Fréttablaðið - 21.07.2006, Blaðsíða 58
42 21. júlí 2006 FÖSTUDAGUR
sport@frettabladid.is
FÓTBOLTI Hermann Hreiðarsson
varð 32 ára á dögunum og á hann
eitt ár eftir af samningi sínum hjá
Charlton. Hermann er í miklum
metum hjá liðinu og eftir að Alan
Curbishley hætti þjálfun liðsins
fóru lið í ensku úrvalsdeildinni að
sýna Hermanni áhuga en hann
hefur leikið einstaklega vel og átt
fast sæti í hjarta varnarinnar hjá
liðinu.
„Sama dag og Curbishley hætti
með liðið fékk ég símtöl frá þrem-
ur liðum í ensku úrvalsdeildinni,“
sagði Ólafur Garðarsson, umboðs-
maður Hermanns, við Fréttablað-
ið í gær en Fréttablaðinu hafði
borist til eyrna að Fulham hefði
áhuga á Eyjapeyjanum.
Auk Fulham hafa Wigan og
Middlesbrough haft samband við
Charlton og hafa verið tilbúin til
að borga allt að tvær milljónir
punda fyrir íslenska varnarmann-
inn. Charlton hefur gefið öllum
liðunum sama svarið: Nei takk.
Tvö lið til viðbótar höfðu svo
samband við Charlton með það
fyrir augum að kaupa Hermann, en
samkvæmt heimildum Fréttablaðs-
ins voru það Newcastle og
Manchester City. Þetta verður að
teljast mikill heiður fyrir Her-
mann, sem hefur verið hjá Charl-
ton frá árinu 2003.
Fréttablaðið heyrði af áhuga
Fulham á því að kaupa Hermann
en Ólafur Garðarsson, umboðs-
maður hans, staðfesti þetta í gær
og sagði að fleiri lið hefðu sýnt
honum áhuga. „Ég talaði við stjórn-
arformann Charlton og hann sagði
að þrjú lið hefðu formlega haft
samband og þeir hafa alltaf neitað.
Hann sagði að þeir hefðu engan
áhuga á því að selja Hermann,“
sagði Ólafur.
Liðin hafa einnig boðið Charlton
leikmannaskipti en forráða-
menn Charlton hafa ekki hug á því
heldur. Þeir ætla að bjóða Her-
manni framlenginu á samningi
sínum og leiða má líkur að því að
hann verði því áfram hjá Charlton.
„Það er alltaf gaman þegar
önnur lið sýna manni áhuga og að
vera viðurkenndur á þennan hátt.
Það sannar að maður er að gera
eitthvað rétt,“ sagði Hermann létt-
ur í bragði við Fréttablaðið í gær.
„Ég er mjög ánægður hjá Charl-
ton og mér líst mjög vel á nýja
stjórann Iain Dowie og það sem er
í gangi hérna. En ef það eru ein-
hverjir aðrir möguleikar í stöðunni
er allt í lagi að skoða það. Lið eins
og Newcastle er til dæmis stærri
klúbbur en Charlton, án þess að
gera lítið úr félaginu, en þetta er
ekki alveg í mínum höndum,“ sagði
Hermann.
„Það er búið að bjóða okkur í
viðræður um nýjan samning og ég
mun velta því fyrir mér vandlega.
ég er ekki að velta áhuga annarra
liða fyrir mér en ef eitthvað gerð-
ist í þeim efnum setti ég auðvitað
allt á fullt í að ákveða mig.“
En hefur Hermann áhuga á því
að fara til Fulham og spila við hlið
Heiðars Helgusonar? „Jújú, ég
hefði áhuga á að spila með glæpa-
manninum þar,“ sagði Hermann
Hreiðarsson. hjalti@frettabladid.is
Fimm lið í ensku úrvalsdeildinni
vilja kaupa Hermann frá Charlton
Fimm lið í ensku úrvalsdeildinni hafa áhuga á því að kaupa Hermann Hreiðarsson frá Charlton, sem vill
alls ekki missa kappann. Hermann segist vera ánægður hjá Charlton en skoða allt sem komi upp.
HERMANN Er hér í baráttu við Ledley King, leikmann Tottenham. NORDICPHOTOS/AFP
FÓTBOLTI Út eru komin sérstök
knattspyrnublöð tileinkuð Lands-
bankadeildarliðunum KR, Grinda-
vík og Íslandsmeisturum FH.
Fyrirtækið Media Group ehf. vinn-
ur þessi blöð sérstaklega fyrir
hvert félag og í þeim má finna
fjölmargar greinar, viðtöl og
annað efni sem fjallar um málefni
hvers félags. Jafnan er fjallað um
karla- og kvennaknattspyrnu.
Blöðunum er dreift frítt á
heimaleikjum liðanna en einnig
má finna blöð á þjónustustöðum í
viðkomandi hverfi/sveitarfélagi.
Þetta er annað árið í röð sem þessi
blöð eru gefin út. - egm
Skemmtileg viðbót:
Glæsileg blöð
eru komin út
GRINDAVÍKURBLAÐIÐ
Hér má sjá forsíðu eins af blöðunum.
FÓTBOLTI Knattspyrnumaðurinn
Pétur Marteinsson íhugar nú hvort
hann eigi að halda heim á leið eftir
ellefu ár í atvinnumennskunni í
Evrópu. Pétur er á mála hjá sænska
úrvalsdeildarliðinu Hammarby og
stendur honum til boða tveggja
ára samningur en núverandi samn-
ingur hans rennur út í lok tímabils-
ins.
„Ég er ekki búinn að ákveða
hvort ég undirrita nýja samning-
inn. Okkur í fjölskyldunni líður
mjög vel hérna úti en ellefu ár er
langur tími og hugurinn er farinn
að leita heim. Við munum ákveða
okkur nú í sumar.“
Pétur spilaði síðast á Íslandi
með Fram undir stjórn Marteins
Geirssonar föður síns árið 1994 en
hjá Fram er nú meðal annars hans
gamli vinur Helgi Sigurðsson. - esá
Pétur Marteinsson:
Íhugar að
koma heim
FÓTBOLTI Hollenska félagið
Feyenoord hefur ákveðið að slíta
samstarfi við mörg félög í Evr-
ópu, þar á meðal Breiðablik. Sam-
starfið gekk út á að nokkrir leik-
menn fóru út til reynslu hjá
Feyenoord, þeirra á meðal Viktor
Unnar Illugason. Samstarfið var
fyrir utan það mjög lítið en það
var aðeins í gangi í rúmt ár.
„Samstarfið hefur verið lítið
sem ekki neitt undanfarið. Það
hafa þó nokkrir þjálfarar farið á
námskeið ytra en mikið meira
varð samstarfið ekki,“ sagði
Svavar Jósefsson, framkvæmda-
stjóri Breiðabliks, við Fréttablað-
ið í gær.
Feyenoord hefur ákveðið að
opna knattspyrnuakademíu í
Gana í staðinn en félagið hætti
samstarfi við fimmtán lið auk
Breiðabliks. Með akademíunni í
Gana vonast hollenska liðið til
þess að lokka alla efnilegustu
leikmenn þjóðarinnar til sín.
- hþh
Hollenska liðið Feyenoord ætlar að opna knattspyrnuakademíu í Gana:
Feyenoord slítur samstarfi við Breiðablik
Birgir lék vel í Austurríki
Kylfingurinn Birgir Leifur Hafþórsson
lauk leik á einu höggi undir pari á áskor-
endamóti í Austurríki í gær. Birgir var
á tveimur höggum undir pari eftir fyrri
níu holurnar en fataðist örlítið flugið á
seinni hringnum. Hann getur þó vel við
unað.
Eyjapeyinn Gunnar Heiðar Þorvaldsson,
atvinnumaður í knattspyrnu hjá þýska
úrvalsdeildarliðinu Hannover 96, hefur
vakið mikla athygli félaga sinna í liðinu
vegna húðflúrs sem hann skartar á vinstri
handleggnum.
„Flestir sjá ekki hvað stendur en það
kemur svo alltaf sami svipurinn á menn.
,Já, þetta er svona mikill töffari,’ eða eitt-
hvað í þá veruna. En það er ekki ætlunin.”
Húðflúrið sýnir manneskju sem
heldur á krossi og biður til guðs með
lokuð augun. Og þar stendur „Only God
Can Judge Me” eða „Drottinn einn getur
dæmt mig”. Annar knattspyrnumaður,
Zlatan Ibrahimovic, skartar einmitt sams-
konar húðflúri á sér.
Gunnar Heiðar játar því að vera trúaður
maður. „Þó að ég fari ekki í kirkju á hverj-
um sunnudegi þá er ég trúaður maður.
Maður talar stundum við hann,
þegar á þarf að halda. En þetta
er einnig skírskotun í það að ég
hef mátt þola ýmislegt baktal
og fleira í þeim dúr í gegnum
tíðina, sérstaklega á eins litlum
stað og Vestmannaeyjum. Maður
lenti oft illa í því og ég ákvað því
að fá mér tattú sem sagði að það
væri bara einn sem gæti dæmt mig
og hann er þarna uppi,” útskýrði Gunnar
Heiðar.
Það var þó ekki
fyrsta húðflúrið sem
Gunnar Heiðar fékk
sér en 17 ára gamall
fékk hans sér nokkurs
konar þyrnikórónu á
hægri handlegg. „Ég er búinn að fá mér
nýtt tattú á hverjum stað sem ég
spila á. Fyrst var það í Vestmanna-
eyjum, þegar ég lék með ÍBV, svo
í Halmstad í Svíþjóð. Nú er ég
kominn á nýjan stað og er búinn
að velta þessu mikið fyrir mér.
Ég býst við að fá mér tattú á
herðablaðið og hafa það svolít-
ið stórt en það eru 2-3 hlutir
sem koma til greina.”
Hann kveðst
hæstánægður með
,blekið´ og hlakk-
ar til að bæta í
safnið. „Þetta er
bara einhver
baktería sem
maður fær.”
GUNNAR HEIÐAR ÞORVALDSSON: ER MEÐ TVÖ HÚÐFLÚR OG ER EKKI HÆTTUR
Drottinn einn getur dæmt mig
FÓTBOLTI Íslenska ungmennalands-
liðið í knattspyrnu spilar um brons-
verðlaunin á opna Norðurlanda-
mótinu sem nú fer fram í Noregi.
Ísland vann öruggan sigur á danska
liðinu í gær og skoraði sex mörk á
stöllur sínar, sem þó náðu að skora
fyrsta markið. Margrét Lára Við-
arsdóttir skoraði þrennu í leiknum
en Hólmfríður Magnúsdóttir, Helga
Sjöfn Jóhannesdóttir og Sif Atla-
dóttir skoruðu sitt markið hver.
Ísland gerði jafntefli við Banda-
ríkin, sem hafa ekki tapað leik frá
árinu 2003. Liðin sem lentu í efstu
sætunum í riðlunum tveimur spila
til úrslita en til þess að komast
þangað þurftu bandarísku stúlk-
urnar að vinna Noreg með fjórum
mörkum eða meira. Það tókst þeim
á ótrúlegan hátt og þær spila því til
úrslita en íslenska liðið þarf að láta
sér leikinn um þriðja sætið duga
vegna óhagstæðari markamunar.
Elísabet Gunnarsdóttir, þjálfari
íslenska liðsins, var að vonum
svekkt þegar Fréttablaðið talaði við
hana í gærkvöldi. „Það er varla
hægt að lýsa því hversu svekkjandi
þetta er. Norski markmaðurinn fékk
fáránlegt mark á sig undir lokin og
Bandaríkin skoruðu annað markið á
67. mínútu eftir að hafa verið 1-0
yfir í hálfleik,“ sagði Elísabet.
„Við gátum bara ekki gert neitt
meira, við gerðum allt sem við
gátum. Við verðum að reyna að
vera sátt og það er hægt að taka
margt jákvætt út úr þessu móti.
Við hefðum líka getað skorað fleiri
mörk í leiknum gegn Dönunm en
það verður engu að síður að teljast
góður árangur að skora tíu mörk í
þremur leikjum gegn þessum þjóð-
um,“ sagði landsliðsþjálfarinn að
lokum en Ísland mætir Svíum í leik
um þriðja sætið á mótinu á laugar-
daginn en það lið sem vinnur þann
leik verður jafnframt Norður-
landameistari þar sem Bandaríkin
og Þýskaland keppa til úrslita á
mótinu. - hþh
Íslenska U21 árs landslið kvenna í knattspyrnu spilar um þriðja sætið á opna Norðurlandamótinu:
Frábær úrslit en svekkjandi niðurstaða í Noregi
MARGRÉT LÁRA Skoraði þrennu í leiknum í gær. FRÉTTABLAÐIÐ/DANÍEL
> Glæsilegur sigur Íslands
Íslenska U18 ára landsliðið í körfubolta
vann glæsilegan sigur á Evrópumeistur-
um Frakka á Evrópumótinu í Portúgal
í gær. Þetta var fyrsti sigur Íslands á
mótinu. Áður hafði liðið tapað fyrir
Spánverjum og Króötum en liðið sýndi
mátt sinn og meginn í gær. Leikurinn
var æsispennandi nánast allan tímann
en í hálfleik var staðan
34-36, Frökkum í vil.
Íslenska liðið tók svo
öll völdin á vellinum
í þriðja leikhlutanum
þar sem það lagði
grunninn að 73-61
sigri. Fjórir leikmenn
nánast sáu um að leggja
ógnarsterka Frakkana
að velli en Hörður Helgi
Hreiðarsson skoraði sautj-
án stig, Brynjar Björnsson
sextán og þeir Hörður Axel
Vilbergsson og Þröstur
Jóhannsson fimmtán hvor.