Fréttablaðið - 05.09.2006, Blaðsíða 42

Fréttablaðið - 05.09.2006, Blaðsíða 42
 5. september 2006 ÞRIÐJUDAGUR30 Fyrsti opni vetrarfundur Femín- istafélags Íslands fer fram á Thorvaldsen Bar í kvöld en þar verður rætt um málefni kvenna í tengslum við hnattvæðingu og atvinnumál. „Umræðuefni kvöldsins er raunar tvíþætt,“ útskýrir Stein- unn Gyðu- og Guðjónsdóttir hjá Femínistafélaginu. „Annars vegar hefur verið rætt talsvert undanfarið um málefni tveggja erlendra kvenna sem neitað var um dvalarleyfi hér á landi eftir að hafa komið úr ofbeldisfullum hjónaböndum með íslenskum mönnum og hins vegar hafa skap- ast líflegar umræður um heimil- ishjálp á póstlista Femínistafé- lagsins og því munum við helga þetta fyrsta „hitt“ alþjóðavæð- ingu og kynjavídd hennar.“ Steinunn bendir á að margar erlendar konur hafi tekið að sér þrif á heimilum Íslendinga en slík vinna sé oft ekki gefin upp og því njóti slíkir starfskraftar ekki trygginga og réttinda sem lögleg atvinna veitir. „Þetta er áhugavert í samhengi við baráttu verkalýðsfélaganna sem hafa undanfarið barist gegn undirboð- um og svartri vinnu. Þar er í langflestum tilvikum um karla- störf að ræða en konur hafa verið í meirihluta erlends vinnuafls hér á landi þar til virkjunarfram- kvæmdirnar fóru í gang. „Mér að vitandi hefur ekki verið gerð úttekt eða rannsókn á þessum óopinbera geira atvinnumark- aðarins hérlendis og því er ekki hægt að segja til um hversu algengt þetta er,“ útskýrir Stein- unn. Frummælendur á fundinum í kvöld verða Silja Bára Ómars- dóttir, forstöðumaður Alþjóða- málastofnunar Háskóla Íslands, sem mun fjalla um alþjóðavæð- inguna og áhrif hennar á stöðu kvenna; Tatjana Latinovic, for- maður Félags kvenna af erlend- um uppruna, ræðir um stöðuna hér á landi og hvernig okkur tekst að gera Ísland að fjölmenn- ingarsamfélagi og að lokum mun Margrét Steinarsdóttir, lögfræð- ingur hjá Alþjóðahúsi, fjalla um lagalegar hliðar og mál þau sem koma til kasta Alþjóðahússins. Fundurinn er öllum opinn en hann hefst kl. 20 í Bertelstofu en að loknum erindum verða umræð- ur þar sem gestum gefst gott tækifæri til að kryfja málin. - khh STEINUNN GYÐU- OG GUÐJÓNSDÓTTIR Fyrsta vetrarfundur Femínistafélags Íslands fjallar um atvinnumál kvenna í tengslum við alþjóðavæðingu. FRÉTTABLAÐIÐ/TEITUR Atvinnumál og alþjóðavæðing LEIKLIST VALGEIR SKAGFJÖRÐ Afgangar Ísmedia, Austurbær Höfundur og leikstjóri Agnar Jón Egils- son / Tónlist Hallur Ingólfsson / Ljós Halldór Örn Óskarsson / Leikmynd og búningar Arnheiður Vala Magnúsdóttir og Ólafur Stefánsson Leikarar Elma Lísa Gunnarsdóttir og Stefán Hallur Stefánsson. Það er fátt jafn skemmtilegt og að fara í leikhús með litlar sem engar væntingar og láta koma sér full- komlega á óvart. Að sama skapi er fátt leiðinlegra en leiksýningar sem búið er að hæpa upp sem ein- hver algjör möst og valda manni síðan vonbrigðum þegar upp er staðið. Ég hef leitast við að leiða hjá mér allt fyrirfram umtal um leiksýningar sem mér er falið að skrifa um einmitt í því augnamiði að vera ekki litaður af því sem aðstandendur viðkomandi sýninga vilja koma á framfæri. Sem ég rölti hægum skrefum upp gamla stigann í Silfurtunglinu dáðist ég að gömlu veggmyndun- um og lét mér detta í hug hvort ekki mætti koma upp margra sala leikhúsi í þessu sögufræga bíói þar sem hægt væri að setjast jafn- vel niður með kaffibolla, glugga í ljóðabækur eða leikrit, hlusta á fallega músík og spjalla við and- ans menn um ástina, listina og gengi hlutabréfa í menningarlíf- inu. Hér var það sem ég árum saman sótti barnaskemmtanir barnavinafélagsins Sumargjafar, sá miðnætursýningar Leikfélags Reykjavíkur, fór á tónleika með Robertino, horfði á Roy í þrjúbíó á sunnudögum og svo fóru menn að tala um að rífa húsið. Undanfarin ár hafa ýmsar leiksýningar fengið inni í húsinu og nú hefur efri hæðin (Silfurtunglið) verið tekin í notkun og litlum bíósal breytt í svartan kassa sem tekur liðlega hundrað manns í sæti. Það var heitt í veðri þetta frumsýningarkvöld og ekki síður heitt í leikhúsinu. En það kom ekki að sök. Agnar Jón Egils- son hefur verið geysilega virkur í íslensku leikhúslífi og vílar ekki hlutina fyrir sér. Hann hefur stundum farið geyst og færst oft mikið í fang. Þegar ég stóð upp að lokinni þessari sýningu fannst mér allur annar bragur og áferð á verki Agn- ars en ég hef séð eða upplifað áður. Hann hefur vaxið og þroskast sem höfundur og ég verð að hrósa honum fyrir vel smíðuð og trú- verðug samtöl í þessari sýningu. Textinn er byggður upp á setning- um sem eru rétt um það bil ein lína á kjaft og á köflum tekst honum að koma hugsun sinni á framfæri með einni línu. Það væri þó frá- leitt að ímynda sér að textinn einn og sér nægði til þess. Til þess þarf leikara sem kunna sitt fag. Leik- stjórinn tekur við af höfundinum og leggur af stað í langferð með hópnum sínum og mótar leir höf- undarins af trúmennsku við höf- undinn því þeir eru einn og sami maðurinn í tveimur hlutverkum og þau verður að sætta. Hér hefur Agnar Jón tekið þann pól í hæðina að láta leikarana njóta sín og slepp- ir að mestu tæknifylleríi sem er gott en hugsanlega hefði hann mátt treysta texta höfundarins enn betur, af þeirri einföldu ástæðu að hann var jafnan hreinn og tær og yfirleitt laus við tilgerð. Mátulega miklu var haldið leyndu nógu lengi til að viðhalda áhuga áhorfandans en ég er ekki frá því að með því að raða senun- um upp í krónólgíska röð hefði fengist heilsteyptari bygging í þróun sambandsins milli persón- anna. Mér fannst þessi hlaup fram og aftur í tíma vera einungis til þess falin að gera söguna óskýra. Ef til vill hefði það verið betra fyrir leikarana og fá hreinlega Aristólelíska uppbyggingu fyrir innri þróun persónanna. En svona hlutir eru alltaf spurning um val leikstjórans. Við þurfum ekki allt- af að finna upp hjólið. Stundum má alveg gera hlutina „venjulega“. Það sem skipti sköpum í þessari sýningu var vinna leikaranna. Elma Lísa og Stefán Hallur léku á als oddi. Þeim tókst að gæða þenn- an knappa texta miklu og blæ- brigðaríku lífi. Húmorinn er aldrei langt undan en sár undirtónn eins og rauður þráður í gegn. Það er til marks um sterka upplifun í leikhúsi þegar leikarar ná að snerta mann og eins þegar það sem gerist í leikhúsinu eða það sem sagt er nær að hreyfa við manni. Að undanskilinni leik- mynd sem mér fannst of hlutlæg og raunsæ fyrir hugblæ verksins þá er þessi litla sýning á efri hæð- inni í Austurbæ vel þess virði að sjá. Sannur tónn í tilgerðarlausu verki STERK UPPLIFUN Í AUSTURBÆ Nýtt leikrrit Agnars Jóns Egilssonar er með allt öðrum brag en fyrri verk hans. Messósópransöngkonan Guðbjörg Sandholt heldur tónleika í Dóm- kirkjunni í kvöld ásamt fjölmörg- um góðum gestum. Á efnisskránni eru verk eftir Mozart, Schumann, Tsjaíkovskí, Kurt Weill og Karl O. Runólfsson. Guðbjörg lauk burtfararprófi frá Tónlistarskólanum í Reykjavík í vor og mun hefja framhaldsnám við Guildhall School of Music and Drama í London næstkomandi haust. Með henni á tónleikunum koma fram píanóleikararnir Anna Helga Björnsdóttir, Bjarni Frímann Bjarnason og Ingileif Bryndís Þórs- dóttir en söngkonan Arnbjörg María Danielsen og klarinettuleik- arinn Arngunnur Árnadóttir koma einnig fram. Tónleikarnir hefjast kl. 20.00. - khh GUÐBJÖRG SANDHOLT MESSÓSÓPRAN Syngur m.a. músík eftir Mozart og Weill. Söngur og góðir gestir ��������������������������������� ��������������������������������������������������� �� ����������������������������������������� ���������� �������������������������� ����������� �� �������������������� �� �� ����� ������������������������������� �������������� �� ��������������������������������������������������������������������������� ����������������������������������������������������������� ������������ �������������� �� ����������� �������������������������������������������������������������������� ������������ ���������������������������������������� ����������������������������������� �������������������������������
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.