Fréttablaðið - 21.07.2006, Síða 51
FÖSTUDAGUR 21. júlí 2006
Pílagrímsganga frá Þing-
völlum að Skálholti fer fram
í þriðja sinn um helgina í
tengslum við Skálholtshátíð
á Þorláksmessu á sumri.
Lagt verður af stað frá Þingvalla-
kirkju og gengið sem leið liggur
upp Gjábakka og biskupsleið yfir
Lyngdalsheiði, en fyrri hluti göng-
unnar endar við Laugarvatn þar
sem helgistund fer fram við
Vígðulaug.
Hægt er að ganga aðeins hluta
göngunnar, allt eftir aðstæðum
fólks, en hún tekur alls tíu klukku-
stundir. Bernharður Guðmunds-
son, rektor Skálholtsskóla, segir
að einföld svefnpokagisting sé til
reiðu fyrir göngufólk á Laugar-
vatni og bendir á að fyrir þá sem
kjósi að ganga aðeins seinni dag-
inn sé upplagt að koma inn í göng-
una við Neðra-Apavatn. Seinasti
áfangi göngunnar er síðan við
Brúará við Spóastaði og þaðan
gengið beint til messu í Skálholts-
dómkirkju.
Margir mæta í gönguna ár eftir
ár og sumir senda Bernharði
þakkarbréf að henni lokinni.
„Margir segja mér frá því varnar-
leysi sem þeir upplifa í þessum
göngum. Fólk er kannski búið að
ganga lengi og orðið þreytt og lúið
en þreytan gerir það að verkum
að menn hafa ekki jafn mikla
stjórn á umhverfi sínu og þeir
eiga að venjast. Sérstök tilfinning
fylgir því að ganga mikla vega-
lengd og mikilfengleiki fjallanna í
kring leiðir til þess að fólk kemst í
snertingu við smæð sína og mátt
almættisins. Menn komast frekar
í tæri við guð í þessum aðstæðum
því hann reynir svo oft að ná til
fólks en með litlum árangri, því
fólk hefur svo mikið að gera í
öllum þessum asa sem einkennir
nútímasamfélag. Það er líka í
þessari þögn náttúrunnar sem
menn eru til viðtals við guð. Það
að vera í miðri sköpuninni hefur
rík áhrif á fólk.“
Að sögn Bernharðs eru píla-
grímsgöngur frábrugðnar öðrum
göngum að því leyti að gengið er
að einhverjum tilteknum helgi-
stað. „Hér áður fyrr í kaþólsku
gengu menn til iðrunar og yfir-
bótar. Guðríður Þorbjarnardóttir
gekk til að mynda til Jerúsalem og
tók það hana marga mánuði. Síðan
tóku við allar gerðir af styttri píla-
grímsgöngum en það er þeim
öllum sameiginlegt að gengin er
tiltekin vegalengd í einu og síðan
er hvíld á milli.“
Pílagrímsgöngunni sem nú
verður farin er þannig háttað að
gengið er í klukkutíma í senn og
hvílst í tuttugu mínútur. Í þessum
hvíldum er alltaf gert eitthvað
uppbyggilegt, ekki bara legið og
sofið. Oftast er lesið upp úr ljóð-
um eða sögur sagðar. Í þessari
göngu verða lesin náttúruljóð
eftir Jónas Hallgrímsson og lesið
úr Davíðssálmum. „Það er mikil-
vægt í göngum sem þessum að
láta þögnina á stundum umlykja
allt, enda þótt menn séu í félagi
hver við annan.“
Skálholtshátíðin fer fram á
hverju ári en er sérlega mikil-
fengleg nú, því 950 ár eru liðin frá
því fyrsti biskupinn var vígður og
Skálholtskirkja var stofnuð á
Íslandi.
Göngustjórar Pílagrímsgöng-
unnar eru Guðbrandur Magnús-
son, framleiðslustjóri á Morgun-
blaðinu, og Pétur Pétursson,
doktor í félags- og guðfræði. Undir-
búningsfundur þeirra með vænt-
anlegum pílagrímum verður í
Þjóðmenningarhúsinu í Reykja-
vík, í dag kl. 16.30 en skráning er á
skrifstofu Skálholtsskóla. Þátttak-
an er öllum opin og ókeypis. - brb
Að komast í tæri við guð
SÉRA BERNHARÐUR GUÐMUNDSSON SKÁLHOLTSREKTOR „Það er mikilvægt í þessum göngum að láta þögnina stundum umlykja allt.“
FRÉTTABLAÐIÐ/HILMAR
DAGSKRÁ SKÁLHOLTSHÁTÍÐAR
Föstudagur 21. júlí. Hr. Gijsen, prestur kaþólskra, syngur rómverska biskupamessu í Skálholti
kl. 18.
Laugardagur 22. júlí. Samkomur í kirkjunni kl. 14 og 16.30. Björn Bjarnason dóms- og kirkju-
málaráðherra flytur ávarp. Jaap Schröder og Sigurður Halldórsson flytja tónlist eftir Mozart og
tekið verður við veglegri bókagjöf sem Schröder gefur Skálholtsstað. Á síðari samkomunni verð-
ur opnaður vefur um íslenskan trúar- og tónlistararf, Matthías Johannessen les úr verki sínu
um staðinn sem nýlega kom út hjá Háskólaútgáfu og Helgisiðastofu í Skálholti og Kammerkór
Suðurlands syngur ásamt einsöngvaranum Guðrúnu Eddu Gunnarsdóttur undir stjórn Hilmars
Arnar Agnarssonar.
Sunnudagur 23. júlí. Hópreið hestamanna að Skálholtsstað undir trumbuleik slagverkshópsins
Steintryggs. Skipuleggjandi er Halldór Ásgeirsson myndlistarmaður. Gunnar Eyjólfsson leikari les
Ísleifs þátt og trompetleikarar spila í turni kirkjunnar. Pílagrímar sem hafa gengið frá Þingvöllum
til Skálholts um helgina ganga í hlað. Herra Sigurbjörn Einarsson predikar í messu kl. 14 en að
henni lokinni verður kirkjukaffi og flytja herra Ólafur Ragnar Grímsson, forseti Íslands, herra Karl
Sigurbjörnsson, biskup Íslands, og Guðni Ágústsson landbúnaðarráðherra ávörp. Tónlistarflutn-
ingur verður þar í umsjá þeirra Harðar Áskelssonar, söngmálastjóra kirkjunnar, og Hilmars Arnar
Agnarssonar, organista í Skálholti.
Bzzzzzz bzzzzz bzzzz bzzz bzz bz
LÁTTU EKKI SUÐA Í ÞÉR!
VAPONA FLUGNA–
& GEITUNGAVÖRURNA
Söluaðilar:
OLÍS • ELLINGSEN • BYKO • HAGKAUP •
FJARÐARKAUP • SAMKAUP • NETTO •
10-11 BÚÐIRNAR • HÚSASMIÐJAN • SHELL•
ESSO • KB BORGARNESI • VALBERG
ÓLFSFIRÐI • SÖLUSKÁLINN SKAGASTRÖND •
VERSLUNIN KASSINN, ÓLAFSVÍK.
Dreifing: OLÍS Sími: 515-1100
SUMARIÐ ER KOMIÐ!
Söluaðilar:
OLÍS • ELLINGSEN • BYKO • SHELL • ESSO • BLÓMAVAL
• FJARÐARKAUP • HÚSASMIÐJAN • G RÐHEIMAR
• ÞÍN VERSLUN • GRIPIÐ & GREITT • HLÍÐARKAUP
• SUMARLAND • BJÖRKIN HVOLSVELLI • FERSTIKLA
HVALFIRÐI • KAUPFÉLAG STEINGRÍMSFJARÐAR
• VALBERG ÓLAFSFIRÐI • VERLSUNARGEIRINN
BOLUNGARVÍK • BORG GRÍMSNESI • VERSLUNIN
BRYNJA • VIRKIÐ ÓLAFSVÍK