Fréttablaðið - 04.09.2006, Blaðsíða 2

2 4. september 2006 MÁNUDAGUR
SPURNING DAGSINS
NÝTT! Tómstunda- bækur
Fyrir káta krakka
SETBERG
LÖGREGLUMÁL Maður féll af
húsþaki við Óðinsgötu í miðborg
Reykjavíkur í fyrrinótt. Hann
hafði klifrað upp á bratt húsþak
þegar honum skrikaði fótur og
datt niður um átta metra. Hann
slasaðist talsvert alvarlega við
fallið og var fluttur á slysadeild
með sjúkrabíl.
Ekki er ljóst hvers vegna
maðurinn ákvað að klifra upp á
húsþakið en lögregla telur
áfengi hafa verið í spilinu.
Talsverður erill var í miðborg-
inni í nótt og áberandi mikið um
ölvun. - sþs
Féll átta metra af húsþaki:
Á gjörgæslu eftir
klifur á húsþaki
MENGUN Svínaúrgangur frá sláturhúsi Stjörnu-
gríss í Saltvík milli Kjalarness og Kollafjarðar
hefur farið út í sjó nokkrum sinnum í sumar
vegna bilunar á hreinsibúnaði, nú síðast á mið-
vikudag þegar stór fitu- og blóðflekkur mynd-
aðist á haffletinum. „Þetta mál er undir mjög
ströngu eftirliti, bara í sumar erum við búin að
fara þarna nokkrum sinnum. Það er verið að
vinna að þessu máli í góðri samvinnu við eig-
endur sláturhússins því þetta á ekki að vera
svona, það er alveg á hreinu,“ segir Kristín Lóa
Ólafsdóttir, heilbrigðisfulltrúi hjá mengunar-
vörnum umhverfissviðs Reykjavíkurborgar.
Fyrsta óstaðfesta ábendingin um að eitt-
hvað væri í ólagi við sláturhús Stjörnugríss
barst Mengunarvörnum um miðjan maí. „Við
fengum kvörtun um þetta síðast 11. ágúst, þá
sáum við fyrst að eitthvað mikið var að. Við
gerðum kröfu um að stíflur í frárennslislögn-
inni yrðu lagaðar og að hreinsað yrði í holræsa-
brunnum við lögnina. Hinn 12. ágúst var því
lokið,“ segir Kristín Lóa, en svo virðist sem um
þráláta bilun í hreinsibúnaði sé að ræða.
„Mengunin er brot á reglugerðum svo þetta
verður lagað eins fljótt og hægt er,“ segir hún.
Undir eðlilegum kringumstæðum á fitu-
skilja við slátrunarhúsið að skilja fitu, grófan
úrgang og mettað blóð úr úrganginum svo hann
renni ekki með vatni úr vinnslusalnum eftir
frárennslisgöngum í sjóinn. - rsg
Þrálát bilun í hreinsibúnaði sláturhúss í Saltvík:
Dýrafita og blóð rennur óhindrað út í sjó
MENGUN Í SALTVÍK Nokkrir fuglar hvíldu sig í rauðum
blóðflekknum í Saltvík á miðvikudag.
ÁRNI TRYGGVASON
ÓEIRÐIR Lögregla þurfti að beita
kylfum þegar til óeirða kom milli
lögreglu og ungmenna í Skeifunni
í fyrrinótt. Um tvö hundruð ungl-
ingar voru á svæðinu. Hópurinn
veittist að lögregluþjónum og
kastaði grjóti og flöskum í lög-
reglubíl.
Tíu ungmenni voru handtekin
og látin gista fangageymslur. Þau
voru yfirheyrð í gær. Nokkur ár
eru síðan lögregla þurfti að beita
kylfum gegn óróaseggjum.
Atburðarásin hófst þegar lög-
regla var kölluð að hraðbanka
SPRON í Skeifunni rétt eftir mið-
nætti í gær. Tilkynnt var um fólk
sem var að kasta af sér þvagi inni
í hraðbankanum. Um tvö hundruð
manna hópur unglinga var á svæð-
inu vegna samkvæmis sem var
haldið í nágrenninu.
Lögregluþjónar ætluðu að hafa
tal af einum úr hópnum vegna þess
að hann var grunaður um líkams-
árás sem átti sér stað nokkru áður.
Veittist þá hópurinn að lögreglu-
mönnunum og reyndi að frelsa
manninn. Lögreglumennirnir
þurftu að flýja með hinn hand-
tekna á meðan grjóti og flöskum
var kastað í lögreglubílinn.
Öllu lögregluliði borgarinnar
var beint á vettvang og voru um
þrjátíu lögreglumenn frá lögregl-
unni í Reykjavík og sérsveit Ríkis-
lögreglustjóra á svæðinu þegar
mest var.
Þegar fyrirmælum lögreglu um
að sundra hópnum var ekki sinnt
var kylfum beitt.
Tíu voru handteknir og fluttir í
fangageymslur. Þeir eiga von á að
vera kærðir fyrir að hlýða ekki
fyrirmælum lögreglu og að beita
opinbera starfsmenn ofbeldi.
„Það er afar fátítt að lögregla
verði að beita því alvarlegasta
sem hún hefur til þess að útkljá
svona mál,“ segir Geir Jón Þóris-
son, yfirlögregluþjónn hjá lögregl-
unni í Reykjavík. „Það þarf að
vera mjög alvarlegt til að lögregl-
an beiti kylfum. Það gerðist síðast
fyrir nokkrum árum á svipuðum
slóðum.“ Hann segir virðingar-
leysi og ofbeldi gegn lögreglu-
mönnum hafa aukist mikið að und-
anförnu. „Svona framkoma gegn
lögreglu hefur verið að færast í
aukana. Að okkar mati hefur
almennt verið tekið frekar létt á
þessum brotum, það er bara stað-
reynd.“ salvar@frettabladid.is
Beita þurfti kylfum
gegn óeirðaseggjum
Til óeirða kom milli lögreglu og um tvö hundruð ungmenna í Skeifunni í fyrrinótt.
Lögregla þurfti að beita kylfum til að sundra hópnum. Tíu manns voru handteknir.
Yfirlögregluþjónn segir ofbeldi og virðingarleysi gegn lögreglu vera að aukast.
VETTVANGUR ÓEIRÐANNA Óeirðirnar hófust þegar lögreglumenn handtóku mann
sem grunaður var um líkamsárás sem átti sér stað fyrr um kvöldið. Hann brást
ókvæða við og barðist gegn lögreglunni ásamt stórum hóp ungmenna.
Garðar, sérðu rautt?
„Eru það ekki naut sem sjá rautt?
Ég er bogmaður.”
Garðar Örn Hinriksson er einn umdeildasti
knattspyrnudómari landsins og kvartaði
undan því í viðtali við Fréttablaðið að fjöl-
miðlar og knattspyrnuáhugamenn væru of
dómharðir á dómara.
ÍRAK, AP Írösk yfirvöld tilkynntu í
gær um handtöku á öðrum æðsta
yfirmanni al-Kaída hryðjuverka-
netsins í Írak. Hamed Jumaa
Farid al-Saeedi,
einnig þekktur
undir nöfnun-
um Abu
Humam og Abu
Rana, var
handtekinn
fyrir nokkrum
dögum.
Hann er
grunaður um að
hafa meðal
annars skipu-
lagt sprengjuárás á sjía-mosku í
Samarra í febrúar síðastliðnum,
sem hleypti af stað trúarbragða-
drifinni morðöldu í Írak.
Jafnframt er hann grunaður
um að hafa farið fyrir dauða-
sveitum og fyrirskipað ýmiss
konar illvirki.
Talsmaður varnarmálaráðu-
neytis Íraks segir hryðjuverka-
netið nú eiga í „alvarlegum
leiðtogavandræðum“. - smk
Yfirvöld í Írak:
Al-Kaída for-
ingi gómaður
HAMED JUMAA
FARID AL-SAEEDI
AFGANISTAN, AP Í gær féllu 200
talíbanar og fjórir kanadískir
hermenn í bardögum hersveita
Atlantshafsbandalagsins og
afganska hersins gegn talíbönum
í Kandahar-héraði í Suður-
Afganistan.
Jafnframt fórust fjórtán
breskir hermenn þegar flugvél
NATO, hrapaði í Afganistan á
laugardag. Talsmenn talíbana
sögðust hafa skotið vélina niður, en
utanríkisráðherra Bretlands sagði
allar líkur á að um „hræðilegt slys“
hefði verið að ræða. - smk
Mannfall í Afganistan:
200 talíbanar
féllu í Kandahar
HERSVEITIR NATO Hermenn NATO sjást
hér búa sig undir átök í Afganistan.
KANADA Farþegum í innanlands-
flugi í Kanada varð ekki um sel
þegar neyðarkall frá flugstjóran-
um heyrðist í kallkerfi vélarinnar,
eftir að hann læstist inni á
klósettinu. Áhöfnin þurfti að taka
hurðina af hjörunum til að bjarga
manninum út, og þar með lífi
farþeganna.
Talsmaður flugfélagsins segir
þó að aðstoðarflugstjórinn hefði
vel getað lent vélinni einn síns
liðs og að farþegarnir hafi ekki
verið í hættu. Einnig að það sé
afar sjaldgæft að hurðirnar
kviklæsist með þessum hætti, í
raun sé þetta í fyrsta skipti sem
slíkt gerist. - kóþ
Flugstjóri í klípu:
Læstist á sal-
erni vélarinnar
LANDSPÍTALI Læknafélag Íslands
telur yfirstjórn Landspítala -
háskólasjúkrahúss hafa brotið
gegn hagsmunum sjúklinga og
lögum þegar Stefán E. Matthías-
son læknir var sagt upp störfum.
Af slíku framferði geti ekkert
hlotist nema vantraust og trúnað-
arbrestur. Þetta kemur fram í
ályktun sem samþykkt var á aðal-
fundi félagsins um helgina.
Þar segir að nú sé það í höndum
heilbrigðis- og tryggingamálaráð-
herra og spítalastjórnarinnar
sjálfrar að bregðast við þessum
djúpstæða vanda með endurráðn-
ingu Stefáns í fyrra starf.
Árið 2005 var Stefán áminntur
fyrir að óhlýðnast fyrirmælum
spítalans með því að halda áfram
rekstri lækningastofu sinnar.
Hann taldi áminninguna ekki rétt-
mæta og var honum sagt upp
stuttu seinna. Héraðsdómur
Reykjavíkur hefur dæmt áminn-
inguna ólögmæta. Stefán hefur
ekki verið ráðinn á ný.
Í ályktun Læknafélagsins segir
að framferði yfirstjórnar spítal-
ans í þessu máli sé löglega, fag-
lega og siðferðislega rangt. Eitt af
meginhlutverkum stjórnenda
opinberra ríkisfyrirtækja sé að
gæta þess að starfsemin sé rekin í
samræmi við lagafyrirmæli. Sé
brugðið út af því sé um að ræða
alvarleg brot í starfi.
- sþs
Harðorð ályktun Læknafélags Íslands um mál Stefáns Matthíassonar:
Segja yfirstjórnina hafa brotið lög
LANDSPÍTALI Í ályktun Læknafélags Íslands varðandi mál Stefáns Matthíassonar segir
að framferði yfirstjórnar Landspítalans sé löglega, faglega og siðferðislega rangt.