Fréttablaðið - 22.06.2006, Blaðsíða 24

22. júní 2006 FIMMTUDAGUR24
hagur heimilanna
Katrín Júlíusdóttir alþing-
ismaður brá sér í verslunar-
leiðangur fyrir neytendasíðu
Fréttablaðsins. Í leiðinni var
gerður verðsamanburður í
fjórum matvöruverslunum.
Vörurnar voru síðan gefnar
Mæðrastyrksnefnd sem nú er
til húsa að Hátúni 12b.
Katrín Júlíus-
dóttir breytti
mataræði sínu
fyrir nokkru og
er hætt að borða
kjöt. Katrín versl-
ar mikið í heilsu-
búðum og hún tók
þátt í verðsaman-
burði neytendasíðunnar og keypti
vörur sínar í Hagkaupum. Aðrar
verslanir sem voru í samanburðin-
um að þessu sinni voru Melabúðin,
Bónus og Krónan.
Katrín segir að verð á heilsuvörum
hafi lækkað mjög á undanförnum
misserum en segir þó mun dýrara
að kaupa þessar vörur en almenna
matvöru.
„Ég reyni að kaupa lífrænt rækt-
aðar vörur þó þær séu dýrari en
aðrar en þessar vörur hafa einnig
lækkað í verði. Ef þær væru ódýrari
myndi ég eingöngu kaupa lífrænt
ræktaðar vörur.“
Í matarkörfu Katrínar voru átta
vörutegundir: Rauður chili-pipar,
tófú, íslenskir tómatar, spínat, hvít-
laukur, ferskur ananas, brokkólí og
mungbaunir (500 grömm). Allar
vörurnar fengust í Hagkaupi en
brokkólíið var selt með blómkáli og
því ekki fáanlegt eitt sér. Í ljós kom
að brokkólí var eingöngu selt með
blómkáli í þeim verslunum sem
verðsamanburðurinn var gerður.
Tófú var ekki fáanlegt í Krónunni og
mungbaunir voru aðeins til í heilsu-
búð Hagkaups þessar vörur eru því
ekki reiknaðar með í heildarútreikn-
inginn þótt verð þeirra sé getið í
töflunni. Verðsamanburðurinn var
gerður mánudaginn 19. júní. Ódýrust
var matarkarfan í Bónus, 796 krón-
ur, í Krónunni kostuðu vörurnar 825
krónur, 1.160 krónur í Melabúðinni
en dýrastar voru vörurnar í Hag-
kaupi þar sem karfan kostaði 1.366
krónur.
Þegar vel viðrar er fátt skemmtilegra en að grilla.
Gasgrill eru til af ýmsum gerðum og stærðum og
njóta mikilla vinsælda. Fréttablaðið gerði lauslega
verðkönnun á gasgrillum en gott grill
fyrir fjögurra manna kjarnafjölskyldu
kostar um 30.000. Ódýrasta grillið
kostaði tæpar 14.000 krónur, en eflaust er
hægt að fá þau enn ódýrari. Dýrasta grillið reyndist
kosta 80.000 krónur en því fylgir nokkur aukabún-
aður sem fáir kannski þurfa á að halda. Á bens-
ínstöðvum fengust þær upplýsingar að níu kílóa
gaskútur kostar rúmar 5.000 krónur þegar hann
er keyptur í fyrsta skipti en eftir það er hægt að
fylla á hann og það kostar rúmar 3.000 krónur.
1.
77
0.
03
1
2.
06
7.
52
8
1.
40
7.
51
9
Stökktu til
Rimini
28. júní
frá kr. 29.990 m.v.2
Aðeins örfá sæti
Heimsferðir bjóða frábært tilboð til
Rimini í júní. Njóttu lífsins í sumar á
þessum vinsælasta sumarleyfisstað
Ítalíu. Rimini er ekki aðeins frábær
áfangastaður út af fyrir sig heldur
eru ótrúlega spennandi valkostir í
næsta nágrenni, vilji menn kynnast
mörgum andlitum Ítalíu í einni ferð.
Bókaðu flugsæti og 4 dögum fyrir
brottför færðu að vita hvar þú gistir.
Verð kr. 29.990
Netverð á mann, m.v. að
lágmarki 2 ferðist saman.
Stökktu tilboð í viku 28. júní.
Flug, skattar, gisting og íslensk
fararstjórn. Aukavika kr. 10.000.
„Þannig er það með mig að ég er léleg að kaupa
inn sjálf og eiginlega er það bóndinn sem sér um
öll innkaup. Þannig að ég á erfitt með að nefna
einhver bestu og verstu kaup,“ segir Sigrún Magnús-
dóttir. „Ég held að það sé fágætt að eiga eiginmann
sem skammar mig fyrir að vera léleg að versla,“
segir Sigrún hlæjandi og bætir við að hann hafi í
gegnum tíðina keypt á hana sparikjóla, pelsa og
úlpur meðal annars.
„Ég sé stundum eftir að hafa ekki látið verða af
kaupum, fólk verður helst vart við eftirsjá í mér.“
Spurð um bestu kaupin segist Sigrún þó geta
nefnt ein sem áttu sér stað nýlega. Það var í tilefni
af útskrift hennar úr þjóðfræði í Háskóla Íslands.
„Við fórum tvær stöllur saman og keyptum okkur
eins flauelsjakka sem við erum afar sælar með, ég
fékk mér framsóknargrænan og vinkona mín rauð-
an.“ Sigrún tekur fram að eiginmaðurinn hafi verið
mjög ánægður með þessi kaup.
Nóg er að gerast í lífi Sigrúnar um þessar mund-
ir. Eins og fyrr segir er hún nýútskrifuð úr þjóðfræði
og nýtist sú menntun henni í starfi hennar sem
forstöðukona á Sjóminjasafninu. „Safnið er á
Grandagarði 8 sem er við sjóinn og
ótrúlega flott umhverfi fyrir
sjóminjasafn.“ Sigrún
segir svæðið vera að
taka miklum breyting-
um og miklir möguleikar
framundan.
Sigrún er að fara í
útskriftarferð til Færeyja ásamt
fjórum vinkonum úr þjóð-
fræðinni. „Við ákváðum
fyrir löngu síðan að fara
til Færeyja þar sem við
munum halda upp á
Jónsmessu.“
NEYTANDINN: SIGRÚN MAGNÚSDÓTTIR FORSTÖÐUKONA SJÓMINJASAFNSINS
Framsóknargrænn flauelsjakki
■ Hvað kosta... gasgrill?
Sumarið er tíminn til að grilla
Áður en lagt er af stað í ferðalagið er mikilvægt að skipuleggja það vel, hvert á að
fara, hvar eigi að gista og hvað á að skoða. Flokkun gistiþjónustu á Íslandi hefur
batnað mikið en Ferðamálastofa hefur haft frumkvæði að sam-
ræmdri gæðaflokkun á bæði gististöðum og tjaldsvæðum
með störnugjöf.
Tjaldsvæði á Íslandi eru flokkuð með stjörnugjöf
frá einni stjörnu upp í fimm stjörnur. Dæmi
um fimm stjörnu tjaldstæði er tjald-
svæðið að Fossatúni í Borgarnesi og
tjaldsvæðið við Heiðarbæ á Húsavík.
Fimm stjörnu tjaldsvæði þurfa meðal
annars að uppfylla skilyrði um 24
tíma viðveru starfsfólks alla daga,
veitingasölu og aðgengi að nettengingu.
Nánari upplýsingar er að finna á heimasíðu
Ferðamálastofu, www.ferdalag.is.
■ Verslun og þjónusta
Gæði tjaldstæða
Viðskiptavinir Og Vodafone Frelsi geta nú hringt frá helstu nágrannalöndunum án
þess að skrá símanúmerið sitt sérstaklega.
Símtöl eru jafnframt skuldfærð um leið af inneign og því á viðskiptavinurinn ekki að
þurfa að kvíða símreikningi þegar heim er komið.
Þjónustan nær til tæplega þrjátíu landa. - æþe
Enginn bakreikningur
Heilsuvörur eru dýrari
HRÁEFNIÐ VALIÐ AF KOSTGÆFNI Katrín Júlíusdóttir vandar valið þegar hún velur vörur eins
og myndin sýnir.
MATARKARFAN KEMUR Í GÓÐAR ÞARFIR
Fulltrúi Mæðrastyrksnefndar tekur við
matarpokunum úr hendi Katrínar.
Heimild: Hagstofa Íslands
> Rauðvínssala í lítrum talið
■ Kristín Ástgeirsdóttir sagnfræðingur
á sér uppáhaldskartöflurétt sem gott er
að nota afganga í.
Ég á forláta uppskrift að kartöflurétti
sem ég man eftir frá
því ég var krakki. Ég
útbjó hann gjarnan
fyrir mína krakka. Í
réttinn eru notaðar
kartöflur, laukur, og
2-3 egg sem eru hrærð
saman. Kartöflurnar
eru síðan saxaðar niður
og eggjunum hellt yfir og kartöflunum
velt upp úr eggjahrærunni. Til að drýgja
réttinn er tilvalið að nota afganga úr
ísskápnum eins og pylsubita, beikon
eða annað sem til fellur.
Annars er ég er hin dæmigerða útivinn-
andi kona og spái lítið í húsráð.”
GÓÐ HÚSRÁÐ
AÐ NÝTA AFGANGA
VERÐSAMANBURÐUR
Vörur
Chili-pipar 35 kr. 198 kr. 19 kr. 44 kr.
999 kg 6 stk. 1.299 k g
Tófú 269 149 ■ 298
Ísl. tómatar 6 stk. 208 kr. 75 kr. 74 kr. 136 kr.
369 kg 124 kr kg (kg á 199 kr)
Spínat 389 298 249 379
Hvítlaukur 17kr 49 kr 50 kr 37 kr
269 kr. kg 3 stk. (kg á 497 kr.
Ferskur ananas 219 97 98 210
Brokkólí-mix 269 228 151 kr. 104 kr.
(kg á 279 kr.) (kg 409 kr.)
Provamel sojamjólk 214 149 169 235
Mungbaunir 500gr. 239 ■ ■ ■
Samtals 1.366 796 825 1.160
■ Vara ekki fáanleg í viðkomandi verslun
Melabúðin
NMT-450 farsímaþjónustan verður
lögð niður í árslok árið 2008 en hún
hefur verið rekin af Símanum frá árinu
1986.
Hrafnkell V. Gíslason forstjóri Póst- og
fjarskiptastofnunar segir að kerfið sé
orðið tæknilega úrelt og að notkun
erlendis verði hætt fljótlega. Fram-
leiðslu á tækjabúnaði hafi verið hætt
og því verði allt viðhald mjög erfitt.
Hrafnkell segir að það sé stefna stjórn-
valda að annað kerfi komi í staðinn
og segir að þrjú langdræg kerfi séu
til skoðunar sem hugsanlegur arftaki.
„Stjórnvöld úthluta tíðnum fyrir þessi
kerfi og markaðsaðilar taka ákvörðun
um uppbyggingu kerfanna, sem kostar
heilmikla peninga og síðan setja þeir
kerfið á markað og selja inn í þau.
„Það kæmi vel til álita að gera þá
kröfu að það kerfi sem verður byggt
upp í stað NMT hafi sömu útbreiðslu,
og ekki minni útbreiðslu en NMT-kerf-
ið“ segir Hrafnkell.
Aðspurður um kostnað neytenda við
þessa breytingu segir Hrafnkell að þeir
þurfi að minnsta kosti að bera kostnað
vegna nýs tækjabúnaðar en kostnaður
við notkunina er óviss. Í dag eru um
15-20.000 notendur NMT-kerfisins,
flestir úti á miðunum og til sveita.
Eftir að Síminn var einkavæddur er
það hlutverk markaðarins að byggja
upp nýtt kerfi, ef símafélögin sjá ekki
hag sinn í því að setja upp nýtt kerfi er
óljóst hvort það verði gert. -gþg
NMT-kerfið verður lagt niður í árslok 2008:
Nýtt kerfi hafi sömu útbreiðslu
Páll Guðmundsson, framkvæmdastjóri Ferðafélagsins, segir að þar á bæ lítist
mönnum illa á að NMT-kerfið verði lagt niður þar sem það hafi reynst félaginu
vel og sé mikið notað í skálum þess.
Hann segir að þeim lítist þó mjög vel á frekari uppbyggingu gsm-kerfisins. „Það
er afar mikilvægt að það sé gott símasamband á hálendinu og í óbyggðum. Til
að mynda þá er nánast ekkert símsamband til dæmis í Landmannalaugum og
á Fjallabaki en mikill fjöldi ferðmanna fer þar um á hverju ári.“ -gþg
Framkvæmdastjóri Ferðafélags Íslands:
Líst illa á brotthvarf NMT
Svona erum við
KATRÍN JÚLÍUSDÓTTIR
KAUPIR INN