Fréttablaðið - 21.07.2006, Blaðsíða 8
8 21. júlí 2006 FÖSTUDAGUR
VEISTU SVARIÐ?
1Hvað heitir rússneska skólaskipið í Reykjavíkurhöfn?
2Hversu margar umsóknir bárust um skólavist í Háskólanum í Reykjavík
fyrir næsta skólaár?
3Hver er nýr ritstjóri Nýs lífs?SVÖR Á BLS. 46
ELDSVOÐI Slökkviliðsmenn Bruna-
varna Suðurnesja björguðu í
fyrrinótt fjögurra manna fjöl-
skyldu, hjónum og tveimur
ungum börnum, út um glugga á
brennandi húsi í Keflavík. Feðgar
sem einnig bjuggu í húsinu kom-
ust út af sjálfsdáðum. Engan sak-
aði.
Eldurinn kviknaði á þriðja tím-
anum í íbúð feðganna á miðhæð
hússins, sem er tvær hæðir og
kjallari. Að sögn lögreglunnar í
Keflavík er talið að kviknað hafi í
út frá kertaloga í íbúðinni. Mikill
reykur fyllti stigagang hússins og
komst fjölskyldan á efstu hæð-
inni því ekki út hjálparlaust.
Þegar slökkviliðsmenn komu
að húsinu sprakk rúða og varð
þeim þá ljóst að mikill hiti var í
húsinu. Slökkvi- og björgunar-
starf gekk þó greiðlega.
Feðgarnir af miðhæðinni fengu
væga reykeitrun og voru fluttir á
sjúkrahús þar sem þeir dvöldu
yfir nótt. Fjölskylduna sakaði
ekki en var þó flutt á Heilbrigðis-
stonun Suðurnesja til öryggis. Að
lokinni skoðun fóru hjónin ásamt
börnum sínum til ættingja sinna.
Ekki er búið í kjallara hússins.
Reykræsta þurfti húsið og er
íbúð feðganna mikið skemmd.
Aðrir hlutar hússins eru minna
skemmdir. - sh
Barnafjölskyldu og feðga sakaði ekki þegar eldur kom upp í íbúðarhúsi í Keflavík:
Fjórum bjargað úr eldsvoða
BJÖRGUNARSTARF Slökkviliðsmenn
Brunavarna Suðurnesja áttu ekki í miklum
vandræðum með að ráða niðurlögum
eldsins. MYND/VÍKURFRÉTTIR
Hélt konu á skrifstofu Karlmaður
á sjötugsaldri hefur verið ákærður fyrir
frelsissviptingu með því að hafa í febrú-
ar haldið hálfþrítugri konu nauðugri
í um hálfa klukkustund á skrifstofu í
Kópavogi. Ákæran hefur verið þingfest.
HÉRAÐSDÓMUR
DÓMSMÁL Karlmaður á þrítugs-
aldri hefur verið dæmdur í þrjátíu
daga skilorðsbundið fangelsi fyrir
að bíta lögregluþjón. Ákæran var
þingfest í Héraðsdómi Reykjaness
í gær og þar sem játning mannsins
lá fyrir var hann dæmdur strax.
Maðurinn var handtekinn fyrir
ölvun í Keflavík og færður inn í
lögreglubíl. Hann lét öllum illum
látum og beit meðal annars lög-
regluþjón í höndina, svo af hlutust
fleiður og rispur. Hann var því
dæmdur í þrjátíu daga fangelsi,
skilorðsbundið til tveggja ára. - sh
Karlmaður dæmdur í héraði:
Beit lögreglu-
þjón í höndina
LONDON, AP David Cameron, leið-
togi breska Íhaldsflokksins, legg-
ur þessa dagana mikla áherslu á
velferðarmál. Hann reynir hvað
hann getur til að skapa sér mýkri
ímynd, sem er verulega frá-
brugðin hörkulegri ímynd sumra
forvera hans á leiðtogastólnum,
ekki síst „járnfrúarinnar“
Margrétar Thatcher.
Í gær sagði hann í ræðu að
Íhaldsflokkurinn legði nú jafn
mikla áherslu á almenna velferð,
eða „General Well Being“, sem
hann skammstafaði „GWB“, og á
„GDP“, sem táknar verga þjóðar-
framleiðslu.
Stuðningsmenn Camerons
innan flokksins telja fullvíst að
hin milda íhaldsstefna leiðtogans
muni tryggja honum forsætis-
ráðherraembættið að loknum
næstu þingkosningum, en gagn-
rýnendur hans segja flokkinn
orðinn allt of mjúkan og bitlaus-
an til þess að það geti skilað
nokkrum árangri.
„Að bæta velferðarskyn þjóð-
félagsins er að mínu mati mikil-
vægasta pólitíska verkefni okkar
tíma,“ sagði Cameron meðal ann-
ars í ræðu sinni í gær.
Íhaldsflokkurinn gerði Camer-
on að leiðtoga sínum í desember
síðastliðnum. Hann lofaði því að
gera verulegar breytingar á
flokknum til þess að afla honum
aukins fylgis. Flokkurinn hefur
ekki sigrað í þingkosningum frá
árinu 1992 og skipt fjórum sinn-
um um leiðtoga á þessum tíma.
Cameron sagðist ætla að hætta
að einblína á markaðsfrelsi og
baráttu gegn glæpum, og færa
flokkinn nær miðju stjórn-
málanna.
Hann fór að tala um umhverf-
ismál, sem flokkurinn hafði ekki
látið sig mikið varða. Hann hjólar
í vinnuna og hefur fengið leyfi til
að setja upp vindmyllu á þaki
hússins síns til þess að framleiða
rafmagn handa sér.
Hann lét sig hafa það að koma
fram í umdeildum sjónvarps-
þætti þar sem hann var spurður
hvort hann hefði einhvern tím-
ann dreymt kynferðislega
drauma um Margaret Thatcher,
en tókst að koma sér hjá því að
svara þeirri spurningu.
Jafnt harðlínumenn á hægri
væng Íhaldsflokksins sem and-
stæðingar hans í Verkamanna-
flokknum hafa óspart gert grín
að honum fyrir þessar áherslur,
en engu að síður hafa þær skilað
flokknum nokkru fylgi í skoðana-
könnunum. Bilið á milli Íhalds-
flokksins og Verkamannaflokks-
ins hefur minnkað.
gudsteinn@frettabladid.is
Velferðarmál
sett í öndvegi
Leiðtogi breska Íhaldsflokksins leggur æ meiri
áherslu á að breyta ímynd flokksins.
DAVID CAMERON Leiðtogi breska Íhaldsflokksins á fundi um framtíðarmál í London í gær.
FRÉTTABLAÐIÐ/AP
NÝJA-SJÁLAND, AP Nýsjálenskri lög-
reglukonu hefur verið gert að
hætta í aukavinnu sinni. Til að
drýgja tekjurnar hafði konan
unnið sem vændiskona.
Yfirmönnum hennar var ekki
skemmt þegar þeir komust að því
í hverju aukavinna hennar fólst,
jafnvel þó að vændi sé löglegt á
Nýja-Sjálandi og lögregluþjónum
sé heimilt að taka sér aukavinnu.
Sögðu þeir vændi og lögreglustörf
fara illa saman, og bættu við að
konan hefði fengið leyfi fyrir
aukavinnunni.
Konan fékk áminningu, en er
leyft að halda áfram vinnu sem
lögregluþjónn. - smk
Yfirmönnum var ekki skemmt:
Lögreglukona
hættir í vændi
LEIKSKÓLAMÁL Borgarráð sam-
þykkti á fundi sínum í gær að
lækka gjaldskrá leik-
skóla borgarinnar.
Námsgjald verður
lækkað um fjórðung frá
og með 1. september
næstkomandi. Þar að
auki verður systkina-
afsláttur með þeim hætti
að aðeins þarf að borga
fyrir eitt barn í fjöl-
skyldu fyrir leikskóla-
vistun, óháð fjölda syst-
kina.
Lækkunin á gjaldskrá leik-
skólanna leiðir til lækkunar á
tekjum borgarinnar upp á rúm-
lega 93 milljónir króna, en þar að
auki munu framlög borgarinnar
til einkarekinna leikskóla hækka
um fimmtán milljónir, því er
kostnaður borgarinnar við breyt-
inguna rúmar 108 milljónir
króna.
Björn Ingi Hrafnsson,
oddviti Framsóknarflokks-
ins og forseti borgarsjórn-
ar, segir þetta mikla kjara-
bót fyrir fjölskyldufólk í
borginni. „Þetta er algjör
viðbót vegna þess að
Reykjavíkurborg hefur
unnið að áformum um gjald-
frjálsan leikskóla og gerði
ekki ráð fyrir neinni lækk-
un á gjaldskránni á þessu ári út af
þeirri vinnu. Í ljósi umræðu um
verðbólgu og almenna hækkun í
samfélaginu hljóta þetta að vera
frábær tíðindi inn í þá umræðu,“
segir Björn Ingi. - æþe
Reykjavíkurborg lækkar gjaldskrá leikskóla:
Fjórðungslækkun
síðar á þessu ári
BJÖRN INGI
HRAFNSSON