Fréttablaðið - 07.06.2006, Síða 91
MIÐVIKUDAGUR 7. júní 2006
Þú missir aldrei
af HM marki
Fáðu frítt prufumark: Sendu HMPRUFA á 1900.
Skráðu þig: Sendu HM2006 á 1900.
Öll HM mörkin á 990 kr.
Smelltu þér á www.ogvodafone.is,
komdu í næstu verslun Og Vodafone eða hringdu í 1414 og fáðu nánari upplýsingar.
HANDBOLTI Guðjón Valur Sigurðs-
son var útnefndur besti leikmað-
ur þýsku úrvalsdeildarinnar af
þjálfurum og fyrirliðum úr lið-
unum átján í þýsku úrvalsdeild-
inni. Guðjón er annar Íslending-
urinn sem nær þessum frábæra
árangri, en Ólafur Stefánsson
var valinn sá besti bæði árið 2001
og 2002.
„Ég veit ekki hvort þetta sé
mitt besta tímabil frá upphafi,
það er mjög erfitt að fullyrða
eitthvað um slíkt. Þetta gekk
ágætlega hjá mér í vetur, ég átti
marga ágætis leiki en ég átti líka
marga slaka leiki. Tímabilið var
kannski stöðugt en það er alltaf
tími til að bæta sig og þroskast
sem leikmaður. Það er samt ekki
spurning um það að það er gaman
að hljóta þessa viðurkenningu,“
sagði heiðursmaðurinn Guðjón,
með hógværðina í öndvegi eins
og venjulega.
„Það er ekki ónýtt að vera
kominn á sama stall og Óli og
gerir þetta kannski enn skemmti-
legra fyrir vikið. Þetta er gott
fyrir sjálfstraustið enda ein-
staklingsverðlaun, en vissulega
vill maður vinna til verðlauna
með liðinu, það er vonandi að
það fari að fylgja í kjölfarið,“
sagði Guðjón, en Gummersbach
hafnaði í þriðja sæti deildarinn-
ar og nældi sér þar með í sæti í
Meistaradeildinni á næstu leik-
tíð.
Guðjón var markahæsti leik-
maður deildarinnar, en hann lék
þar eftir afrek Sigurðar Sveins-
sonar, sem varð markakóngur í
deildinni árið 1986 á dögum
sínum með Lemgo. Guðjón skor-
aði 264 mörk í vetur. - hþh
Handboltakappinn Guðjón Valur Sigurðsson:
Ég gæti þetta ekki
án liðsfélaganna
GUÐJÓN VALUR Varð markakóngur í
þýsku úrvalsdeildinni í handbolta, skoraði
7,76 mörk að meðaltali í leik.
HANDBOLTI Íslenska landsliðið í
handknattleik lék sinn fyrsta leik
undir stjórn Alfreðs Gíslasonar í
gær og var vel við hæfi að leikið
væri í KA-heimilinu þar sem
Alfreð gerði garðinn frægan. Það
var fullt hús og flott stemning sem
var vel við hæfi í endurkoma
Alfreðs til Akureyrar.
Fyrri hálfleikur var mjög góður
hjá íslenska liðinu og minnti um
margt á leik liðsins á EM þegar
hann var hvað bestur. Lykilmenn-
irnir þrír - Ólafur, Guðjón og
Snorri - voru allir að leika skín-
andi vel, varnarleikurinn var
ágætur en markvarslan slök. Allt
frekar þekktar staðreyndir.
Reyndar var dapurt að sjá hversu
liðið var slakt í að hlaupa til baka
en það var veisla hjá Lars Christi-
ansen í hraðaupphlaupunum og án
hans hefði Ísland stungið af.
Alfreð var að reyna nýja hluti í
vörninni þar sem Guðjón Valur
klippti á vinstri skyttuna og miðj-
una og um leið var umferðinni
beint inn að miðjunni þar sem
stóðu Ólafur, Sigfús og svo Sverrir
Björnsson. Þetta gaf ágæta raun
og íslenska liðið keyrði hraðaupp-
hlaupin vel þar sem Ólafur og
Guðjón voru í essinu sínu.
Ísland leiddi með tveim mörk-
um í leikhléi, 18-16, og hélt þeirri
forystu lengi vel í síðari hálfleik.
Nokkuð fjaraði undan leik íslenska
liðsins þegar varamenn fengu
tækifæri en ánægjulegt var samt
að fylgjast með endurkomu Ragn-
ars Óskarssonar sem sýndi
skemmtileg tilþrif en hann hefur
verið í frystinum allt of lengi.
Ísland náði forystu á ný þegar
byrjunarliðið kom aftur inn á völl-
inn. Strákarnir sýndu að þeir leika
vel undir pressu og vel útfærð
hraðaupphlaup skilaði liðinu aftur
forystu og síðan sigur í leiknum.
Þessi frumraun Alfreðs Gísla-
sonar lofar nokkuð góðu og liðið
stefnir áfram í rétta átt eftir EM.
Alfreð virðist eiga eftir að fín-
pússa varnarleikinn nokkuð og
verður gaman að sjá hvernig liðið
spilar í seinni leiknum á fimmtu-
dag.
- hbg
Fín frumraun hjá
Alfreð Gíslasyni
Íslenska landsliðið vann Dani, 34-33, í fyrsta leik sín-
um undir stjórn Alfreðs Gíslasonar. Leikur liðsins
lofar góðu fyrir framhaldið.
LOFTFIMLEIKAR Guðjón Valur Sigurðsson fann sig vel á sínum gamla heimavelli og yljaði
áhorfendum með glæsilegum tilþrifum.