Fréttablaðið - 23.08.2006, Blaðsíða 43

MARKAÐURINN 13MIÐVIKUDAGUR 23. ÁGÚST 2006
S K O Ð U N
S P Á K A U P M A Ð U R I N N
Seðlabanki Íslands hækkaði
stýrivexti um fimmtíu punkta í
síðustu viku. Hækkunin tók gildi
á mánudag og fóru vextirnir í 13,5
prósent. Stýrivaxtahækkunin
var sú fimmta á árinu og sú 16.
á rúmum þremur árum.
Í rökstuðningi Seðlabankans
fyrir hækkuninni segir að þótt
útlit sé fyrir að verðbólga á
þriðja fjórðungi ársins verði
eitthvað minni en spáð var í
Peningamálum í júlí breyti
framvindan ekki því að verð-
bólga sé langt yfir markmiði
bankans.
Í Vefriti fjármálaráðuneytisins
í síðustu viku kemur fram að
hækkun stýrivaxta hér sé ekk-
ert einsdæmi því vextirnir hafi
verið á uppleið í helstu við-
skiptalöndum okkar síðustu
misserin. Í Bandaríkjunum hafa
stýrivextir hækkað sautján sinn-
um síðastliðin tvö ár samfara
auknum áhyggjum af hækkandi
verðbólgu og standa nú í 5,25
prósentum. Nú virðist hægja á
verðbólgu og hækkaði bankinn
ekki vexti í byrjun mánaðarins.
En greiningaraðilar eru ekki á
einu máli um hvort hækkana-
hrinan sé á enda. Segja sumir
um stutt hlé að ræða en aðrir
lesa úr ákvörðun Ben Bernankes
seðlabankastjóra að bankinn
hafi áhyggjur af því að kæfa
allan vöxt í hagkerfinu.
Í Vefritinu segir ennfremur að
verðbólguhorfur á evrusvæðinu
hafi versnað að einhverju leyti.
Verðbólga er nú lítillega yfir
verðbólgumarkmiði Evrópska
seðlabankans en stýrivextir hafa
hækkað síðan á vetrarmánuðum
2005 og standa nú í þremur pró-
sentum.
Þá hækkaði Seðlabanki Japans
nýverið stýrivexti um 25 punkta.
Vextir í Japan höfðu staðið í núll
prósentum síðan efnahagslægðin
reið yfir Asíu um síðustu alda-
mót. Virðist nú sem hagkerfið
sýni nokkuð skýr og stöðug bata-
merki eftir rúmlega fimmtán ára
stöðnun.
Fleiri lönd hafa rifið sig upp úr
efnahagslægðinni og er Kína eitt
þeirra. Nú er svo komið að hag-
kerfið þar hefur hitnað umtals-
vert síðustu misseri. Á öðrum
ársfjórðungi mældist 11,3 pró-
senta hagvöxtur miðað við sama
tíma í fyrra. Seðlabanki landsins
hefur gripið til ýmissa aðgerða
til að hægja á, til dæmis með
hækkun vaxta og bindiskyldu
bankanna. Að mati greiningar-
deildar KB banka hafa aðgerðir
kínverska seðlabankans ekki
borið árangur. Sérfræðingar
telja einu leiðina til að hægja á
hagkerfinu að leyfa umtalsverða
styrkingu á kínverska gjaldmiðl-
inum, þvert á álit ráðamanna
sem hafa frá því gengi júans
var sett á flot í júní í fyrra reynt
að koma í veg fyrir of mikla og
snögga gengishækkun.
Og aftur að íslensku stýrivöxt-
unum því greiningardeild KB
banka spáir því að Seðlabankinn
muni lækka vexti sína á fyrstu
þremur mánuðum næsta árs og
verði þeir komnir í sjö prósent á
vordögum 2008. - jab
Vaxtahækkanir víðar en á Íslandi
Þ J Ó Ð A R B Ú S K A P U R I N N
Ég var nýkominn í bæinn þegar
markaðurinn fór á flug. Þetta
hljómar eins og spennandi saga
af íslenskum bankamanni nema
það að þetta gerðist í alvörunni.
Allir voru byrjaðir að tala um að
ekkert myndi gerast á markaðn-
um fyrr en í fyrsta lagi í haust,
jafnvel ekkert fyrr en eftir ára-
mót. Bankarnir myndu liggja
í dvala þangað til. Ég tek allri
svona umræðu með góðum fyr-
irvara, deildi í hana með tveimur
og fékk út að hlutirnir gerðust
fyrr. Enda engin ástæða til að
líta hlutina öðrum augum þegar
annað hvert félag í Kauphöll er á
undirvirði.
Ég lagði nánast allt það sem
ég gat í bankana, FL Group og
Straum. Tæmdi alla vasa og
reikninga á ofurvöxtum og hefði
meira að segja selt stigaganginn
í Berlín ef það hefði ekki tekið
hálft ár að ganga frá sölunni.
Verst þótti mér að brjóta forláta
Tröllabauk sonar míns sem ég
hafði erft hann að. Hver gleymir
Trölla sem sönglaði: “Í kolli
mínum geymi ég gullið.”
Ástandið á markaðnum síðustu
dagana minnti mann hálfpartinn
á brjálæðið um áramótin nema
þá var ég á söluhliðinni. Nú eru
bankarnir og flest fyrirtækin á
hagstæðum kennitölum og hafa
hækkað um tíu prósent á einni
viku. Þetta var nánast bruna-
útsala á bankabréfum.
Auðvitað vissi ég að lífeyris-
sjóðirnir væru komnir á stjá eins
og hungraður skógarbjörn að vori
nema að þessi björn var frekar
eins og sturlað naut. Þegar dýptin
á markaðnum er álíka mikil og í
grunnu lauginni þá rýkur allt upp
úr öllu valdi.
Mér líst vel á framhaldið og
horfi á Úrvalsvísitöluna í sex
þúsund stigum í september eða
jafnvel enn fyrr. Bankarnir eru á
góðri leið með að fjármagna sig á
næsta ári og fá þann traustsstimpil
sem gerir þá tilbúnari í næstu
verkefni. Exista-skráningin verður
að veruleika í næsta mánuði og
þá er ekki verra að eiga í KB
banka. Þeir ætla að borga auka-
arð í formi Exista bréfa en ég get
varla séð að markaðurinn hafi
áttað sig á því. Svo var Lansinn á
algjörum tombóluprís í 21. Ég er
því glaður og reifur þessa stund-
ina en auðvitað verður maður að
halda vöku sinni því það gárar
reglulega þann heim sem við
lifum í. Spákaupmennska er ekki
meðfæddur hæfileiki en eins og
með aðrar kappgreinar þá skapar
æfingin meistarann.
Spákaupmaðurinn á horninu
Trölla fórnað
í æsingi
DRAUMA
LITIR
DUGGU
VOGI 4 •
104 REY
KJA VÍK
• SÍMI 5
88 8000

www.sli
ppfelag
id.is
550 5000
AUGLÝSINGASÍMI