Fréttablaðið - 22.06.2006, Blaðsíða 52
■■■■ { sumarið 2006 } ■■■■■■■■■■■■■■■■■■■■■■■■■■■■■■■■■■■■■■■■■■■■■■■12
Þó hér hafi synt hvalir í hafinu
kringum landið sennilega löngu
áður en Ingólfur Arnarson steig hér
niður fæti, hafa ekki allir Íslend-
ingar séð hval. Eftir að hvalveiðar
hættu fóru menn að bjóða upp á
hvalaskoðunarferðir og hafa þær
notið vinsælda hjá erlendum ferða-
mönnum. Íslendingar hafa þó tekið
á sig rögg og eru farnir að nýta
sér þessar ferðir til að berja augum
þessar stórmerkilegu skepnur sem
fólk víða um heim gerir ótrúleg-
ustu hluti til að vernda. Sæferðir
er eitt þeirra fyrirtækja sem hefur
staðið fyrir hvalaferðum frá Ólafs-
vík. Þaðan eru daglega farnar tvær
ferðir frá Ólafsvík fyrir og eftir
hádegi, og hver ferð tekur rúmar
þrjár klukkustundir.
„Algengustu hvalirnir sem
við sjáum eru háhyrningar en
þeir eru yfirleitt saman í hópum,“
segir Svanborg Siggeirsdóttir hjá
Sæferðum. Hún segir oft tvo til þrjá
hópa sjást í einu á svæðinu, með 15
-20 háhyrningum í hverjum hóp.
„Þeir hafa sést yfir þrjátíu saman,“
bætir Svanborg við og bendir á að
háhyrningar halda sig frekar mikið
við yfirborðið en stærri hvalir fara
meira í djúpkaf.
„Háhyrningar við Ísland sjást
ekki hvar sem er, en vel hefur geng-
ið að sjá þá við Snæfellsnesið og
virðist þar vera uppvaxtarstaður
þeirra, enda höfum við séð nýfædd-
an kálf í einum hópnum,“ segir
Svanborg.
Á því svæði eru líka hópar af
blettahnýðum, sem eru höfrung-
ar. Þeir eru mjög fjörugir og leika
sér oft við það að stökkva upp úr
vatninum. Einnig hafa hrefnur sést
í sumum ferðunum.
„Ef að líkum lætur, þá eigum við
von á því að hnúfubakurinn komi
nær ströndinni þegar fer að nálg-
ast júlímánuð og þykir okkur hann
vera forvitnastur allra hvala og
koma þeir oft mjög nærri skipinu.
Hann á það til að sýna listir sínar
með því að snúa sér í sjónum rétt
við borðstokkinn, vera með sporða-
köst og mynda alls konar skvettur.
Oft stekkur hnúfubakurinn alveg
upp úr sjónum og svo höfum við
tvisvar sinnum séð hann stökkva
50-60 sinnum upp úr sjónum hvað
eftir annað. Það er mikið sjónarspil
að sjá 15-30 tonna flykki skella
með gusugangi aftur niður,“ segir
Svanborg.
Á síðasta ári segir Svanborg að
hnúfubakurinn hafi verið mjög lengi
nálægt landi. „Mikið fuglalíf er líka
oft í kringum hvalina, enda bæði
fuglar og hvalir að sverma fyrir æti
í sjónum. Ekki skemmir heldur að
geta séð tignarlegan Snæfellsjökul-
inn frá sjó og gaman er einnig að
skoða strandlengju Snæfellsness eins
og Svörtuloft með sínum fjölmörgu
tilþrifum. Út af Snæfellsnesinu er
eina þekkta svæði steypireyðarinnar
í Evrópu og er alls ekki útilokað að
hún muni sýna sig á þessu svæði í
sumar,“ segir Svanborg.
Eiga von á hnúfubak í júlí
Sæferðir sigla með erlenda og íslenska ferðamenn út frá Ólafsvík og freista þess að sjá
hinar ýmsu hvalategundir leika listir sínar.
Háhyrningar eru algengustu hvalirnir sem sjást við Snæfellsnes.
„Það hefur enginn velt sér nakinn
upp úr dögginni hingað til,“ segir
Skúli þegar hann er inntur eftir því
hvort sú hefð sé hluti af Jónsmessu-
næturgöngu Útivistar. „Það er að
minnsta kosti ekki skipulagður við-
burður hjá okkur, en því yrði ekki
illa tekið ef einhverjir tækju upp á
því,“ bætir hann hlæjandi við.
Samkvæmt Skúla er aðsóknin
í gönguna mikil í ár. „Gengið er
yfir Fimmvörðuhálsinn á föstu-
deginum,“ útskýrir hann. „Lagt er
af stað í þremur lotum frá Skógar-
fossi upp með ánni og í skálann
þar sem einhver smá hressing verð-
ur í boði. Síðan er haldið áfram
frá Bröttufönn, um Heljarkamb
og niður í Strákagil, þar sem fleiri
veitingar standa til boða. Um laugar-
dagskvöldið verður heljarinnar
grillveislu slegið upp við varðeld í
Básum, þar sem búast má við mik-
illi gleði. Við hvetjum sem flesta til
að mæta og minnum fólk á að vera
vel búið.“ Nánari upplýsingar um
dagskrána eru á www.utivist.is.
Nakin í dögginni
Jónsmessunæturganga Útivistar verður 23.-25. júní.
Skúli H. Skúlason, framkvæmdastjóri Útivistar, segir
gönguna vel sótta í ár.
Skúli H. Skúlason, framkvæmdastjóri
Útivstar, segir aðsóknina í Jónsmessugöng-
una vera góða í ár. FRÉTTABLAÐIÐ/HEIÐA
Á laugardagskvöldinu verður heljarinnar
grillveislu slegið upp við varðeld í Básum,
en sé tekið mið af fyrri árum má búast við
góðri skemmtun. FRÉTTABLAÐIÐ/GRÉTAR W. GUÐBERGSSON
Gengið verður yfir Fimmvörðuhálsinn á föstudegi en á leiðinni verða smá hressingar í boði
fyrir þreytta ferðalanga.
Mikið verður um dýrðir á Reyk-
hóladeginum sem haldinn er nú á á
laugardaginn. Dagurinn er haldinn í
annað sinn, í fyrra var hann haldinn
í júlíbyrjun en er nú haldinn á sjálfri
Jónsmessunni.
Dagurinn hefst kl. 13 með göngu-
ferð frá Miðjanesi að Heyárfossi og
þaðan niður að Skerðingsstöðum.
Leiðsögumaður er Halldóra Ját-
varðardóttir sem betur er þekkt sem
Lóa á Miðjanesi, en hún kann skil á
öllum þeim fjölda örnefna sem eru
á svæðinu. Mæting er kl. 13.00 að
Miðjanesi.
Klukkustund síðar hefst dagskrá
fyrir framan húsnæði hlunninda-
sýningarinnar á Reykhólum. Þar
verður fornbátasýning, þar sem má
líta gamla báta frá Breiðafirði og
víðar. Meðal annars munu Aðal-
steinn Valdimarsson á Reykhólum,
Hjalti Hafþórsson á Akranesi, Eggert
Björnsson á Patreksfirði og Hafliði
Aðalsteinsson í Kópavogi mæta með
báta á staðinn. Kristján Arnarsson
frá Stórholti í Saurbæ leikur tón-
list fyrir gesti og Freyja Ólafsdóttir,
kokkur í Bjarkalundi, mun matreiða
skarf og fleira góðgæti fyrir gesti
til að smakka. Einnig verður kven-
félagið Katla með sölubás á staðn-
um o.fl. Að dagskrá lokinni verður
grillað í Hvanngarðabrekku í Kven-
félagsgarðinum. Kveikt verður upp í
grillinu kl. 16.30 og fólk hvatt til að
mæta með eitthvað gott á grillið.
Um kvöldið verður boðið upp á
sætaferðir að Hótel Bjarkalundi en
þar verður hlaðborð, brenna og ball.
Farið verður frá Reykhólaskóla kl.
19.30 og síðan á hálftíma fresti ef
aðsókn er næg. Að lokum munu
allir velta sér upp úr dögginni.
Spennandi dagur
að Reykhólum
Á Jónsmessunni verður mikið um dýrðir að Reykhólum
en þá verður Reykhóladagurinn haldinn í annað sinn.
Hér eru menn að flá sel á Reykhóladeginum í fyrra. Selkjötið var grillað af matreiðslumeist-
ara og vakti mikla hrifningu.