Fréttablaðið - 12.08.2006, Blaðsíða 32

[ ]
50-100 auka hestöfl sem hver
sem er getur bætt í bílinn hjá
sér.
Ef horft er á bílamyndir á borð við
The Fast and the Furious sést oft
hvernig nítrógas er notað til að gefa
bílum aukakraft þegar snúningur-
inn er þegar í botni. Venjulega
fylgja glæstir spyrnusigrar og
aðdáun kvenna. „Þetta er bara
alrangt,“ segir Ásgeir Örn Rúnars-
son. „Maður slær ekki inn nítrói á 6-
7 þúsund snúningum, þetta er kol-
rangur boðskapur.“ Og Ásgeir ætti
að vita það. Hann er sjálfur með
nítrókerfi í bílnum sínum, forláta
Mustang, árgerð 1998.
„Nítró eykur fyrst og fremst tog
vélarinnar og því hröðunina. Það
hefur ekkert með hraðakstur að
gera. Það að vera fljótur af stað
hefur ekkert að gera með að keyra
hratt,“ segir Ásgeir, sem keyrir
ekki hratt sjálfur en hefur gaman
af því að vera snöggur.
„Nítró er eins konar glaðloft. Það
kælir loftinntakið auk þess að vera
þrisvar sinnum súrefnisríkara en
andrúmsloft. Ef þú setur nítró inn á
vél fær hún meira súrefni. Þá þarftu
að setja meira bensín líka. Nítró-
kerfi eru yfirleitt þannig að það er
verið að sprauta gasi í gegnum einn
spíss og bensíni í gegnum annan.
Fyrir vikið verður bruninn mun öfl-
ugri.“
Ásgeir segir að nítró sé einfald-
asta, ódýrasta og áhrifaríkasta leið-
in til að auka afl að einhverju marki.
„Mesta muninn finnur maður á lítið
breyttum bílum.“ Einföld nítrókerfi
kosta um 80 þúsund krónur og gefa
50-100 hestöfl aukalega. Í litlum
vélum munar um minna.
Ásgeir, sem keppti um tíma í
kvartmílu, segir nítró hættulaust ef
rétt er að farið. „Algengustu rang-
hugmyndirnar eru að nítró eyði-
leggi vélar. Það getur reyndar gerst
ef kerfið er vitlaust sett upp. Í tor-
færunni voru nítrósprengingar ekki
óalgengar en í 99% tilfella var hægt
að rekja þær til rangs frágangs.“
Nítrókerfi eru ekki flókin og
sæmilega handlaginn einstaklingur
ætti að ráða við að setja svoleiðis
upp sjálfur. „Það er einn kútur í
skottinu, slanga fram í vélarrými
fyrir gasið. Svo er sett T-stykki á
bensínlögnina og tekin auka slanga
þaðan. Þessar slöngur eru settar í
sér spíssa inn í loftinntakið en fara
fyrst í gegnum segulloka sem stýrir
flæðinu. Til að hann opni þarf að
vera svissað á bílinn, kveikt á sér-
stökum rofa og bensíngjöfin nánast
í botni. Þetta er lítið flóknara en að
setja magnara í bíl,“ segir Ásgeir að
lokum.
einareli@frettabladid.is
Þegar farið er í langa bílferð með börnin er það hreinn
munaður að hafa DVD-ferðaspilara með í för, bæði fyrir börnin sem
fagna tímaþjófnum og foreldrana sem fá tæplega tveggja tíma pásu.
Ódýrasta og áhrifarík-
asta leiðin til að auka afl
Mustanginn hans Ásgeirs er ekki til hraðaksturs, en honum finnst gaman að vera snöggur.
NÍTRÓKÚTUR Í SKOTTINU Frá honum liggur slanga fram í húdd og segulloki stýrir því svo að vélin fái aðeins gas þegar bensínið er nálægt
botngjöf. FRÉTTABLAÐIÐ/VALLI
Sé rétt gengið frá öllu segir Ásgeir að nítró-
ið sé algjörlega hættulaust.
Lét sérsmíða yfirbyggingu á
einn virtasta ofurbíl samtím-
ans.
Flestir bílaáhugamenn og -konur
hafa einhvern tíma á ævinni keypt
bíl sem hefur aðeins þurft að dytta
að. Kannski laga eina beyglu eða
sprauta eina vélarhlíf. Út frá þeirri
reynslu er auðvelt að skilja af
hverju James Glickenhaus fór beint
á verkstæði þegar hann keypti sér
Ferrari í fyrra. Eða hvað?
Bíllinn sem hann keypti var
nefnilega hvorki gamall né sjúskað-
ir, heldur splunkunýr Ferrari Enzo,
flaggskip framleiðandans. Á hinn
bóginn var verkstæðið heldur engin
smurstöð, heldur breytingafyrir-
tækið Paninfarina. James leist ein-
faldlega ekki nógu vel á útlit bílsins
og ákvað að fá Pininfarina til að sér-
smíða yfirbyggingu eftir sínum
óskum. Hver hefur svo sem ekki
lent í því að kaupa Ferrari sem var
hreinlega of ljótur?
Í upphafi vildi James að yfir-
byggingin tæki mið af hugmynda-
bílum Ferrari frá 1960, en hann á
einmitt tvö eintök sjálfur. Ken Oku-
yama, teymisstjóri hjá Paninfarina,
benti á að fyrirtækið vildi frekar
horfa fram á veginn en að festast í
fortíðinni og afraksturinn ber vott
um jafnvægi milli þessara tveggja
stefna.
Nú mætti ætla að það væri ekki
flókið mál að smíða eina yfirbygg-
ingu en Paninfarina-teymið eyddi
umtalsverðum tíma í vindgöngum
til þess að tryggja að loftmótsstaða
ykist ekki. Yfir 200 varahlutir voru
sérsmíðaðir fyrir bílinn, þar með
talin alveg ný innrétting. Við þetta
léttist bíllinn, sem heitir eftir breyt-
inguna Ferrari P4/5, um 270 kg og
er því í dag einn hraðskreiðasti og
flottasti bíll okkar tíma.
Þótti Ferrari-bíllinn ekki nógu flottur
Ferrari-bifreið James Glickenhaus. Yfirbygg-
ingin er gjörbreytt, þrátt fyrir að meginlín-
unum hafi verið haldið.
Ferrari Enzo. Svona leit bíllinn út fyrir
breytinguna.
Alhliða réttingar og sprautun
Þrautreyndir starfsmenn
Cabas tjónaskoðunarkerfi
Þjónustuaðili Heklu
Skemmuvegur 46 • 200 Kópavogur
S. 557 1430 & 587 1430 • � a� � 567 0087
� etfang� jonasar@jonasar.is
P
R
E
N
T
S
N
IÐ
HEILDARLAUSNIR
Í DRIFSKÖFTUM
Landsins mesta úrval
af hjöruliðum og
drifskaftsvörum
Jafnvægisstillingar
Vagnhöfða 7
110 Reykjavík
Sími: 517 5000
Opið virka daga 8-18
Gabriel höggdeyfar, AISIN kúplingssett, TRISCAN spindilkúlur,
stýrisendar, gormar. Drifliðir, drifliðshlífar, ballansstangir.
Tímareimar, ökuljós, stefnuljós ofl. Sætaáklæði,
sætahlífar á stóla – vatnsheldar fyrir veiðimenn,
hestamenn o.fl. Kerruljós, bretti og nef-
hjól á kerrur. Bílamottur.