Fréttablaðið - 02.09.2006, Qupperneq 2

2 2. september 2006 LAUGARDAGUR
SPURNING DAGSINS
H
ö
n
n
u
n
O
d
d
i
V
O
_
B
7
4
4
0
Fjölbrey tt úrval af
nýjum jólaútsaum
Smiðjuvegi 5 • 200 Kópavogur • Sími 585 0500 • www.skola.is
Opið virka daga kl. 9-18 og á laugardögum kl. 10-14
Jóladagatal
fyrir pakka
3.990kr.
ÍRAK, AP Björgunarsveitir unnu að
því í gær að grafa líkamsleifar
fólks út úr rústum húsa sem
sprengd voru í loft upp í Bagdad í
fyrrakvöld. Í greinilega samhæfðri
aðgerð voru margar sprengjur
sprengdar og sprengiflaugum
skotið á sama hálftímanum, með
þeim afleiðingum að minnst 64
biðu bana og 286 særðust, að sögn
lögreglu.
Flest fórnarlambanna voru sjía-
múslimar. Árásirnar grófu enn
undan fullyrðingum forsætisráð-
herrans, sjíans Nouri al-Maliki, um
að innbyrðis átök sjía og súnnía
væru á undanhaldi. - aa
Samræmd tilræði í fyrrakvöld:
Á sjöunda tug
fórust í Bagdad
Í RÚST Íbúar í rústum húss sem sprengt
var í hverfi sjía í A-Bagdad í fyrrakvöld.
FRÉTTABLAÐIÐ/AP
Lúkas, ætlið þið að Zola Ítal-
ana upp úr skónum?
„Okkur langar að gera það, það er
spurning hvað þeir segja við því.“
Lúkas Kostic er þjálfari U21-árs landsliðs
Íslands í knattspyrnu. Ungmennalands-
lið Íslands og Ítalíu áttust við í gær á
Laugardalsvelli. Gamla knattspyrnugoðið
Gianfranco Zola er aðstoðarþjálfari ítalska
liðsins.
ORKUVEITAN Stjórn Orkuveitu
Reykjavíkur hefur samþykkt að
breyta stefnu sinni varðandi
frístundabyggð við Úlfljótsvatn.
Fyrirhuguðum húsum verður
fækkað úr sex hundruð í sextíu.
Breytingin kostar Orkuveituna
125 milljónir króna; sjötíu
milljónir í þegar útlagðan kostnað
og fimmtíu milljónir fyrir að
hætta við verkefnið. Tekjur koma
á móti þegar lóðir verða seldar.
„Við ætlum að viðhalda
svæðinu sem útivistarsvæði fyrir
almenning,“ segir Guðlaugur Þór
Þórðarson, stjórnarformaður
Orkuveitunnar. „Við viljum að
sama starfsemi verði þarna áfram
og eflist.“ - ghs
Frístundahús við Úlfljótsvatn:
Sextíu hús en
ekki sexhundruð
GUÐLAUGUR ÞÓR ÞÓRÐARSON Stjórnar-
formaður Orkuveitunnar vill viðhalda
svæðinu sem útivistarsvæði.
ERJUR Lögregla var kölluð að húsi
í austurbænum í gær vegna ótta
nágranna um að til stæði að fella
friðað tré þar sem húseigandi
hafði ráðið gröfumann til að grafa
fyrir nýrri klóaklögn.
Að sögn nágranna var gröfu-
maður byrjaður að höggva í tréð
þegar einn nágranninn, Hannah
Beadman, settist við hlið trésins
til að stöðva verkið. „Áður en
gröfumaðurinn stöðvaði vinnu
sína sveiflaði hann skóflunni rétt
yfir mér, með þeim afleiðingum
að kapall sem liggur við skófluna
rakst í höfuðið á mér.“
Húseigandinn, Jónas Sigurðs-
son, sagði aldrei hafa staðið til af
sinni hálfu að fella tréð. „Ég réð
bara sérfræðing í verkið og hann
sér um hvernig það er gert.“
Þórólfur Jónsson, garðyrkju-
stjóri Reykjavíkurborgar, segir
að reglur séu hjá borginni um
friðun trjáa og kveði þær á um að
sækja þurfi um leyfi til að fella
tré sem eru hærri en átta metrar
eða eldri en sextíu ára. „Árlega
berast rúmlega fimmtíu beiðnir
um að fella tré, sem er leyft í
langflestum tilfellum.“
Varðandi þetta tiltekna tré
telur Þórólfur að það sé yfir sex-
tíu ára gamalt og því húseiganda
skylt, samkvæmt reglum, að
sækja um leyfi hyggist hann fella
það. „En það eru engin viðurlög
ef brotið er gegn þessum reglum
og kerfið því máttlaust að því
leyti.“ - sdg
FRIÐAÐ TRÉ Garðyrkjustjóri Reykjavíkur-
borgar telur að tréð geti verið frá árinu
1930. FRÉTTABLAÐIÐ/HÖRÐUR
Leyfi þarf frá borginni til að fella tré sem er eldra en sextíu ára:
Nágrannaátök um friðað tré
LÖGREGLUMÁL Tveir menn af erlendum uppruna eru
nú í gæsluvarðhaldi eftir tilraun til að smygla
fíkniefnum hingað til lands í fyrradag.
Mennirnir voru handteknir í Flugstöð Leifs
Eiríkssonar, ásamt tveimur ferðafélögum, við
komuna til landsins eftir að tollgæslan á Keflavíkur-
flugvelli gerði lögreglu viðvart. Mennirnir eru
arabar, búsettir hér á landi.
Fjórmenningarnir voru stöðvaðir við reglubundið
eftirlit tollgæslu eftir að grunsemdir vöknuðu um að
mennirnir væru með fíkniefni í farteskinu.
Eftir leit á mönnunum voru þeir sendir í gegnum-
lýsingu og reyndust þá tveir þeirra hafa fíkniefni
innvortis. Þeir hafa verið úrskurðaðir í gæsluvarð-
hald þar til efnin skila sér.
Þetta er fjórða tilfellið á tíu dögum þar sem menn
eru gripnir af Tollgæslunni á Keflavíkurflugvelli
með fíkniefni innvortis.
Suður-amerískur maður á fertugsaldri var
handtekinn á dögunum, með rúmlega sjö hundruð
grömm af hassi innvortis, og nú síðast var sautján
ára piltur gripinn með um hundrað grömm af
kókaíni í endaþarmi. - æþe
Tveir menn handteknir fyrir fíkniefnasmygl í Leifsstöð í fyrradag:
Voru með fíkniefni innvortis
KÖNNUN Fylgi Vinstri grænna
hefur aukist um tvö prósentustig
samkvæmt nýrri skoðanakönnun
Gallup og mælist nú 22 prósent.
Fréttastofa útvarps greindi frá
þessu í kvöldfréttum sínum í gær.
Fylgi Samfylkingarinnar
stendur í stað í 25 prósentum,
fylgi Sjálfstæðisflokks minnkar
um tvö prósentustig og er nú 41
prósent og fylgi Framsóknar-
flokksins mælist níu prósent og
hefur minnkað um eitt prósentu-
stig. Fylgi Frjálslynda flokksins
mælist nú þrjú prósent. - sh
Ný skoðanakönnun Gallup:
Fylgi Vinstri
grænna eykst
LÖGREGLUMÁL Tollverðir fundu tíu
kíló af amfetamíni við afgreiðslu
ferjunnar Norrænu í fyrradag.
Tveir Litháar földu efnið í bifreið
sinni.
Mennirnir hafa verið úrskurð-
aðir í fjögurra vikna gæsluvarð-
hald. Sýslumaðurinn á Seyðisfirði
naut aðstoðar tollvarða frá
embætti Tollstjórans í Reykjavík
og embætti sýslumannsins á
Eskifirði, lögreglumanna frá
Ríkislögreglustjóra og Lögreglu-
stjóranum á Keflavíkurflugvelli.
- æþe
Fíkniefnafundur í Norrænu:
Tveir Litháar í
gæsluvarðhald
STJÓRNMÁL „Við eigum að vera
reiðubúin til viðræðna um að mynda
öflugan skýran valkost á móti
núverandi ríkisstjórn,“ sagði Stein-
grímur J. Sigfússon, formaður
Vinstrihreyfingarinnar - græns
framboðs, á fundi flokksráðs VG á
Grand Hóteli í gær.
Steingrímur fór yfir ástand og
horfur í stjórnmálunum og sagði
það hljóta að vera eðlilegan metnað
stjórnarandstöðu á hverjum tíma að
reyna að bjóða upp á sjálfa sig sem
valkost. Hann sagði aðstæður góðar
til að stjórnarandstaðan byggi svo
um hnúta, þar sem hægri stjórn
sæti að völdum.
Í ræðunni tæpti Steingrímur á
þeim málefnum sem hann taldi að
kjósa þyrfti um. Nefndi hann fyrst
umhverfismálin og sagði: „Næstu
kosningar eiga að vera uppgjör við
landdrekkingarstefnu Framsóknar-
flokksins og ríkisstjórnarinnar í
umhverfismálum.“ Að auki nefndi
hann utanríkismál, atvinnu- og
byggðamál og sagði að línur ættu að
vera skýrar, ekki ætti að bjóða upp
á miðjumoð heldur græna velferðar-
stefnu.
Eftir ræðuna sagðist Steingrím-
ur í samtali við Fréttablaðið ekki
vera að þrýsta á hina stjórnarand-
stöðuflokkana um sérstakt kosn-
ingabandalag.
„Við erum í ágætis tengslum og
ég veit að það er verið að ræða svip-
aða hluti hjá þeim. Þetta liggur
kannski öðruvísi hjá Samfylking-
unni og þess vegna Frjálslyndum,
þau eru á miðjunni og horfa til fylg-
is á svolítið öðrum forsendum en
við.“
Þótt Steingrímur leggi ríka
áherslu á samstarf núverandi
stjórnarandstöðuflokka útilokar
hann ekki samstarf við Framsóknar-
flokk og Sjálfstæðisflokk. Hann
sagðist þó telja Framsóknarflokk-
inn hafa þörf á hvíld.
„Ekki bara pólitíkurinnar og
stóriðjustefnunnar vegna, mér
hefur bara sýnst hann vera þannig á
sig kominn að hann þurfi mikinn
tíma til að koma sínum málum í
lag.“
Aðspurður neitaði Steingrímur
því að það væri lífsspursmál fyrir
VG að komast í ríkisstjórn eftir
kosningar. „Við erum ekki flokkur
þeirrar gerðar að völdin séu sálu-
hjálparatriði.“
Í könnun sem Gallup kynnti í
gær mælist fylgi VG 22 prósent,
tveimur prósentum meira en í síð-
ustu könnun á undan. Steingrímur
sagðist telja málefnalegar innistæð-
ur fyrir fylginu. „Ég þykist skynja
það sterkt úti í þjóðfélaginu. Fylgis-
grunnur okkar er stöðugri en hann
hefur nokkru sinni verið.“
bjorn@frettabladid.is
Steingrímur J. vill
samstarf til vinstri
Steingrímur J. Sigfússon, formaður VG, segir eðlilegt að stjórnarandstöðuflokk-
arnir bjóði sig fram sem valkost við ríkisstjórnina. Hann útilokar ekki samstarf
við núverandi stjórnarflokka en segir Framsóknarflokkinn hafa þörf á hvíld.
SAMSTARF TIL VINSTRI Steingrímur J. Sigfússon, formaður VG, vill að næsta ríkisstjórn
hafi græna velferðarstefnu að leiðarljósi.
LEIFSSTÖÐ Síðustu tíu daga hefur Tollgæslan í Leifsstöð fjórum
sinnum stöðvað menn sem hafa haft fíkniefni innvortis.
SKÁK Hannes Hlífar Stefánsson
varð Íslandsmeistari í skák í
gærkvöldi eftir jafntefli í fjórðu
og síðustu einvígisskákinni við
Héðin Steingrímsson. Hannes
tryggði sér með því umræddan
titil í áttunda sinn og sló þar með
50 ára gamalt met Baldurs Möller,
sem vann titilinn sjö sinnum á
sínum tíma, eins og reyndar
Eggert Gilfer síðar.
Æsispennandi skákinni lauk með
jafntefli eftir 34 leiki og urðu
lokaúrslitin tveir og hálfur
vinningur Hannesar gegn einum og
hálfum vinningi Héðins. Fjöldi
manns lagði leið sína í hús Orku-
veitunnar til að fylgjast með. - sh
Íslandsmótið í skák:
Hannes sigraði
í áttunda sinn