Fréttablaðið - 21.07.2006, Blaðsíða 52

21. júlí 2006 FÖSTUDAGUR36
tonlist@frettabladid.is
Talsverðar sviptingar hafa
orðið á tónlistarmarkaðin-
um að undanförnu. Popptón-
list á undir högg að sækja
og gítarrokksveitir tröllríða
öllu. Poppararnir bregðast
við með því að færa sig í átt
að rokkinu. Þessi þróun er
farin að gera vart við sig á
Íslandi.
Frá upphafi tíunda áratugarins og
fram undir miðjan áratuginn voru
Blur og Oasis vinsælustu hljóm-
sveitir Bretlands. Allt snerist um
Britpop-böndin og ótrúlegur fjöldi
eftirhermusveita skaut upp kollin-
um. Þegar líða fór að lokum áratug-
arins var nýtt æði komið í staðinn.
Stúlknasveitin Spice Girls gaf út
fyrstu plötu sína árið 1996 og seldi
svo tíu milljónir eintaka af annarri
plötu sinni árið eftir. Tilbúnar popp-
hljómsveitir voru allt í einu málið.
Allt keyrði svo um koll á heimsvísu
þegar Britney Spears og Christina
Aguilera komu fram á sjónarsvið-
ið.
Styrkur í raunveruleikaþáttum
Þegar kom fram yfir aldamótin
styrkti poppheimurinn enn stöðu
sína með raunveruleikaþáttum á
borð við Idolið. Fleiri og fleiri popp-
stjörnur létu á sér kræla og mikill
gróðabransi varð til fyrir sjóaða
lagahöfunda.
Rokkhundarnir höfðu þó ekki
sagt sitt síðasta og hljómsveitir
hófu að leita að innblæstri hjá göml-
um meisturum. The White Stripes
og The Strokes sýndu að gítarrokk-
ið var ekki dautt úr öllum æðum. Í
kjölfarið kom bylgja af líkum rokk-
sveitum sem flestar áttu það sam-
eiginlegt að nöfnin byrjuðu á The.
Æðið í kringum Arctic Monkeys
Síðustu ár hefur nokkuð jafnvægi
verið á tónlistarmarkaðinum í Bret-
landi og víðast annars staðar. Popp-
stjörnur seldu enn mun meira af
plötum en rokksveitir þó þær síðar-
nefndu ynnu vissulega á. Árið 2002
áttu popptónlistarmenn um 52 pró-
sent seldra smáskífa í Bretlandi en
rokksveitir 13 prósent. Í fyrra kom
í ljós hvert þróunin stefnir. Þá áttu
popptónlistarmenn 34 prósent af
öllum seldum smáskífum en rokk-
sveitir höfðu hoppað upp í 24 pró-
sent seldra smáskífa. Stórstjörnur í
Bandaríkjunum hafa ekki farið var-
hluta af þessari þróun. Söngkonan
Pink gaf út plötuna I‘m Not Dead
fyrr á árinu og fyrstu vikuna seld-
ust 39 þúsund eintök af plötunni.
Síðasta plata Pink kom út 2003 og
þá seldust helmingi fleiri eintök
fyrstu vikuna.
Augljóst er að gítarrokk
er vinsælla í Bretlandi nú
en það hefur verið síðusta
áratuginn. Þetta sést vel á
hljómsveitinni Arctic
Monkeys. Hún náði mikilli
frægð í gegnum Myspace-
síðuna án þess að hafa
gefið út eina einustu plötu. Allir
voru að tala um Arctic Monkeys og
þegar fyrsta plata sveitarinnar,
Whatever People Say I Am, That‘s
What I‘m Not, kom út í janúar varð
allt vitlaust. 360 þúsund eintök af
plötunni seldust fyrstu vikuna í
Bretlandi, sem er met fyrir fyrstu
plötu hljómsveitar eða listamanns.
Unglingar gera kröfur
Í nýlegri grein í breska tónlistar-
tímaritinu Q kemur fram að ástæðan
fyrir þessum breytingum sé sú að
tónlistaráhugamenn komist nú fyrr
til vits og ára og geri fyrr kröfur en
áður. Ungt fólk sé ekki lengur sátt
við endalausa framleiðslu á spjátr-
ungum úr raunveruleikaþáttum, það
vilji meira ögrandi listamenn. Af
þessum sökum eru poppararnir
margir hverjir farnir að leggja
meira á sig en áður, gera meiri kröf-
ur til sín og tónlistarinnar sem þeir
flytja. Justin Timberlake hefur til að
mynda ráðið upptökustjórann Rick
Rubin til að vinna næstu plötu sína,
en hann er þekktastur fyrir vinnu
sína með Red Hot Chili Peppers og
fleiri rokksveitum, auk þess að
endurlífga feril Johnny Cash heit-
ins.
Rokkið sækir á hérlendis
Það er víðar en á stóru mörkuðun-
um í Bretlandi og Bandaríkjunum
sem þessarar þróunar gætir. Ekki
þarf að horfa lengra en á Eurov-
ision-keppnina þar sem þungarokk-
sveit, þó poppuð sé, sigraði örugg-
lega. Á Íslandi er vel hægt að greina
áhrif frá þessum breytingum, þó
enn eigi þær eftir að skila sér að
fullu. Snorri Snorrason, sem sigraði
í Idolinu, er miklu meiri fulltrúi
rokktónlistar heldur en popptónlist-
ar. Það sést ágætlega á því að hann
stjórnaði nýverið upptökum á plötu
Jet Black Joe. Íslenskar útvarps-
stöðvar sem jafnan teljast sem
poppstöðvar, svo sem FM957 og
Kiss FM, hafa í auknum mæli bætt
rokklögum á spilunarlista sína og
það sama gildir um Popptívi.
Íslenskar rokksveitir hafa átt lög á
vinsældalistum stöðvanna. Hljóm-
sveitin Jeff Who? hefur til að mynda
setið á toppi Íslenska listans síðustu
tvær vikurnar og Trabant gerði
góða hluti fyrr á árinu.
Ekki endalok poppsins
Þessi þróun þarf alls ekki að þýða
endalok fyrir poppið og poppstjörn-
urnar. Þó að rokktónlist eigi sífellt
meira upp á pallborðið er enn nægur
markaður fyrir popparana, ekki síst
ef þeir laga sig að breyttum aðstæð-
um. Velgengni Nylon-flokksins í
Bretlandi sýnir að stelpnahljóm-
sveitir eiga enn vel upp á pallborðið
hjá unga fólkinu. Hugtakið „Pop
Music“ hefur aftur á móti breyst til
muna og í raun horfið aftur til þess
sem áður var. Nú stendur „pop“
ekki lengur fyrir sykursæta popp-
tónlist, heldur vinsæla tónlist.
V
in
n
in
g
ar
v
er
ð
a
af
h
en
d
ir
h
já
B
T
Sm
ár
al
in
d.
K
ó
p
av
o
g
i.
M
eð
þ
ví
a
ð
t
ak
a
þ
át
t
er
tu
k
o
m
in
n
í
SM
S
kl
ú
b
b.
9
9
kr
/s
ke
yt
ið
.
Sendu SMS skeytið JA VOF
á númerið 1900 og þú gætir
unnið miða fyrir tvo.
Aðavinningur er:
PlayStation 2 tölva, tveir bíómiðar og
Over the Hedge leikurinn!
Aukavinningar eru: Bíómiðar fyrir tvo
Over the Hedge tölvuleikur
DVD myndir · Tölvuleikir · Varningur tengdur
myndinni og margt fleira!
> Plata vikunnar
The Feeling: Twelve Stops & Home
„Frumraun bresku poppsveitarinnar The Feel-
ing inniheldur popp sem er eins sykursætt og
klisjulegt og það getur orðið. Lög sem límast
svo fast inn í heilahvelið að maður þarf að
skjóta þeim út.“
BÖS
Í SPILARANUM
Æla: Sýnið tillitsemi, ég er frávik
TV on the Radio: Return to Cookie Mountain
Sufjan Stevens: The Avalanche
Thom Yorke: The Eraser
Kashmir: No Balance Palace
TV
O
N
T
H
E
R
A
D
IO
SU
FJA
N
STEVEN
S
Tónlistarhátíðin T in the Park var
haldin í Skotlandi fyrir tveim
vikum síðan. Fulltrúi Íslendinga
var hljómsveitin Sigur Rós og
stóðu piltarnir sig með prýði eins
og við var að búast. Eitt af aðal-
númerum hátíðarinnar var rokk-
sveitin Franz Ferdinand, sem lauk
tónleikum sínum á glæsilegan
hátt. Þá lék sveitin lagið Outsid-
ers og eftir því sem leið á
lagið gengu fjölmargir
trommarar inn á sviðið
og léku undir. Alls
voru ellefu gesta-
trommarar til kallað-
ir og einn þeirra var
Orri Páll Dýrason
úr Sigur Rós. Auk
hans voru liðs-
menn úr hljóm-
sveitunum Red Hot Chili Peppers,
Maximo Park, The Cribs, Kaiser
Chiefs, Cup Copy, Sons &
Daughters, The Feeling og Wolf-
mother á sviðinu þegar flest var.
Ekki amalegur félagsskapur þar
á ferð. Myndband frá þessu má
finna á Youtube.com með því að
slá inn leitarorðin „12 Drummers
Version“.
Trommaði með Franz Ferdinand
ORRI PÁLL DÝRASON
Trommari Sigur Rósar spilaði
með Franz Ferdinand á T in
the Park.
Rokkið sigrar poppið
ARCTIC MONKEYS Holdgervingur bresku rokkbylgjunnar sem slegið hefur popptónlistinni
við þar í landi.
TVÆR HEITAR Söngkonurnar
Christina Aguilera og Britney
Spears urðu alheimsstjörnur
um leið og fyrstu plötur þeirra
komu út. Þær hafa undanfarið
verið á niðurleið.
THE STROKES Leitaði aftur í gamla gítar-
rokkið og endurvakti vinsældir þess.
SPICE GIRLS Kryddpíurnar tóku við af
Britpop-hljómsveitunum Blur og Oasis og
seldu tíu milljónir eintaka af annarri plötu
sinni.
Breska rokksveitin Muse er á
fljúgandi ferð þessa dagana. Muse
sendi frá sér plötuna Black Holes
and Revelations fyrir nokkrum
vikum og hefur platan fengið frá-
bæra dóma víðast hvar. Nú hafa
liðsmenn Muse tilkynnt hver verð-
ur næsta smáskífa plötunnar. Það
er lagið Starlight og er áætlað að
smáskífan komi út 4. september
næstkomandi. Lagið fer þó í spil-
un í útvarpi innan tíðar og því er
spáð að það muni njóta mikilla
vinsælda, enda er hér um hressan
rokkslagara að ræða, sannkallað-
an sumarsmell. Myndbandið við
Starlight verður frumsýnt í byrj-
un ágúst. Muse fer á stórt tón-
leikaferðalag um Bretland í haust
en ekki hefur enn heyrst af því að
hún hyggist snúa aftur til Íslands.
Það væri þó ekki óvitlaust enda
fyllti hún Höllina með frábærum
tónleikum árið 2003.
Sumarlag frá Muse
MUSE Þessi vinsæla rokksveit gerir það nú gott með plötunni Black Holes and Revelations.
Næsta smáskífa er sögð vera alger sumarsmellur.
Það verður þétt setið á tónleikum
breska tónlistarmannsins Morrissey
og gesta sem haldnir verða í Laug-
ardalshöll 12. ágúst næstkomandi.
Uppselt er í stúku á tónleikana en
nokkuð er eftir af miðum í stæði.
Miðinn í stæði kostar 4.500 krónur
fyrir utan miðagjald.
Miða á tónleikana er hægt að
kaupa á vefsíðunni midi.is, í versl-
unum Skífunnar og völdum versl-
unum BT.
Uppselt í stúku
MORRISSEY Það styttist óðum í að
Morrissey bætist í hóp Íslandsvina.