Fréttablaðið - 22.06.2006, Blaðsíða 50

■■■■ { sumarið 2006 } ■■■■■■■■■■■■■■■■■■■■■■■■■■■■■■■■■■■■■■■■■■■■■■■10
„Aðsóknin er góð þótt það fari
heldur minna fyrir gamla tjaldinu
en áður,“ segir Garðar Kjartansson,
rekstraraðili Þrastalundar sem hefur
umsjón með tjaldsvæðinu í Þrasta-
skógi. „Hústjöld og húsvagnar eru
meira áberandi. Fækkun tjalda má
líka rekja til fjölgunar sumarbústaða
en verið er að byggja 600 sumarbú-
staði á innan við tíu kílómetra radí-
us frá Þrastalundi.“
Að mati Garðars er margt sem ræður
aðsókninni í Þrastaskóg. „Hér ríkir
náttúrulega logn vegna hárra trjáa,“
útskýrir hann og bætir við að fjöldi
göngustíga um svæðið og góð sal-
ernisaðstaða nálægt tjaldsvæðinu
skemmi heldur ekki fyrir.
Líkt og á öðrum tjaldsvæð-
um ríkja síðan ákveðnar reglur í
Þrastaskógi, sem gott er að þekkja.
„Á tjaldsvæðinu er vörður sem sér
um að þeim sé framfylgt,“ útskýrir
Garðar. „Það er til dæmis bannað
að kveikja eld í skóginum, þar sem
við viljum auðvitað koma í veg fyrir
skógarelda. Á móti kemur að hér er
góð aðstaða til að elda utanhúss. Svo
krefjumst við snyrtilegrar umgengni
og að fólk sýni hvert öðru tillit. Það
er til dæmis bannað að spila háværa
tónlist fram eftir öllu, en hlýði fólk
því ekki þá er lögregla kölluð til.“
En hvernig skyldi landanum
ganga að fara eftir þessu fyrir-
komulagi? Að sögn Garðars hlýða
flestir settum reglum og umgengni
á svæðinu er til fyrirmyndar. „Fólk
tekur í flestum tilvikum tillit hver
til annars og unga fólkið stendur
sig mjög vel í því samhengi,“ segir
hann. „Það er auðvitað alltaf ein-
hverjar undantekningar á því, en
þær eru sjaldgæfar,“ bætir hann
við.
Gamla tjaldið á undanhaldi
Margir telja Þrastaskóg með fallegri útvistarsvæðum Íslands. En hver er aðsóknin á
svæðið og hvaða reglur eru þar í gildi?
Garðar líkir Þrastaskógi við falinn fjársjóð, þar sem svæðið er hulið háum trjám svo það fer
stundum alveg fram hjá vegfarendum. FRÉTTABLAÐIÐ/SIGURÐUR JÖKULL ÓLAFSSON
Garðar er ánægður með aðsóknina á svæðið og segir að fyrirhugað sé að halda þar tónleika í sumar. FRÉTTABLAÐIÐ/GVA
Veitingastaðurinn Fjöruborðið á
Eyrarbraut 3 á Stokkseyri er marg-
rómaður fyrir ljúffengan, grillað-
an humar með hvítlauk og smjöri,
borinn fram með góðu brauði og
salati. Aðeins er unnið með ferskt
hráefni enda stendur staðurinn við
fjöruna. Þá þykir humarsúpan vera
einstök. Fyrir þá sem ekki borða
humar má velja á milli lambafillets
og nauta carpaccio sem er hvort
tveggja með góðu meðlæti. Sér-
stakur barnamatseðill er á staðn-
um. Sjá www.fjorubordid.is.
Fjöruborðið á Stokkseyri
Á Narfeyrarstofu við Aðalgötu 3 í
Stykkishólmi (í miðbænum við hlið
gömlu kirkjunnar) er boðið upp á
ferskan afla úr Breiðafirði, svo sem
humar, rauðsprettu og skötusel.
Af eftirsóttum réttum má nefna
hörpuskel, þorsk, reyktan svart-
fugl, léttsoðið egg í brauðbollu
með salati og fiskisúpu, byggða
á soði af humarskeljum, trjónu-
krabba og fiski, sem hefur notið
samfelldra vinsælda frá upphafi.
Ekki nóg með að Narfeyrarstofa
bjóði upp á ljúffengan mat heldur
standa eigendur staðarins nú fyrir
hestvagnaferðum um bæinn.
Narfeyrarstofa í Stykkishólmi
„Við vildum tengja saman menn-
ingu og ferðamál,“ segir Áslaug um
kaup þeirra hjóna á Faktorshúsinu
á Ísafirði. Húsið var 70 ár í eigu
Ísafjarðarkaupstaðar áður en þau
keyptu húsið 1993 og hófu endur-
bætur á því fimm árum síðar. „Við
ákváðum fyrst að hafa kaffi- og
veitingahús í húsnæðinu, þar sem
nú er boðið upp á fisk og aðrar
kræsingar, enda litum við svo að
húsið væri ekki einkamál heldur
tilheyrði menningararfi íslensku
þjóðarinnar,“ bætir hún við.
Að sögn Áslaugar hafði hana
síðan lengi dreymt um að hafa svítu
í húsinu, en sá draumur varð að
veruleika á síðasta ári þegar form-
legum endurbótum á húsnæðinu
lauk. „Þar inni eru tvær tvíbreiðar
lokrekkjur í fullri lengd, í gamaldags
stíl en þó búnar öllum nútímaþæg-
indum,“ útskýrir hún. Almenningi
stendur því nú til boða að snæða og
gista á sögulegum slóðum, í hjarta
Ísafjarðarbæjar en senda má tölvu-
póst á gistias@snerpa.is til að fá
nánari upplýsingar.
Menningararfur þjóðarinnar
Fyrir þrettán árum festu hjónin Áslaug Jóhanna Jensdóttir ferðaþjónn og Magnús
Helgi Alfreðsson húsasmíðameistari kaup á einu elsta húsi landsins, staðsettu í Ísa-
fjarðarbæ, og gerðu upp, en þar er nú skemmtilegt veitingahús og gistiheimili rekið.
Þótt Faktorshúsið sé í gamaldags stíl eins
og hér sést, er það búið helstu nútíma-
þægindum. Sem dæmi geta fartölvueig-
endur notfært sér þráðlaust net. Mynd tók
Halldór Sveinbjörnsson.
Lokrekkja og svefnbekkur eru málið ef þú vilt upplifa þægilegan svefnmáta. Mynd tók
Halldór Sveinbjörnsson.