Fréttablaðið - 08.07.2006, Side 6

6 8. júlí 2006 LAUGARDAGUR
EVRÓPA „Velferðarkerfi Evrópu er
ógnað af nýfrjálshyggjunni og
alþjóðavæðingunni,“ segir Jürgen
Buxbaum, framkvæmdastjóri
Evrópudeildar PSI, sem eru sam-
tök um 20 milljón launþega í
almannaþjónustu. „Það er eitt
helsta afrek launþegasamtaka á
síðari árum að koma í veg fyrir að
upprunalandsreglan yrði sett í
þjónustutilskipunina. Hins vegar
óttumst við mjög að reynt verði að
koma henni í gegn bakdyramegin
og þurfum því að vera vel á verði í
framtíðinni,“ segir Buxbaum, en
samvæmt upprunalandsreglunni
hefðu til dæmis fyrirtæki í Lett-
landi getað sett upp þjónustu á
Íslandi og farið eftir lettneskum
lögum um starfsmenn, framleiðslu
og umhverfismál.
Buxbaum kallar þetta „félags-
legt undirboð“ sem hefði ógnað
launafólki í þróaðri ríkjunum,
„þróunin hefði ætíð orðið í átt að
botninum; með þrýstingi á að
lækka launin.“
Er ekki jákvætt að verkamenn
geti farið milli landa að leita betri
kjara?
„Jú að vissu leyti, en neikvæð
samfélagsleg áhrif eru einnig aug-
ljós. Tökum sem dæmi heilbrigð-
isgeirann, þegar læknir fer frá S-
Afríku til starfa í Evrópu, keppir
hann við læknana í Evrópu og
lækkar, með tímanum, launakjör
þeirra. Hann skilur einnig eftir
sig skarð í S-Afríku, því þar vant-
ar nú mann í stöðu hans og ríkið
þar þarf að mennta lækni í nokkur
ár og það er ekki ódýrt. Með þessu
er verið að nota fátækari lönd til
að búa til vinnuafl fyrir okkur.
Fátæku löndin standa fátækari
eftir.“
En er nokkur leið að sporna við
alþjóðavæðingu?
Áunnin velferð Evrópu byggist
að miklu leyti á áratugalöngu
starfi launþegasamtaka innan
Evrópu. Nú er svo komið að það
dugar ekki að halda áfram að að
verja einungis eigin hagsmuni,
þ.e. innan Evrópu. til að tryggja
áframhaldandi velferð í heimin-
um þarf að berjast á öllum víg-
stöðvum til þess að breyta þróun-
inni „að botninum“ í V-Evrópu og
að toppinum í A-Evrópu.
Það er lífsspursmál fyrir okkur
sjálf að treysta starfsemi laun-
þegasamtaka í A-Evrópu svo þau
geti betur varist ágangi nýfrjáls-
hyggjunnar. Öflug launþegasam-
tök, ásamt sterku velferðarkerfi
og lýðræðislegri stjórnun, eru
skilyrði fyrir góðum samfélögum.
Það er þetta sem þarf að herða á í
Evrópu. Velferðarkerfið var eitt
aðalatriði Evrópusambandsins hér
á árum áður, nú snýst þetta meira
og minna um frjálsan markað og
hámarkshagnað fjárfesta. Þessari
þróun þarf að snúa við, fyrsta
skrefið í þá átt er að launþegasam-
tök stuðli að ákveðnum almennum
lágmarkslaunum í Evrópu, þar
með yrði dregið úr misnotkun á
erlendu starfsfólki.“
Eru vestur-evrópskir launþeg-
ar með þessu ekki bara að verja
sig fyrir samkeppni?
„Mörg launþegasamtök í A-
Evrópu halda einmitt þetta. Málið
er að það er alls ekki starfsmönn-
um í A-Evrópu í hag að vinna fyrir
sama sem ekki neitt, það er ein-
ungis skammtímalausn sem
kemur samfélagi þeirra ekki held-
ur til góða, nær væri að treysta
innviði samfélagsins beint, eins og
gert hefur verið í V-Evrópu;
félagslegt undirboð skaðar öll
lönd. Að elta fjármagnið milli
landa er vítahringur fyrir laun-
þega og skerðir þau samfélög sem
að máli koma.“
klemens@frettabladid.is
Velferðarkerfið á
undir högg að sækja
Staða launþega í ljósi alþjóðavæðingar og nýrrar þjónustutilskipunar Evrópu-
sambandsins var til umræðu á fundi í húsakynnum BSRB í gær. Jürgen Bux-
baum var harðorður á fundinum og sagði launþega þurfa að vera vel á verði.
ÖGMUNDUR JÓNASSON, ALAN LEATHER OG JÜRGEN BUXBAUM. „Launþegasamtök gegna
lykilhlutverki í að viðhalda velferðarkerfinu,“ sagði Jürgen Buxbaum á opnum fundi BSRB.
STJÓRNSÝSLA Dóms- og kirkjumála-
ráðherra, hefur skipað Stefán
Eiríksson, skrifstofustjóra dóms-
og kirkjumálaráðuneytis, í emb-
ætti lögreglustjóra höfuðborgar-
svæðisins frá og með 15. júlí á
þessu ári.
Stefán útskrifaðist úr lagadeild
Háskóla Íslands árið 1996 og hóf
þá störf í dómsmálaráðuneytinu.
Árin 1999 til 2001 starfaði hann
hjá sendiráðinu í Brussel á sviði
dóms- og innanríkismála. Hann
var skipaður í stöðu skrifstofu-
stjóra dómsmálaráðuneytisins
árið 2002 og starfaði þar meðal
annars innan framkvæmdanefnd-
ar um lögreglumál. - æþe
Stefán Eiríksson í embætti:
Nýr lögreglu-
stjóri skipaður
FR
ÉT
TA
B
LA
Ð
IÐ
/G
VAÍSLANDSMET Jón Eggert Guðmunds-
son setti í gær Íslandsmet í göngu
en þá hafði hann lagt að baki 1.417
km frá því í byrjun sumars. Jón
gengur til styrktar Krabbameins-
félagi Íslands. Jón setti metið rétt
við Þingeyri í gær en eldra Íslands-
metið setti Reynir Pétur Ingvars-
son þegar hann gekk hringveginn
árið 1985.
„Það er ákveðinn áfangi að slá
þetta tuttugu og eins árs gamla
met. Maður sér núna hvað þetta
var mikið afrek á sínum tíma,“
sagði Jón þegar Fréttablaðið hafði
samband við hann í gær.
Þeir sem vilja leggja söfnun-
inni lið geta hringt í 907 5050 en
einnig er hægt að heita á Jón með
því að hafa samband beint við
Krabbameinsfélagið. - öhö
Strandganga Jóns Eggerts:
Setti Íslands-
met í göngu
JÓN EGGERT GUÐMUNDSSON
KJÖRKASSINN
Ætlar þú að fylgjast með úrslita-
leik HM?
Já 63%
Nei 37%
SPURNING DAGSINS Í DAG
Hver sigrar HM í knattspyrnu?
Segðu skoðun þína á Vísi.is
BANDARÍKIN, AP Þó að Coca-Cola og
Pepsi séu yfirleitt svarnir óvinir,
brugðust ráðamenn Pepsi við á
afar heiðarlegan hátt þegar þeim
voru boðnar til kaups leynilegar
uppskriftir af Coca-Cola drykkj-
um í Bandaríkjunum fyrir sex
vikum.
Þeir fóru beint til lögreglu og
ljóstruðu upp um þjófana.
Þrennt situr nú í fangelsi,
ákært fyrir að stela leyndarmál-
um Coca-Cola.
„Samkeppnin getur verið hörð,
en hún verður líka að vera sann-
gjörn,“ sagði Dave DeCecco, tals-
maður Pepsi, í samtali við blaða-
menn. - smk
Gosdrykkjaframleiðendur:
Pepsi kom upp
um þjófana
PEPSI OG COCA-COLA Samkeppnin er hörð,
en þó ganga ráðamenn Pepsi ekki svo
langt að kaupa stolin leyndarmál Coca-
Cola. FRÉTTABLAÐIÐ/AP
RÉTTINDI Sjö pólskir starfsmenn
Atlantsskipa þurftu að greiða sam-
tals 245 þúsund krónur í leigu
fyrir 80 fermetra íbúð sem þeir
bjuggu í saman. Þetta kom fram í
fréttatíma NFS á fimmtudag,
Mennirnir greiddu 35 þúsund
krónur hver í mánaðarleigu og
leita nú réttar síns eftir að leigu-
sali þeirra lét bera eigur þeirra út
á meðan þeir voru við vinnu, að
þeirra sögn vegna þess að þeir
neituðu að greiða aukalega 35 þús-
und krónur hver einn mánuðinn í
tryggingu fyrir eignaskemmdum,
þótt þeir segðu ekkert í íbúðinni
nema lítið sjónvarpstæki. Menn-
irnir áttu erfitt með að leita sér
aðstoðar vegna tungumála-
örðugleika en í vinnu sinni hjá Atl-
antsskipum kynntust þeir toll-
verðinum pólskumælandi, Friðjóni
Steinarssyni, og sögðu honum frá
aðstæðunum. Friðjóni blöskraði
saga mannanna og hafði þegar
samband við Alþýðusamband
Íslands sem hefur málið nú til
athugunar.
Stefán Kjærnested, leigusali
mannanna, segir íbúðina rúma 100
fermetra og fullbúna og að menn-
irnir hafi einungis verði sex í íbúð-
inni. Mennirnir hafi ekki haft
íbúðina á leigu heldur hafi tvö fyr-
irtæki leigt íbúðina og mennirnir
væru þar á þeirra snærum. Fyrir-
tækin hefðu svo sagt leigunni upp
í lok júní og þess vegna hefðu
eigur mannanna verið bornar út.
Að hans mati er leiguupphæðin
ekki há. „Menn borga 80 þúsund á
mánuði fyrir svefnpokapláss hjá
Hjálpræðishernum. Þetta er ódýr-
ara en á tjaldstæði.“ - sh
Sjö pólverjar þurftu að borga 250 þúsund krónur á mánuði í leigu á lítilli íbúð:
Leigusalinn segir leiguna lága
LYFJAVERÐ Erlendur S. Þorsteins-
son, sem keypti Voltaren Rapid í
staðinn fyrir samheitalyfið Vóst-
ar-S, hefur nú fengið leiðréttingu
sinna mála. Niðurstaðan var sú að
skipta því sem eftir var af Voltar-
en Rapid-töflunum út fyrir Vóstar-
S og endurgreiða 755 krónur.
Erlendur keypti Voltaren Rapid
þar sem honum var ekki kynnt mun
ódýrara samheitalyf, Vóstar-S, eins
og lyfjafræðingum er skylt að gera.
Hann óskaði eftir endurgreiðslu
vegna þessa. Starfsmenn Lyfja og
heilsu tóku orð hans trúanleg og
sögðu að mistök hefðu orðið. „Við
skildum öll sátt,“ segir Erlendur. - ghs
Lyf og heilsa endurgreiddi:
Fékk Vóstar-S
og 755 krónur
SÁTT VIÐ MÁLALOK Hjalti Sölvason, fram-
kvæmdastjóri Lyfja og heilsu, Sigurborg
Sigurðardóttir lyfjafræðingur og Erlendur S.
Þorsteinsson reiknifræðingur.
Vöðvaslit Kona sleit vöðva í Jökulsárgili
um hádegi í gær, en hún hefur líklega
misstigið sig við að stökkva yfir læk.
Björgunarsveit var send á vettvang og var
konan flutt til Akureyrar til aðhlynningar.
LÖGREGLUFRÉTT
Naglar í maga Kona ein í Víetnam
fór til læknis á dögunum vegna þráláts
magaverks. Eftir stutta skoðun var hún
send með hraði í uppskurð. Skurðlækn-
arnir náðu að fjarlægja úr konunni eitt
hundrað og nítján ryðgaða nagla, sjö til
átta sentimetra langa. Konan hefur þurft
á aðstoð geðlækna að halda í gegnum
tíðina.
VÍETNAM
ATLANTSSKIP Stefán Kjærnested leigusali er
fyrrverandi framkvæmdastjóri Atlantsskipa,
sem Pólverjarnir unnu hjá.
M
YN
D
/G
U
N
N
A
R
G
U
N
N
A
R
SS
O
N
VARNARMÁL Þriðji fundur samn-
inganefnda Íslands og Bandaríkj-
anna um varnarsamstarf ríkj-
anna fór fram í gær í
Þjóðmenningarhúsinu við Hverf-
isgötu og lauk fundinum klukkan
rúmlega sex.
Á fundinum var rætt um
hvernig vörnum Íslands verði
háttað eftir brottför varnarliðs-
ins og með hvaða hætti gengið
verði frá samkomulagi um þær.
Jafnframt fór í fyrsta skipti fram
efnisleg umræða um einstök
atriði sem lúta að yfirtöku Íslend-
inga á rekstri og viðhaldi Kefla-
víkurflugvallar og hvernig verði
farið með mannvirki Bandaríkj-
anna og Atlantshafsbandalagsins
á varnarsvæðinu.
Albert Jónsson, verðandi
sendiherra Íslands í Washington,
leiddi viðræðurnar fyrir hönd
Íslands og Thomas Hall, aðstoðar-
varnarmálaráðherra Bandaríkj-
anna, leiddi bandarísku viðræðu-
nefndina. Albert vildi ekkert tjá
sig um viðræðurnar umfram það
sem kom fram í fréttatilkynningu
frá forsætisráðuneytinu.
Gert er ráð fyrir að næsti
fundur samninganefndanna fari
fram í byrjun ágúst.
Ljóst er að varnarliðið þarf að
ganga frá ýmsum lausum endum
áður en það hverfur á brott.
Slökkviliðsmenn á Keflavíkur-
flugvelli krefjast vangoldinna
launahækkana frá áramótum í
samræmi við ákvörðun kaup-
skrárnefndar varnarsvæða og enn
er ósamkomulag milli varnarliðs-
ins og Hitaveitu Suðurnesja varð-
andi samning um kaup á heitu
vatni en varnarliðið hefur verið
langstærsti kaupandinn. - sdg
Samninganefndir Íslands og Bandaríkjanna funduðu í gær í þriðja sinn:
Varnir landsins voru ræddar
Á FUNDINUM Albert Jónsson, verðandi
sendiherra í Washington, leiddi viðræðurn-
ar fyrir hönd Íslands.
DÓMSMÁL Hæstiréttur hefur fellt
úr gildi gæsluvarðhaldsúrskurð
Héraðsdóms Reykjaness yfir karl-
manni sem setið hefur í gæslu-
varðhaldi frá því 7. maí fyrir að
hafa brotið rúðu á bíl föður síns og
kastað inn logandi handklæði. Bíll-
inn brann mikið og einnig kvikn-
aði í tveimur nærliggjandi bílum.
Í niðurstöðu Hæstaréttar segir
að í úrskurði héraðsdóms frá 7.
maí hafi verið tekið fram að tím-
inn frá 7. maí til 7. júní yrði hæfi-
legur til að leiða málið til lykta,
sérstaklega þar sem maðurinn ját-
aði brotið. Málið hefur dregist
heldur betur á langinn en á þriðju-
dag var maðurinn úrskurðaður í
framlengt varðhald í héraðsdómi,
sem nú hefur verið fellt úr gildi.
- sh
Mál brennuvargs tekið fyrir:
Varðhaldsúr-
skurður ógiltur
ÍTALÍA Silvio Berlusconi, fyrrverandi
forsætisráðherra
Ítalíu, þarf að mæta
fyrir rétt í nóvem-
ber vegna ásakana
um að hann hafi
stundað fjársvik,
falsað bókhald,
svikið undan skatti
og tekið þátt í pen-
ingaþvætti í tengsl-
um við viðskipti með sýningarrétt í
sjónvarpi á árunum 1994 til 1999.
Dómstóll á Ítalíu komst að þess-
ari niðurstöðu í gær, en viðskiptin
tengjast fjölskyldufyrirtæki Berlus-
conis, Mediaset. Berlusconi harð-
neitar öllum þessum ásökunum. - gb
Sakaður um fjárdrátt og svik:
Berlusconi fer
fyrir dómstól
BERLUSCONI