Fréttablaðið - 21.07.2006, Blaðsíða 59

FÖSTUDAGUR 21. júlí 2006 43
FÓTBOLTI Zinedine Zidane var bann-
aður í þrjá leiki af FIFA fyrir að
skalla Marco Materazzi eftir-
minnilega í brjóstkassann í úrslita-
leik Heimsmeistarakeppninnar.
Zidane brást ókvæða við eftir að
þeir félagar höfðu átt orðaskipti á
110. mínútu leiksins sem lauk með
þessum afleiðingum. Versta refs-
ing Zidane var að enda feril sinn á
þennan hátt en hann er nú hættur
knattspyrnuiðkun og því hefur
bannið enga þýðingu fyrir hann.
Auk þess þarf Zidane að greiða
3.260 pund í sekt.
Materazzi fékk tveggja leikja
bann og 2.170 pund í sekt og tekur
hann út bannið í undankeppni EM
2008 en Ítalinn þvertekur fyrir
þær ásakanir sem Zidane hefur
gefið út. Frakkinn segir að Mater-
azzi hafi móðgað móður hans og
systur en enn hefur ekki fengist
staðfest nákvæmlega hvað Mater-
azzi sagði.
„Zidane hefur samþykkt að
vinna samfélagsvinnu þar sem
hann mun vinna með börnum og
unglingum. Á meðan á réttarhöld-
unum stóð báðu báðir leikmenn-
irnir FIFA afsökunar á hegðun
sinni og lýstu harmi sínum yfir
atvikinu,“ sagði í yfirlýsingu frá
FIFA í gær. - hþh
Zinedine Zidane og Marco Materazzi:
Fengu sektir og bann
í refsingu frá FIFA
ZIDANE Yfirgefur hér höfuðstöðvar FIFA í gær eftir að hafa verið dæmdur í bannið en
fjölmiðlar gera hvað þeir geta til að ná myndum af Frakkanum. NORDICPHOTOS/AFP
FÓTBOLTI Í fyrra eignuðust Íslend-
ingar meistara bæði í Noregi og
Svíþjóð. Árni Gautur Arason ver
mark Noregsmeistara Vålerenga
og þeir Kári Árnason og Sölvi
Geir Ottesen leika með Djur-
gården sem varð tvöfaldur meist-
ari í Svíþjóð. Þó að þessi lið hafi
ekki náð sér fyllilega á strik á
nýju tímabili á Ísland sína full-
trúa í toppliðunum í þessum
tveimur deildum - og allir eru þeir
varnarmenn.
Kristján Örn Sigurðsson og
Ólafur Örn Bjarnason mynda mið-
varðaparið í Brann, sem hefur sex
stiga forskot í Noregi og hefur
fengið á sig fæst mörk allra í
norsku deildinni nú þegar mótið
er hálfnað. Í Svíþjóð hafa Pétur
Marteinsson og Gunnar Þór Gunn-
arsson verið fastamenn í liði
Hammarby sem hefur fimm stiga
forskot í sænsku deildinni.
Þessir fjórir gætu hæglega
myndað varnarlínu íslenska lands-
liðsins þar sem Kristján Örn hefur
iðulega leikið í stöðu hægri
bakvarðar en Gunnar Þór hefur
gegnt stöðu vinstri bakvarðar í
Hammarby.
„Þetta hefur gengið hreint
ágætlega,“ sagði Kristján Örn í
samtali við Fréttablaðið en benti
jafnframt á að Lilleström, sem er
í öðru sæti deildarinnar, ætti leik
til góða. „En árangurinn kemur
okkur ekki neitt sérstaklega á
óvart. Við vissum vel að við
værum með sterkt lið sem gæti
gert góða hluti. Ég er vissulega
ánægður með varnarleikinn þó
svo að við höfum fengið á okkur
fjögur mörk í einum og sama
leiknum (gegn Ham-Kam) en það
var þó ágætt að taka út það slæma
í einum leik.“
Þeir félagarnir, Ólafur og
Kristján, hafa vakið mikla athygli
fyrir að vera „Íslendingarnir í
vörninni“ sem er í dag sú sterk-
asta í Noregi. Kristján segir það
vissulega þægilegt að geta talað
íslensku en það sé þó ekki aðal-
málið. „Við náum vel saman og
samstarfið hefur gengið mjög
vel,“ segir Kristján, sem neitar
því ekki að það komi til greina að
prófari sterkari deild í Evrópu
eftir tímabilið. „Fyrst langar mig
að vinna bikara með Brann, það er
svo langt síðan félagið vann eitt-
hvað síðast.“
Pétur Marteinsson segir stöðu
liðsins góða og að Hammarby hafi
á að skipa góðum hópi leikmanna.
„Leikbönn og meiðsli hafa því
ekki sett stórt strik í reikninginn.
Við höfum ekki að verið að leika
mjög sannfærandi en þó unnið
þessa leiki.“ Eins og Brann hefur
Hammarby tapað einum leik á
tímabilinu og það stórt, í þessu til-
felli 4-1 fyrir Kalmar. „Við höfum
alltaf átt í vandræðum með
Kalmar,“ sagði Pétur.
Gunnar Þór er að leika sitt
fyrsta tímabil í atvinnumennsk-
unni en Pétur segir hann hafa
staðið sig afar vel, sérstaklega
þar sem hann gekk til liðs við
félagið aðeins viku fyrir fyrstu
umferð mótsins. „Nú fer kannski
samkeppnin um hans stöðu að
verða harðari þar sem nokkrir í
hópnum hafa nú jafnað sig á
meiðslum sínum.“
Stærsta frétt ársins í sænska
boltanum er endurkoma Henriks
Larsson. Hammarby mætti liði
hans, Helsingborg, í bikarkeppn-
inni fyrir stuttu og fékk Pétur það
hlutverk að gæta Larssons. Hels-
ingborg vann að vísu leikinn, 3-1.
„Hann er rétt nýkominn og á því
eftir að finna sig betur en í þess-
um leik. En það er ljóst að þetta er
stórstjarna og fjölmiðlar halda
ekki vatni yfir endurkomu hans í
sænska boltann.“
Pétur segir sænsku deildina
vera á uppleið. „Margir góðir
atvinnumenn hafa snúið aftur,
eins og Larsson, og er næsta skref
að sænsk lið láti til sín taka í Evr-
ópukeppninni.“ - esá
ERNIRNIR Í BRANN Ólafur Örn Bjarnason og Kristján Örn Sigurðsson á góðri stundu á
æfingasvæði Brann. FRÉTTABLAÐIÐ/GEIR DILLAN/BERGENSAVISEN
Íslenskir varnarmenn í eldlínunni með toppliðunum í Noregi og Svíþjóð:
Fjórir íslenskir varnarmenn á toppnum í Skandinavíu
EIGNARLÓÐIR VIÐ LANGÁ Á MÝRUM
Langavatn
Borgarnes
LÓÐ NR. 1, 2.4 HA VERÐ KR 1.668.000.00
LÓÐ NR. 1a 2.6 HA VERÐ KR 1.807.000.00
LÓÐ NR. 2 ,2.3HA VERÐ KR 1.598.500.00
LÓÐ NR. 2b 3,3 HA VERÐ KR 2.293.500.00
LÓÐ NR. 12, 3.0 HA VERÐ KR 2,085.000.00
LÓÐ NR. 13, 4.4 HA VERÐ KR 3.058.000.00
LÓÐ NR. 14,8.1 HA VERÐ KR 5.629.500.00
LÓÐ NR. 17.3.9 HA VERÐ KR 2.710.500.00
LÓÐ NR. 18,4,6 HA VERÐ KR 3.197.000.00
LÓÐ NR. 22, 3.4 HA VERÐ KR 2.363.000.00
LÓÐ NR. 23, 3.9 HA VERÐ KR 2.710.500.00
LÓÐ NR. 26, 3.7 HA VERÐ KR 2.571.500.00
LÓÐ NR. 34.3.8 HA VERÐ KR 2.641.000.00
LÓÐ NR. 35,4.7 HA VERÐ KR 3.266.500.00
LÓÐ NR. 42 3.1 HA VERÐ KR 2.154.500.00
LÓÐ NR. 43 2.8 HA VERÐ KR 1.946.000.00
LÓÐ NR. 44 2.6 HA VERÐ KR 1.807.000.00
LÓÐ NR. 51, 3.9 HA VERÐ KR 2.710.500.00
LÓÐ NR. 52 3.0 HA VERÐ KR 2.085.000.00
ENN ER Í BOÐI ÚRVAL LÓÐA OG FRÁBÆRT TÆKIFÆRI FYRIR ÞÁ SEM VILJA FÁ AÐ MÓTA SITT EIGIÐ LANDNÁM Á KVAÐALAUSUM EIGNALÓÐUM
MEÐ VEGI OG VATNI, NÆSTUM Í ÚTJAÐRI HÖFUÐBORGARINNAR Í ÞÓRDÍSARBYGGÐ UPP MEÐ LANGÁ Í EINUM FEGURSTA FJALLASAL ÍSLANDS.
LÓÐASTÆRÐ 2.3 UPP Í 4.8 HA OG VERÐ PR HEKTARA KR. 695 ÞÚSUND.
KBBANKI BÝÐUR FJÁRMÖGNUN. SVEIGJANLEG GREIÐSLUKJÖR EÐA 5% STAÐGREIÐSLUAFSLÁTTUR. SJÓN ER SÖGU RÍKARI. ERUM Á STAÐNUM
EÐA Í GRENNDINNI Í ALLT SUMAR. NÁNARI UPPLÝSINGAR HJÁ INGVA HRAFNI 8642879 EÐA 4371704 OG WWW.LANGA.IS
VERÐSKRÁ ÓSELDRA LÓÐA
FÓTBOLTI Möguleikar Indriða Sig-
urðssonar á að semja við enska
félagið Ipswich virðast hafa aukist
en félagið sendi í gær tvo af fjór-
um leikmönnum sem voru á
reynslu hjá sér heim. Indriði er
eftir við annan mann en Jim
Magilton, stjóri liðsins, hefur gefið
út að hann hyggist semja við tvo
leikmenn fyrir tímabilið.
Indriði lék með félaginu í
æfingaleik í fyrradag en þar var
hann í byrjunarlðinu en var skipt
útaf eftir 50 mínútna leik. Þeir
Alexis Bertin og Medhi Menari
spiluðu einnig í leiknum en þeir
fengu þau skilaboð í gær að þeir
fengju ekki samning við Ipswich.
Þrátt fyrir ítrekaðar tilraunir
hefur enn ekki náðst í Indriða á
Englandi. - hþh
Enska félagið Ipswich Town:
Möguleikar
Indriða aukast
KÖRFUBOLTI Íslenska ungmenna-
landsliðið í körfubolta vann Íra á
Evrópumóti U20 ára liða í Portúgal
í gær. Ísland vann leikinn 77-76
eftir æsispennandi lokasekúndur
þar sem bæði lið fengu tækifæri
til að skora en allt kom fyrir ekki.
Jóhann Ólafsson var stigahæst-
ur í íslenska liðinu í gær með 26
stig en Pavel Ermolinskij skoraði
þrettán stig og tók auk þess tólf
fráköst. - hþh
U20 ára landslið Íslands:
Vann Íra í gær
INDRIÐI Er hér í baráttunni við Marcin
Kaczmarek í landsleik Íslands og Póllands.
GOLF Óþekktur norður-írskur kylf-
ingur, Graeme McDowell, leiðir
opna Breska meistaramótið í golfi
eftir fyrsta hringinn á Hoylake-
vellinum í nágrenni Liverpool í
gær. McDowell lék best allra og
endaði hringinn á sex höggum
undir pari, einu betur en Tiger
Woods, Anthony Wall, Greg Owen,
Miguel Angel Jimenez og Keiich-
iro Fukabori.
„Ég hef sjaldan spilað betra
golf en þetta, það gekk nánast allt
upp hjá mér. Það er frábært að
vera í forystu eftir fyrsta daginn
en ég er alveg sallarólegur, ég
þarf að halda einbeitingunni ef ég
ætla mér ekki að missa forystuna
strax niður. Það eru margir frá-
bærir kylfingar rétt á eftir mér en
ég ætla að njóta augnabliksins og
vonandi tekst mér að halda áfram
á sömu braut,“ sagði McDowell
eftir fyrsta hringinn í gær.
Woods var á þremur höggum
undir pari fyrir lokaholuna en
gerði sér lítið fyrir og fékk örn á
henni og komst þar með upp í
annað sætið ásamt fjórum öðrum
kylfingum. - hþh
Opna Breska meistaramótið í golfi er í fullum gangi:
McDowell í forystunni
MCDOWELL Skoðar hér púttlínu á mótinu í gær. NORDICPHOTOS/AFP