Fréttablaðið - 21.07.2006, Page 23

FÖSTUDAGUR 21. júlí 2006 23
www.bluelagoon.is
Afl
Veitingamaðurinn berdreymni
Vilhjálmur Ástráðsson veitingamað-
ur keypti pylsuvagninn en aðdrag-
andinn var nokkuð stuttur og undar-
legur. „Mig dreymdi það að ég hefði
keypt pylsu í pylsuvagni hér í
Búðardal,“ segir hann. „Þá fannst
mér að ég yrði endilega að kaupa
pylsuvagn hingað. Ég lét hendur
standa fram úr ermum en mig
dreymdi þetta á sunnudegi og á
þriðjudegi var ég búinn að kaupa
pylsuvagninn. Og þetta gengur bara
vel, við erum að selja svona fjörutíu
og upp í hundrað pylsur á dag.“
Vilhjálmur rekur veitinga- og
gistihúsið Bjarg en þar er einnig
vídeóleiga. Þegar blaðamaður var
að spjalla við Villa, eins og hann er
kallaður, kemur Þórður Ingólfsson
læknir með DVD-disk til að skila.
„Þessi mynd er mjög góð en ekki
horfa á hana með konunni,“ segir
læknirinn. „Nú, hvað ertu að segja,“
segir Villi og mikill áhugi vaknar
skyndilega fyrir myndinni, sem
heitir Match Point og er eftir Woody
Allen.
Þórður segir að það sé rólegheita-
vinna að vera læknir í Dalabyggð.
„Það eru allir svo hraustir að maður
hefur ekkert að gera. Þess vegna er
ég nú hérna að ná mér í mynd hjá
Villa,“ segir hann og brosir við.
ÚTGERÐARMAÐURINN OG SVEITARSTJÓRINN Gunnólfi fannst hann vera kominn aftur á
bernskuslóðir þegar Óskar Páll kom með aflann sinn að landi í Búðardal og fór að gera að
honum.
SÁ RAUÐI Á EIRÍKSSTÖÐUM MEÐ MÓÐUR
SINNI Jökull Steinar Ólafsson tekur sig vel
út á Eiríksstöðum með sína rauðu lokka.
Móðir hans Sigrún Sóley Jökulsdóttir er frá
Vatni í Haukadal líkt og kvenkosturinn sá
sem fékk Eirík þangað í sveit.
LÆKNIRINN OG ATHAFNAMAÐURINN Dalamenn eru svo hraustir að læknirinn getur gleymt
sér yfir bíómyndum frá Villa á Bjargi. Þórður gaf það læknisráð að ekki væri hollt að horfa
með eiginkonunni á Woody Allen-myndina sem hann var að skila.
Leikur Eirík rauða á sumrin
Þegar blaðamaður kom að Eiríks-
stöðum voru þau mæðgin Sigrún
Sóley Jökulsdóttir og Jökull Steinar
Ólafsson að hita upp í bænum. Jökull
Steinar er svo rauður á hár að Eirík-
ur virðist ekki langt undan þótt aldir
skilji að. „Þegar Sigurður bróðir
minn er að segja ferðamönnum sögu
Eiríks á hann það til að taka sér
skáldaleyfi,“ segir Sigrún Sóley. „Þá
getur hann rakið ættir okkar beint til
Eiríks hins rauða og það finnst
Bandaríkjamönnum sérstaklega til-
komumikið.“
Jökull Steinar segir það dálítið
undarlega sumarvinnu að leika Eirík
rauða en hann lærir þá enskuna
betur en ella og á hann orðið í engum
erfiðleikum með að spjalla við ferða-
menn.
Á heimleiðinni má sjá veiðimenn
með stöng í vatni eða á og hægt er að
sjá fyrir sér söguna í hverjum hól. ■
Sameinumst um fyrirbyggjandi aðgerðir gegn mansali og
annarri kynlífsverslun með fólk.
ÞÚ !
getur lagt þitt af mörkum með því að hringja í áheitanúmer Reykjavíkursunds 2006:
905 20 20
1.500 krónur verða þá gjaldfærðar af símreikningi þínum
og / eða 562 3500
og heitið á að Benedikt komist alla leið með frjálsum framlögum
Ágóðinn rennur í Sjóð Sakleysis sem ætlað er að styðja fyrirbyggjandi aðgerðir
gegn mansali og öðrum skuggahliðum alþjóðlegrar klámvæðingar.
Verndari sjóðsins er Guðrún Agnarsdóttir, læknir og forstjóri Krabbameinsfélags Íslands.
Viljum við vændi á Íslandi ?
Reykjavíkursund 2006
gegn mansali
Laugardaginn 22. júlí
Laugardaginn 22.júlí nk. mun Benedikt synda ósmurður í
kringum Reykjavík í þremur áföngum, eða rúmlega 20 kílómetra
leið í köldum sjó á einum degi, twwil að vekja athygli almennings
á skuggahliðum alþjóðlegrar klámvæðingar, einkum mansali.