Fréttablaðið - 22.06.2006, Blaðsíða 80

22. júní 2006 FIMMTUDAGUR44
bio@frettabladid.is
Brannon Braga, einn af framleið-
endum og höfundum Star Trek-
þáttanna, er staddur hér á landi og
spjallar við áhugasama í Nexus-
myndasögubúðinni við Hverfis-
götu í kvöld.
Braga hóf feril sinn sem hand-
ritshöfundur að Star Trek: The
Next Generations-seríunni, þar
sem Patrick Stewart vakti fyrst
eftirtekt í hlutverki Jean-Luc
Picard skipstjóra. Braga vann sig
fljótlega upp í stöðu framleiðanda
og er aðalframleiðandi Star Trek
Enterprise. Alls hefur hann samið
um hundrað þætti í seríunni, bæði
einn og með öðrum, auk þess sem
hann er meðhöfundur að myndun-
um Generations og First Contact,
sem er af mörgum talin besta
myndin í bálknum. Braga er á
Íslandi til að vera viðstaddur ráð-
stefnu trúleysingja, sem Athiest
Alliance Int. og SAMT um trúleysi
standa að, en hann flytur einmitt
erindi um trúleysi í Star Trek.
Áður en Braga mætir á svæðið
sýnir Nexus í spilasal sínum
finnsku myndina Star Wrek: in the
Pirkinning; óð til Star Trek sem
gerður var við þröngan kost en af
mikilli hugvitssemi. Sýningin
hefst klukkan 19 í kvöld en spjall
Braga hefst klukkan 21. Ókeypis
er inn á báða atburði og allir eru
velkomnir.
Framleiðandi Star Trek í Nexus
BRANNON BRAGA Hóf feril sinn sem hand-
ritshöfundur en er nú aðalframleiðandi Star
Trek-þáttanna. NORDICPHOTOS/GETTY IMAGES
- Okay, let me see if I got this straight.
In order to be grounded I‘ve got to be
crazy, and I must be crazy to keep flying
missions. But, if I ask to be grounded that
means I‘m not crazy anymore, and I have
to keep flying. That‘s some catch, that
catch-22.
- It‘s the best there is.
John Yossarian kemst að því að ekki er hlaupið að því að komast úr
flughernum, jafnvel þótt maður sé genginn af vitinu. Úr Catch-22 í leikstjórn
Mike Nichols frá 1970.
Þýski leikstjórinn Uwe Boll hefur
fengið sig fullsaddan af vondri
gagnrýni og skorar á kvikmynda-
gagnrýnendur að slást við sig.
Myndir Bolls byggja iðulega á
tölvuleikjum og hafa fallið í grýtt-
an jarðveg gagnrýnenda og áhorf-
enda. Sem dæmi má nefna að síð-
ustu þrjár myndir hans skrapa allar
botninn á vefnum Internet Movie
Database. Auk þess kallaði Alan
Jones, höfundur bókarinnar The
Rough Guide to Horror Movies,
hann „versta leikstjóra í heimi“.
Boll hefur nú fengið nóg og skor-
ar á þá sem hafa eitthvað út á mynd-
ir hans að setja að gera út um málið
fyrir fullt og allt í tíu lotu bardaga í
Vancouver í Kanada, þar sem hann
vinnur nú að myndinni Postal.
Þótt myndir Bolls hafi fallið í
grýttan jarðveg í vissum kreðsum
hafa myndir hans gefið ágætan arð
og honum gengið vel að fá þekkt
nöfn til liðs við sig, þar á meðal
Michelle Rodriquez, Christian Slat-
er og sir Ben Kingsley. Til gamans
má geta að Boll hefur komið við
sögu íslenskrar kvikmyndagerðar
en hann var einn af framleiðendum
myndarinnar Fíaskó eftir Ragnar
Bragason.
-bs
Vill slást við
gagnrýnendur
UWE BOLL Síðasta mynd hans, Bloodrayne,
kom út í fyrra. NORDICPHOTOS/GETTYIMAGES
Eftirlætis kvikmynd: Þetta er erfiðasta kvik-
myndaspurning í heimi, eiginlega vonlaus. Mér
dettur þó í hug Being There, Big Blue, Cinema
Paradiso, Dansar við úlfa, 2001: A Space
Odyssey, The Cook, the Thief, His Wife and Her
Lover og Braveheart svo fáar séu nefndar.
Eftirminnilegasta atriðið: Litli strákurinn sem
syngur í The Cook, the Thief, His Wife and Her
Lover. Fallegasta rödd sem ég hef heyrt!
Uppáhaldsleikstjóri: Stanley Kubrick er bara
snillingur sem getur allt. Jim Jarmusch hefur
frábæran húmor og skrifar frábær handrit og
lífið er svo „real“ hjá Hal Hartley.
Uppáhalds íslenska myndin: Englar alheims-
ins er fullkomin frá upphafi til enda.
Mesta hetja hvíta tjaldsins: Inspector
Clouseau, Chaplin og Kalli kanína.
Mesti skúrkurinn: Pass.
Hver fer mest í taugarnar á þér? Hreinlega
þoli ekki Jennifer Tilly. Röddin hennar! Hvar eru
eyrnatapparnir?
Ef þú fengir að velja kvikmynd til að
leika í, leikstjóra og mótleikara, hvernig
mynd yrði það? Athyglisverð spurning.
Ef Kubrick væri enn meðal okkar, fengi
hann þann heiður að leikstýra dekurróf-
unni á móti Gary Oldman í ævintýra-
mynd, helst með fullt af hestum og
indíánaþema.
KVIKMYNDANJÖRÐURINN VALERIE DESCRIERES ATHAFNAKONA
Á hestbaki með Gary Oldman
Tölvuteiknimyndin Bílar
er sýnd í kvikmyndahúsum
landsins um þessar mund-
ir. Fjöldi þekkktra leikara
ljær persónum myndarinn-
ar raddir sínar í íslensku
útgáfunni. Þeirra á meðal
er Þórhallur Sigurðsson
– Laddi – en fáir, ef nokkrir
hér á landi hafa talað inn
á jafnmargar myndir úr
draumaverksmiðjunni og
hann.
„Krókur er öðruvísi en flestir þeir
sem ég hef talað inn á fyrir,“ segir
Laddi um persónu sína í Bílum.
„Þetta er svona ekta amerískur
sveitadurgur, en afskaplega
skemmtilegur sem og myndin öll.
Ég fer ekki alltaf að sjá myndirn-
ar sem ég tala inn á en ég ætla svo
sannarlega að sjá þessa.“
Laddi hefur haft fast hlutverk í
fjölmörgum teiknimyndum frá
stórframleiðendum á borð við
Disney, Pixar (sem hefur reyndar
sameinast Disney) og Dream-
works frá því hann fetaði í fótspor
Robin Williams árið 1992 þegar
hann talaði fyrir andann í Aladdín.
Hann segir það líka vera með eft-
irminnilegri hlutverkum. „Þetta
var fyrsta aðalhlutverkið og mjög
skemmtilegt líka. En Tímon í Kon-
ungi ljónanna er líka í miklu uppá-
haldi, enda eru hann og Púmba
sérstaklega fjörugt tvíeyki.“ Af
öðrum persónum sem Laddi hefur
ljáð rödd sína má nefna asnann í
Shrek, Tuma tígur í myndunum
um Bangsímon og Dumbledore
prófessor í Harry Potter. Sjálfur
kveðst Laddi ekki hafa hugmynd
um hvað hann hefur talað inn á
margar myndir. „Þær eru orðnar
svo margar að það er ekki nokkur
leið að halda utan um þetta.“
Persónurnar sem Laddi talar
fyrir eiga það oftar en ekki sam-
eiginlegt að vera vitgrannir
kjaftaskar og orkusugur en með
hjartað á réttum stað. Laddi viður-
kennir að það geti reynt á að leika
slíkar persónur og hann sé misvel
upplagður til starfans. „Ég reyni
að vera ekki á ferðinni snemma á
morgnana. Þá er röddin heldur
ekki komin almennilega í gang.
Mér finnst best að byrja um klukk-
an ellefu á morgnana og vera til
svona þrjú eða fjögur. En ég er
helst ekki að í meira en fjóra tíma
í einu.“
Það er strangara ferli en marg-
an grunar að talsetja myndir fyrir
fyrirtæki á borð við Disney-Pixar,
til dæmis þurfa menn ytra að sam-
þykkja allar raddir og þar á bæ
eru menn vandlátir. Laddi er þó
einn þeirra sem framleiðendur
þurfa vart að heyra í til að sam-
þykkja. „Já, mér skilst að ég njóti
einhvers velvilja þarna úti. Eitt
sinn var mér sagt að það hafi geng-
ið illa að finna rétta rödd í ákveðið
hlutverk. Eftir að því hafði verið
hafnað tvisvar eða þrisvar var
hins vegar spurt að utan. „Af
hverju fáið þið ekki bara Ladda?“
Sem var gert. Þannig að ég er vel
tengdur í Hollywood,“ segir Laddi
og hlær.
bergsteinn@frettabladid.is
Andinn og Tímon í mestu uppáhaldi
LADDI Segir Krók vera öðruvísi karakter en hann talar yfirleitt inn á fyrir. Ekta amerískur sveitadurgur, en þrælskemmtilegur.
FRÉTTABLAÐIÐ/HEIÐA
TRYGGÐU ÞÉR BLAÐIÐ
Í ÁSKRIFT MEÐ
30% AFSLÆTTI
Á AÐEINS 489 KR.
EINTAKIÐ OG FÁÐU
VEGLEGA GJÖF
Í KAUPBÆTI
GLÆNÝTT
VEGGFÓÐUR ER KOMIÐ ÚT
ÁSKRIFTARSÍMI 550 5000 | WWW.VISIR.IS
Kaggi í klandri á þjóðvegi 66
Tölvuteiknimyndin Bílar gerist í bílaheimi
og segir frá kappakstursbílnum Leiftri
McQueen, sem hefur slegið í gegn á
kappakstursbrautinni. Frægðin hefur stigið
honum eilítið til höfuðs; gorgeirinn kemur
honum í klandur í bænum Vatnskassa vin
og gæti kostað hann meistaratitil í
kappakstri. Leiftur er dæmdur í
samfélagsþjónustu til að borga skemmdir
sem hann hefur valdið. Hann kemst fljótt
að því hann þarf ekki aðeins að greiða
skuldir sínar heldur líka að læra að meta
og virða bæjarbúana, þótt þeir kunni að
virðast honum framandi. Á vegi hans
verða litríkar persónur, þar á meðal
dráttarbíllinn Krókur, tryllitækið Kalli kaldi
og gamli skrjóðurinn Doksi Hudson en
allir eiga þeir eftir að kenna Leiftri að fleira
skiptir máli í lífinu en velgengni á
kappakstursbrautinni.
KRÓKUR OG LEIFTUR Atli Rafn Sigurðarson talar fyrir Leiftur í íslensku útgáfunni en
Laddi talar fyrir Krók.