Fréttablaðið - 08.07.2006, Side 38

8. júlí 2006 LAUGARDAGUR8
Í síðustu viku minntist ég á hvern-
ig fólk virðist setja útlit bíla í
öndvegi og meta þá út frá því, líkt
og um fyrstu kynni á skemmti-
stað væri að ræða. Í kjölfarið fór
ég að velta fyrir mér hvernig fólk
klæðist líka bílum eins og fötum í
þeim skilningi að þeir gefa yfir-
lýsingar um persónuleika eigand-
ans.
Litlir og sætir smábílar eru
stór hluti nýrra bíla í dag og mis-
jafnt eftir veðri hver þeirra er í
tísku, eins og gengur og gerist í
þeim bransanum. Þeir hafa því
alltaf verið í uppáhaldi hjá ungum
stúlkum sem fylgja tískunni.
Kraftlegir sportbílar höfða svo
aftur til ungra manna sem telja
kraft og hraða undirstrika veiga-
mikla þætti persónuleika síns...
eða í það minnsta skapa einhvers
konar tálsýn þar að lútandi.
Skutbílar eru fráteknir fyrir
vísitölufjölskyldur sem eiga bæði
hund og barnavagn. Það hef ég
fengið að heyra ansi oft á undan-
förnum mánuðum, keyrandi einn
slíkan þó ég eigi hvorugt. Stórir
jeppar eru stöðutákn ef þeir eru
stífbónaðir en séu þeir skítugir
undirstrika þeir ævintýraþrá og
náttúrubernsku, nema í augum
þeirra sem deila ekki þeim ástríð-
um. Þessar staðalímyndir höfum
við öll heyrt um.
Fáir bílar hafa þó eins mikla
ímyndaráru og Volkswagen bjall-
an. Hún hefur verið málsvari
friðar og ásta síðan hipparnir
tóku hana upp á sína arma. Enn í
dag eru það hinar friðelskandi og
ástúðlegu sálir sem sækjast eftir
þjónustu bjöllunnar, sem er enn í
framleiðslu og er langmest seldi
bíll mannkynssögunnar.
Í ljósi þess er gaman að skoða
aðeins hvernig hún varð til. Upp
úr 1930 var Ferdinand Porsche
beðinn um að hanna lítinn og ódýr-
an bíl sem kæmist sæmilega hratt,
væri hagkvæmur í rekstri og tæki
tvo fullorðna og þrjú börn í sæti
svo vel færi. Porsche, sem hafði
þrjátíu árum áður verið að fikta
við smíði fyrstu rafmagnsbílanna,
datt strax niður á nokkur þeirra
atriða sem við þekkjum í dag.
Verkkaupanum leist vel á
fyrstu hugmyndir Porsche en
vildi þó breyta einu og öðru. Til
dæmis þótti bagalegt að ekki
hefði verið gert ráð fyrir aftur-
rúðu og bíllinn þótti klunnalegur
og ljótur, ekki nógu vinalegur til
að standa undir nafninu Volks-
wagen, bíll fólksins.
Verkkaupinn dró því upp blý-
ant og gerði breytingar á bílnum.
Niðurstöðuna þekkjum við öll.
Bíllinn er einstaklega ljúflegur,
nánast eins og lítill hvolpur, og
séð framan frá er eins og hann
brosi á móti manni. Hvað gæti
verið vinalegra? Þessi sívinsæli
og sígildi bíll, með sanni fánaberi
friðar í augum heilu kynslóðanna,
er því ávöxtur samstarfs tveggja
manna, verkfræðingsins Porsche
og verkkaupans Adolfs Hitler.
Enn um útlit og ímynd
Áfram veginn
Einar Elí Magnússon kemst leiðar sinnar
Bílaþvottastöð á vegum Löðurs
var nýlega opnuð á Reykjavík-
urvegi 54, sú fyrsta á Íslandi
sem er laus við kústa.
Á nýju Löður-þvottastöðinni er
boðið upp á þrenns konar þvotta.
Fyrsti þvotturinn nefnist Gull-
þvottur, sem er með tjöru- og felgu-
hreinsi, þremur sápugerðum og
bóni og hentar vel yfir veturinn,
að sögn Róberts Reynissonar,
framkvæmdastjóra Löðurs. Silf-
urþvottur er aðeins ódýrari, þar
sem hann er án tjöruhreinsis. Loks
er það Bronsþvottur sem er í létt-
ari kantinum.
„Fyrir utan áðurnefnda kosti,
má bæta við hversu einfalt fólki
finnst að kaupa þvott,“ segir
Róbert. „Maður stingur korti í
sjálfafgreiðsulposa og velur sér
þvott. Að svo búnu keyrir maður
bílinn einfaldlega inn í stöðina,
þar sem leiðbeiningar birtast á
skjá og láta vita hvar maður er
staddur í ferlinu. Þetta gæti ekki
verið einfaldara.“
Aðspurður hvort þvotturinn
verði eins góður þegar kústana
vantar, segir Róbert það háð ýmsu.
„Margir kæra sig ekki um að þvo
bílinn sinn með kústum, þar sem
lakkið getur verið viðkvæmt fyrir
hörðum nælon-hárunum. Þeir
sætta sig þar af leiðandi við að smá
filma sitji eftir, enda má þurrka
hana af með lítilli fyrirhöfn.“
Róbert segir þvottastöðina ekki
henta bíleigendum sem þvo bílinn
sinn sjaldan eða aldrei, heldur
þeim sem fara með hann reglulega
í þvott. „Stöðin sem við erum með
í Bæjarlind í Kópavoginum hæfir
betur þeim fyrrnefndu, því þar
eru kústar og fleira.“
roald@frettabladid.is
Snertilaus þvottur
Eins og sést á þessari mynd er einungis háþrýstibúnaður notaður til að þvo bílinn, en engir
kústar koma við sögu.FRÉTTABLAÐIÐ/HÖRÐUR
Róbert segir viðtökurnar hafa farið fram
úr öllum væntingum og ráðgerir að fleiri
þvottastöðvar af þessari gerð verði opnaðar
hérlendis.FRÉTTABLAÐIÐ/HÖRÐUR
Grillhátíð hjá B&L
VINNINGSHAFAR Í SUMARLEIK PEPSI
OG BT TILKYNNTIR Í DAG.
Hápunktur sumarleiks Pepsi og BT
verður í dag þegar tveir heppnir
þátttakendur fá árs afnot af Santa
Fe frá B&L, en það eru aðalvinningar
leiksins. Anna Aðalheiður Arnardóttir
hreppti annan bílinn eftir að hafa sent
inn fimm kóða. Allir þeir sem tóku þátt
í leiknum eiga möguleika á að vinna
hinn bílinn sem dreginn verður úr
innsendum kóðum.
Dagskráin hefst klukkan 13.00 með
grillveislu Grillvagnsins en útdrátturinn
verður kl. 13.30 í sýningarsal B&L.
Kvartmíla í dag
NOKKRIR AF KRAFTMESTU BÍLUM
LANDSINS ÞREYTA MEÐ SÉR
KEPPNI.
Í dag fer fram þriðja mótið af fimm í
Íslandsmeistarakeppninni í kvartmílu.
Keppnin fer fram á kvartmílubraut-
inni í Kapelluhrauni og búast má við
hörðum slag, brennheitu gúmmíi og
góðri stemningu á áhorfendasvæð-
inu.
Íslandsmeistaramótið í kvartmílu er í
fullum gangi. FRÉTTABLAÐIÐ/HS
Útivistartilboð Heklu
ÚTTEKT FYLGIR PAJERO SPORT OG
OUTLANDER.
Í sumar býður Hekla upp á veglegt úti-
vistartilboð á Mitsubishi Pajero Sport
og Outlander. Þeir sem kaupa nýja
bíla af þessum gerðum fá í kaupbæti
200.000 kr. úttekt hjá Ellingsen.
Tilboðið gildir til 4. ágúst á þessu
ári, eða á meðan birgðir endast.
fréttir }