Fréttablaðið - 04.09.2006, Blaðsíða 73

MÁNUDAGUR 4. september 2006 33
SEPTEMBER-TILBOÐ!
Ekki missa af þessu tækifæri.
15%afslætti
FÓTBOLTI Forráðamenn Barcelona
vilja ólmir fá hinn sænska Henrik
Larsson til baka til félagsins, þó
ekki til að spila með liðinu heldur
til að að gefa honum og stuðnings-
mönnum félagsins tækifæri til að
kveðjast formlega. Larsson
komst í sögubækur félagsins með
innkomu sinni í úrslitaleik
Meistaradeildarinnar á síðustu
leiktíð þar sem hann lagði upp
bæði mörk Barca gegn Arsenal
en sneri til Helsingborgar í
heimalandi sínu í sumar.
Forráðamenn Barca vilja
halda kveðjuathöfn fyrir Larsson
fyrir heimaleikinn gegn Osasuna
um næstu helgi og leggja mikla
áherslu á að leikmaðurinn verði á
staðnum. Eins og kunnugt er var
Eiður Smári Guðjohnsen að stóru
leyti keyptur til Barcelona til að
fylla upp í plássið sem Larsson
skildi eftir sig.
- vig
Forráðamenn Barcelona:
Vilja fá Larsson
til baka
HENRIK LARSSON Var borinn á gullstól
eftir að hafa leitt Barcelona til sigurs í
Meistaradeildinni í vor.
NORDICPHOTOS/GETTY IMAGES
KÖRFUBOLTI Spánverjar urðu í gær
heimsmeistarar í körfubolta þegar
þeir lögðu Grikki í úrslitaleik, 70-
47. Grikkir, sem eru ríkjandi Evr-
ópumeistarar og unnu Bandaríkja-
menn í undanúrslitum, sáu aldrei
til sólar í leiknum eins og stiga-
fjöldinn gefur til kynna.
Staðan í hálfleik var 43-23 og
Grikkir skoruðu aldrei meira en
13 stig í einum leikhluta. Sannað-
ist hið fornkveðna að enginn spil-
ar betur en andstæðingurinn leyf-
ir og Spánverjar áttu sigurinn
fyllilega skilinn. Spænska liðið lék
án sinnar stærstu stjörnu, Pau
Gasol, sem var meiddur en það
virtist ekki koma að sök.
Spánverjar náðu forystunni
strax í byrjun leiks og staðan eftir
fyrsta leikhluta var 18-12. En í
öðrum leikhluta má nánast segja
að Spánverjar hafi gert út um leik-
inn þegar þeir skoruðu 25 stig
gegn 11 stigum Grikkja og staðan
í hálfleik 43-23. Spánverjar héldu
ró sinni og einbeitingu og lentu
aldrei í vandræðum með lánlausa
Grikki.
Jorge Garbajosa og Juan-
Carlos Navarro voru stigahæstir
hjá Spánverjum með 20 stig en
Garbajosa setti m.a. niður 6
þriggja stiga körfur, auk þess sem
hann tók 10 fráköst. Michail Kaki-
ouzis var langbesti maður Grikkja
í leiknum en hann skoraði 17 stig
og tók 9 fráköst. - dsd
Heimsmeistarakeppnin í körfubolta:
Spænskir yfirburðir
SPÁNVERJAR HEIMSMEISTARAR Pau Gasol sést hér lyfta bikarnum. Hann var meiddur
í gær og gat ekki leikið með en það kom ekki að sök. NORDIC PHOTOS/GETTY IMAGES
FÓTBOLTI Zinedine Zidane, fyrrum
fyrirliði franska landsliðsins og
leikmaður Real Madrid, neitar að
taka við launagreiðslum frá Real
Madrid þótt hann eigi fullan rétt
á þeim.
Zidane ákvað sem kunnugt er
að leggja skóna á hilluna í sumar
þrátt fyrir að eiga eitt ár eftir af
samningi sínum við Real og ákvað
spænska félagið að verða við
þeirri ósk snillingsins gegn því að
hann ynni sem útsendari og
sendiherra fyrir félagið á þessu
keppnistímabili. Fyrir það átti
Zidane að fá sex milljónir evra á
árinu, eða rúmlega hálfan
milljarð íslenskra króna. Zidane
telur hins vegar ekki rétt af sér
að þiggja þau laun.
„Þetta er dæmigert fyrir
Zidane og sýnir hversu mikill
öðlingur hann er. Hans framlag til
Real Madrid var og er ennþá
ómetanlegt,“ sagði talsmaður
Real við spænska blaðið AS.
Forráðamenn Real Madrid vinna
nú hörðum höndum að því að ná
samkomulagi við franska
knattspyrnusambandið um að
spila góðgerðarleik til heiðurs
Zidane, á milli Real og franska
landsliðsins. - vig
Zinedine Zidane:
Þiggur ekki laun
frá Real Madrid
ZINEDINE ZIDANE Lætur gott af sér leiða
og gerir sitt besta til að laga ímynd sína.
NORDICPHOTOS/GETTY IMAGES