Fréttablaðið - 22.06.2006, Blaðsíða 74
22. júní 2006 FIMMTUDAGUR38
menning@frettabladid.is
! KL. 14.00Sýningum Karin Sander og Ceal
Floyer í Safni á Laugavegi 37 lýkur
nú um helgina. Á grunnhæð Safns
býður Karin Sander gestum að
hlýða á hljóðverk eftir 40 lista-
menn. Á annarri og þriðju hæð
byggingarinnar má svo sjá skúlptúr,
textaverk, málverk, ljósmyndir og
vídeóverk eftir myndlistarkonurnar
tvær en þær eru meðal þekktustu og
áhugaverðustu myndlistarkonum í
Evrópu í dag.
Listamaðurinn Heimir Björgúlfsson heldur
sína fimmtu einkasýningu hér á landi í gall-
erí Suðsuðvestur, Hafnargötu 23 í Keflavík.
Sýningin nefnist „yst glitrar“ og verður
opnuð á laugardaginn.
Heimir hefur nýlega verið með einka-
sýningar í Hollandi og Belgíu og hann býr
og starfar bæði í Los Angeles og Amster-
dam. Listamaðurinn lýsir sýningunni svo að
allt eigi sér hliðstæðu í hlaupkenndu efni
með venjulegum augum. Hann telur að allir
hlutir glitri jafnvel hið hlaupkennda. Sýn-
ingin stendur til 16. júlí og er opin fimmtu-
daga og föstudaga frá kl. 16-18, laugardaga
og sunnudaga frá kl. 14-17. Nánari upplýs-
ingar má finna á vefsíðunni www.sudsu-
dvestur.is.
Allt glitrar hjá Heimi
LISTAMAÐURINN SJÁLFUR Heimir Björgúlfsson opnar
sýningu sína á laugardaginn og nefnist hún „yst
glitrar“.
> Ekki missa af...
fyrstu menningargöngunni frá
Leirubakka sem verður farin nú á
Jónsmessunótt, 23. júní. Gengið
verður að Landréttum í Réttanesi
undir leiðsögn tveggja fjallkónga
í Landmannaafrétti. Einnig verða
gömlu Landréttirnar skoðaðar sem
lögðust af vegna sandroks 1660.
Sigrún Hanna Þorgrímsdóttir þjóð-
fræðinemi mun leiða gönguna.
Hádegistónleikum Hallveigar
Rúnarsdóttur og Árna Heimis
Ingólfssonar í galleríi Animu við
Ingólfsstræti 8.
Tónleikum hljómsveitarinnar The
Gang frá New York sem Smekk-
leysa og tímaritið Grapevine
standa fyrir á Galleríi Humri eða
frægð. Tónleikarnir hefjast klukkan
15.
Hljómsveitirnar Land
og synir og Dikta verða
á meðal þeirra sem
koma fram á tónlistar-
hátíðinni Jóansvøku-
festival sem hefst í Fær-
eyjum í dag og stendur
fram til 25. júní. Á
meðal fleiri sveita sem
koma fram eru 200,
Brandur Enni og Dejá
Vu frá Færeyjum. Um
fimm þúsund erlendir
gestir sóttu hátíðina í
fyrra, sem þótti heppn-
ast ákaflega vel.
Hátíðin er haldin í
Suðurey, þar sem um
fimm þúsund manns
búa. Tvöfaldast því
mannfjöldinn á eynni
þegar hátíðin er haldin.
Íslendingar í Færeyjum
HREIMUR Hreimur Örn
Heimisson og félagar í
Landi og sonum spila í
Færeyjum um næstu helgi.
RÉTTABLAÐIÐ/STEFÁN
Leiksýningin Ferðir Guð-
ríðar hefur ferðast til yfir
fimmtán landa en saga
þessarar merku formóður
heillar áhorfendur beggja
vegna Atlantsálanna og
nýlega fór Guðríður sína
fyrstu ferð til Asíu.
Höfundur og leikstjóri sýningar-
innar er Brynja Benediktsdóttir
en verkið var frumsýnt í Skemmti-
húsinu, leikhúsinu við Laufásveg-
inn þar sem Brynja og Erlingur
Gíslason eiginmaður hennar fara
með lyklavöldin. Verkið hefur
verið sýnt meira en þúsund sinn-
um en átta leikkonur hafa farið
með hlutverk Guðríðar og leikið
sýninguna á fimm tungumálum.
„Eins og allir vita ferðaðist
Guðríður frá Íslandi til Noregs,
Grænlands og alla leið til Vínlands
þar sem hún settist að í þrjú ár og
eignaðist soninn Snorra. Hún sneri
heim til Grænlands og settist síðar
að í Glaumbæ í Skagafirði en fór
sem fullorðin kona í pílagríms-
göngu suður til Rómar, til að leita
aflausnar hjá páfanum,“ segir
Brynja. Sögu þessarar merku
konu vinnur hún upp úr heimild-
um úr Grænlendingasögu og Þor-
finns sögu karlsefnis en Guðríður
var uppi snemma á 11. öld.
Sterk og breysk kona
Brynja byggir verkið á sögunum
tveimur en skáldar auðvitað í eyð-
urnar og nýtir sér tæki og mögu-
leika leikhússins til þess að miðla
sögunni og heldur með því í heiðri
hinni munnlegu geymd sem sög-
urnar varðveittust í til að byrja
með. Í sýningunni er tónlist eftir
Margréti Örnólfsdóttur en leik-
mynd hennar hannar Rebekka
Rán Samper. Brynja útskýrir að
verkið sé ekki eingöngu ferðasaga
heldur saga konu sem lifir af
hremmingar í fallvöltum heimi.
„Guðríður var fædd heiðin en varð
kristin síðar á ævinni. Hún er hin
sterka en líka hin breyska kona −
ég geri hana mannlega í verkinu
ólíkt lýsingunum af henni í forn-
sögunum þar sem hún er svo dás-
amlega upphafin og kristin. Hún
er bara venjuleg, sterk, íslensk
kona,“ segir Brynja og áréttar að
margt sé kunnuglegt við sögu
hennar þrátt fyrir þúsund ára
tímamun.
Frábærar viðtökur
Nú á 21. öldinni fögnuðu áhorfend-
ur á alheimsþingi Alþjóða leikhús-
málastofnunarinnar á Filippseyj-
um kynnum af Guðríði en tvær
leikkonur, þær Valdís Arnardóttir
og Sólveig Simha, ferðuðust til
höfuðborgarinnar Manilla með
sýninguna ásamt tæknimanninum
Guðmundi Guðmundssyni. Hátíð
þessari hefur verið líkt við ólymp-
íuleika leiklistarinnar en yfir 1000
manns sóttu hana að þessu sinni.
Fullt var út úr dyrum á báðar sýn-
ingarnar og að sögn Viðars Egg-
ertssonar, forseta stofnunarinnar
á Íslandi sem staddur var á hátíð-
inni, vöktu sýningarnar hrifningu
og aðdáun leikhúsunnenda hvaða-
næva að.
Engin stofnun
Brynja hefur ávallt fylgt sýning-
unni sinni eftir, ekki aðeins sem
höfundur og leikstjóri heldur einn-
ig sem tæknimaður ef nauðsyn
krefur en hún komst þó ekki með
til Manilla sökum kostnaðar því
ekki er ókeypis að ferðast með
leikhúsið til fjarlægra heimsálfa.
„Við vitum ekki hvernig framtíðin
verður en boðin halda áfram að
hrynja inn. Leikhúsið mitt er engin
stofnun − þetta er bara tveggja
manna leikhús okkar hjónanna.
Þess vegna byrja ég alltaf á núll-
punkti þegar kemur að því að
finna peninga fyrir sýninguna.
Næsta boð er til Kólumbíu og
nýlega barst boð frá Ítalíu og
okkur finnst alveg nauðsynlegt
fyrir Guðríði að komast aftur til
Rómar,“ segir Brynja og bendir á
að líka sé búið að bjóða sýningunni
alla leið til Tasmaníu. „Svo ég spyr
mig hvort ég eigi að leggja þetta
niður og hætta eða hvort ég eigi
enn að fara af stað og reyna að
safna.“ Sífellt erfiðara reynist að
afla fjár til þess að hægt sé að
sýna verkið hérlendis og þetta er
til dæmis fyrsta sumarið sem sýn-
ingin er ekki sett upp í Skemmti-
húsinu.
Forréttindi fyrir höfund
Sýningin um Ferðir Guðríðar
hefur verið í stöðugri þróun öll
þessi ár og Brynja segist njóta
mikilla forréttinda sem höfundur
að geta fylgst með henni vaxa og
breytast. „Ég hef unnið handritið
áfram, til þess að lifa af þá hef ég
sífellt verið að breyta áherslum
til dæmis svo hver leikkona fái
notið sín, þó þemað sé alltaf hið
sama,“ segir hún.
Brynja vinnur ásamt eigin-
manni sínum að öðru verki um
pílagrímsför Guðríðar svo leik-
húsgestir geta búist við áfram-
haldandi ævintýrum og sögum af
ferðalögum Guðríðar. Hver veit
nema að hún nái að ferðast kring-
um hnöttinn á endanum?
kristrun@frettabladid.is
Guðríður gerir víðreist
BRYNJA BENEDIKSDÓTTIR OG VALDÍS ARNARDÓTTIR Leikritið Ferðir Guðríðar hefur verið sýnt meira en þúsund sinnum, í rúmlega fimmtán
löndum og á fimm tungumálum. FRÉTTABLAÐIÐ/GVA
���������������������������������������
����������������
���
��
��
��
���
��
��
��
��
��
��
��
��
������������� ������������� ����������� ����������� �������
������������������������������
�������
�����
��� �� � �� ��������
������ ���������� �
��������
���������������������
�� �����������
�������������� ������������� ���������
������ ���������� �
�������������
���������������������
�� �����������
Miðasala á tónlistarhátíðina Inni-
púkann sem verður á Nasa 4. til 6.
ágúst hefst fimmtudaginn 29. júní.
Tuttugu og þrjú tónlistaratriði
verða á hátíðinni, þar af fimm
erlend. Verða þau tilkynnt sama
dag og miðasalan hefst. Á meðal
hljómsveita sem spiluðu á Innipúk-
anum í fyrra voru Blonde Redhead,
Trabant, Singapore Sling, Mugison,
Hjálmar, Jonathan Richman og
Apparat.
Þetta er fimmta árið sem hátíðin
fer fram um verslunarmannahelg-
ina í Reykjavík. Tilgangurinn er að
bjóða upp á góða tónlist í Reykjavík
á sama tíma og vertíð útihátíða
gengur í garð.
Miðasala á hátíðina hefst klukk-
an 10 á midi.is, í verslunum Skíf-
unnar og í vel völdum verslunum
BT. Hægt verður að kaupa passa á
alla hátíðina og einstaka daga líka.
Passi á alla hátíðina kostar 6.000 kr.
auk miðagjalds og dagspassi kostar
2.900 krónur auk miðagjalds. Þess
ber að geta að alltaf hefur orðið
uppselt á hátíðina og takmarkað
fjöldi miða er í boði.
Fimm erlend nöfn á
Innipúkanum
TRABANT Hljómsveitin Trabant spilaði á
Innipúkanum í fyrra við góðar undirtektir.
FRÉTTABLAÐIÐ/HÖRÐUR