Fréttablaðið - 04.09.2006, Blaðsíða 6
6 4. september 2006 MÁNUDAGUR
DÓMSMÁL Ef ekki er hægt að halda
sakborningum í gæsluvarðhaldi
svo lengi sem lögreglan telur
nauðsynlegt gæti það skaðað
rannsóknarhagsmuni. Þetta segir
Ingimundur Einarsson, varalög-
reglustjóri í Reykjavík.
Nýir úrskurðir Hæstaréttar,
þar sem þremur stórsmyglurum
fíkniefna var sleppt úr gæslu-
varðhaldi, svo og nýlega hand-
teknu burðardýri fíkniefna, hafa
vakið athygli. Ingimundur segir
fíkniefnamál oft vera mjög lengi í
rannsókn. Lögreglan þurfi að afla
upplýsinga, ekki einungis hér á
landi heldur einnig að utan. Í
úrskurði Héraðsdóms kemur
fram að lögreglan beið eftir rann-
sóknargögnum, í máli þremenn-
inganna, frá Hollandi.
„Það má ekki gleyma því að
þau afbrot sem menn eru að fást
við hér geta varðað allt að tólf ára
fangelsi,“ segir Ingimundur. „Þá
ber að halda því til haga að gæslu-
varðhaldstíminn kemur alltaf til
frádráttar endanlegum
afplánunartíma þegar dómur
gengur. Að þessu leyti er þetta
stefnubreyting hjá Hæstarétti,
sem kom til að mynda fram í dómi
sem gekk vegna úrskurðar sem
Héraðsdómur Reykjaness hafði
kveðið upp fyrir skömmu. Í því
tilviki taldi Hæstiréttur að málið
væri búið að vera það lengi í rann-
sókn að menn ættu að vera tilbún-
ir að leggja fram ákæru. Þá þótt-
umst við merkja að Hæstiréttur
væri að fara inn á nýjar brautir.“
Hvað varðar burðardýrið sem
reyndi að smygla inn í landið
tveimur kílóum af kókaíni 9.
ágúst og Hæstiréttur úrskurðaði í
vikunni að sleppt skyldi úr gæslu-
varðhaldi segir Ingimundur að sá
úrskurður sé nokkuð sem menn
hafi ekki séð áður.
„Hæstiréttur telur að ekki séu
skilyrði til að halda þessum ein-
staklingi í gæsluvarðhaldi vegna
almannahagsmuna sem er að
finna í 2. málsgrein 103. greinar
almennu hegningarlaganna,“
bætir hann við.
Spurður hvort hugsanlegt sé
að aukin tímapressa á lögregluna
hafi áhrif á rannsókn fíkniefna-
mála segir Ingimundur að dæmi
séu um það. Ekki sé hægt að halda
mönnum inni eins lengi og talið sé
nauðsynlegt og það geti skaðað
rannsóknarhagsmuni. Það er þó
ekki raunin varðandi þá þrjá
menn sem sleppt var úr haldi í
vikunni.
„Við erum komnir með þær
upplýsingar sem við þurfum á að
halda, að mestu leyti. En við
þekkjum dæmi þar sem málum
hefur verið vísað frá dómi vegna
ófullnægjandi rannsóknar.“
jss@frettabladid.is
LAUSAGÆSLA Þremenningarnir og burðardýrið sem sátu í gæsluvarðhaldi voru í
lausagæslu en ekki í einangrun, eins og margir hafa haldið. Þeir bjuggu við sama
kost og afplánunarfangar.
Ósáttur við úrskurði
Hæstaréttar Íslands
Úrskurðir Hæstaréttar, þar sem fjórum fíkniefnasmyglurum var sleppt úr
gæsluvarðhaldi, hafa vakið athygli. Varalögreglustjórinn í Reykjavík segir of
mikla tímapressu geta skaðað rannsóknarhagsmuni.
HÁTÍÐ Talið er að hátt í fjörutíu
þúsund manns hafi verið í Reykja-
nesbæ á laugardagskvöld vegna
Ljósanæturhátíðar. „Hátíðin í
heild hefur tekist mjög vel. Það
var yndislegt veður, logn og sól í
bænum. Þetta er sjöunda Ljósa-
næturhátíðin og sú albesta,“ segir
Valgerður Guðmundsdóttir, menn-
ingarfulltrúi í Reykjanesbæ. Um
hundrað myndlistarmenn sýndu
verk sín á Ljósanótt um helgina
en áhersla var lögð á menningar-
viðburði á hátíðinni.
Hápunktar Ljósanætur voru
stórtónleikar og flugeldasýning
við sjávarbakkann á laugardags-
kvöld. Sálin hans Jóns míns og
fleiri komu fram og bergrisinn
Ægir gnæfði yfir áhorfendur og
dansaði í ljósunum af flugeldun-
um í atriði á vegum KB banka.
Að sögn lögreglu gekk hátíðin
stórslysalaust fyrir sig en mikið
var um ölvun og óspektir eftir að
formlegri dagskrá lauk með flug-
eldasýningunni um kvöldið og
fram eftir nóttu.
68 unglingar voru færð í
athvarf fyrir ungmenni vegna
ölvunar. Ljósanótt Reykjanes-
bæjar lauk með djasstónleikum í
Listasafni Reykjanesbæjar í gær-
kvöldi. - rsg
Hundrað myndlistarmenn sýndu verk sín í Reykjanesbæ:
Fjörutíu þúsund gestir á Ljósanótt
LJÓSANÓTT Norðurljósin veittu flugeldasýningunni harða samkeppni og þótti samspil
ljósanna á Ljósanótt stórbrotið. MYND/ VÍKURFRÉTTIR
KJÖRKASSINN
Finnst þér yfirlýsingar Seðla-
bankastjóra um Kárahnjúka-
mál viðeigandi?
Já 25%
Nei 75%
SPURNING DAGSINS Í DAG:
Á stjórnarandstaðan að mynda
kosningabandalag fyrir næstu
þingkosningar?
Segðu þína skoðun á visir.is
AFMÆLI Fólk á öllum aldri lagði leið sína á opið
hús í Straumsvík í gær sem haldið var í tilefni
fjörutíu ára afmælis Alcan í Straumsvík. Boðið
var upp á skoðunarferðir um álverið undir
leiðsögn starfsmanna ásamt skemmtun fyrir
börn og fullorðna.
Meðal skemmtiatriða var söngskemmtun
með Guðrúnu Gunnarsdóttur og Friðrik Ómari,
þá tóku Gunni og Felix lagið við miklar
vinsældir yngri kynslóðarinnar. Boðið var upp
á léttar veitingar og virtust allir skemmta sér
vel enda skartaði veðrið sínu fegursta.
Fólk sem tekið var tali þótti hugmyndin að
opnu húsi góð og hafði Jónas Bjarnason á orði
að hann myndi sennilega sækja um vinnu eftir
að hafa skoðað svæðið, svo vel leist honum á
staðinn. Birgitta kona hans sagði öryggismál
greinilega í góðu lagi og mikið gert fyrir
starfsfólkið. Saman höfðu þau hjónin notið þess
að hlusta á óperukór Hafnarfjarðar á afmælis-
hátíðinni.
Mæðginin Guðlaug Sigmundsdóttir og Sölvi
Mar Ottósson komu til að skoða og skemmta sér
en heimilisfaðirinn vinnur á staðnum og eru
þau því ekki að koma á svæðið í fyrsta sinn.
Samkvæmt upplýsingum Ómars Halldórs-
sonar, verkstjóra öryggismála hjá Alcan, mættu
um 5.000 manns í afmælið og var dagurinn
mjög vel heppnaður og óhappalaus. - hs
Um fimm þúsund manns lögðu leið sína í Straumsvík:
Afmælishátíð í álverinu í Straumsvík
OPIÐ HÚS Í STRAUMSVÍK Hluti dagskrárinnar var
utandyra og skemmtu börnin sér vel í uppblásinni
rennibraut sem var á svæðinu.
ORKUVEITAN Orkuveita Reykjavík-
ur ætlar að leggja áherslu á
umhverfismálin og hefur
forstjóranum verið falið að
endurskoða stefnu fyrirtækisins
með það fyrir augum.
Orkuveitan hefur áhuga á að
koma upp rannsóknarsamstarfi
við háskólana á starfssvæði
Orkuveitunnar. Hluta verkefna
verður úthýst „til að fá kraft og
hugmyndir frá háskólunum og
brúa bilið milli viðskiptalífs og
háskólasamfélags,“ segir
Guðlaugur Þór Þórðarson
stjórnarformaður.
Orkuveitan ætlar að setja sér
töluleg markmið þannig að innan
ákveðins tíma verði allir eða nær
allir bílar fyrirtækisins á
umhverfisvænu eldsneyti. - ghs
Orkuveita Reykjavíkur:
Bílarnir gangi
fyrir metangasi
NÁM Viðskiptaháskólinn á Bifröst
hefur skipt um nafn og heitir nú
Háskólinn á Bifröst. Rektor
skólans, Runólfur Ágústsson,
tilkynnti þetta við setningu
skólans í gær.
„Þegar Bifröst fékk heitið
Viðskiptaháskólinn á Bifröst árið
2000 var skólinn sérhæfður
viðskiptaháskóli en í dag erum
við með mjög fjöldbreytt nám til
BA- og BS-gráðu í þremur
deildum; viðskiptadeild, lagadeild
og félagsvísindadeild, og á annað
hundrað manns eru í meistara-
námi.
Nafnabreytingin tekur mið af
því,“ segir Runólfur. Hann segir
að stjórn skólans hafi hugmyndir
um að víkka starfssvið skólans
enn frekar og á stefnuskránni sé
að stofna nýja kennaradeild árið
2008 sem býður upp á almennt
kennaranám. - rsg
Viðskiptaháskólinn á Bifröst:
Skólanum gefið
nýtt nafn
LÖGREGLUMÁL Lagt var hald á um
sjötíu kannabisplöntur sem
fundust við húsleit í Kópavogi
fyrir helgi.
Plönturnar fundust í íbúð í
fjölbýlishúsi, hjá manni á
fertugsaldri sem áður hefur
komið við sögu lögreglunnar
vegna sams konar mála. Maður-
inn hafði ræktað plönturnar í
tveimur herbergjum íbúðar
sinnar þar sem hann býr einn.
Hann hafði hlúð vel að plöntun-
um, sett upp þar til gerð ljós og
var vel birgur af plöntuáburði.
Manninum var sleppt að
loknum yfirheyrslum en málið er
enn í rannsókn lögreglu.
- æþe
Fíkniefnaeftirlit lögreglunnar:
Kannabisskóg-
ur í Kópavogi
FLUG Fjórir Íslendingar voru
meðal farþega í vél færeyska
flugfélagsins Atlantic Airways
sem nauðlenti í Björgvin í gær en
þá sakaði ekki.
Frá þessu var greint á vefnum
Skessuhorn.is. Fulltrúar Akranes-
kaupstaðar og Faxaflóahafna
voru í vélinni, sem var á leið frá
Kaupmannahöfn til Færeyja, og
ætluðu mennirnir að kanna
ástand strandferðaskipsins
Barsskor sem Akurnesingar hafa
samþykkt að kaupa á eina krónu.
Ekki var hægt að lenda í
Færeyjum vegna bilunar í
vængbörðum vélarinnar og lengri
flugbraut þurfti til að stöðva
flugvélina giftusamlega með
bremsum í hjólum einum saman.
Vélinni var snúið til Björgvinjar
og tókst lendingin betur en á
horfðist.
Níutíu farþegar voru í
flugvélinni.
- rsg
Bilun í vængbörðum:
Færeysk flugvél
nauðlenti