Fréttablaðið - 05.09.2006, Blaðsíða 15

ÞRIÐJUDAGUR 5. september 2006 15
TEHERAN, AP Kofi
Annan, aðalrit-
ari Sameinuðu
þjóðanna, þótti
óvirtur af
forseta Írans í
heimsókn sinni
þangað á
dögunum.
Annan hafði
mælst til þess að
ríkjandi
söguskoðun um helför gyðinga í
seinni heimsstyrjöldinni, væri
ekki dregin opinberlega í efa af
írönskum ráðamönnum, því það
myndi vekja reiði Ísraelsmanna.
Lokadag heimsóknar Annans
tilkynntu Íranar hins vegar um
væntanlega ráðstefnu í Íran, en á
henni er ætlað að rannsaka
svokallaðar ýkjur um helförina.
Kofi Annan brást við með
yfirlýsingu um að hann teldi
helförina „óyggjandi sögulega
staðreynd“. - kóþ
Deilur um söguskoðun:
Annan lítils-
virtur í Íran
KOFI ANNAN
SVÍÞJÓÐ Sænski presturinn Helge Fossmo
hefur viðurkennt að hafa skipulagt morð á
eiginkonu sinni í bænum Knutby í Svíþjóð
fyrir nokkrum árum. Fossmo viðurkenndi
morðið í sjónvarpsviðtali í síðustu viku, að
sögn vefútgáfu Expressen.
Í ársbyrjun 2004 var lögreglu tilkynnt um
skotárás á tvo menn í Knutby, þar á meðal
eiginkonu Fossmos sem fannst látin í rúmi
sínu. Barnfóstra fjölskyldunnar, Sara Svens-
son, játaði strax á sig morðið.
Nokkrum vikum síðar var Helge Fossmo
tekinn höndum. Um leið hófst rannsókn á
andláti fyrri eiginkonu hans sem lést þegar
hún datt í baði árið 1999.
Við rannsókn lögreglu kom í ljós að Foss-
mo hafði ægivald yfir barnfóstrunni, hafði
skipulagt morðið á eiginkonu sinni og notað
Svensson sem handbendi sitt. Þetta var þó
aðeins hluti af heildarmyndinni því Fossmo
var alvaldur í söfnuðinum í Knutby. Söfn-
uðurinn hafði einangrað sig frá umheimin-
um.
Sumarið 2004 var Svensson dæmd til vist-
ar á réttargeðdeild en Fossmo dæmdur í ævi-
langt fangelsi. Hann var dæmdur á grund-
velli skipana í sms-skilaboðum til Svensson
en hann hefur alltaf neitað hlutdeild í morð-
inu þar til nú. - ghs
LÖGREGLA KÖLLUÐ TIL Barnfóstra fjölskyldunnar ját-
aði á sig morðið fljótlega eftir að rannsókn lögreglu
hófst en presturinn játaði ekki fyrr en í sjónvarpsvið-
tali í vikunni.
Sænskur prestur, sem lagði á ráðin um morð á eiginkonu sinni, hefur játað:
Fossmo var alvaldur í söfnuðinum
MENNTAMÁL Nefnd sem vinnur að
heildarendurskoðun laga um
grunnskóla auglýsir eftir
athugasemdum og ábendingum
frá almenningi um hvaða
meginsjónarmið ætti að hafa að
leiðarljósi við endurskoðunina og
hver framtíðarsýn eigi að vera í
málefnum grunnskólans.
Nefndin, sem var skipuð af
menntamálaráðherra, hefur
haldið fundi með fjölmörgum
hagsmunaaðilum og. Stefnt er að
því að nefndin ljúki störfum í
ársbyrjun 2007.
Nánari upplýsingar er að finna
á heimasíðu menntamálaráðu-
neytisins. - sdg
Lög um grunnskóla í skoðun:
Nefndin vill fá
álit almennings
Tveir ölvaðir undir stýri
Lögreglan í Borgarnesi stöðvaði um
liðna helgi tvo ökumenn sem reynd-
ust ölvaðir undir stýri. Báðir voru þeir
stöðvaðir við reglubundið eftirlit.
LÖGREGLURÉTTIR
LÍKNARMÁL Styrktarfélag Krabba-
meinssjúkra barna og EJS,
umboðsaðili Dell á Íslandi,
skrifuðu í liðinni viku undir
samstarfssamning, en öll börn á
aldrinum tíu til átján ára sem
greinast með krabbamein munu
fá Dell fartölvu að gjöf frá EJS.
Samningurinn, sem er til
tveggja ára, skiptir sköpum fyrir
þjónustu Styrktarfélagsins, en
krabbameinssjúk börn eru oft
fjarri skóla vegna lyfjameðferðar
og munu fartölvurnar nýtast
börnunum í fjarnáminu. Styrktar-
félag krabbameinssjúkra barna
varð fimmtán ára á laugardag.
- rsg
EJS styrkir krabbameinssjúka:
Fá tölvur sem
nýtast í fjarnámi
UNDIRRITUN Jón Viggó Gunnarsson,
forstjóri EJS, og Óskar Örn Guðbrands-
son, framkvæmdastjóri SKB, undirrituðu
samninginn að viðstöddum Jóhanni
Bjarna Þorsteinssyni, Snædísi Björtu
Ágústsdóttur og Þóri Valdimarssyni sem
fengu fartölvu að gjöf.