Fréttablaðið - 21.07.2006, Qupperneq 54
21. júlí 2006 FÖSTUDAGUR38
Í síðustu viku var ég með meiningar um hvernig það er
eða getur verið að deita eldri menn. Í framhaldinu fór ég
að spá í það hvernig það er að vera með yngri manni. Ég
verð því miður að viðurkenna að ég hef ekki enn orðið
þeirrar ánægju aðnjótandi. Ég get nefnilega vel ímyndað
mér að það sé nokkuð spennandi. Þegar ég fór að velta
þessu fyrir mér komu nokkur álitaefni mér í huga sem er
reyndar örugglega erfitt að alhæfa um en að sjálfsögðu
fór ég á stúfana og spurðist fyrir.
Það sem kom fyrst upp í huga mér var: hrikalega hress
gæi, algerlega með á nótunum og fitt á öllum sviðum!
Hljómar vel, eiginlega bara of vel til að vera satt. Ég verð
að segja fyrir mitt leyti að mér fyndist afar spennandi
að eiga svona mann. Hann myndi kannski vekja mig á
sunnudagsmorgni, búinn að skúra slotið, hrista saman í
einn bústdrykk og henda í vél. Vá hvað þetta er eitthvað
súrrealísk hugmynd en svona er þetta víst að verða með
árunum. Kalla það nú breytingu til hins betra!
Þá fór ég reyndar að velta einu öðru fyrir mér sem gæti
fylgt ungu mönnunum af nýja skólanum. Ég hef allavega
séð þó nokkur dæmi þess að ungir menn búi heima
hjá sér langt um aldur fram, séu kjassaðir, verndaðir og
illa dekraðir af foreldrum sínum. Ég get ekki annað en
spurt mig: þegar þeir flytja loks að heiman, þurfum við
þá að taka við umönnuninni eða breytast þeir í sjálfstæð
karlmenni á einu augabragði? Mér finnst óstjórnlega
ósexý þegar menn eru ósjálfbjarga og geta ekki gert
nokkurn skapaðan hlut án leiðbeiningar frá mömmu eða
kærustunni. Kannski er það uppeldið á mér en ég gæti
bara ekki hugsað mér að eiga mömmustrák, eða öllu
heldur mömmumann. Maður myndi sennilegast enda
með því að brytja kvöldmatinn ofan í þá, tannbursta þá
á kvöldin og smyrja nestið á morgnana. Það verður þó
að segjast í þessu samhengi að umræddir menn hafa
oft betri innsýn í tilfinningar kvenna og eru jafnvel tillits-
samari og skilningsríkari en þeir af gömlu týpunni. Það
fer þó stundum út í öfgar, verður einfaldlega klisjukennt
og óþolandi væmið og hættir að virka sem skyldi. Línan
þarna á milli er þó rosalega fín, frá hinum fullkomna
unga fola öðru megin yfir í gubbuvæmna mömmustrák-
inn hinum megin. Svo er eins gott að hann sé ekki eini
maðurinn í vinahópnum sem er fullorðinn.
Það skiptir nefnilega heilmiklu að vinirnir
séu líka þannig að maður geti hugsað
sér að umgangast þá mikið án þess að
fá reglulega bjánabólur og kjánahroll.
En eins og ég sagði er þetta þó
ekki eitthvað sem hægt er að alhæfa
um. Ég er handviss um að flestir
ungir menn í dag eru vel upp
aldir, sjálfstæðir og algerlega
sjálfbjarga. Þó held ég að
best sé að vera örugg með
að maðurinn sé ekki langt á
eftir í andlegum þroska svo
maður endi ekki í hinum eilífa
„mömmó“!
REYKJAVÍKURNÆTUR: HARPA ER FRÓÐLEIKSÞYRST EN LANGAR EKKI Í MÖMMÓ
Hvolpar eða karlmenni?
Breska blaðið The National
Enquirer hefur beðið Britney
Spears afsökunar á því að hafa
birt frétt þess efnis að stjarnan
væri að skilja við eiginmann sinn
Kevin Federline. „Andstætt því
sem greinar okkar hafa gefið til
kynna gerum við okkur nú grein
fyrir því að hjónaband þeirra er
ekki búið og þau eru ekki að
skilja,“ sagði í yfirlýsingu frá
blaðinu. „Þessar fullyrðingar eru
ósannar og við höfum nú viður-
kennt þá skoðun Britney að engar
stoðir séu fyrir þeim.“
Afsökunarbeiðni af þessu tagi
þykir mjög sjaldgæf og athygli
vekur að hún kemur fram í bresku
útgáfu blaðsins, á meðan banda-
rísk blöð, sem einnig birtu skiln-
aðarfréttir af Britney, hafa ekki
dregið neitt til baka. Það er vegna
þess að sönnunarbyrðin liggur hjá
blaðinu í Bretlandi en í Bandaríkj-
unum er það hlutverk fólksins
sem um er rætt að afsanna fréttir.
Spears neitar því statt og stöðugt
að hjónin séu að skilja og segir að
Kevin hafi hjálpað sér mikið
þegar hún varð ólétt í annað sinn.
Britney fær
afsökunarbeiðni
BRITNEY SPEARS Britney á von á öðru barni sínu með Kevin Federline, en sögusagnir um
að þau séu að skilja eru rangar.
Fyrir utan útibú Landsbankans í
Austurstræti var hópur af rúss-
neskum sjóliðum frá skólaskipinu
Sedov. Þeir voru hressir og kátir í
veðurblíðunni að skipta peningum í
bankanum en þeir halda af landi
brott í dag. Aðspurðir sögðust þeir
ætla að spóka sig í miðbænum í veð-
urblíðunni og sögðust ætla að fara
að spila fótbolta seinnipartinn.
Einnig tóku sjóliðarnir það sérstak-
lega fram að aðallega væru þeir að
horfa á allar sætu stelpurnar sem
þeir sögðu fylla götur borgarinnar.
Horfðu á sætu stelpurnar
HEITT MEÐ HÚFUNA Sumir voru komnir úr
einkennisjökkunum og búnir að taka af
sér húfuna enda var steikjandi hiti í sólinni
í gær.
HRESSIR Sjóliðarnir voru hressir fyrir utan
Landsbankann enda heppnir að lenda í
besta veðri sumarsins hingað til.
FRÉTTABLAÐIÐ/HEIÐA
…OG MARGIR FLEIRI
REGÍNA ÓSK
HELGI RAFN
MARGRÉT EIRBOGOMIL FONT
GRÉTA &
HÓLMFRÍÐUR
EIVÖR
PÁLSDÓTTIR
LEONE OG
ELLERT
Um hádegisbilið í gær brosti sólin
sínu blíðasta í Reykjavík og af því
tilefni notuðu margir tækifærið
og snæddu hádegismatinn úti
fyrir.
Miðborginn var troðfull af fólki
sem reif sig úr fötunum og naut
sólargeislana enda hefur mörgum
þótt nóg um veðurfarið að undan-
förnu í höfuðborginni.
Hádegi í miðborginni
BESTU VINKONUR „Við smyrjum okkur
aldrei nesti í vinnuna, kaupum okkur bara
eitthvað ef við eigum pening en annars
borðum við bara ekki neitt,“ sögðu þær
Marsibil Perla Dagbjartsdóttir og Nanna
Rúnarsdóttir þegar þær átu pizzuna sína.
SÆTAR SYSTUR „Við erum á leið til Tenerife
í næstu viku,“ sögðu systurnar Hlín og Dóra
Erla Þórhallsdætur um leið og þær nutu
veðurblíðunnar á Austurvelli. Dóra Erla var
á leið í vinnu á Te og kaffi en Hlín, sem er
þrettán ára, hefur bara verið að leika sér
í sumar.
Í KAUPSTAÐARFERÐ Jónmundur Guð-
mundsson, bæjarstjóri á Seltjarnarnesi,
renndi til Reykjavíkur til að hitta vin sinn
Pétur Árna Jónsson í hádeginu. „Það er
nauðsynlegt að koma og sjá hvað er að
gerast í kaupstaðnum,“ segir Jónmundur,
sem átti von á fleiri félögum. Þess má geta
að í Gróttu er nú rekið kaffihús í tengslum
við sýninguna Eiland.
MÆÐGUR AÐ MATAST „Við erum í sumarfríi
og ákváðum að fá okkur að borða saman í
sólinni,“ segir Eva Rut Ingimarsdóttir, sem
sat á Café París ásamt móður sinni Ernu
Guðjónsdóttir sem kom frá Keflavík til þess
að hitta dóttur sína.
FIM OG FJÖRUG Lee frá Suður-Afríku og Belen frá Ekvador notuðu hádegið til fimleikaæf-
inga á Austurvelli. Þau eru bæði ferðamenn hér á landi en margir kannast við Lee sem
trúðinn fjöruga sem sýnir yfirleitt listir sínar á Lækjartorgi þegar veður er gott. Hann sagðist
nú samt ekki hafa mikið upp úr þeirri vinnu en margir splæstu á hann glasi þegar þeir
sæju hann á barnum. FRÉTTABLAÐIÐ/HEIÐA
STERKIR STRÁKAR Þessir flottu strákar
eru að vinna hjá fyrirtækinu Rafholti sem
er meðal annars að vinna við Casanova-
byggingu Menntaskólans í Reykjavík og
við hótel í Þingholtsstræti. „Nú erum við
bara aðeins að slaka á í sólinni. Við vorum
að koma af veitingastaðnum Red Chilli en
þangað förum við alltaf í hádeginu,“ sögðu
strákarnir og héldu áfram að sleikja sólina
við Austurvöll.