Fréttablaðið - 21.07.2006, Blaðsíða 16
21. júlí 2006 FÖSTUDAGUR16
nær og fjær
„ORÐRÉTT“
Skipt um andlit
„Þetta er greinilega hið nýja
andlit kolkrabbans.“
VÍGLUNDUR ÞORSTEINSSON,
STJÓRNARFORMAÐUR LÍFEYRIS-
SJÓÐS VERSLUNARMANNA, ER
HARÐORÐUR Í GARÐ STJÓRNENDA
STRAUMS-BURÐARÁSS. MORGUN-
BLAÐIÐ, 20. JÚLÍ.
Gangan hafin
„Þetta eru fyrstu sporin á
langri göngu.“
ÓLAFUR ÓLAFSSON, FORMAÐUR
LANDSSAMBANDS ELDRI
BORGARA, ER ÁNÆGÐUR MEÐ
SAMKOMULAG MILLI RÍKISINS OG
ELDRI BORGARA. FRÉTTABLAÐIÐ,
20. JÚLÍ.
„Ég er í sumarfríi núna, sem er stóra málið
fyrir mér,“ segir Árni Svanur Daníelsson,
vefstjóri Biskupsstofu. Hann er nýkominn í frí
og ánægður með að hafa valið réttan tíma
sumarsins til þess og að hafa náð sólardög-
um. „Íslenska sumarið er alveg undursamlegt
þegar það loksins kemur og ég nýt þess mjög,“
segir Árni og bætir við að í vikunni hafi hann
gengið á Esjuna.
Árni segir að það stóra sem sé af honum
að frétta sé þó að hann eigi
von á barni. Hann sé eins og
hefðbundinn karlmaður sem
geti einungis einbeitt sér
að einu á hverjum tíma
og undirbúningurinn fyrir
komu næsta erfingja eigi
hug hans allan. „Stúlkan
kemur eftir tvær vikur
og núna er ég á fullu
við að undirbúa heim-
ilið. Svo hugsa ég um
taubleyjur gegn einnota
bleyjum og ættar-
vögguna sem þarf að
koma í gott stand. Rykið
þarf að taka úr öllum
hornum, þvo lítil föt
og strauja þau.“
Árni á fyrir
eina fjögurra
ára stúlku
og segir
að þegar
hún kom
í heiminn
hafi hann uppgötvað mikilvægi þess að öll
ungbarnaföt séu vel straujuð. „Þegar fyrsta
barnið kom var hún svo mjúk og lítil að maður
gat ekki hugsað sér að setja hana í hörð föt.“
Þess vegna sér Árni til þess að öll litlu fötin
verði almennilega straujuð þegar barnið kemur
í heiminn.
Að sögn Árna er hann heppinn að vinna
við nokkuð sem hægt sé að skilja sig frá og
njóta þess að einbeita sér að öðru í fríunum.
Á Biskupsstofu hefur fólk þó í nógu að snúast
enda heldur hún upp á afmæli beggja biskups-
stólanna í ár. „Um helgina er Skálholtshátíð
þar sem við erum að halda upp á afmæli Skál-
holtsstaðar. Stærsta verkefnið sem snýr að mér
í kringum það var opnun nýs vefs í tengslum
við afmælið á nýju vefsvæði, Skálholt.is,“ segir
Árni Svanur Daníelsson.
HVAÐ ER AÐ FRÉTTA? ÁRNI SVANUR DANÍELSSON VEFSTJÓRI BISKUPSSTOFU
Undirbýr komu næsta erfingja
Um helgina var skógræktarsvæði
í Tröð á Hellissandi opnað undir
merkjum „opins skógar“ skóg-
ræktarfélaganna. Tröð er áttundi
opni skógurinn á landinu en stefnt
er að því að opna um þrjátíu slík
svæði um landið allt. „Markmiðið
með verkefninu er að skógurinn
sé í alfaraleið svo fólk getið áð og
notið smá kyrrðar frá erli umferð-
arinnar,“ segir Brynjólfur Jóns-
son, framkvæmdastjóri Skóg-
ræktarfélags Íslands.
„Á þeim stöðum er þokkalegt
göngustígakerfi, aðkoman er vel
merkt og kort af svæðunum með
örnefnum.
Inni í skóginum eru trjáteg-
undirnar merktar og þar að finna
borð og bekki,“ segir Brynjólfur.
Valin eru svæði sem eru búin að
vera lengi í ræktun og skógur
kominn vel áleiðis. „Helst er
skógurinn orðinn um fjörutíu til
fimmtíu ára gamall sem myndar
gott skjól.“
Skjólið kom sér líka vel um
helgina þegar vígslan fór fram.
Var rigning og rok og hafði Einar
K. Guðfinnsson það á orði að vel
væri við hæfi að sjávarútvegs-
ráðherra sæi um vígsluna því
ágjöfin væri svo mikil.
Brynjólfur Jónsson segist vona
að opinn skógur í Tröð verði vel
heppnaður og að svæðið bjóði upp
á mikla möguleika. „Á svæðinu er
vaxandi ferðamennska, þjóðgarð-
ur og fleira sem fer vel saman,“
segir Brynjólfur. - at
Opinn skógur í Tröð á Hellissandi:
Áningarstaður í alfaraleið
FRÁ OPNUN OPINS SKÓGAR Í TRÖÐ Einar K.
Guðfinnsson sá um vígsluna, sem þótti vel
við hæfi enda stóð sjógangurinn eiginlega
alla leiðina inn í skóginn.
Indverski fjallgöngugarp-
urinn Satyabrata Dam er
nú ásamt tíu löndum sínum
á Grænlandsjökli þar sem
Leifur Örn Svavarsson
og Friðjón Þorleifsson frá
Íslenskum fjallaleiðsögu-
mönnum sýna þeim hættur
jökulsins. Sennilega hafa
fáir farið jafn lágt og hátt og
Dam, sem einnig er kafbáta-
sjóliði.
„Hvar sem er fjall, þar hef ég
verið,“ sagði Satyabrata Dam þegar
blaðamaður hitti þremenningana
fyrir helgi áður en þeir lögðu af
stað til Grænlands. „Nú stendur til
að fara á suðurpólinn í desember
en þar er að finna aðstæður sem
við þekkjum ekki þó við höfum
klifið hæstu fjöll heims. Eftir að
hafa kynnt mér það vel taldi ég að
best væri að undirbúa þessa ferð á
Grænlandsjökli og engir væru
betri til að kynna okkur aðstæður
þar en Íslendingar og þar koma
þeir Leifur Örn og Friðjón til skjal-
anna.“
Hópurinn hélt til Kulusuk í júlí-
byrjun og þaðan að jökuljaðrinum.
Síðan var haldið á jökul með vistir,
tjöld og annan búnað sem hópurinn
mun gera sér að góðu þann mánuð
sem þeir munu dvelja þar í þúsund
til fimmtán hundruð metra hæð.
„Við erum stundum spurðir að því
hvort einhver hætta sé á að ísbjörn
verði á vegi okkar,“ sagði Leifur
Örn. „Það hefur reyndar gerst að
ísbirnir hafi elt hópa upp á jökulinn
en annars er það afar ólíklegt að
hann fari svo langt frá sjónum.“
Allir fjallgöngumennirnir í ind-
verska hópnum eru sjóliðar. „Ég er
kafbátasjóliði en þegar ég er í fríi
er ég hátt uppi,“ sagði Dam. Hann
hefur klifið Everest-fjall, sem er í
8.848 metrar á hæð, og svo farið á
meira en þúsund metra dýpi í kaf-
bátnum svo sennilegast hafa fáir
menn í heiminum farið jafn víða
um lóðrétta ásinn.
Ekki stóðust garparnir mátið
þegar þeir dvöldu um nokkurra
daga skeið hér á landi að glíma við
Hvannadalshnjúk en urðu þó að
snúa við þar sem veðrið var með
versta móti. „Ég kann afar vel við
mig á Íslandi,“ sagði Dam. „Fólkið
er mjög viðmótsþýtt og náttúrufeg-
urðin mikil. Mér hefur þó verið
sagt að ég ætti að koma að vetri til
að sjá norðurljósin og hver veit
nema ég láti verða að því.“
Íslensku fjallaleiðsögumennirn-
ir segjast munu reyna að finna
hentuga jökulsprungu þar sem þeir
geti sýnt Indverjunum hvernig eigi
að bera sig að. „Við erum sennilega
einu ferðamennirnir sem leita
jökulsprungurnar uppi en venju-
lega forðast menn þær,“ sagði
Leifur Örn og hló við.
Þremenningarnir voru mjög
spenntir fyrir ferðinni en þó var
Friðjón ekki alveg sáttur við tíma-
setninguna þar sem hann missti af
seinni hlutanum af heimsmeistara-
keppninni í Þýskalandi. „Ég verð
svo sem ekki lengi að gleyma
keppninni þegar ég er kominn á
jökulinn. Þar hefur maður um
annað að hugsa en hverjir séu í
úrslitum á HM,“ sagði hann.
jse@frettabladid.is
Sjóliði á hæsta tindi
FRIÐJÓN ÞORLEIFSSON, SATYABRATA DAM OG LEIFUR ÖRN SVAVARSSON Þremenningarnir voru hressir og til í slaginn fyrir jökuldvölina. Nú
eru þeir á Grænlandsjökli í yfir þúsund metra hæð að glíma við jökulsprungur og aðrar hættur sem finnast á jöklinum. FRÉTTABLAÐIÐ/HÖRÐUR
„Það er afleitt að þetta skuli geta gerst,“
segir Margrét Gunnarsdóttir, ritstjóri
síðunnar ferdalangur.net. „En í þessu sem
öðru hefur tæknin stundum sínar dökku
hliðar og ég held að margir tölvunot-
endur hér á landi séu bæði illa varðir og
sömuleiðis auðveld bráð fyrir alls kyns
gabb og vesen.
Ég held að það bráðvanti stutt, ódýr eða
ókeypis námskeið sem almenningur
getur sótt um þessi mál. Mér dettur til
dæmis í hug að almenningsbókasöfn,
starfsmannafélög stórra stofnana og fleiri
geti lagt þessu máli lið með námskeiðum
fyrir sitt fólk sem byggjast á umgengnis-
venjum við netið og því sem helst beri
að varast.“
SJÓNARHÓLL
HEIMABANKASTULDUR
Fræðsluna bráðvantar
MARGRÉT
GUNNARSDÓTTIR