Fréttablaðið - 01.08.2006, Page 50

1. ágúst 2006 ÞRIÐJUDAGUR38
FÓTBOLTI Garðar Jóhannsson gerði
sér lítið fyrir og skoraði þrennu
gegn döpru liði ÍBV í Laugardaln-
um í gær. Valsmenn hófu leikinn
af krafti og mættu mun ákveðnari
til leiks en Eyjamenn sem áttu
ekki skot að marki í fyrri hálf-
leiknum. Heimamönnum gekk þó
illa að skapa sér færi en héldu
boltanum vel innan liðsins og biðu
þolinmóðir eftir tækifærunum.
Þau komu og Garðar Jóhanns-
son skoraði laglegt mark með
skalla í stöngina og inn eftir fyrir-
gjöf Birkis Más Sævarssonar sem
átti lipra spretti í leiknum. Bo
Henriksen var einmana í sóknar-
línu ÍBV og mátti sín lítils gegn
Vali Fannari Gíslasyni og Barry
Smith sem héldu sóknum Eyja-
manna í skefjum.
Valsmenn bætti við öðru marki
áður en fyrri hálfleikur var allur
og aftur var Garðar að verki. Nú
átti hann gott þríhyrningsspil við
Sigurbjörn Hreiðarsson sem end-
aði með góðu skoti Garðars í mark-
ið og heillum horfnir Eyjamenn
fóru í vondri stöðu inn í hálfleik-
inn.
Í hálfleiknum þurfti að skipta
um línuvörð þar sem Gunnar
Gylfason, starfsmaður KSÍ, þurfti
að hlaupa upp á fæðingardeild.
Yfirburðir Valsmanna héldu
áfram í síðari hálfleik en þeir
komust í 3-0 þegar Matthías Guð-
mundsson slapp einn í gegn eftir
sendingu frá Sigurbirni, fór auð-
veldlega fram hjá Hrafni og
renndi boltanum í netið. Skömmu
síðar innsiglaði Garðar svo þrenn-
una þegar hann fylgdi eftir skalla
Pálma Rafns sem Hrafn hafði
varið vel og niðurlæging ÍBV var
fullkomnuð.
Matthías skaut svo þrumuskoti
í þverslána áður en hann rak síð-
asta naglann í kistu Eyjamanna
þegar hann renndi boltanum í
netið eftir að hann og Birkir höfðu
sluppið aleinir í gegnum götótta
Eyjavörnina.
Eyjamenn virtust algjörlega
áhugalausir í leiknum og stefna
hraðbyri niður í 1. deildina með
þessu áframhaldi á meðan Vals-
menn eru komnir í annað sæti
deildarinnar.
- hþh
Valsmenn burstuðu ÍBV 5-0 í Laugardalnum í gær:
Eyjamenn niðurlægðir
Í BARÁTTUNNI Garðar Jóhannsson er hér í baráttunni um boltann í leiknum í gær en hann
fór fyrir frábærum sóknarleik Vals í leiknum. FRÉTTABLAÐIÐ/ANTON
FÓTBOLTI „Mér líður frábærlega,“
öskraði Garðar Jóhannsson svo
glumdi um Laugardalsvöllinn í
samtali sínu við Fréttablaðið eftir
leik Vals og ÍBV í gærkvöldi.
Garðar skoraði þrennu í leiknum
en þetta var hans fyrsti deildar-
leikur fyrir Val frá því hann gekk
í raðir liðsins frá KR.
„Þetta gæti auðvitað ekki byrj-
að betur fyrir mig. Ég er virkilega
ánægður og liðið og leikstíll þess
hentar mér mjög vel. Auðvitað er
meiri háttar að skora þrjú mörk
en það voru stigin þrjú sem skiptu
mestu máli,“ sagði Garðar skæl-
brosandi en hann var sposkur á
svip aðspurður um skilaboðin sem
hann sé að senda sínu gamla félagi
KR með þrennunni eftir að félagið
lét hann fara í sumar.
„Eftir fjögur mögur ár í Vest-
urbænum er gaman að skora
hérna í fyrsta leiknum en menn
verða bara að lesa það á hvaða
hátt sem þeir vilja hvort ég sé að
senda einhver skilaboð,“ sagði
Garðar. - hþh
Garðar Jóhannsson:
Þetta gæti ekki
byrjað betur
GÓÐUR Garðar átti frábæran leik í gær og
skoraði þrennu. FRÉTTABLAÐIÐ/ANTON
FÓTBOLTI „Þetta er svo ósann-
gjarnt,“ sagði Fylkismaðurinn
Eyjólfur Héðinsson eftir leik og
var mjög daufur í dálkinn. „Þetta
var alveg eins og í fyrri leiknum.
Við gjörsamlega yfirspilum þá
allan leikinn en náðum ekki að
koma tuðrunni í netið fyrr en á
síðustu sekúndunni. Og þetta
fjandans víti, þetta var svo mikil
gjöf frá Garðari dómara og gjör-
samlega ófyrirgefanlegt. Svo fer
boltinn þrisvar í hönd KR-inga í
þeirra teig án þess að hann dæmi
neitt. En við vorum miklu betri í
leiknum og það var mikið hallað á
okkur í dómgæslunni.“
Fyrri hálfleikur var rólegur í
meira lagi. Þó svo að liðin séu hvor
við sinn endann á töflu Lands-
bankadeildarinnar munar ekki
mörgum stigum á þeim og því
mikið í húfi. KR-ingar eru síður en
svo í rónni að vera svo nálægt
fallsvæðinu og því var ljóst að
þeir ætluðu sér þrjú stig í leikn-
um.
Bæði lið hafa oftast sýnt betri
leik en þau gerðu í fyrri hálfleik
og var afskaplega fátt um fína
drætti. Varnarmenn liðanna voru
vel með á nótunum og sinntu sínu
hlutverki. Aðeins nokkur hálffæri
litu dagsins ljós en þó voru heima-
menn talsvert sprækari aðilinn.
Síðari hálfleikur hófst á þeim
nótum að skipt hafði verið um
aðaldómara leiksins. Jóhannes
Valgeirsson meiddist í leik Grinda-
víkur og Fylkis fyrir skömmu og
höfðu þau meiðsli greinilega tekið
sig upp í fyrri hálfleiknum. Það
var því kallað á Garðar Örn Hin-
riksson sem tók við dómgæslunni
eftir hléið.
Og við það gjörbreyttist taktur
leiksins. Garðar dæmdi hvoru liði
aukaspyrnu á hættulegum stað
snemma hálfleiksins sem ekkert
kom úr en eftir fimm mínútna leik
dæmdi hann afar umdeilda víta-
spyrnu. Boltinn kom úr innkasti
inn á vítateig og átti Björgólfur
Takefusa engan möguleika að ná
boltanum. En honum virtist brugð-
ið af Ragnari Sigurðssyni og því
vítaspyrna umsvifalaust dæmd.
Björgólfur skoraði sjálfur úr
spyrnunni gegn sínum gömlu
félögum en hann skipti úr Fylki í
KR í haust.
Fylkismenn reyndu hvað þeir
gátu til að jafna leikinn en þrátt
fyrir margar þungar sóknir voru
það KR-ingar sem voru fyrr til að
auka forystu sína og aftur var það
Björgólfur sem kom boltanum
yfir línuna. Aðeins nokkrum sek-
úndum áður áttu Fylkismenn sína
bestu sókn í leiknum er Páll Ein-
arsson átti skalla að marki eftir
horn sem var varið af varnar-
manni KR á línunni og Kristján
Finnbogason klófesti knöttinn í
kjölfarið.
En í næstu andrá fékk KR horn-
spyrnu sem Sigmundur Kristjáns-
son tók. Gunnlaugur Jónsson skall-
aði svo boltann beint fyrir fætur
Björgólfs sem skoraði örugglega.
Fylkismenn héldu áfram að
sækja mikið en uppskáru ekki
mark fyrr en á lokamínútu leiks-
ins er Eyjólfur átti sendingu inn
fyrir sofandi vörn KR á vara-
manninn Albert Brynjar. Hann
kom boltanum fram hjá Kristjáni
sem kom út á móti.
En Björgólfur Takefusa var
sáttur þótt hann gæti að vissu leyti
tekið undir orð Eyjólfs. „Þeir áttu
ef til vill meira í leiknum eins og í
fyrri leik liðanna í sumar. En við
skoruðum fleiri mörk og meðan
það er svo er mér sama hversu vel
eða illa við spilum.“
Aðspurður um vítið sagði Björ-
gólfur að óeðlileg snerting hefði
átt sér stað. „Hvort sem það var
viljandi eða ekki þá klemmdi
Ragnar mig þannig að ég gat ekki
hlaupið á eftir boltanum. Ég gat
því ekki staðið í lappirnar og Garð-
ar dæmdi víti hvort sem það var
rétt eða ekki.“
En hverju sem líður þá var
hann ánægðastur með stigin þrjú
og í fyrsta skipti í sumar skoraði
Björgólfur í sigurleik KR í deild-
inni. „Nú telja mörkin mín loksins
til stiga og það er það sem skiptir
máli. Hér spilaði ég í tvö góð ár og
hér er frábært að vera. En það er
svo sem ekkert sjálfgefið að skora
mörk en það gekk í dag og vonandi
heldur það áfram,“ sagði þessi
fyrrum liðsmaður Fylkis og hetja
KR-inga í gær.
eirikur.asgeirsson@frettabladid.is
Björgólfur lék gömlu félagana grátt
KR-ingar nældu í þrjú dýrmæt stig í Árbænum í gær með 2-1 sigri á Fylki. Gamli Fylkismaðurinn Björgólf-
ur Takefusa stal senunni og sökkti sínum gömlu félögum með tveim mörkum.
BROT? Þórir Hannesson rökræðir við Garð-
ar Örn Hinriksson í leiknum í gær.
FRÉTTABLAÐIÐ/ANTON
MARK Björgólfur Takefusa er hér við það að skora annað mark sitt í leiknum án þess að
Fjalar Þorgeirsson nái að koma nokkrum vörnum við.FRÉTTABLAÐIÐ/ANTON