Fréttablaðið - 05.09.2006, Blaðsíða 40

5. september 2006 ÞRIÐJUDAGUR28
menning@frettabladid.is
! Kl. 12.00Inga Þöll Þórgnýsdóttir hdl. heldur
fyrirlestur á vegum Lögfræðitorgs
Háskólans á Akureyri um máls-
meðferðarreglur stjórnsýslunnar.
Fyrirlesturinn fer fram í stofu 25 í
Þingvallastræti 23.
> Ekki missa af...
sýningunni Guðs útvalda þjóð í
galleríi Kling & bang við Lauga-
veg. Líðlega þrjátíu listamenn,
bæði myndlistar- og tónlistarfólk
taka þátt í þessu eldfima sam-
starfsverkefni en sýningarstjóri er
Snorri Ásmundsson.
fyrstu tónleikum Sinfóníu-
hljómsveitar Íslands í vetur.
Ef veður leyfir munu hljóðfæra-
leikararnir mæta á Austurvöll
næstkomandi fimmtudag og
leiða gesti inn í vetrardagskrána
með ljúfum útitónleikum.
Jazzhátíð í Reykjavík sem
hefst í lok mánaðarins. Góðir
gestir og liðtækir heimamenn
leiða saman hesta sína en í ár
mæta meðal annars Kurt Elling
og Bill Holman.
Barítónsöngvarinn Jón Svavar Jósefsson heldur
sérstaka tónleika ásamt píanóleikaranum Helgu
Bryndísi Magnúsdóttur í Dalvíkurkirkju í kvöld en þar
verður lögð áhersla á drauga- og hestalög. Á efnis-
skránni eru til að mynda klassísk hestalög eins og
„Sprettur“ og „Á Sprengisandi“ í krassandi flutningi
en að sögn Jóns Svavars verður
skrautfjöðurin líklega „Draugadans“
Jóns Leifs. „Það er all sérstakt lag
sem ekki allir þekkja en draugalegt
er það,“ úskýrir hann. Auk þess
flytja Jón Svavar og Helga Bryndís
nokkrar aríur og átthagalög.
Jón Svavar stundar nám í
óperudeild Tónlistarháskólans í Vín
í Austurríki en á sumrin járnar hann
hesta og kveðst hafa af því gaman.
„Það er góð tilbreyting,“ útskýrir
hann. „og það er líka yndislegt að
syngja í hesthúsum, þar er góður
hljómur og hestarnir eru prýðisáheyrendur – hvort
sem þeim líkar það betur eða verr.“
Hestamennskan er sameiginlegt áhugamál Jóns
og Helgu en hún starfar sem organisti og kórstjóri
í Möðruvallasókn og í Svarfaðardal. Helga Bryndís
lauk kennara- og einleiksprófi frá Tónlistarskólanum
í Reykjavík árið 1987 og stundaði
síðar framhaldsnám í Vínarborg og
Helsinki. Helga hefur haldið fjölda
einleikstónleika og leikið til dæmis
með Sinfóníuhljómsveit Íslands,
Sinfóníuhljómsveit Norðurlands og
Caput-hópnum.
Næstkomandi fimmutdagskvöld
halda Jón Svavar og Helga tónleika
steinsnar frá höfuðborginni en þá
koma þau fram á Draugasetrinu á
Stokkseyri. Tónleikarnir hefjast kl.
20.30 og er frítt inn á þá báða fyrir
drauga og ófermda.
Draugalög og hestasöngvar
HESTAMENNSKA OG SÖNGUR
HEFUR LÖNGUM FARIÐ SAMAN
Jón Svavar og félagi hans Sæli-
mon frá Stokkseyrarseli.
Vaka-Helgafell endurútgefur bókina Undan illgres-
inu eftir Guðrúnu Helgadóttur en þar segir frá Mörtu
Maríu sem flytur í dularfullt hús þar sem skrítnir
nágrannar valda henni heilabrotum og furðulegir
hlutir eiga sér stað. Guðrún Helgadóttir er einn ást-
sælasti barnabókahöfundur landsins en þessi bók
hennar hlaut Norrænu barnabókaverðlaunin árið
1992. Um myndskreytingar sér Gunnar Karlsson.
Ævintýri sjóræningjanna sem farið
hafa hamförum á hvíta tjaldinu undanfarið rata nú á
bók en Vaka-Helgafell gefur út bókina Sjóræningjar
Karíbahafsins: Dauðs manns kista í þýðingu Árna
Óskarssonar. Í sögunni kynnast lesendur baráttu
skúrksins og skipstjórans Jack Sparrow við hinn
ógurlega Davy Jones sem stýrir draugaskipinu
Hollendingnum fljúgandi en hið ólukkulega par,
Elísabet Swann og Will Turner, dragast á ný inn í
vandræði hans.
Sagan um Dimmalimm eftir myndlistarmanninn
Guðmund Thorsteinsson, Mugg, er nú endur-
útgefin í tíunda sinn. Bók þessi hefur um árabil
verið ein vinsælasta barnabók Íslendinga, ekki
síst vegna hrífandi myndskreytinga listamanns-
ins en ævintýrið samdi Muggur árið 1921 handa
lítilli frænku sinni.
Sagan um Dimmalimm hefur verið þýtt á fjölda-
mörg tungumál og gengið í endurnýjun lífdaga
bæði í formi leikrita og tónverka en tímalaus
boðskapur sögunnar virðist alltaf eiga við og
snerta hjörtu fólks á öllum aldri.
EIN VINSÆLASTA BARNABÓK ALLRA TÍMA
Sagan um Dimmalimm kemur út í tíunda sinn.
BREYSKAR HETJUR HVÍTA TJALDSINS Á BÓK
Ævintýri sjóræningjanna hafa slegið í gegn.
LEYNDARDÓMAR Í GÖMLU HÚSI
Marta María þolir ekki leyndarmál.
HVAÐ? HVENÆR? HVAR?
SEPTEMBER
2 3 4 5 6 7 8
Þriðjudagur
■ ■ ÚTIVIST
 18.45 Gönguhópur SÁÁ tekur
stefnuna á Helgafell, suðaustur
af Hafnarfirði. Fararstjóri verður
Valgerður Rúnarsdóttir, læknir á
Vogi, og eru þátttakendur hvattir
til að taka með sér gesti. Mæting
við bílastæðið við kirkjugarðinn í
Hafnarfirði.
■ ■ SÝNINGAR
 12.00 Hildur Margrétardóttir
sýnir í Skotinu, Ljósmyndasafni
Reykjavíkur. Sýningin er opin milli
kl. 12-19 virka daga en 13-17 um
helgar. Hildur hefur haldið utan um
tug einkasýninga og tekið þátt í
fjölmörgum samsýningum á síðustu
tíu árum. Auk ljósmyndaverka hefur
hún gert bókverk, innsetningar, kvik-
myndir og gjörninga. Sýningin stend-
ur til 27. september. Í safninu stend-
ur einnig yfir sýning á ljósmyndum
Andrésar Kolbeinssonar.
■ ■ SÍÐUSTU FORVÖÐ
 10.00 Sýningunni Sú þrá að
þekkja og nema í anddyri
Amtsbókasafnsins á Akureyri
lýkur um helgina. Sýningin fjallar um
ævi og störf Jónasar Jónassonar
frá Hrafnagili og er sett upp í tilefni
af 150 ára afmæli hans. Á sýning-
unni gefur á að líta ýmsa muni úr
eigu Jónasar meðal annars messu-
hökla, skjöl, bækur og önnur rit.
■ ■ BÆKUR
 12.05 Hjaltlandseyjaskáld sækja
Ísland heim og lesa úr verkum
sínum á vegum Stofnunar Vigdísar
Finnbogadóttur í Lögbergi, stofu
102. Fram koma Lise Sinclair,
Donald S. Murray, Matthew
Wright og Jen Hadfield,
hvar@frettabladid.is
ÆVINTÝRALESNING
Nú stendur yfir opin vika í Kram-
húsinu í Bergstaðastræti en í ár er
þar í fyrsta sinn boðið upp á skipu-
lagða prufutíma. Tímarnir eru
ætlaðir þeim sem vilja kynna sér
úrvalið og stíga sín fyrstu spor, til
dæmis í karabískum dansi, fla-
mengó, afró eða magadansi.
Auk dansins er líka boðið upp á
leikfimi og jóga í Kramhúsinu auk
leiklistar- dans- og hugleiðslunám-
skeiða fyrir börn og unglinga.
Dagskrá Kramhússins hefst
svo samkvæmt stundaskrá mánu-
daginn 11. sept. en einstaka tímar
hefjast fyrr. Fyrsti gestakennari
vetrarins er Guyom, frá Frakk-
landi, einnig er von á magadans-
dívunni Sofiu Vester frá Dan-
mörku.
Nánari upplýsingar um dag-
skrá vetrarins má finna á www.
kramhusid.is. - khh
Opið hús í orkustöð
Vegna fjölda áskorana verður sýn-
ingum á myndbandstónverkinu
„Eins og sagt er“ eftir Ólöfu Arnalds
haldið áfram í Þjóðmenningarhús-
inu en verið var sýnt þar á Menning-
arnótt.
Í verkinu flytur Ólöf frumsamda
tónlist og syngur á átján tungumál-
um í níu myndrömmum samtímis
svo úr verður alþjóðleg tónkviða.
Ólöf gerði heimildarmynd um söfn-
un textanna í New
York borg sumarið
2005. Þar tók hún
viðtöl við fólk af
ólíku þjóðerni og
kynnti sér viðhorf
þess til uppruna
síns, tónlistar og
móðurmálsins.
Heimildarmynd-
in og verkið eru sýnd viðstöðulaust
milli kl. 11-17 en sýningunni lýkur
þann 22. september. - khh
Linnulaust
FRÁBÆRT TÆKIFÆRI Forvitnir geta stigið
sín fyrstu tangóspor í vikunni.
ÓLÖF ARNALDS
����������������� ������������������ �������
�� ������������������������������������������������
�
�
�
���
��
��
��
���
��
��
��
��
���������������������������������������
���������������������� ���� ��
���������������
��������
Síðastliðinn laugardag var
opnuð í Hafnarborg sýning-
in Mega vott. Aðstandendur
sýningarinnar eru fjórir
íslenskir listamenn, þær
Ragnhildur Stefánsdóttir,
Anna Eyjólfsdóttir, Þórdís
Alda Sigurðardóttir og
Rúrí, auk Jessicu Stock-
holder frá Bandaríkjunum.
Jessica Stockholder hefur haldið
sýningar um allan heim síðustu
tvo áratugi. Verk hennar hafa
vakið mikla athygli og eru það
ekki síst efnistök hennar sem
þykja merkileg. Jessica finnur
efnivið sinn oft í hversdagslegum
hlutum, og eins verða innviðir
innsetninga hennar hluti af verk-
inu. Grindur, stoðir og snúrur
hvers konar þjóna þannig fagur-
fræðilegum tilgangi.
Verk Ragnhildar á sýningunni
snúast um „sjálf“ manneskjunnar
sem nær út fyrir hinn líffræði-
lega líkama. „Sjálfið geymir allt
sem við höfum upplifað, allar
minningar og alla reynslu ævi
okkar,“ segir Ragnhildur.
„Hinn líffræðilegi líkami er
alltaf að breytast og frumurnar
endurnýjast. Samt sem áður
geyma þær þessar minningar. Ég
vinn með þetta ósýnilega minni
líkamans,“ útskýrir Ragnhildur,
sem segir þessar hugmyndir
tengjast hugmyndum um áru
fólks. „Við gefum alltaf frá okkur
einhverjar bylgjur og finnum
fyrir þeim hvort hjá öðru. Við
höfum áhrif hvort á annað. Það
sem ég geri þér geri ég sjálfri
mér líka. Þessa óljósu stöðu til-
finninganna – ósýnileg tengslin
milli fólks – reyni ég að vinna
með í verkum mínum.“
Þórdís og Anna nota eins og
Jessica oft hversdagslega hluti úr
umhverfinu í sín verk og á sýn-
ingunni eru þær með stórar inn-
setningar. Rúrí sýnir einnig inn-
setningu sem er samansett af
myndbandsverki og ljósmyndum.
Hluti af sýningunni er gjörn-
ingurinn Tileinkun eftir Rúrí sem
íslensku listamennirnir ásamt
fleirum munu flytja við Almanna-
gjá á Þingvöllum við brúna yfir
Öxará (Drekkingarhyl) kl. 18 í
dag.
Listamennirnir koma allir að
viðfangsefnum sínum úr ólíkri
átt, en þó má finna ákveðinn sam-
eiginlegan þráð í verkum þeirra
sem er athuganir á margbreyti-
leika samtímans. Sýningin er
heildstæð upplifun, mjög kraft-
mikil staðfesting á þeirri grósku
sem er að finna í skúlptúr bæði
hér á landi og í heiminum. Það
er óhætt að mæla með því að les-
endur blaðsins skelli sér til Hafn-
arfjarðar á næstunni. Mega vott
stendur yfir til 2. október.
sunna@frettabladid.is
RAGNHILDUR STEFÁNSDÓTTIR Vinnur með hið ósýnilega minni líkamans.
FRÉTTABLAÐIÐ/HÖRÐUR
Mega vott í Hafnarborg