Fréttablaðið - 01.08.2006, Blaðsíða 35

ÞRIÐJUDAGUR 1. ágúst 2006 23
Umsjón: nánar á visir.is
Lækkun á gengi krónunnar skilaði
sér í framúrskarandi ávöxtun á
gjaldeyrisreikningum á fyrri árs-
helmingi, samkvæmt samantekt
Morgunblaðsins. Til samburðar
var neikvæð ávöxtun á sömu
reikningum í fyrra.
Gjaldeyrisreikningar í sænskum
krónum sýndu allt að 77 prósenta
nafnávöxtun á ársgrundvelli en
bankabækur í dönskum og norskum
krónum, evru og sterlingspundi
skiluðu einnig yfir sjötíu prósent-
um. Nafnávöxtun á Bandaríkjadal
var rétt tæp fimmtíu prósent.
Há verðbólga olli því að verð-
tryggðir reikningar voru með háa
nafnávöxtun á fyrri hluta ársins. Í
úttekt blaðsins kemur fram að líf-
eyrisreikningur hjá Netbankanum
sýndi hæstu nafnávöxtun allra
bankareikninga, að gjaldeyris-
reikningum undanskildum, á fyrri
hluta ársins. Nam nafnávöxtun
reikningsins 16,2 prósentum á árs-
grundvelli.
Lífeyrisbækur hjá öðrum fjár-
málastofnunum sýndu enn fremur
mikla nafnávöxtun.
- eþa
ÁVÖXTUN BANKAREIKNINGA Verðtrygging og veiking krónunnar skiluðu góðri ávöxtun
lífeyris- og gjaldeyrisreikninga.
Besta ávöxtunin á
gjaldeyrisreikningum
Allt að 77 prósenta ávöxtun í sænsku krónunni.
Funcom, norski netleikjaframleið-
andinn sem framleiðir meðal ann-
ars leikina Age of Conan og
Dreamfall, sýndi tæplega eitt
hundrað millj-
óna króna hagn-
að á fyrri árs-
helmingi
samanborið við
fimmtíu milljóna
króna tap í
fyrra.
Straumur-Burðarás á yfir fimm
prósenta eignarhlut í Funcom.
Rekstrarhagnaður fyrir fjár-
magnsliði og skatta var neikvæð-
ur en gengisliðir skila félaginu
réttu megin við núllið.
Á öðrum ársfjórðungi velti
félagið fjórfalt meiri tekjum en á
sama tíma í fyrra en leikurinn
Dreamfall fór þá á markað. Námu
tekjur tímabilsins 336 milljónum
króna. - eþa
Funcom skilar
hagnaði
Hagnaður íslenskra fyrirtækja
árið 2004 nam 11,2 prósentum af
tekjum en var 8,1 prósent árið
áður. Þetta kemur fram í úttekt
Hagstofu Íslands á ríflega
tuttugu og eitt þúsund íslenskum
fyrirtækjum.
Eiginfjárhlutfall fyrirtækj-
anna var rúmlega 27 prósent á
sama tímabili og stóð í stað frá
fyrra ári. Nokkuð dró úr gjald-
þrotum og árangurslausum fjár-
námum hjá fyrirtækjum. Skuld-
ir fyrirtækja fóru úr því að vera
140 prósent landsframleiðslu í
lok árs 2003 í að vera 220 prósent
árið 2005.
Í Morgunkornum Glitnis segir
að reikna megi með því að staða
fyrirtækja við upphaf þeirrar
niðursveiflu sem framundan er
sé almennt góð. Útflutningsfyr-
irtæki, sem háð hafi varnarbar-
áttu undanfarin ár, hagnist nú á
veikari stöðu krónunnar. - jsk
Hagnaður fyrirtækja eykst
Íslensk fyrirtæki eru almennt vel búin undir niðursveiflu.
Bandaríska verslunarkeðjan Wal-
Mart, stærsti smásöluaðili heims,
hefur gefist upp á Þýskalandi eftir
níu ára barning. Keðjan hefur um
langa hríð háð blóðuga baráttu við
þýsku lágvöruverðskeðjurnar
Metro og Aldi en hefur nú gefið
Metro eftir allar 85 verslanir sínar
þar í landi.
Stjórnendur Wal-Mart kenna
þýsku efnahagslífi um hvernig
fór. Hefur keðjan jafnframt átt í
deilum um laun og launakjör
starfsmanna sinna og legið undir
ámæli fyrir þau slæmu áhrif sem
lágt verð keðjunnar er sagt hafa á
birgja og smærri verslanir í land-
inu.
Keðjan er þó hvergi nærri á
flæðiskeri stödd eftir Þýskalands-
ævintýrið. Rekur hún nú 3.700
verslanir, sem fer hratt fjölgandi,
um heim allan. - hhs
Wal-Mart hörfar
RENNIR AUGUM YFIR TILBOÐIN Wal-Mart er
ekki á flæðiskeri statt þótt það hafi gefist
upp á Þýskalandi og rekur 3.700 verslanir
víða um heim.
Tvöfalt fleiri Bandaríkjamenn
vinna í fríinu sínu en fyrir ára-
tug. Fyrir tíu árum eða svo stund-
uðu þeir vinnu sína með hjálp
farsímans en nú nota þeir far-
tölvuna til þess arna.
Í könnun þar sem vinnutími
Bandaríkjamanna var skoðaður
kom í ljós að 43 prósent aðspurðra
unnu í fríum sínum. Til saman-
burðar unnu 23 prósent manna í
fríum sínum í sambærilegri
rannsókn árið 1995.
Fjórðungur þátttakenda sagð-
ist eyða þremur tímum eða meira
í vinnu á meðan á fríi þeirra stóð.
Meirihluti aðspurðra sagðist
hafa svo mikinn áhuga á vinn-
unni að hann gæti ekki sleppt
henni en aðrir sögðust þurfa að
ljúka mikilvægu verkefni. Tíu
prósent sögðust ekki geta unað
sér hvíldar fyrr en aðkallandi
verkefnum lyki. - jab
Unnið í fríinu
Á SJÓ Hagur útflutningsfyrirtækja mun
vænkast á næstu misserum að mati grein-
ingardeildar Glitnis.
HUGSAÐ UM TÖLVUNA OG BÖRNIN Nýleg
könnun sýnir að tvöfalt fleiri Bandaríkja-
menn geta ekki lagt vinnuna til hliðar í
frínu en fyrir áratug.
LÆGRI
VEXTIR
LÆGRA
LÁNTÖKUGJALD
KAUPHÖLL ÍSLANDS [Hlutabréf]
ICEX-15 5.275 -0,29% Fjöldi viðskipta: 119
Velta: 2.236 milljónir
HLUTABRÉF Í ÚRVALSVÍSITÖLU: Actavis 61,50 -0,32% ... Alfesca 4,10
+0,00% ... Atlantic Petroleum 561,00 -4,10% ... Atorka 6,05 -0,82%
... Avion 32,40 -0,92% ... Bakkavör 47,30 -0,63% ... Dagsbrún 5,32
-2,56% ... FL Group 15,50 +0,00% ... Glitnir 16,70 -0,60% ... KB
banki 702,00 -0,71% ... Landsbankinn 20,60 +0,00% ... Marel 74,40
+0,68% ... Mosaic Fashions 16,90 +0,60% ... Straumur-Burðarás
15,80 +0,00% ... Össur 107,50 -0,92%
* Í gær kl. 15.00.
MESTA HÆKKUN
Marel +0,68%
Mosaic +0,60%
MESTA LÆKKUN
Atlantic Petroleum -4,10%
Dagsbrún -2,56%
Össur -0,92%