitt okkur. London er svo miðsvæðis og því
mjög góður staður,“ segir Antony sem játar
að vera jafnframt feginn því að vera ekki
eins mikið fjarri eiginkonu sinni og tveimur
börnum sem búsett eru þar.
MEÐ ÍSLENDINGUM Í LONDON
Áður en Antony réði sig til Alfesca var hann
aðstoðarforstjóri fjárfestingabankastarfsemi
KB banka í London frá stofnun hennar árið
2003. Starfsferilsskrá hans fram að því er
jafnframt glæsileg, en hann hóf starfsferil
sinn sem lögfræðingur hjá alþjóðlegu lög-
fræðiskrifstofunni Clifford Chance sem jafn-
framt kostaði hann til náms við Plymouth-
háskóla þaðan sem hann útskrifaðist árið
1993. Þaðan fór hann til lögfræðistofunnar
DLA Piper Rudnick Gray Cary þar sem hann
öðlaðist frekari reynslu af störfum tengdum
samruna fyrirtækja og fjárfestingum fyrir
matvælafyrirtæki, fyrirtæki í neytenda-
vöru og iðnfyrirtæki. Þaðan lá leið hans til
Barclays Capital þar sem hann vann þar til
KB ævintýrið hófst. „Það var mikil breyting
fyrir mig að taka þátt í því ævintýri enda
komst ég þannig í kynni við Íslendinga.“ Hann
segir ekki hægt að líkja því saman hvernig
litið er á Íslendinga í bresku atvinnulífi í dag
miðað við þá. Hann man vel eftir því
að hafa á stundum ekki verið
tekinn alvarlega. „Það tók
tíma að sannfæra breska
markaðinn um að okkur
væri alvara en þegar
Baugur tók Karen Millen
yfir og þegar Mosaic var
skráð á íslenska hlutabréfamarkað-
inn urðu fjölmiðlar forvitnir
og fóru að fylgjast með. Það
átti tvímælalaust þátt í að
Íslendingar komust á kortið
fyrir alvöru.“
ÚR BANKANUM Í MATVÆLIN
KB banki leiddi einmitt
kaup Alfesca á hinu franska
Labeyrie sumarið 2004.
Antony var þá í nánu sam-
starfi við Jakob, forstjóra
Alfesca, og hans samstarfs-
menn sem leiddi til þess að
honum bauðst að ganga til
liðs við fyrirtækið fyrr á
þessu ári.
Antony segir þau kaup,
ásamt kaupunum á Lyons
Seafood árið áður, hafa
markað þáttaskil í starfsemi
Alfesca, sem bar enn nafnið
SÍF og hafði fyrst og fremst
verið sérhæft í sölu og mark-
aðssetningu sjávarafurða.
Stjórnendur SÍF tóku þá
ákvörðun um mitt ár 2004 að
leggja megináherslu á fram-
leiðslu og sölu fullunninna afurða í Evrópu
og nú, tveimur árum síðar, starfar fyrirtækið
undir nýja nafninu á mörkuðum fyrir helstu
afurðir sínar sem seldar eru undir vörumerkj-
unum Labeyrie, Blini, Delpierre, Skandia,
Lyons og Farne auk þess sem félagið hefur
sterka stöðu í vörumerkjum verslanakeðja.
ÁHERSLAN Á INNRI OG YTRI VÖXT
Stjórnendur Alfesca stefna ótrauðir að því
markmiði að fyrirtækið verði númer eitt
í Evrópu í þeim vöruflokkum og á þeim
mörkuðum sem fyrirtækið starfar þegar
á. Jafnframt er verið að líta til stækkun-
ar, bæði í gegnum samruna við fyrirtæki
sem falla vel að rekstri félagsins, og ekki
síður að bæta við afurðaflokkum og þróa
þær vörur sem þegar eru í framleiðslu.
Samstarf meðal dótturfélaganna hefur jafn-
framt verið aukið og stefnt
er að því að auka þá þróun
enn frekar, til dæmis þegar
kemur að því að samnýta
viðskiptavini.
Antony segist gera ráð
fyrir að tvennt muni gerast
í nánustu framtíð. Í fyrsta
lagi muni verð á laxi fara
lækkandi og ná jafnvægi
enda sé það í óeðlilegum
hæðum núna. Í öðru lagi
muni það ekki skipta fyr-
irtækið eins miklu máli í
framtíðinni. „Við ætlum að
tryggja okkur gegn sveifl-
um í hráefnaverði og árs-
tíðasveiflum með því að
bæta við afurðaflokkum og
þróa frekar þær vörur sem
við höfum nú þegar.“ Hann
segir að þrátt fyrir að fyr-
irtækið sé að mörgu leyti
í krefjandi aðstæðum núna
séu hann og aðrir stjórn-
endur fyrirtækisins fullir
sjálfsöryggis fyrir hönd
félagsins. „Fjölmörg fyrir-
tæki í okkar bransa eru að fara á hausinn
en við svífum í gegnum þetta og erum að
undirbúa okkur undir að þenja vængina. Það
eru spennandi tímar fram undan.”
ANTONY HOVANESSIAN, FRAMKVÆMDASTJÓRI VIÐSKIPTAÞRÓUNAR ALFESCA Antony var aðstoðarforstjóri fjár-
festingabankastarfsemi KB banka í London og leiddi meðal annars kaup Alfesca á Labeyrie sumarið 2004. Þannig komst
hann í kynni við stjórnendur Alfesca sem varð til þess að hann gekk til liðs þá fyrr á þessu ári.
Alþjóðlegt yfirbragð stjórnar Alfesca
Yfirstjórn Alfesca tók á sig nýja og litríkari mynd í marsmánuði með tilkomu tveggja nýrra
framkvæmdastjóra. Annar þeirra er af armenskum og breskum ættum, ólst upp í Íran og á sér
skemmtilega sögu hvort sem snýr að vinnu og einkalífi. Hólmfríður Helga Sigurðardóttir hitti Antony
Hovanessian og rak úr honum garnirnar yfir hvítlauksristuðum humri.
Hádegisverður fyrir tvo
á Lauga-Ási
Forréttur
Súpa dagsins og brauð
Aðalréttur
Hvítlauksristaðir humarhalar
Drykkir
Kók, sódavatn og kaffi
Alls krónur: 7.180
▲
H Á D E G I S V E R Ð U R I N N
Með Antony
Hovanessian
framkvæmdastjóra viðskipta-
þróunar Alfesca
Antony Hovanessian
Framkvæmdastjóri viðskiptaþróunar Alfesca
Fæðingardagur: 18. nóvember 1969
Maki: Julia Hovanessian
Börn: Elena 5 ára og Oliver 3ja ára
Þeim linnir ekki gleðifréttunum á
Íslandi um þessar mundir. Fyrst
tókst Framsóknarflokknum að
halda völdum í borginni og nú
hefur verið ákveðið að Finnur
Ingólfsson verði næsti formaður.
Aurasálin gæti ekki verið ánægð-
ari. Reyndar er svekkjandi að
þurfa að bíða fram á haust – en
það er búið að ákveða þetta.

Finnur Ingólfsson er athafnastjórn-
málamaður. Þeir eru því miður
ekki margir á Íslandi. Of margir
pólitíkusar misskilja hlutverk
sitt. Þeir halda að stjórnmála-
menn eigi að „setja almennar
leikreglur í samfélaginu“ og svo
muni „markaðurinn“ ráða hvern-
ig fram vindur. Þetta er þvætt-
ingur. Stjórnmálamenn eiga að
redda fólki hlutum.

Hugmyndafræði Aurasálarinnar
byggist á því að kjósendur hjálpi
stjórnmálamönnum að fá vinnu
og í staðinn þá reddi stjórnmála-
maðurinn þeim vinnu, góðum díl
eða einhverjum öðrum verðmæt-
um. Þetta er spurning um sann-
girni – kaup kaups, æ sér gjöf til
gjalda, quid pro quo.

Það er ekkert athugavert við
þetta fyrirkomulag sem tíðk-
ast og það er heldur ekkert að
því að stjórnmálamenn reddi
bara sínum stuðningsmönnum.
Ekki voru það kjósendur VG
sem redduðu Finni Ingólfssyni
formennskunni í Framsókn
– ó, nei. Það verða flokksmenn
sem redda honum því. Reyndar
hefði verið betra ef miðstjórnin
reddaði honum þessu því þá
hefði hann þurft að redda miklu
minna í staðinn.

Viðskiptalífið verður vitaskuld
fyrir mikilli blóðtöku nú þegar
Finnur færir sig um set. Rétt
eins og stjórnmálin urðu fyrir
blóðtöku þegar Finnur fluttist
úr þeim í business. En Aurasálin
örvæntir ekki. Þvert á móti er
ekki ólíklegt að áhrif Finns í
viðskiptalífinu muni enn aukast
nú þegar hann er kominn aftur
í pólitíkina. Það er mikilvægt
í lýðræðislegu samfélagi að
stjórnmálamenn, sem fara með
lýðræðislegt umboð þjóðarinnar,
láti til sín taka bæði í viðskiptum
og pólitík – og jafnvel víðar, til
dæmis í menningu og íþróttum.

Aurasálin hefur fengið endur-
nýjaða trú á lýðræðinu eftir
að Framsókn náði völdum í
Reykjavík og Finnur í Framsókn
(það er auðvitað bara formsat-
riði að láta kjósa hann formann).
Nú sjáum við öll fram á betri
og bjartari tíð með fleiri og
stærri álverum, eða hagvaxtar-
verksmiðjum eins og Aurasálin
kýs að kalla þau, meiri þunga-
iðnaði, auknum landsbúnaði,
hærra kjötfjalli og fleiri fram-
sóknarmönnum í æðstu stöður
þjóðfélagsins. Til dæmis vonar
Aurasálin að Finnur Ingólfsson
finni almennilegan og traustan
framsóknarmann til að verða
fréttastjóri Útvarps.
X-Finnur.
Finnur í forystu