Fréttablaðið - 12.08.2006, Page 2

2 12. ágúst 2006 LAUGARDAGUR
STJÓRNMÁL Kosið verður í öll
embætti æðstu stjórnar Fram-
sóknarflokksins á flokksþinginu
19. ágúst og fyrir liggur að nýr
formaður og nýr ritari flokksins
munu taka við taumunum.
Þrír sækjast eftir formennsku í
flokknum. Siv Friðleifsdóttir, heil-
brigðisráðherra og núverandi rit-
ari flokksins, tilkynnti um fram-
boð sitt í fyrradag en áður hafði
Jón Sigurðsson iðnaðar- og við-
skiptaráðherra stigið fram. Þriðji
frambjóðandinn er athafnamaður-
inn Haukur Haraldsson, sem þykir
eiga litla möguleika.
Núverandi varaformaður
flokksins, Guðni Ágústsson, sæk-
ist áfram eftir embættinu, en Jón-
ína Bjartmarz umhverfisráðherra
gerir það einnig.
Þá sækjast þingmaðurinn Birk-
ir Jón Jónsson og fyrrum formað-
ur Sambands ungra framsóknar-
manna, Haukur Logi Karlsson,
eftir ritaraembættinu.
Að sögn Sigurðar Eyþórssonar,
framkvæmdastjóra flokksins, á
171 aðalmaður úr miðstjórn
flokksins sæti á flokksþinginu,
auk fulltrúa frá flokksfélögum um
allt land. Öll félög eiga rétt á
einum fulltrúa á flokksþingið fyrir
hverja fimmtán skráða félaga. „Ef
þau fullnýta sinn kvóta geta þetta
orðið allt að níu hundruð manns,“
segir Sigurður.
Stærsta framsóknarfélagið er
úr syðra Reykjavíkurkjördæmi og
eiga sjötíu fulltrúar þess sæti á
þinginu. Stærsta kjördæmið er hins
vegar Norðvesturkjördæmi, þaðan
kemur 181 fulltrúi, en á svæðinu
eru hins vegar 26 flokksfélög.
Fulltrúar félaganna á flokks-
þingið eru valdir á fundum félag-
anna og oft er slegist um þau sæti
sem í boði eru. Formaður félags-
ins í Reykjavíkurkjördæmi suður,
Ingólfur Sveinsson, segir það hafa
verið raunina hjá þeim í ár. „Það
var barátta. Þeir sem vildu vera
aðalmenn fyrir félagið voru 171
talsins og við höfum sjötíu sæti.“
Frestur félaga til að skila kjör-
bréfum með nöfnum aðalmanna
rann út síðdegis í gær.
Á þinginu er fyrst kosið um
formann, þá varaformann og
síðast ritara. Heimilt er að rita
nafn hvaða flokksbundins
framsóknarmanns sem er á kjör-
seðilinn.
stigur@frettabladid.is
Barist um sætin á
þingi Framsóknar
Fleiri en eitt framboð hafa borist til allra þriggja æðstu embætta Framsóknar-
flokksins, sem kosið verður í á flokksþinginu 19. ágúst. Barátta var um sæti á
þinginu, að sögn formanns framsóknarfélagsins í syðra Reykjavíkurkjördæmi.
LISTARNIR SKOÐAÐIR Erill var á skrifstofu Framsóknarflokksins við Hverfisgötu í gær. Hér
sjást Ragna Ívarsdóttir, Sigurður Eyþórsson framkvæmdastjóri og Einar Gunnar Einarsson
skoða hluta kjörbréfanna sem framsóknarfélög víða af landinu skiluðu síðdegis.
FÍKNIEFNI Par um tvítugt var hand-
tekið í Flugstöð Leifs Eiríksson-
ar, rétt fyrir miðnætti á miðviku-
dagskvöldið, með um tvö kíló af
kókaíni í fórum sínum.
Tollgæslan á Keflavíkurflug-
velli stöðvaði parið, sem var að
koma frá London, við hefðbundið
eftirlit og við leit fundust um tvö
kíló af kókaíni.
Í framhaldi voru tveir menn
um tvítugt sem biðu eftir parinu
handteknir í móttökusal flug-
stöðvarinnar. DV hefur eftir
vitnum að lögreglumenn hafi
þust inn í flugstöðvarbygging-
una og handtekið hina grunuðu.
Um samvinnu lögregluembætt-
anna í Keflavík og Reykjavík
var að ræða. Ekki fékkst upp-
gefið hvort lögregla hefði haft
vitneskju um komu parsins
fyrir fram. Fólkið hefur ekki
komið við sögu lögreglunnar
áður.
Fjórmenningarnir sitja enn í
gæsluvarðhaldi vegna málsins og
hefur einn maður til viðbótar
verið handtekinn, grunaður um
aðild. Samkvæmt heimildum
Fréttablaðsins stendur yfir
umfangsmikil leit lögreglu að
fleiri einstaklingum sem taldir
eru tengjast málinu.
Ef efnið reynist hreint hefði
það dugað í efni að andvirði um
fjörutíu til sextíu milljónir
króna. - æþe
Fjórir í gæsluvarðhaldi eftir smygltilraun í Leifsstöð:
Par tekið með tvö
kíló af kókaíni
SPURNING DAGSINS
Einar, eru það ekki bara
músaveiðar næst?
„Því ræður löggjafinn og þá mun ég
gæta þess mjög vel að vera vel lesinn í
þeim lögum.“
Í reglugerð um veiðikort og hæfnispróf veiði-
manna segir að allir sem stunda veiðar á
villtum dýrum, öðrum en rottum og músum,
skuli afla sér veiðikorts. Lundaveiðimannin-
um Einari K. Guðfinnssyni sjávarútvegsráð-
herra var ekki kunnugt um reglugerðina og
hefur veitt lunda í mörg ár veiðikortslaus.
VÍSITALA Vísitala neysluverðs nú í
ágúst er 264 stig og hækkaði um
0,34 prósent frá því í júlí.
Vísitala neysluverðs án hús-
næðis er 243,7 stig og hækkaði um
0,28 prósent frá júlí. Þá hækkaði
verð á dagvörum um 0,9 prósent
og viðhaldsliður húsnæðis hækk-
aði um 3,5 prósent.
Síðustu tólf mánuði hefur vísi-
talan hækkað um 8,6 prósent en
vísitala neysluverðs án húsnæðis
hefur hækkað um 7,1 prósent.
Undanfarna þrjá mánuði hefur
vísitala neysluverðs hækkað um
tvö prósent, sem jafngildir 8,1
prósents verðbólgu á ári. - hs
Vísitala neysluverðs hækkar:
Verðbólga
mælist 8,1%
NOREGUR, AP Norsk veiðimálayfir-
völd heimiluðu í gær í fyrsta sinn
veiðar á skógarbjörnum í Finn-
mörku, nyrst í landinu.
Skógarbirnir eru friðaðir í Nor-
egi, en vegna þess hve mjög þeim
hefur fjölgað þar nyrðra á síðustu
árum var ákveðið að heimila að
þrír birnir yrðu felldir í haust.
Um fimmtíu birnir eru nú tald-
ir lifa í Finnmörku en norska Stór-
þingið ályktaði árið 2004 að heildar-
fjöldi skógarbjarna í landinu ætti
ekki að fara yfir 150 dýr. - aa
Veiðimálayfirvöld í Noregi:
Bjarndýraveið-
ar heimilaðar
Auður Gilsdóttir
Sími: 440 4000
Fax: 440 46040
www.giltnir.is
Kirkjusandi
IS-155 Reykjaví
k
Ég hleyp 3 km
fyrir Sjálfsbjörg
Auður Gilsdóttir
Sími: 440 4000
Fax: 440 46040
www.giltnir.is
Kirkjusandi
IS-155 Reykjavík
Ég hleyp 3 km fyrir Sjálfsbjörg
Hallgrímur Magnús Sigurjónsson
Sími: 440 4000
Fax: 440 46040
www.giltnir.is
556 Útibú Ísafirði
IS-155 Reykjavík
Ég hleyp 21 km fyrir
Styrktarfélag fatlaðra
Vestfjörðum
LÖGREGLUMÁL Litlu mátti muna að
alvarlegt slys yrði þegar erlendur
ferðamaður sofnaði undir stýri og
velti bíl sínum skammt frá Húsa-
felli síðdegis í gær.
Þegar ökumaðurinn dottaði
undir stýri kippti konan hans, sem
sat í farþegasætinu, í hann. Við
það hrökk maðurinn við, ók þvert
yfir veginn og út af. Bíllinn fór
tvær og hálfa veltu og staðnæmd-
ist á hvolfi rétt við stærðarinnar
gil. Að sögn lögreglunnar í Borgar-
nesi var fólkið stálheppið að ekki
fór mjög illa, en það slapp án telj-
andi meiðsla. Bíllinn ku vera
gerónýtur. - sh
Sofnaði undir stýri og velti bíl:
Stálheppin að
enda ekki í gili
Ritstjóri DN segir af sér Ritstjóri
sænska dagblaðsins Dagens Nyheter,
Jan Wifstrand, tilkynnti í gær að hann
væri á förum frá blaðinu. Hann tók við
sem ritstjóri árið 2003 og sagðist þá
aðeins ætla að gegna starfinu í þrjú til
fimm ár. Óljóst er hver muni taka við af
honum.
SVÍÞJÓÐ
HÁTÍÐ Opnunarhátíð Hinsegin daga
fór fram í gærkvöldi. Hátíðin er
haldin hér á landi í áttunda sinn.
Hátíðin, sem nefnist Gay Pride á
ensku, er ein af stærstu útihátíð-
um borgarinnar á hverju ári.
Skrúðganga leggur af stað frá
Rauðarárstíg klukkan tvö í dag og
heldur eftir Laugaveginum niður í
Lækjargötu. Í fyrra voru þátttak-
endur í skrúðgöngunni rúmlega
fjörutíu þúsund.
Heimir Már Pétursson, fram-
kvæmdastjóri hátíðarinnar, segist
vona að jafn margir ef ekki fleiri
taki þátt í hátíðinni í ár, en hún
hefur farið stækkandi með hverju
ári síðan hún var haldin fyrst. - sþs
Hinsegin dagar hefjast:
Hýrir skrýðast
UNDIRBÚNINGUR Emil Þór og Klara leggja
lokahönd á undirbúning Hinsegin daga.
Hátíðin var sett í gær og leggur skrúðganga
af stað frá Rauðarárstíg klukkan tvö í dag.
VARNARLIÐIÐ Síðustu þrjár F-15
þotur varnarliðsins í Keflavík fóru
af landi brott í gærmorgun.
Tvær björgunarþyrlur eru einu
flugvélar varnarliðsins sem á eftir
að flytja burt og verður það líkleg-
ast gert einhvern tímann í sept-
ember, að sögn Friðþórs Eydal,
upplýsingafulltrúa varnarliðsins.
F-15 þoturnar hafa verið nokk-
urs konar tákngervingar varna
Bandaríkjanna á Íslandi í umræð-
unni um varnarmálin og hefur
mikil áhersla verið lögð á veru
þeirra hér sem sýnilegra varna á
Íslandi.
Í maí árið 2003 tilkynnti sendi-
herra Bandaríkjanna á Íslandi
íslenskum stjórnvöldum að kalla
ætti þoturnar burt en þau fyrir-
mæli voru dregin til baka nokkr-
um dögum síðar. Í mars síðast-
liðnum tilkynntu svo bandarísk
stjórnvöld að þoturnar yrðu kall-
aðar heim.
Flutningar á bílum og öðrum
tækjum sem geta nýst annars
staðar standa einnig yfir jöfnum
höndum að sögn Friðþórs og er
öllu öðru komið í lóg hér.
Rétt tæplega sex hundruð
manns af starfsfólki varnarliðsins
eru enn eftir á Íslandi og er gert
ráð fyrir að allir verði farnir í lok
september. „Fólkið er að fara burt
smátt og smátt. Hraði brott-
flutninganna fer eftir því sem
fólkið er tilbúið til ferðar og störf
eru til reiðu handa því,“ segir Frið-
þór. - sdg
Allar flugvélar varnarliðsins eru farnar af landinu nema tvær björgunarþyrlur:
Síðustu F-15 þoturnar farnar
ÞYRLA VARNARLIÐSINS Þyrlurnar fara vænt-
anlega í september. MYND/BALDUR SVEINSSON
KÍNA, AP Minnst 104 manns fórust
þegar fellibylurinn Saomai reið
yfir suðausturhluta Kína á fimmtu-
dag og föstudag. Nær tvö hundruð
manns er saknað.
Fellibylurinn er einn sá sterkasti
í hálfa öld og telja yfirvöld að hann
hafi lagt yfir fimmtíu þúsund heimili
í rúst. Yfir 1,6 milljónum manns var
gert að yfirgefa heimili sín áður en
stormurinn kom að landi seint á
fimmtudag en tugum þúsunda báta
var lagt við höfn. Fjölmargir þeirra
eru gjörónýtir eftir veðurofsann.
Mest fóru vindhviðurnar upp í
75 metra á sekúndu. - smk
Suðaustur-Kína:
Yfir 100 manns
farast í fellibyl
MÓTMÆLI Andstæðingar virkjana-
framkvæmda og álvers Alcoa á
Reyðarfirði úðuðu í gær málningu
á höfuðstöðvar Alcoa og Bechtel,
sem staðsettar eru við Suðurlands-
braut í Reykjavík.
„Þetta voru bara slagorð gegn
Alcoa,“ segir Erna Indriðadóttir,
talsmaður Alcoa á Íslandi. „Það
hefur verið krassað og krotað úti
um allan bæ. Ef fólk kýs að koma
skoðunum sínum á framfæri á
þennan hátt, þá þau um það.
Íslandsvinir stóðu vel að sínum
aðgerðum fyrir austan. En svo er
eins og aðgerðir sumra snúist
mest um að ergja lögregluna.“ - sgj
Andstæðingar Alcoa:
Úðuðu slagorð á
húsnæði Alcoa
SLAGORÐ MÓTMÆLENDA Meðal þess sem
úðað hafði verið var „Jörðin er ekki að
deyja, Alcoa er að myrða hana,“ skrifað á
ensku. FRÉTTABLAÐIÐ/HRÖNN