Fréttablaðið - 04.09.2006, Síða 12

12 4. september 2006 MÁNUDAGUR
SAMGÖNGUMÁL Siglingar risaolíuskipa við
Íslandsstrendur færast nú mjög í vöxt og á
fyrstu sex mánuðum þessa árs hefur 61 slíkt
skip farið um íslensku landhelgina. Þau eru allt
að 100 þúsund tonn en stærri skip verða innan
tíðar á þessari siglingaleið ef að líkum lætur.
Ástæða þessara auknu olíuflutninga er að
Rússar flytja nú mikið magn olíu vestur um
haf. Sýnt er að þessir flutningar munu aukast
gríðarlega á næstu árum með aukinni hættu á
alvarlegum umhverfisslysum.
Trausti Valsson, prófessor við verkfræði-
deild Háskóla Íslands, segir í væntanlegri bók
sinni um hlýnun jarðar og afleiðingar hennar
að ef hafís haldi áfram að bráðna með sama
hraða og nú muni um eitt þúsund gas- og olíu-
flutningaskip á ári sigla um hafsvæðið í kring-
um Ísland innan áratugar.
Siglingastofnun Íslands, sem er í samstarfi
við systurstofnun sína Kystverket í Noregi við
eftirlit með siglingum flutningaskipa, hefur
upplýsingar um 61 stórt olíuskip sem hefur
siglt annað hvort norður eða suður fyrir Ísland
á þessu ári en í fyrra sigldu 17 stór olíuskip
meðfram ströndum landsins.
Kystverket hefur nýlega sent frá sér skýrslu
um skipulag dráttarbáta- og viðbragðsþjónustu
vegna flutninga á olíu og hættulegum efnum við
stendur Noregs. Þar kemur fram að um 50 millj-
ónir tonna af olíu verða fluttar vestur um haf
árið 2015. Líklegt er að skipin í þessum flutning-
um verði færri og stærri en nú gerist og sum
þeirra allt að 300 þúsund tonn. Til samanburðar
eru stærstu skip Eimskipafélagsins; Dettifoss
og Goðafoss, rúm 14 þúsund tonn, þó að taka
skuli fram að risaolíuskip og gámaflutningaskip
séu ekki að öllu leyti samanburðarhæf.
Björn Bjarnason dómsmálaráðherra fjallaði
um siglingar risaskipa innan landhelginnar í
ræðu um varnar- og öryggismál nýlega. „Allt
bendir til þess að mikilvægi siglingaleiðanna
austan og vestan Íslands á milli norðurslóða og
Norður-Ameríku eigi eftir að aukast í réttu
hlutfalli við olíu- og gasvinnslu í Barentshafi.
Áform um eflingu Landhelgisgæslu Íslands
taka meðal annars mið af fjölgun risastórra
olíu- og gasflutningaskipa á þessum slóðum.“
Björn segir jafnframt á heimasíðu sinni að allar
áætlanir um björgunarmál hljóti að taka mið af
siglingum risaskipanna. svavar@frettabladid.is
Risaolíuskip á siglingu í
íslensku landhelginni
Alls hefur 61 risaolíuskip siglt um íslensku landhelgina fyrstu sex mánuði ársins. Dómsmálaráðherra telur
að allar áætlanir um björgunarmál hérlendis þurfi að taka mið af þessum siglingum.
DETTIFOSS Tvö stærstu gámaflutningaskip Eimskipafélagsins eru 14.664 tonn. Stærstu risaolíuskip heims eru 500 þúsund tonn en sérfræðingar telja að færri og stærri skip
muni sinna olíuflutningum framtíðarinnar. FRÉTTABLAÐIÐ/GVA
RISAOLÍUSKIPIÐ MOSCOW Litlu mátti muna að þetta
rússneska risaolíuskip ylli stórfelldu olíuslysi við Nord-
kapp í Norður-Noregi árið 2003. Burðargeta skipsins er
100.000 tonn eins og skipin sem nú fara um íslenska
landhelgi.
VINNUMÁL Meðalaldur félagsmanna
VR í matvöruverslunum og stór-
mörkuðum hefur hríðfallið undan-
farin ár og er félaginu kunnugt um
mörg dæmi þess að börn á aldrin-
um þrettán til fjórtán ára hafi unnið
lengur en reglugerð um vinnu
barna og unglinga kveður á um, og
jafnvel á nóttunni, sem er óheimilt.
Gunnar Páll Pálsson, formaður
VR, segir þróunina áhyggjuefni.
„Við höfum verið að berjast
fyrir því að svo ungir krakkar séu
ekki að vinna mikið. Þetta gæti
verið alvarlegt mál ef eitthvað
kemur upp á, til dæmis er óvíst
hvort tryggingafélög telji að trygg-
ing gildi ef eitthvað slys á sér stað.
Þessir krakkar geta lent í erfiðum
málum og það geta komið upp mis-
tök og þjófnaðir,“ segir Gunnar
Páll.
Meðalaldur félagsmanna VR í
stórmörkuðum og matvöruverslun-
um hefur lækkað um sjö ár á sex
árum, en árið 2000 var meðalaldur-
inn 31,5 ár og nú 24,4 ár. Samkvæmt
reglugerð um vinnu barna og ungl-
inga mega börn á aldrinum þrettán
til fjórtán ára ekki vinna frá kl. átta
á kvöldin til sex á morgnana, nema
við sérstakar aðstæður og þá alls
ekki eftir miðnætti. Vinnan má ekki
vera meira en 35 klst. á viku á
sumrin en tólf klst. á veturna með
skóla. -rsg
Meðalaldur félagsmanna VR fer lækkandi:
Mörg börn vinna of mikið
GUNNAR PÁLL PÁLSSON Gunnar segir
að VR hafi fengið fjölda ábendinga og
fyrirspurna undanfarið frá foreldrum
varðandi vinnu barna sinna.
ÖRYGGISMÁL Sérsveit Ríkislögreglu-
stjóra, sprengjudeild Landhelgis-
gæslunnar og lögreglan í Kópa-
vogi voru kölluð út í Kópavogi
fyrir helgi þegar tilkynning barst
um að hugsanlegt tundurdufl
hefði fundist og var þetta í fyrsta
sinn sem sprengjusérfræðingar
Ríkislögreglustjóra og Landhelgis-
gæslunnar unnu að sameiginlegu
verkefni.
Hingað til hafa sprengju-
sérfræðingar stofnananna ekki
verið kallaðir út á sama tíma, en
lögreglu fannst ástæða til að
kalla þá til þegar torkennilegur
hlutur fannst við gröft vegna
framkvæmda í Löngubrekku.
Að sögn blaðafulltrúa Land-
helgisgæslunnar, Jóhanns
Baldurssonar, var um gamalt
hylki af tundurdufli að ræða en
engin hætta á ferðum. „Skeljar af
gömlum tundurduflum voru oft
notaðar sem olíutankar áður fyrr.
Við vitum ekki hvort þetta hylki
var notað sem slíkt en það er
hættulaust,“ segir Jóhann. - rsg
Hylki af tundurdufli fannst við Löngubrekku í Kópavogi:
Tvær sprengjudeildir í útkall
TUNDURDUFLSHYLKI Húseigendum í
Löngubrekku brá í brún þegar grafið var
niður á hylkið í framkvæmdum.
AÐSTOÐ Íslensk stjórnvöld munu
veita viðbótarframlag sem nemur
200.000 Bandaríkjadölum til
mannúðar- og neyðaraðstoðar á
sjálfstjórnarsvæðum Palestínu-
manna samkvæmt ákvörðun
Valgerðar Sverrisdóttur utanríkis-
ráðherra.
Áður hafði 90.000 Bandaríkja-
dölum verið veitt til hjálparstarfs
Rauða hálfmánans í Palestínu og
100.000 Bandaríkjadölum til
Flóttamannaaðstoðar Palestínu-
manna.
Framlag Íslands nemur nú
390.000 Bandaríkjadölum á þessu
ári, rúmlega 27 milljónum króna.
Viðbótarframlaginu nú verður
skipt jafnt á milli Barnahjálpar
Sameinuðu þjóðanna og Matvæla-
áætlunar Sameinuðu þjóðanna.
- sdg
Neyðaraðstoð til Palestínu:
Framlög nema
27 milljónum
STOKKHÓLMUR, AP Á alþjóðlegri
ráðstefnu í Stokkhólmi var
samþykkt að veita hinu
stríðshrjáða landi Líbanon um 940
milljónir dala í aðstoð til upp-
byggingar landsins, eða sem
svarar um 64 milljörðum króna.
Jafnframt var samþykkt að veita
Gaza-svæðinu jafnvirði um 34
milljarða króna.
Enn fremur voru ráðamenn í
Ísrael hvattir til þess að opna
landamærastöðvar við Gaza-
svæðið svo hægt verði að flytja
þangað hjálpargögn.
Á ráðstefnunni voru saman
komnir fulltrúar frá 60 ríkjum og
stofnunum, sem hétu því að
leggja fram fé til uppbyggingar-
og hjálparstarfsins. - gb
Ráðstefna í Stokkhólmi:
Stuðningur við
Líbanon og Gaza
Á RÁÐSTEFNUNNI Í STOKKHÓLMI
Carin Jamtin, þróunarráðherra sænsku
ríkisstjórnarinnar, ásamt Fuad Siniora,
forsætisráðherra Líbanons. FRÉTTABLAÐIÐ/AP
STJÓRNMÁL Anna
Kristín Gunnars-
dóttir, þingmaður
Samfylkingarinn-
ar í Norðvestur-
kjördæmi,
sækist eftir
endurkjöri. Anna
Kristín skipaði
annað sæti á lista
flokksins við síðustu kosningar.
Hún gefur kost á sér í 1.-2. sæti nú.
Anna Kristín er kennari og
hefur lokið meistaranámi í
menntunarfræðum. Hún kenndi í
og stýrði Farskóla Norðurlands
vestra – miðstöð símenntunar áður
en hún fór á þing. - bþs
Anna Kristín Gunnarsdóttir:
Sækist eftir
endurkjöri
ANNA KRISTÍN
GUNNARSDÓTTIR
BARIST GEGN ERNESTO Hitabeltis-
stormurinn Ernesto færðist yfir
Bandaríkin um helgina, en hafði
misst mikið afl og var veðurofsinn
mun mildari en óttast hafði verið.
Þó átti þessi kona í New Jersey í
fullu fangi með regnhlífina sína í
vindhviðunum. FRÉTTABLAÐIÐ/AP
700 tonn af hveiti
Bandaríski sendiherrann í Jórdaníu
lýsti því yfir á fimmtudaginn að þjóð
sín myndi senda 700 tonn af hveiti til
Líbanons. Þetta væri gert til að slá á
brýnustu þörfina.
BANDARÍKIN
Sundkennsla
Óvenjumargir drukknuðu í Svíþjóð
í júní og júlí, 55 manns. Vegna þess
hversu margir þeirra voru börn ætla
sænsk skólayfirvöld nú að tryggja að
öll börn í fimmta bekk geti synt að
minnsta kosti 200 metra. Drukkn-
un er þriðja algengasta banamein
sænskra barna og unglinga.
SVÍÞJÓÐ