Fréttablaðið - 02.09.2006, Page 74

2. september 2006 LAUGARDAGUR38
Síðustu vikur og mánuðir hafa ekki verið þeir bestu fyrir David Beckham, þekktasta knattspyrnumann veraldar
og tískumógúl með meiru. Í upphafi
árs var það gefið út að Ronaldinho
hefði hirt af honum toppsætið á lista
yfir tekjuhæstu fótboltamenn
heims; lista þar sem Beckham hafði
borið höfuð og herðar yfir aðra allt
frá því að hann gekk í raðir Real
Madrid sumarið 2003. Undir forystu
Beckhams olli enska landsliðið mikl-
um vonbrigðum á HM í Þýskalandi
og eftir að hafa kastað frá sér fyrir-
liðabandinu að móti loknu, því eina
sem hélt Beckham í enska hópnum
öll þessi ár að margra mati, komst
nýi þjálfarinn Steve McClaren að
þeirri niðurstöðu að Beckham væri
einfaldlega ekki nógu góður til að
spila fyrir England.
Á undirbúningstímabilinu fyrir
nýhafna fótboltavertíð á Spáni var
Beckham jafnan varamaður í
æfingaleikjum Real Madrid. Í hans
stöðu á hægri vængnum hefur verið
Cicinho frá Brasilíu, sem er hægri
bakvörður að upplagi. Og nú síðast
ákvað Gillette, sem gerði auglýs-
ingasamning við Beckham fyrir
nokkrum árum að andvirði 40 millj-
ónir punda, að hætta við fyrirhug-
aðar sjónvarpsauglýsingar fyrir
nýju Fusion-rakvélarlínuna þar
sem Beckham átti að vera í aðal-
hlutverki.
„Ákvörðunin hafði ekkert með
Beckham að gera. Við vildum frek-
ar leggja áhersluna á vöruna
sjálfa.“ Þannig hljómaði aumkun-
arverð tilraun frá talsmanni Gill-
ette til að afsaka fjarveru Beck-
hams í sjónvarpsauglýsingunum.
„Við vildum þess í stað einbeita
okkur að því að nota andlit Beck-
hams á annan hátt, eins og t.d. á
stærstu veggspjöldunum,“ hélt
talsmaðurinn áfram. Einmitt.
Fjölskyldan selur
Mikið hefur verið rætt og skrifað
um möguleg eftirköst hnignandi
ferils Beckhams sem knattspyrnu-
manns. Hvaða áhrif hefur allt mót-
lætið á vörumerkið „David Beck-
ham“, sem fjölmörg fyrirtæki hafa
fjárfest í fyrir tugi milljarða króna
á síðustu árum? Ljóst er að sitt sýn-
ist hverjum en flestir sérfræðingar
hallast þó að því að Beckham-veld-
ið haldi velli og jafnvel gott betur.
Breska blaðið Guardian birti í
síðustu viku tvær greinar með
nokkurra daga millibili sem báðar
fjölluðu um David Beckham og
ógæfu hans upp á síðkastið. Nálgun
greinarhöfunda á viðfangsefnið var
þó með ólíku sniði; önnur fjallaði
um Beckham frá „fótboltalegu“
sjónarmiði og var skrifuð af íþrótta-
fréttamanni á meðan hin var skrif-
uð af viðskiptablaðamanni og fjall-
aði að mestu um „The Beckham
Brand“ eða vörumerkið sem Beck-
ham er.
Í síðarnefndu greininni er því
blygðunarlaust haldið fram að veldi
Beckhams sé langt frá því að falla.
Minnt er á að Beckham er tiltölu-
lega nýlega búinn að koma á lagg-
irnar fótboltaakademíu í hinum ört
vaxandi markaði í Asíu sem á vafa-
laust eftir að gera honum kleift að
eiga fyrir salti í grautinn eftir að
ferlinum sem leikmaður er lokið.
Svo má auðvitað ekki gleyma
spúsu hans Viktoríu, fína kryddinu í
tilveru Beckhams sem gert hefur
svo mikið fyrir ímynd hans. Því
hefur meira að segja verið haldið
fram að Viktoría sé í raun helsti
hugmyndasmiðurinn á bak við
„Brand Beckham“ eins og hugtakið
nefnist á heimsvísu. „Það má alls
ekki vanmeta mátt og áhrif Vikt-
oríu,“ segir Andy Milligan, mark-
aðsráðgjafi í Bretlandi og höfundur
bókarinnar „Brand It Like Beck-
ham“ sem kom út árið 2004.
Milligan segir jafnframt að
ímynd Beckhams hafi færst frá því
að snúast um fótboltann yfir í útlit
hans, klæðnað og framkomu. „Beck-
ham er ekki einn í þessu. Tugir
manna starfa hjá því fyrirtæki sem
nafn hans er og þar hafa menn að
sjálfsögðu áttað sig á því að hann
verður ekki knattspyrnumaður til
eilífðar. Trúið mér, það eru til aðrar
úrlausnir við að halda uppi nafni
Beckhams en frammistaða hans á
fótboltavellinum,“ útskýrir Milli-
gan.
Ein tilgátan sem viðruð hefur
verið í því sambandi snýr að fjöl-
skyldu Beckhams og hvað það
myndi gera fyrir ímynd hans ef
hann eignaðist fjórða barnið. Og
eins siðlaust og það hljómar þá
segja sérfræðingar að það myndi
a.m.k. ekki skemma fyrir ef það
yrði stúlka.
Mun njóta sín hjá Capello
Flestir fjölmiðlar og sérfræðingar
virðast þó á einu máli um að við-
brögð Beckhams við mótlætinu inni
á vellinum muni ráða mestu um vel-
gengni vörumerkis hans á næstu
árum. Og margir spá því að leikstíll
og áherslur Real í ár, undir stjórn
Fabio Capello, séu sniðin að þörfum
Beckham.
„Beckham hefur alltaf verið
dálítið villtur inni á vellinum.
Kannski hefur enginn sagt honum
hvar og hvert hann á að hreyfa sig,“
sagði Capello við spænska dagblað-
ið Marca fyrir skemmstu og varði
Beckham fyrir gagnrýni blaðsins,
Er Beckham búinn að vera?
Mótlætið sem David Beckham hefur mátt þola
það sem af er ári getur ekki aðeins haft ófyrirsjá-
anleg áhrif á síðustu ár hans sem knattspyrnu-
maður heldur ekki síður á það vörumerki sem
nafn hans er orðið að. Vignir Guðjónsson kynnti
sér „Brand Beckham“, eins og það er kallað ytra,
og velti fyrir sér þeim möguleikum sem Beckham
hefur í stöðunni.
DAVID OG VICTORIA BECKHAM? Nei, ekki alveg. Þessi mynd var tekin
í London í síðustu viku þegar verið var að kynna glænýjan ilm sem
ber heitið „Intimately“. Í stað þess að mæta sjálf á staðinn ákváðu
Beckham-hjónin að senda tvífara sína til að kynna ilminn, hundruð-
um aðdáenda sem mættu á svæðið til mikilla vonbrigða.
NORDICPHOTOS/GETTY IMAGES
FJÖLSKYLDAN SELUR Sérfræðingar segja að það myndi gera Beckham afar gott að
eignast eitt barn í viðbót og þá yrði best ef hann myndi eignast stelpu í það skiptið.
Hér sést Beckham ásamt Brooklyn og Romeo, tveimur af þremur sonum sínum, en á
myndina vantar þann yngsta, Cruz. NORDICPHOTOS/GETTY IMAGES
NÆR HANN 100. LANDSLEIKNUM? Markaðsfræðingar segja að ef Beckham nái
að vinna sér sæti í enska landsliðinu á ný og spila sex landsleiki til viðbótar sé
hann á grænni grein. Beckham og 100 landsleikir, þar sé komið slagorð sem
selur. TEIKNING/GRAPHIC NEWS
Skilti
Límmiðar
Útifánar
Borðafánar
Gluggamerkingar
Seglborðar
Plastkort
Bílamerkingar Hafnarfirði 551 0275