Fréttablaðið - 04.09.2006, Blaðsíða 74
34 4. september 2006 MÁNUDAGUR
FÓTBOLTI Hrottalegt olnbogaskot sem Ben Thatcher
hjá Manchester City veitti Pedro Mendes, leikmanni
Portsmouth, í síðasta mánuði virðist ætla að draga
nokkurn dilk á eftir sér því nú hefur nítján ára
óþekktur knattspyrnumaður sem var á mála hjá
Blackburn, Ralph Welch, ákveðið að höfða mál á
hendur Thatcher.
Welch þessi var fórnarlamb Thatchers í leik vara-
liða Man. City og Blackburn í febrúar sl. en þá fékk
hann vænt olnbogaskot í andlitið frá Thatcher með
þeim afleiðingum að hann kinnbeinsbrotnaði svo illa
að hann hefur ekki enn getað stundað knattspyrnu á
ný. Á myndbandi sem hægt er að sjá á heimasíðu
News of the World í Bretlandi frá atvikinu er ekki að
sjá annað en að olnbogaskotið sé veitt með ásetningi.
„Ég er ekki í neinum vafa um að tilgangurinn með
brotinu var að meiða mig eins mikið og hægt var,“
segir Welch við News of the World. „Málinu var ein-
faldlega sópað undir teppið þar sem þetta var í vara-
liðsleik og ég er ekki þekktur leikmaður. Ég ákvað að
láta kyrrt liggja þar sem ákæra frá mér á hendur
þekktum leikmanni hefði líklega getað teflt ferli
mínum í hættu. Þetta hefur haft mikil áhrif á mitt líf,
ég er ennþá á verkjalyfjum og það liggur fyrir að ég
þarf að fara í fleiri aðgerðir vegna kjálkans.“
Welch segir að brot Thatcher á Mendes hafi orðið til
þess að honum snerist hugur. „Það er ógeðslegt að horfa
á þetta en það versta er að Thatcher veit alveg hvað
hann er að gera. Fólk segir að hann sé góður gæi en það
er ekki rétt. Thatcher er ruddi sem á ekki að fá að spila
fótbolta,“ segir Welch en þess má geta að í framhaldi af
brotinu á Mendes var einnig sýnd upptaka frá því þegar
Thatcher gefur Nicky Summerbee, þáverandi leik-
manni Middlesbrough, þungt olnbogaskot í leik liðanna
í ensku úrvalsdeildinni fyrir sex árum.
Thatcher var sektaður um sex vikna laun og settur
í sex leikja bann hjá Man. City fyrir fólskubrotið á
Mendes. Lögreglan á enn eftir að taka ákvörðun um
hvort leikmaðurinn verði kærður fyrir líkamsárás.
- vg
19 ára knattspyrnumaður ætlar í mál við Ben Thatcher hjá Manchester City:
Olnbogi Thatchers mölbraut kinnbeinið
FÍLAMAÐURINN Ben Thatcher hefur ekki átt sjö dagana sæla upp á síð-
kastið. Á litlu myndinni má sjá hvernig Ralph Welch leit út eftir viðskipti
sín við Thatcher í varaliðsleik í febrúar á þessu ári.
FÓTBOLTI Íranski auðkýfingurinn
Kia Joorabchian segir að West
Ham geti vel orðið stærra félag
en Chelsea eftir nokkur ár, fari
svo að honum verði leyft að kaupa
ráðandi hlut í félaginu. Hinn 35
ára gamli Joorabchian, sem hefur
búið í London lengst af sinni ævi
og er sagður vera mikill fótbolta-
áhugamaður, segir að innan sjö
ára muni West Ham gera atlögu
að því að velta Manchester United
af stalli sem stærsta og dáðasta
félag Bretlandseyja.
„Man. Utd er langstærsta
enska félagið á heimsvísu en ég
held að við ættum ekki í miklum
erfiðleikum með að verða stærri
en Chelsea. West Ham er félag
með mikla sögu og ótrúlega
stuðningsmenn. Hjá félaginu
leynast miklir möguleikar,“ segir
Joorabchian, sem er aðaleigandi
fjárfestingarfélags í Mið-Austur-
löndum sem hefur yfir að ráða
ógrynni fjármagns vegna ráðandi
stöðu þess á olíumarkaðnum á
þessum slóðum. Joorabchian seg-
ist enn fremur styðja Alan Par-
dew í starfi sínu sem knatt-
spyrnustjóri félagsins og telur
hann rétta manninn til að gera
meistaralið úr West Ham.
„Í fyrstu viljum við koma lið-
inu í baráttu um sæti í Meistara-
deildinni en eftir nokkur ár á
West Ham að vera félag sem á að
geta keppt um sigur í öllum
stærstu keppnunum,“ segir
hann. - vig
Kia Joorabchian, sá er vill kaupa West Ham:
West Ham getur orðið
stærra félag en Chelsea
KIA JOORABCHIAN Moldríkur og blóð-
heitur fótboltaáhugamaður að auki.
Það gerist varla betra.
FÓTBOLTI Gærdagurinn var sorgar-
dagur í Norður-Írlandi. Eftir svo
miklar væntingar og gott gengi í
undanförnum leikjum átti nú
aldeilis að láta vita af sér og byrja
á sterkum sigri á Íslendingum á
heimavelli. Milljón punda var
lofað á hópinn allan til að skipta
með sér ef liðið kæmist í úrslita-
keppni EM. Sú upphæð, sem átti
að vera liðinu hvatning, er úr sög-
unni og viðurkenna Norður-Írar
það fyrstir.
Lawrie Sanchez, landsliðsþjálf-
ari Norður-Íra, sagði eftir leikinn
að Eiður Smári Guðjohnsen hefði
einfaldlega verið of góður fyrir
vörn sinna manna. Og því eru allir
sammála í fjölmiðlum gærdagsins
í Belfast. Á baksíðum blaða og for-
síðum íþróttablaða er nánast undan-
tekningalaust orðaleikur um eftir-
nafn Eiðs Smára, „Gud“. Þá fylgir
alltaf að leikmenn Norður-Íra hafi
einfaldlega „frosið“ gegn „ísmönn-
unum“ á vellinum.
„Ekki hægt að verja þessi
ósköp“ segir í fyrirsögn Sunday
Life og furðaði blaðamaður sig á
ótrúlega slakri vörn sinna manna
og hversu mikið pláss þeir gáfu
Eiði Smára í leiknum. Leikmenn
Norður-Íra fengu engar toppein-
kunnir í blaðinu en vinstri bak-
vörðurinn Tony Capaldi og sókn-
armaðurinn James Quinn komu
verst út. Ekki furða þar sem tvö
markanna komu í gegnum svæði
Capaldi og Ívar Ingimarsson tók
Quinn „í nefið“.
Sérfræðingar sem fylgdust
með leiknum fóru mikinn í útvarpi,
sjónvarpi og í blöðunum daginn
eftir leikinn. Gömlu hetjunni Roy
Coyle fannst til að mynda ótrúlegt
að Norður-Írar virtust koma alger-
lega óundirbúnir til leiks, ólíkt
Íslendingum. „Við virtumst ekki
vita hvaða leikskipulag var á
okkar liði. Byrjunin á síðustu
undankeppni (0-3 tap á heimavelli
fyrir Póllandi) var skelfileg en
þetta var algjör martröð,“ sagði
Coyne.
„Eiður slátraði vörninni okkar“
var fyrirsögn í öðru blaði en öll
tóku þau í þennan svipaða tón.
Eiður Smári var maðurinn sem
stjórnaði leiknum frá a-ö og Law-
rie Sanchez var maðurinn sem átti
engin svör við því. - esá
Norður-Írar gagnrýndir harðlega
Lawrie Sanchez, þjálfari norður-írska landsliðsins, fær það óþvegið hjá dagblöðum í heimalandi sínu eftir
tapið gegn Íslandi í fyrradag. Leikmenn liðsins eru sagðir hafa frosið gegn Íslendingunum.
FORINGINN Eiður Smári Guðjohnsen átti frábæran leik i fyrradag og er líkt við guð
í fjölmiðlum í Bretlandi og á Norðurlöndunum og er þá gjarnan verið að skírskota í
eftirnafn hans, „Gud“johnsen. NORDICPHOTOS/GETTY IMAGES
FÓTBOLTI Fjölmiðlar í Danmörku
og Svíþjóð eru á einu máli um að
íslenska landsliðið hafi með 3-0
sigrinum á Norður-Írum á laugar-
dag sent skýr skilaboð til
nágrannaþjóða sinna í F-riðli
undankeppni EM - íslenska liðið
sé á uppleið og sé sýnd veiði og
langt frá því að vera gefin.
Í umfjöllun danskra dagblaða
má lesa að frammistaða íslenska
liðsins hafi komið mönnum
algjörlega í opna skjöldu og að
Danir megi líta á hana sem
aðvörun fyrir leik þjóðanna á
Laugardalsvelli á miðvikudag-
inn.
Í Jyllands-posten segir meðal
annars að Íslendingar hafi verið
firnasterkir og gjörsamlega
valtað yfir Norður-Íra í fyrri
hálfleik, drifnir áfram af stór-
leik Eiðs Smára Guðjohnsen
sem stjórnaði leik Íslands.
Sænsku blöðin taka í sama
streng og gengur Aftonbladet
svo langt að segja Eið Smára
hafa spilað eins og guð. „Eiður
afgreiddi leikinn fyrir okkur
með því að spila eins og hann
getur best,“ er haft eftir Eyjólfi
Sverrissyni landsliðsþjálfara í
Aftonbladet. Expressen segir
Eið Smára hafa verið í sérflokki
á vellinum og að með fyrirlið-
ann í slíku formi megi varnar-
menn sænska liðsins vara sig.
- vig
Fjölmiðlar í Danmörku og Svíþjóð:
Aðvörun til danska liðsins
SKELFILEGT Vonbrigðin
leyndu sér ekki á svip
Lawrie Sanchez, þjálfara
Norður-Íra, og lærisveina
hans eftir útreiðina gegn
Íslendingum í Belfast á
laugardaginn. Norður-írska
liðið fær það óþvegið í
blöðunum ytra og er sagt
að varnarleikur liðsins hafi
aldrei verið slakari.
FRÉTTABLAÐIÐ/VALLI
FÓTBOLTI Spánverjar og Svíar, and-
stæðingar Íslands í F-riðli, unnu
góða sigra á laugardaginn. Svíar
sóttu Letta heim og sigruðu með
einu marki gegn engu þar sem
Kim Källström skoraði sigur-
markið.
Spánverjar fengu Liechten-
stein í heimsókn og unnu öruggan
sigur, 4-0. Eins og við var að búast
höfðu Spánverjar mikla yfirburði
í leiknum og hefði sigurinn getað
orðið mun stærri. David Villa
skoraði tvö mörk fyrir Spánverja
og þeir Fernando Torres og Luis
Garcia sitt markið hvor.
Svíar mæta Liechtenstein á
miðvikudaginn og Spánverjar
leika gegn Norður-Írum.
- dsd
Undankeppni EM, F-riðill:
Spánverjar og
Svíar sigruðu
FÓTBOLTI Það vakti óneitanlega
athygli þegar úrslit leikja á
laugardaginn í undankeppni EM
voru skoðuð að heimsmeistarar
Ítala gerðu aðeins jafntefli við
Litháen, 1-1, á heimavelli. Þetta
var fyrsti leikur ítalska liðsins
eftir sigurinn á HM og fyrsti
leikur liðsins undir stjórn
Roberto Donadoni.
Gennaro Gattuso var allt annað
en sáttur við frammistöðu liðsins.
„Ég er vonsvikinn að við náðum
ekki sigri fyrir Roberto Donadoni
þjálfara,“ sagði Gattuso.
Donadoni var samt sem áður
hinn rólegasti og kenndi slöku
líkamlegu formi um. „Þetta hefur
allt með formið að gera. Við
gerðum nokkrar stórar breyting-
ar og vorum óheppnir. Við vissum
að Litháar yrðu grimmir og helsta
ógnin frá þeim kom úr langskot-
um og sköllum,“ sagði Donadoni.
Ítalir mæta Frökkum á
miðvikudaginn og Gattuso sagði
leikmenn staðráðna í að gera
betur í þeim leik. „Þessi úrslit
draga ekkert kjarkinn úr okkur.
Ef eitthvað er mætum við enn
ákveðnari til leiks gegn Frökk-
um,“ sagði Gattuso. - dsd
Undankeppni EM:
Slæm byrjun
hjá Donadoni
ROBERTO DONADONI Fer ekki vel af stað
með ítalska landsliðið en það mætir
Frökkum á miðvikudaginn.
NORDIC PHOTOS/GETTY IMAGES
HANDBOLTI Markvörður danska
landsliðsins í handbolta og einn
besti markvörður heims, Kasper
Hvidt, mun leika með Spánar-
meisturum Barcelona á komandi
leiktíð. Þýska liðið Flensburg,
sem Viggó Sigurðsson þjálfar
næstu mánuði, hafði áhuga á að fá
Hvidt til liðs við sig en hann
hafnaði tilboði þess. „Það er rétt,
ég hafnaði Flensburg. Ég hef
engan áhuga á að spila fyrir það
félag,“ var haft eftir Hvidt.
Kasper Hvidt hefur spilað á
Spáni frá árinu 1997, ef frá er
talið eitt tímabil með Lemgo í
Þýskalandi, og lék nú síðast með
Portland San Antonio. - dsd
Spænski handboltinn:
Kasper Hvidt
hafnaði Viggó
KASPER HVIDT Einn besti markvörður
heims er genginn í raðir Barcelona.
NORDIC PHOTOS/GETTY IMAGES
HANDBOLTI Meistarar Kiel í þýsku
úrvalsdeildinni í handbolta unnu
auðveldan sigur á Wetzlar á
heimavelli sínum í gær. Lokatölur
urðu 40-22 eftir að staðan í
hálfleik hafði verið 18-10. Með
sigrinum komst Kiel upp í 5. sæti
deildarinnar, en liðið hefur unnið
tvo leiki og gert eitt jafntefli í
fyrstu þremur umferðunum.
Sænsku landsliðsmennirnir
Marcus Ahlm og Kim Andersson
voru markahæstir hjá Kiel með
átta mörk en Nikola Karabatic
kom næstur með sjö mörk.
- vig
Þýski handboltinn:
Stórsigur Kiel