Fréttablaðið - 22.06.2006, Blaðsíða 10
10 22. júní 2006 FIMMTUDAGUR
Eftir stutta fjarveru eru
Havarti, Krydd Havarti
og Búri nú fáanlegir
í næstu verslun!
Komnir úr fríi ...
H
V
ÍT
A
H
Ú
S
IÐ
/
S
ÍA
-
6
1
4
2
DANMÖRK, AP Breiður þingmeiri-
hluti samþykkti að hækka ellilíf-
eyris- og eftirlaunaaldur danskra
þegna til að létta undir með vel-
ferðarkerfi Danmerkur. Þetta þótti
nauðsynlegt í ljósi þess hversu
mikið þjóðin eldist hlutfallslega,
með tilheyrandi kostnaði fyrir
ríkið.
Eftirlaunaaldur verður hækk-
aður úr 60 ára aldri í 62 ára fyrir
árið 2027, en ellilífeyrisaldur úr 65
ára í 67 ára. Velferðarsamningur-
inn var samkomulag fimm flokka
á danska þinginu og kveður einnig
á um endurbætur á innflytjenda-
löggjöfinni. Fyrirtækjum verður
umbunað sérstaklega fyrir að ráða
atvinnulausa innflytjendur. - kóþ
Dönsku velferðarkerfi breytt:
Eftirlaunaald-
ur hækkaður
FRÁ KAUPMANNAHÖFN Danskir þingmenn
voru samstiga um breytingarnar.
DANMÖRK Peter Brixtofte, fyrr-
verandi bæjarstjóri Farum á Sjá-
landi, var á þriðjudag dæmdur í
tveggja ára óskilorðsbundið fang-
elsi fyrir að hafa svikið bæjarfé-
lagið um fé sem síðan var látið
renna til íþróttafélagsins Farum
Boldklub.
Brixtofte var sakfelldur fyrir
að hafa látið bæinn greiða yfir-
verð fyrir byggingaverkefni sem
byggingafyrirtækið Skanska ann-
aðist; það lét hið ofgreidda fé
renna í sjóði Farum Boldklub.
Bæjarstjórinn var aftur á móti
sýknaður af hliðstæðri ákæru
sem tengdist ferðaskrifstofu-
ferðum fyrir eldri borgara. - aa
Danskur bæjarstjóri í fangelsi:
Svik í þágu
íþróttafélags
KLIFRAÐ NIÐUR AF HÁUM PALLI Afgönsk
kona klifrar þarna niður af háum palli bif-
reiðar sem flutti hana og fleiri flóttamenn
aftur á heimaslóðir í Kabúl. FRÉTTABLAÐIÐ/AP
HEILBRIGÐISMÁL Konur sem bera í
sér tiltekinn erfðabreytileika eru í
80 prósenta meiri hættu á að fá
brjóstakrabbamein en hinar sem
ekki bera hann.
Þetta kemur fram í læknis-
fræðitímaritinu PloS Medicine
sem birti í gær grein eftir vísinda-
menn Íslenskrar erfðagreiningar
og samstarfsaðila á Landspítala -
háskólasjúkrahúsi. Þar er lýst
tengslum erfðabreytileika við
brjóstakrabbamein. Rannsóknin
náði til um eitt þúsund kvenna
sem greinst hafa með brjósta-
krabbamein á Íslandi og reyndust
um 5,4 prósent þeirra bera þennan
erfðabreytileika, miðað við 3,1
prósent einstaklinga í viðmiðunar-
hópi. Rannsóknir á Ítalíu og í Finn-
landi höfðu áður gefið til kynna að
breytileiki í BARD1-erfðavísinum
kynni að tengjast aukinni hættu á
brjóstakrabbameini í ákveðnum
fjölskyldum með háa tíðni brjósta-
krabbameins. Rannsóknir
Íslenskrar erfðagreiningar sýna
að ákveðin áhættuarfgerð BARD1-
erfðavísisins gegnir hlutverki í
myndun brjóstakrabbameins
almennt.
Á Íslandi tengjast um 8 prósent
tilfella brjóstakrabbameins ákveð-
inni stökkbreytingu í BRCA2-
erfðavísinum. Í rannsókninni er
sýnt fram á að mjög sterkar líkur
eru á að konur sem erfa bæði
áhættuarfgerðir BARD1- og
BRCA2-erfðavísanna fái brjósta-
krabbamein. -jss
ÍSLENSK ERFÐAGREINING Stefnir á, í
samstarfi við bandaríska líftæknifyrir-
tækið Illumina Inc., að staðfesta þessar
niðurstöður hjá öðrum þjóðum og þróa
greiningarpróf á grundvelli þeirra.
Rannsókn Íslenskrar erfðagreiningar á brjóstakrabbameini:
Áttunda hver kona í áhættu
VÍNARBORG, AP George W. Bush
Bandaríkjaforseti segist hafa
fullan skilning á áhyggjum Evr-
ópumanna af hinum umdeildu
fangabúðum bandaríska hersins
við Guantanamo á Kúbu.
„Ég skil áhyggjur þeirra,“
sagði Bush að loknum fundi
sínum með leiðtogum Evrópu-
sambandsins í Austurríki í gær.
„Ég vildi gjarnan binda endi á
Guantanamo. Ég vildi að það
væri allt saman búið.“
Hann tók fram að 200 fangar
hefðu nú þegar verið sendir heim
til sín. Eftir eru 460 fangar og
þeir eru flestir frá Sádi-Arabíu,
Jemen og Afganistan.
„Sumir þeirra þurfa að koma
fyrir rétt í Bandaríkjunum,“
sagði Bush. „Þeir eru kaldrifjað-
ir morðingjar. Þeir munu fremja
morð ef þeim er sleppt út.“
Bush kom til Vínarborgar í
gær og hitti þar að máli Wolf-
gang Schlüssel, kanslara Austur-
ríkis, sem nú fer með formennsku
í Evrópusambandinu. Einnig
sátu fundinn þeir Jose Manuel
Barroso, forseti framkvæmda-
stjórnar Evrópusambandsins, og
Javier Solana, utanríkismála-
stjóri ESB.
Að loknum fundinum hvöttu
bæði Bush og Evrópusambands-
leiðtogarnir Írana og Norður-
Kóerumenn til þess að láta af
áformum sínum í kjarnorkumál-
um.
Bush sakaði írönsk stjórnvöld
um að hafa dregið alltof lengi að
svara tilboði frá Vesturlöndum,
sem Javier Solana kynnti þeim
fyrir rúmlega hálfum mánuði.
Bush sagði einnig að Norður-
Kóreumenn myndu einangrast
enn frekar á alþjóðlegum vett-
vangi ef þeir láta verða af því að
gera tilraunir með langdræg
flugskeyti, sem hægt væri að
skjóta alla leið til Bandaríkj-
anna.
Bush viðurkenndi einnig að
ágreiningur hefði verið milli
Evrópumanna og Bandaríkjanna
um hernaðinn í Írak, en hann
sagðist vonast til þess að sá
ágreiningur væri að baki.
Hann sagði niðurstöður skoð-
anakönnunar, sem nýverið var
gerð meðal íbúa Evrópusam-
bandsins, vera „fáránlegar“, en
samkvæmt þeirri könnun telur
meirihluti Evrópumanna fram-
ferði Bandaríkjamanna í Írak
vera meira vandamál fyrir
heimsbyggðina en kjarnorkuá-
form Írana. gudsteinn@frettabladid.is
GEORGE W. BUSH OG WOLFGANG SCHÜSSEL Á blaðamannafundi í Vínarborg í gær sagðist
Bandaríkjaforseti hafa fullan skilning á áhyggjum Evrópumanna vegna fangabúðanna við
Guantanamo. FRÉTTABLAÐIÐ/AP
Segist vilja loka en
ekki geta það strax
Fangabúðirnar við Guantanamo voru ofarlega á baugi á leiðtogafundinum í
Austurríki. Bush beindi spjótum sínum að Íran og Norður-Kóreu, og sagði „fá-
ránlegt“ að hernaðurinn í Írak væri stærra vandamál en kjarnorkuáform Írans.
STJÓRNMÁL Stjórn Hvatar, félags
sjálfstæðiskvenna í Reykjavík,
hefur sent frá sér ályktun þar sem
hlutur kvenna í nefndum borgar-
stjórnar er harmaður. Þær benda
á að í aðeins tveim ráðum af átta
er kona formaður en það eru þær
Hanna Birna Kristjánsdóttir, for-
maður skipulagsráðs, og Jórunn
Frímannsdóttir, formaður velferð-
arsviðs.
Í tilkynningunni segir orðrétt:
„Tíðkast hefur verið að nota þá
afsökun að konur taki ekki þátt í
stjórnmálum en hér er ekki hægt
að nota slíka afsökun enda helm-
ingur frambjóðenda konur.“
Camilla Ósk Hákonardóttir,
formaður Hvatar, segir að félagið
hafi sent ályktunina út núna þar
sem styttist í alþingiskosningar og
þetta líti ekki vel út fyrir þær
konur sem hyggjast bjóða sig
fram þar. - gþg
Hvatarkonur álykta:
Harma rýran
hlut kvenna
Mannrán í Bagdad Hálfum níunda
tug verksmiðjustarfsmanna var rænt í
gær er þeir voru á leið úr vinnu sinni í
norðurhluta Bagdad og gíslarnir fluttir í
bíla. Ekkert var vitað um afdrif þeirra, að
sögn lögreglu.
ÍRAK
Forseti segi af sér Leiðtogi stjórnar-
andstöðu Taívans hefur krafist afsagnar
forseta landsins vegna spillingarmála í
fjölskyldu hans og meintrar vanhæfni.
TAÍVAN
STJÓRNMÁL Borgarstjórn sam-
þykkti samhljóða á síðasta borgar-
stjórnarfundi tillögu borgarfull-
trúa vinstri grænna um úttekt á
kynjajafnréttismálum hjá Reykja-
víkurborg.
Borgarstjórn ákvað að fela
mannréttindanefnd að gera þessa
úttekt en hún á meðal annars að
afla upplýsinga um laun starfs-
manna eftir kynjum, skiptingu
kynja í nefndir og ráð á vegum
borgarinnar og að kanna viðhorf
embættismanna til kynjajafnréttis.
Árni Þór Sigurðsson borgarfull-
trúi vinstri grænna segir tillöguna
ekki tengjast sérstaklega þeirri
gagnrýni sem komið hefur fram
um skipan í nefndir og ráð borgar-
innar en það hafi þó vakið fólk til
umhugsunar um þessi mál. -gþg
Tillaga VG samþykkt:
Úttekt á jafn-
réttismálum
ÍRAN, AP Mahmoud Ahmadinejad,
forseti Írans, sagði í gær að tilboði
stórveldanna, sem Javier Solana,
utanríkismálastjóri Evrópusam-
bandsins, kynnti
fyrir Írönum í
byrjun júní, verði
ekki svarað fyrr
en um miðjan
ágúst.
Tilboðið felur
í sér að Íranar fái
margvíslega
aðstoð frá Vest-
urlöndum láti
þeir af áformum
sínum um að
auðga úran, sem
er aðferð til þess
að gera úran
geislavirkara, sem er nauðsynlegt
til þess að það verði nothæft í
kjarnorkuvopn. Jafnframt er Írön-
um hótað refsiaðgerðum gangi
þeir ekki að tilboðinu. - gb
Forseti Írans:
Gefur svar um
miðjan ágúst
MAHMOUD
AHMADINEJAD
Friðarviðræður Þrír æðstu ráðamenn
bráðabirgðastjórnarinnar í Sómalíu flugu
í gær til friðarviðræðna við uppreisnar-
menn íslamista, sem ráða nú lögum og
lofum í landinu. Viðræðurnar fara fram í
nágrannaríkinu Súdan.
SÓMALÍA