Fréttablaðið - 01.08.2006, Page 26

1. ágúst 2006 ÞRIÐJUDAGUR4
Golfíþróttin er í miklum vexti
hér á landi. Hjá Golfklúbbnum
Kili í Mosfellsbæ finna menn
fyrir þessari uppsveiflu enda
mæta börn frá fimm ára aldri
á barnanámskeiðin.
Þeir Guðni Birkir Ólafsson og
Davíð Gunnlaugsson sjá um barna-
námskeiðin hjá Kili. „Þetta eru
krakkar frá fimm ára aldri og upp
í fjórtán ára,“ segir Guðni. „Þetta
eru byrjendanámskeið þar sem
við förum yfir helstu grunnatrið-
in, þar með talið reglur, vipp og
pútt og að slá og bara allt sem
tengist golfi.“
Námskeiðin snúa ekki einungis
að tæknihlið golfsins. Lögð er
áhersla á að brjóta upp formið og
hafa gaman af íþróttinni, félags-
skapnum og umhverfinu. „Í dag
fór ég með helming krakkanna í
golfbíl á meðan Davíð fór með
hinn helminginn í gilið hér við
völlinn að leita að boltum. Þetta
eru hlutir sem við gerðum þegar
við komum hingað sem krakkar og
urðum um leið hugfangnir af golf-
inu,“ segir Guðni.
Guðni kveðst undrandi yfir því
hversu fljótir krakkarnir eru að
ná tökum á íþróttinni og hann er
mjög ánægður með árangurinn
sem hefur náðst. „Það hafa komið
margir mjög efnilegir krakkar til
okkar í sumar, margir sem slá vel.
Einhverjir þeirra eru nú þegar
komnir í klúbbinn og eru byrjaðir
að keppa,“ segir Guðni. Hann
hrósar stelpunum líka sérstaklega
og segir það hafa komið skemmti-
lega á óvart hversu öflugar þær
væru.
Tveir fimm ára strákar eru nú
á námskeiði hjá Guðna og Davíð
og að sögn strákanna gengur þeim
mjög vel. „Þeir slá ekki jafn langt
og eldri krakkarnir og púttin eru
ekki jafn góð en þeir eru samt sem
áður hörkuduglegir,“ segir Guðni.
„Þeir fá líka svo mikið út úr þessu
vegna þess að þeim finnst þetta
svo gaman.“
Næsta námskeið í Mosfells-
bænum hefst 8. ágúst og stendur
yfir til 17. ágúst. Skráning fer
fram í síma 566-7415.
tryggvi@frettabladid.is
Fimm ára með pútter
Æfingin skapar meistarann og aldrei er of snemmt að byrja. FRÉTTABLAÐIÐ/HÖRÐUR
Golfi fylgir góð útivera og ekki skemmir
umhverfið í Mosfellsbæ fyrir.
FRÉTTABLAÐIÐ/HÖRÐUR
Því stærri sem ílátin eru sem
við borðum úr, því meira
skömmtum við okkur.
Stórir matardiskar fá okkur til að
borða meira en við annars gerð-
um, án þess að við tökum eftir því.
Þetta sýnir ný rannsókn við
Cornell-háskólann í New York sem
sagt er frá í sænska Aftonbladet. Í
blaðinu er þeim sem vilja létta sig
ráðlagt að byrja á að skipta út
matardisknum og fá sér minni.
Síðan er sagt frá 85 næringarsér-
fræðingum sem boðið var í
ísveislu. Helmingur hópsins fékk
tvöfalt stærri skálar en hinir.
Síðan gengu allir að hlaðborði.
Þegar að var gáð hafði sá hluti
hópsins sem stærri skálarnar fékk
tekið sér að meðaltali 31% meira
af ís en þeir sem voru með litlu
skálarnar. Úr því næringarsér-
fræðingarnir áttuðu sig ekki á
hlutföllunum milli ítláta og
skammta má reikna með að svo sé
um fleiri.
Stórir diskar -
stórir skammtar
Hæfilega stór diskur með hæfilegum
matarskammti.
Flestir sjá fyrir sér gervilimi
þegar minnst er á stoðtækja-
fræðinga. Starf þeirra er hins-
vegar mun víðtækara.
Vala Þórólfsdóttir er stoðtækja-
fræðingur hjá Stoð ehf. Hún sér-
hæfir sig í sérlausnum fyrir börn
en stærsti hluti stafs hennar felst
í smíði og hönnun á spelkum.
Flestar spelkur sem Vala vinn-
ur með eru sérsmíðuð. Ferlið
hefst á því að tekið er gifsmót af
þeim sem á að nota spelkuna og
kallast mótið negatíva. Önnur
afsteypa er tekin af gifsinu og þá
er komin nákvæm eftirmynd af
líkamspartinum sem spelkan á að
styðja við. Þetta mót er kallað
pósitíva. Pósitívan er því næst
mótuð eftir því hvernig spelkan á
að líta út og hvaða eiginleika hún
á að hafa svo hún geri sitt gagn.
Þegar pósitívan er tilbúin tekur
stoðtækjasmiður við verkinu og
smíðar sjálfa spelkuna eftir mót-
inu.
Þeir sem vilja læra stoðtækja-
fræði verða að leita út fyrir land-
steinana. Vala valdi að fara til
Noregs og þrátt fyrir lítinn mark-
að hérlendis var hún staðráðin í
að koma heim að námi loknu.
Starfsvettvangurinn er ekki stór
og þar sem mjög persónuleg
tengsl myndast milli stoðtækja-
fræðinga og kúnna eru fáir til-
búnir að gefa frá sér einstaklinga
sem þeir hefur unnið með í fimm
eða sex ár. „Það er vilji til að
fylgja sínu fólki eftir,“ segir Vala.
„Mér var hins vegar mjög vel
tekið hjá Stoð og það gerði gæfu-
muninn.“
Erlendis tíðkast að stoðtækja-
fræðingar fái alla kúnna inn á
vinnustofu til sín. Hérlendis eru
þeir mun meira á ferðinni og
oftar en ekki eru það þeir sem
fara til kúnnanna. „Í skólanum
var kennt að maður ætti að vera í
þverfaglegum teymum. Ég hélt
alltaf að það yrði aldrei að veru-
leika en vegna þess hversu mikið
við erum á ferðinni hittum við
aðra sem vinna með kúnnanum,
eins og sjúkraþjálfara, umönnun-
arfólk, lækna og auðvitað for-
eldra,“ segir Vala. „Þessi hluti er
til fyrirmyndar á Íslandi.“
Íslendingar eru framarlega í
þróun og smíði allra stoðtækja.
Til að mynda eru flestar spelkur
sem búnar eru til í Stoð úr kol-
trefjaefni í stað plasts. „Koltrefj-
arnir eru dýrari, en mun léttari
og sterkari og henta í mörgum til-
vikum vel í spelkur,“ segir Vala.
„Bekkjarfélagar mínir úr skólan-
um eru alltaf jafn hissa þegar ég
segi þeim frá koltrefjunum en
þeir vinna flestir með plast.“
Ástæðan fyrir koltrefjanotkun-
inni hérlendis er að mati Völu
greiðvirkni og skilningur Trygg-
ingastofnunar. Þrátt fyrir aukinn
kostnað sjá þeir augljósa kosti
koltrefjanna fram yfir plastið.
Það sama er ekki uppi á teningn-
um í nágrannalöndunum og má
því segja að við séum skrefi á
undan nágrönnum okkar á þessu
sviði. tryggvi@frettabladid.is
Býr til spelkur fyrir börn
Völu líkar vel við þá nánd sem myndast milli stoðtækjafræðinga og skjólstæðinga. FRÉTTABLAÐIÐ/HÖRÐUR
Rockadile AL 26
FAXAFENI 7 S: 5 200 200
MÁN - FÖS. KL. 9-18. LAU. 10-16
Full búð af góðum tilboðum
Útsalan hafin
Alvöru fjallahjól
17.34028.900
Frábært 21 gíra
kvenhjól á 40% afslætti
Ertu orðin leið á að vera
með appelsínuhúð, slit og
slappa húð?
Komdu þá til okkar,
það virkar!
Pantaðu frían
prufutíma í síma
587-3750
Englakroppar.is
Stórhöfði 17