Fréttablaðið - 21.07.2006, Blaðsíða 6
6 21. júlí 2006 FÖSTUDAGUR
SKRIFSTOFUVÖRUR
ODDI SKRIFSTOFUVÖRUR
ER UMBOÐS- OG ÞJÓNUSTUAÐILI
Á ÍSLANDI
Borgartúni 29 • Sími 515 5170 • Opið virka daga kl. 8 - 18 • laugardaga kl. 11 - 16
Höfðabakka 3 • Sími 515 5105 • Opið virka daga kl. 8 - 18 • Pantanasími 515 5100
H
Ö
N
N
U
N
O
D
D
I
V
O
B
4
1
6
3
FASTEIGNIR Sífellt fleiri bygginga-
verktakar halda að sér höndum og
fækka framkvæmdum vegna
breytinga á íbúðamarkaði undan-
farið. Sú vaxtahækkun á íbúðalán-
um sem varð fyrir nokkrum vikum
hefur haft áhrif á eftirspurn eftir
nýjum íbúðum, að sögn verktaka.
Sumir búast við lægð næsta árið
og ætla að fækka framkvæmdum
til að sitja ekki uppi með óseldar
íbúðir.
Benedikt Jósepsson, forstjóri
BM verktaka, segir fjarri lagi að
markaðurinn sé mettur en vaxta-
stig Seðlabankans sé að valda
vandræðum. „Lánastofnanir á
Íslandi eru að bregðast markaðs-
umhverfinu algjörlega. Þarna
hanga saman léleg stjórnvöld og
illa stýrður Seðlabanki.“
Hann segir rekstur fyrirtækis-
ins ganga vel en minna verði um
framkvæmdir næsta árið. „Við
sjáum fram á lélega sölu á þessu
ári, fólk stenst hreinlega ekki
greiðslumat til að geta keypt sér
íbúð. Það verður meiri undirbún-
ingsvinna hjá okkur frekar en
framkvæmdir.“
Benedikt segist ekki hafa þurft
að segja upp mörgum starfsmönn-
um en gerist það verði Íslendingar
fyrstir til að fara. Þeir séu einfald-
lega lélegra starfsfólk. „Íslend-
ingar eru meiri fríamenn, þeir
stunda sína vinnu síður en þeir
erlendu. Í sumum tilfellum þurf-
um við að grípa fram fyrir hend-
urnar á útlendingunum sem vilja
margir hverjir vinna allt að fjór-
tán tíma á dag.“
Kristján Arinbjarnarson, fram-
kvæmdastjóri framkvæmdasviðs
hjá Íslenskum aðalverktökum,
tekur í svipaðan streng. „Menn
byggja í takt við það sem markað-
urinn segir, enginn vill sitja uppi
með lager af óseldum íbúðum. Það
er útlit fyrir að það hægi eitthvað
á þessu á næstunni en við höfum
ekki lent í að íbúðir seljist ekki.
Við höfum nóg að gera,“ segir
hann.
Eyþór Eiríksson, framkvæmda-
stjóri hjá Kjarna byggingafélagi,
er ekki sammála því að markaður-
inn sé að hægja á sér. „Við höldum
okkar striki, þetta er bara ein af
þessum bólum sem eru kjaftaðar
upp og hjaðna svo aftur. Það er allt
á fullu hjá okkur. Júní, júlí og
ágúst eru alltaf rólegustu tímarn-
ir, þetta fer allt í gang aftur eftir
verslunarmannahelgi,“ segir
Eyþór Eiríksson. salvar@frettabladid.is
Minni eftirspurn
á fasteignamarkaði
Vaxtahækkanir undanfarið hafa orðið til þess að byggingaverktakar halda
að sér höndum og fækka framkvæmdum. „Enginn vill sitja uppi með lager af
óseldum íbúðum,“ segir framkvæmdastjóri hjá Íslenskum aðalverktökum.
FRAMKVÆMDIR Í NORÐLINGAHOLTI Forstjóri BM verktaka segir aðstæðurnar á fasteignamarkaðnum vera vegna lélegra stjórnvalda og illa
stýrðs Seðlabanka. Hann segir reksturinn ganga vel en minna verði um framkvæmdir næsta árið.
KJARAMÁL Flugmálastjórn Íslands
hefur sent frá sér tilkynningu þar
sem breytingar á vaktakerfi flug-
umferðarstjóra eru útskýrðar og
varðar. Í tilkynningunni kemur fram
að viðræður um breytingar á vakta-
kerfi hafi staðið yfir milli Flugmála-
stjórnar og Félags íslenskra flug-
umferðarstjóra frá árinu 1999.
Eftir að ljóst var að ekki næð-
ist samkomulag taldi Flugmála-
stjórn rétt að gera nauðsynlegar
breytingar á vaktakerfinu fyrr á
þessu ári. Það var gert einkum til
að bæta mönnun á álagstímum og
nýta betur starfskrafta stofnun-
arinnar. Til breytinganna kom
hinn 16. mars síðastliðinn.
Hinn 6. júlí kvað Félagsdómur
upp dóm í máli Félags íslenskra
flugumferðarstjóra gegn íslenska
ríkinu þar sem ágreiningur sner-
ist meðal annars um það hvort
Flugmálastjórn hefði verið heim-
ilt að breyta vaktakerfinu án sam-
ráðs við flugumferðarstjóra.
Ríkið var sýknað af öllum kröf-
um.
Á dögunum sagðist Sturla
Böðvarsson samgönguráðherra
ekki ætla að deila við dómarann í
þessu máli, dómur Félagsdóms
stæði. Loftur Jóhannsson, for-
maður Félags íslenskra flugum-
ferðarstjóra, segir félagsmenn
mjög ósátta með meðferð máls-
ins, erfitt sé að sættast þegar
annar deiluaðilinn hafi lýst því
yfir að hann vilji ekki semja. - sþs
Flugmálastjórn Íslands ver breytingar á vaktakerfi flugumferðarstjóra:
Viðræður báru ekki ávöxt
FLUGUMFERÐARSTJÓRI AÐ STÖRFUM Flug-
málastjórn segir vaktabreytingarnar hafa
verið gerðar eftir sjö ára árangurslausar
samningaviðræður við flugumferðarstjóra.
SLYS Flytja þurfti sex manns á
sjúkrahús eftir mjög harðan
árekstur þriggja bíla á Reykjanes-
braut klukkan tíu í gærmorgun.
Beita þurfti klippum til að ná
einum hinna slösuðu úr bílflaki.
Jepplingur með þremur innan-
borðs var á leið suður Reykjanes-
braut og hugðist bílstjórinn beygja
til hægri inn Aðalgötu í Keflavík.
Þegar jepplingurinn hægði á sér
ók átján ára piltur á fólksbíl aftan
á jepplinginn með þem afleiðing-
um að hann kastaðist á annan
fólksbíl sem kom norður Reykja-
nesbraut. Í þeim bíl voru fjórir og
slösuðust tveir þeirra. Einn bíllinn
valt og staðnæmdist síðan uppi við
ljósastaur.
Alls voru átta manns í bílunum
þremur, meðal annars þriggja ára
gamall drengur og annar þrettán
ára sem fékk skurð á enni.
Tveir voru fluttir á sjúkrahús í
Reykjavík með beinbrot og annar
þeirra þurfti að fara í frekari
myndatökur í gær vegna höfuð-
meiðsla.
Allt fólkið kenndi sér meins en
mæðgur sem sátu hægra megin í
bílnum sem kom úr norðri sluppu
best og þurftu ekki á aðhlynningu
að halda.
Bílarnir þrír eru allir stór-
skemmdir. - sh
Aftanákeyrsla átján ára pilts olli hörðum þriggja bíla árekstri á Reykjanesbraut:
Sex á sjúkrahús eftir árekstur
Á VETTVANGI Allir bílarnir eru illa farnir eftir
áreksturinn. Einn þeirra staðnæmdist á
ljósastaur. MYND/VÍKURFRÉTTIR
KJÖRKASSINN
Telur þú að lækkun matarskatts
skili sér til neytenda?
Já 52%
Nei 48%
SPURNING DAGSINS Í DAG
Verslar þú á vefnum?
Segðu skoðun þína á visir.is
KJARAMÁL Fyrirtæki á Akranesi
hafa fengið bréf frá lögreglunni í
bænum þar sem hún áréttar lög
um skyldur þeirra gagnvart
erlendum starfsmönnum frá Evr-
ópska efnahagssvæðinu.
Jóhanna Gestsdóttir, varðstjóri
lögreglunnar á Akranesi, segir að
misskilnings hafi gætt meðal for-
svarsmanna fyrirtækjanna eftir
að frjáls flutningur vinnuafls á
svæðinu var leyfður. Margir telji
til dæmis að ekki þurfi dvalarleyfi
eða að önnur lög um kjör en þau
íslensku gildi fyrir fólkið.
Lögreglunni hafi því þótt rétt
að upplýsa fyrirtækin um lög og
reglur. - gag
Lögreglan í forvörnum:
Bendir á rétt
útlendinga