Fréttablaðið - 22.06.2006, Blaðsíða 23
FIMMTUDAGUR 22. júní 2006 23
Norska hugbúnaðarfyrirtækið
Opera Software hefur sent frá
sér útgáfu af Opera-vafranum
fyrir einkatölvur sem keyra á
stýrikerfum frá Microsoft, Apple
og Linux. Vafrinn, líkt og fyrri
vafrar Opera, ber nafn fyrirtæk-
isins. Hann er sá níundi í röðinni
og á 25 tungumálum. Hægt er að
hlaða vafranum niður ókeypis af
vefsvæðinu Opera.com.
Í tilkynningu frá Opera Soft-
ware segir að fjölmargar nýj-
ungar séu í nýja vafranum en á
meðal þeirra er stuðningur við
skráaskiptiforritið BitTorrent,
sem auðveldar fólki að skiptast
á skrám á netinu. Auk þess er
hægt að rápa um netið í mörgum
flipum í einu þótt einungis einn
gluggi Opera 9 sé opinn. Þá geta
notendur vafrans sömuleiðis
hindrað að auglýsingagluggar
skjótist upp á skjáinn.
Haft er eftir Jóni Stephenson
von Tetzchner, forstjóra og
stofnanda Opera Software, að
fyrirtækið hafi reynt til þrautar
að fullnægja flestum þörfum
netverja. „Ég held að Opera 9
hafi eitthvað fyrir alla,“ segir
hann og bendir sérstaklega á
BitTorrent stuðninginn og lítil
hjálparforrit sem kallast widgets
og eru innbyggð í nýja vafrann.
„Við förum að ytri mörkum þess
sem fólk býst við af upplifun
sinni af netinu bæði hvað varðar
hraða og nýjungar.“
- jab
JÓN S. VON TETZCHNER Fyrirtæki Jóns,
Opera Software, hefur gefið út nýjan vafra,
Opera 9. MYND/VILHELM
Nýr Opera-vafri styður BitTorrent
Jean-Claude Trichet, bankastjóri
evrópska seðlabankans, sagði á
fundi efnahags- og fjárlaganefndar
Evrópusambandsins (ESB) í gær,
að bankinn væri reiðubúinn til að
hækka stýrivexti hvenær sem er til
að halda verðbólgu niðri.
Trichet sagði ennfremur að
snörp hækkun á fasteignaverði og
aukning veðlána hafi verið ástæða
25 punkta hækkunar stýrivaxta í
maí en þeir standa nú í 2,75 pró-
sentum.
Næsti vaxtafundur evrópska
seðlabankans er í lok ágúst. Sér-
fræðingar segja miklar líkur á 25
punkta hækkun stýrivaxta að þeim
fundi loknum og segja líkur á ann-
arri hækkun fyrir árslok. - jab
Er tilbúinn að
hækka vexti
JEAN CLAUDE TRICHET Sérfræðingar spá
því að bankastjórn evrópska seðlabankans
hækki stýrivexti tvisvar á árinu.
Velta í dagvöruverslun í maí var
4,7 prósent minni heldur en á sama
tíma í fyrra segir í Morgunkornum
Glitnis. Fyrir ári mældist þrettán
prósenta vöxtur dagvöruveltu í
maí.
Að mati greiningardeildar
Glitnis eru heimilin í landinu að
bregðast við breytingum á kaup-
mætti samhliða vaxandi verðbólgu
og gengislækkun krónunnar. Minni
neysla er sögð forsenda þess að
það dragi úr þeirri þenslu sem ein-
kennt hefur efnahagslífið og að úr
viðskiptahallanum réttist. -jsk
Hægir á í dag-
vöruverslun
Samtök farsímafyrirtækja, The
GSM Association (GSMA), hafa
sett sig upp á móti áætlunum Evr-
ópusambandsins um að jafna og
lækka gjöld fyrir reikisímtöl.
GSMA heldur því
fram að fyrirætl-
anir ESB komi til
með að hafa afdrifa-
ríkar og slæmar
afleiðingar fyrir
farsímafyrirtæki í
Evrópu enda sé ætlun-
in „að innleiða handa-
hófskennt gjald í allri Evr-
ópu án tillits til mikils munar sem
verið getur á aðstæðum fyrir-
tækja milli landa Evrópusam-
bandsins“. Samtökin vilja meina
að í kjölfarið dragi úr samkeppni
og nýsköpun í símageiranum.
Verð á reikisímtölum milli
landa er oft hátt og símafyrirtækj-
um nokkur tekjulind, en nýjar
reglur ESB myndu draga nokkuð
úr gróða þeirra vegna millilanda-
símtala. - óká
Farsímafyrir-
tæki mótmæla
Síminn tók upp svokallað
TEMS-villuleitarkerfi
Ericsson fyrir fimm
árum og hefur notað það
með góðum árangri til að
þétta farsímanet sitt um
land allt.
„Við litum á þetta sem
sjálfsagðar fyrirbyggj-
andi aðgerðir til að
tryggja og bæta þjónustu okkar og
töldum svo sem ekki ástæðu til að
hampa því sérstaklega,“ segir Eva
Magnúsdóttir, upplýsingafulltrúi
Símans. Hún taldi þó rétt að árétta
að Síminn hefði fyrir margt löngu
tekið þetta upp í kjölfar fregna frá
Og Vodafone um að þeir
hefðu nýlega hafið slíka
villuleit og talið sig frum-
kvöðla í Evrópu á því
sviði.
TEMS eru sendar sem
prófa fjarskiptanet á
sjálfvirkan hátt og gerir
skýrslur um niðurstöð-
urnar. Og Vodafone er
með slíkan sendi í einum bíl, en
Síminn hefur verið með fimm bíla
í umferð. „Markmið okkar er að
vera með besta kerfið og við
höfum notað TEMS til að hjálpa
okkur að ná því markmiði frá
árinu 2001,“ bætir Eva við. - óká
EVA MAGNÚSDÓTTIR
Fyrst með sjálfvirka
villuleit á Íslandi