Fréttablaðið - 22.06.2006, Blaðsíða 48

■■■■ { sumarið 2006 } ■■■■■■■■■■■■■■■■■■■■■■■■■■■■■■■■■■■■■■■■■■■■■■■8
„Ég er nýfarin af stað með dagskrá
sem ber yfirskriftina Á vit skáld-
anna í Mosfellsdal og Hvalfirði,
segir Guðrún. „Ég var alltaf að fá
símtöl frá fólki sem hafði farið á
önnur námskeið hjá mér og vildi
vita hvort ég væri ekki með eitthvað
nýtt á prjónunum. Það varð til þess
að ég hannaði nýju ferðina.“
Guðrún segir að dagskráin
hefjist í Mosfellskirkju á flutningi
Messunnar á Mosfelli. „Sagt er frá
Ólafíu Jóhannsdóttur,“ útskýrir hún.
„Síðan er brot flutt úr Innansveitar-
kroniku Halldórs Laxness, en ég nýt
aðstoðar góðra leikara, þeirra Marí-
önnu Clöru Lútersdóttur, Jóns Júlí-
ussonar og Karls Guðmundssonar.“
Að sögn Guðrúnar er að svo
búnu keyrt af stað í Hvalfjörðinn,
en á leiðinni eru sögð brot úr sögu
Hólmverja. „Leiðin liggur til Hótel
Glyms þar sem veitingar eru í boði,“
útskýrir hún. „Á meðan gestirnir
snæða veitingarnar bregður Marí-
anna sér í hlutverk fjallkonunnar
og flytur ljóð um Helgu Jarlsdóttur
eftir Davíð Stefánsson, en það er
mjög áhrifamikið að hlýða á fjall-
konuna fara með ljóð um raunveru-
lega konu sem bjó þarna.“
Ferðinni lýkur með heimsókn í
Saurbæjarkirkju þar sem efni eftir
Guðrúnu er flutt, en það byggir á
sögum um æsku Hallgríms Péturs-
sonar. „Ég sótti heimildir í smiðju
föður míns, sem þótti vænt um
Hallgrím, og svo hjálpaði Inga Huld
Hákonardóttir mér með heimilda-
söfnun,“ segir hún í lokin. Nánari
upplýsingar eru á www.storytrips.
com.
Á vit skáldanna
Guðrún Ásmundsdóttir leikkona hefur staðið fyrir sérsniðnum hópferðum á slóðir
Einars Benediktssonar og Ólafíu Jóhannsdóttur. Hún er nú farin af stað með nýja ferð
sem hefur slegið í gegn.
Það er ekki skrítið að Guðrún skuli hefja
dagskrána í Mosfellskirkju, þar sem hún
þykir vera með fallegri kirkjum landsins.
Fyrir utan kirkjuna er stytta af Ólafíu
Jóhannsdóttur, sem leikararnir segja meðal
annars frá.
Hér sjást Guðrún, Maríanna og Jón flytja efnið í Mosfellskirkju. Leikararnir þurfa að vera snarir í snúningum við búningaskipti þar sem þeir
bregða sér í mörg hlutverk í ferðinni. FRÉTTABLAÐIÐ/VILHELM
Gestir fylgdust með leikurunum flytja brot
úr Innansveitarkroniku Halldórs Laxness,
og eins og sést á þessari mynd leyndi
innlifunin sér ekki.
Reykjanesviti var fyrsti viti landsins,
en hann var tekinn í notkun þann
1. desember árið 1878 á Valahnúki
á Reykjanesi. Hann var úr höggnu
grjóti og var byggður við bjarg-
brúnina, en skemmdist í jarðskjálfta
nokkrum árum síðar, en var endur-
nýjaður 1897. Núverandi viti var
hins vegar byggður á Bæjarfelli á
árunum 1907-1908. Afar skemmti-
legt er að heimsækja vitann þar
sem allt umhverfi hans er einstakt.
Hraunið sem einkennir Reykjanes-
ið liggur nánast upp að honum og
má finna jarðhita við hann sem
litar umhverfi sitt fögrum litum.
Fyrir innan sjávarkambinn sunnan
við vitann er Reykjanestjörn en í
henni gætir sjávarfalla. Hvorki er
aðrennsli né frárennsli á yfirborði
en sjá má hvar vatn streymir upp
úr botni hennar í nokkurs konar
uppsprettum. Við tjörnina er einnig
Valbjargargjá, sem er volg, en þar
var sundkennsla Grindvíkinga um
nokkurra ára skeið fyrr á öldinni.
Undan ströndinni er móbergsdrang-
urinn Karl, 52 metra hár. Einnig er
þar mikið bjarg þar sem fuglalíf er
skrautlegt og fjölbreytt.
Reykjanesviti
Ef þú vilt upplifa sannkallaða vík-
ingastemningu þá er Ingólfsskáli
í Efstalandi í Ölfushreppi málið.
Skálinn er í víkingastíl og matur að
hætti landnemanna. Reykt hangi-
kjöt, silung, síld, harðfisk og rúg-
brauð má fá í forrétt, lambasteik
eða kjúkling í aðalrétt, en skyr og
bláber eru vinsæll eftirréttur. Hægt
er að panta bjór og hornasnafs með
mat og borðbúnaður er í víkinga-
stíl. Sjá www.basinn.is.
Ingólfsskáli í Ölfushreppi
Að Hólum er boðið upp á gistingu,
veitingar, tjaldsvæði og sundlaug,
fyrir utan hið stórbrotna umhverfi
og merku sögu sem staðurinn er
þekktur fyrir. Framkvæmdastjóri
ferðaþjónustunnar er Þórólfur Sig-
jónsson. Rósa María segir sumarið
fara vel af stað á Hólum og bjart
yfir framhaldinu. „Það er nú annað
hvort,“ segir hún hressilega. „Hóla-
staður á 900 ára afmæli og svo er
landsmót hestamanna að hefjast
hér í Skagafirði.“
Rósa er Skagfirðingur í húð og
hár og hefur mikla reynslu af ferða-
þjónustu, meðal annars sem aðstoð-
arhótelstjóri sumarhótelsins Áning-
ar í Varmahlíð, auk þess að hafa
lokið námi við ferðaþjónustubraut
Hólaskóla. Hún er því á heimaslóð.
Þetta sumar er boðið upp á 70
rúm við hótelið á Hólum, bæði í
skólahúsinu og smáhýsum í kring.
Tjaldstæðin eru tvö. Annað í skóg-
inum ofan við grunnskólann og
annað sunnar sem meira er notað
fyrir ættarmót og stóra hópa. Gæði
veitingastaðarins á Hólum koma
mörgum á óvart, að sögn Rósu
Maríu. „Veitingastaðurinn Undir
Byrðunni hefur fengið það orð á
sig að vera best geymda leyndar-
mál Norðurlands,“ segir hún og
tekur fram að staðurinn sé aðili að
verkefninu Matarkista Skagafjarðar
þar sem áhersla sé lögð á skagfirskt
gæðahráefni. Greinilega eru samt
ýmsir komnir á bragðið því Rósa
María segir mikið um veislur, ætt-
armót, brúðkaup og aðrar hátíða-
stundir. „Enda er staðurinn bæði
söguríkur og rómantískur,“ bendir
hún á að lokum. Þess ber að geta að
ef fólk vantar leiðsögn um staðinn
er það Málfríður Finnbogadóttir hjá
Hólaskóla sem sér um hana.
Í hátíðarsal Skagafjarðar
Fyrirtækið Gestir og gangandi tók við rekstri ferðaþjónustunnar að Hólum um síðustu
mánaðamót. Hótelstjóri er Rósa María Vésteinsdóttir.
Rósa María Vésteinsdóttir hótelstjóri segir sumarið fara vel af stað á Hólum.
MYND/SÓLRÚN HARÐARDÓTTIR
Upplýsingamiðstöð ferðamanna á Akranesi
Sími: 431 5566 - museum@museum.is www.visitakranes.is
á Akranesi!
Þú getur tekið hring á hinum margrómaða golfvelli Skagamanna, Garðavelli á meðan
börnin leika sér í Garðalundi, útivistarsvæði og skógrækt Akurnesinga, þar sem finna
má leiktæki og sparkvelli fyrir börn á öllum aldri að ógleymdum strandblakvellinum
vinsæla. Þaðan getur þú gengið niður á Safnasvæðið og tekið þér góðan tíma í að
skoða og spekúlera og upplifa liðna tíma á lifandi safnasvæði. Næst liggur leiðin niður
á Langasand, þar sem hægt er að hlaupa um í flæðarmálinu, tína flotta steina og
skeljar, byggja sandkastala í fínum kolsvörtum sandinum eða bara flatmaga í sólinni.
Þennan skemmtilega dag má svo enda á að skreppa í sund, prófa vatnsrenni-
brautina og láta þreytuna líða úr sér í heitum pottunum.
Komdu og eigðu skemmtilegar stundir - á Skaganum!
Uppskrift
að skemmtilegum degi