Fréttablaðið - 10.10.2006, Qupperneq 11

ÞRIÐJUDAGUR 10. október 2006 11
VELFERÐARMÁL Mikill sparnaður
felst í því að hjálpa öryrkjum að
snúa aftur út á vinnumarkaðinn,
að sögn Hrafns Magnússonar,
framkvæmdastjóra Landssam-
taka lífeyrissjóða. „Ef við tökum
öryrkja undir þrítugu sem dæmi
þá erum við að tala um tugi millj-
óna sem sparast.“
Grípa verður snemma til
endurhæfingarúrræða gagnvart
þeim sem hverfa af vinnumark-
aði, annaðhvort vegna veikinda
eða atvinnuleysis. Oft er orðið
um seinan eða mjög erfitt að
endurhæfa einstaklinga sem
sækja um örorkulífeyri allt að
ári eftir brotthvarf af vinnu-
markaði. Þetta
kemur fram í
nýrri skýrslu
örorkunefndar
á vegum Lands-
samtaka
lífeyrissjóða
sem falið var
að skoða leiðir
að hugsanleg-
um kerfis-
breytingum í
örorkulífeyrismálum.
Í skýrslunni er vísað í tölur
frá Bandaríkjunum en þar fer
helmingur þeirra sem eru fjar-
verandi frá vinnumarkaði lengur
en átta vikur ekki aftur út á
vinnumarkaðinn og 85 prósent
þeirra sem eru frá vinnu í hálft
ár eða lengur fara ekki aftur út á
vinnumarkaðinn.
Hrafn segir megináherslu líf-
eyrissjóðanna liggja í að stórauka
starfsendurhæfingarúrræði sem
skortur sé á í dag og koma í veg
fyrir biðlista. „Við bindum miklar
vonir við örorkunefnd á vegum
forsætisráðherra sem fjallar nú
um þessi mál og mun ljúka störf-
um um áramótin.“ - sdg
Örorkunefnd Landssamtaka lífeyrissjóðanna skilaði nýlega af sér skýrslu um málefni öryrkja:
Vilja efla starfsendurhæfingu til muna
HRAFN
MAGNÚSSON
STJÓRNMÁL Framsóknarflokkurinn
borgaði sjálfur fyrir kveðjuveislu
til heiðurs Halldóri Ásgrímssyni,
fyrrverandi forsætisráðherra,
sem haldin var í Ráðherra-
bústaðnum við Tjarnargötu.
Þetta segir Sigurður Eyþórs-
son, framkvæmdastjóri Fram-
sóknarflokksins, en Mörður
Árnason, þingmaður Samfylking-
ar, spurði í pistli á heimasíðu
sinni hver hefði borgað fyrir
veisluna og ýjaði að því að
mögulega hefði einhver ráðherra
Framsóknarflokksins látið
ráðuneyti sitt greiða fyrir hana.
- ss
Kveðjuveisla Halldórs:
Framsókn
borgaði brúsann
FRÆÐSLA Menntamálaráðherra og
félagsmálaráðherra hafa ákveðið
að styrkja Freyju Haraldsdóttur
til að heimsækja framhaldsskóla
og fræða nemendur og starfsfólk
um málefni fatlaðs fólks.
Fyrirlestrarnir bera yfirskrift-
ina „Það eru forréttindi að vera
með fötlun,“ en sjálf hefur Freyja
ekki látið fötlun sína hamla sér.
Hún útskrifaðist frá Fjölbrauta-
skólanum í Garðabæ á síðasta ári
og var þá dux scholae.
Markmið fyrirlestra Freyju er
meðal annars að benda á að með
réttri þjónustu og viðhorfum sé
ekki böl að lifa með fötlun. - hs
Fræðsla til framhaldsskóla:
Ekki böl að lifa
með fötlun
FREYJA HARALDSDÓTTIR Fræðir nem-
endur og starfsfólk framhaldsskóla um
málefni fatlaðs fólks.
Mikill hraðaakstur
Níutíu manns voru gripnir við of
hraðan akstur á Reykjavíkursvæðinu
um helgina. Sá sem fór hraðast var
á 163 kílómetra hraða í götu sem
leyfir 80 kílómetra hámarksshraða og
var sviptur ökuleyfi. Einnig voru tíu
stöðvaðir við ölvunarakstur og tveir
grunaðir um akstur undir áhrifum
lyfja.
LÖGREGLUFRÉTT
Bílvelta við skíðaskála
Vörubíll valt skammt frá skíðaskálan-
um í Hveradölum í gær en ökumaður
vörubílsins slapp ómeiddur. Unnið
var að framkvæmdum á svæðinu er
slysið varð, en að sögn lögreglu fór
betur en á horfðist í fyrstu.
Hættuleg trampólín
Mikið rok plagaði íbúa Húsavíkur á
sunnudagskvöld og fauk garðskúr í
miðbænum, ásamt nokkrum tramp-
ólínum, sem algeng eru í görðum þar
nyrðra. Engan sakaði en lögreglan á
Húsavík vill benda fólki á að gæta að
slíkum tólum fyrir veturinn; þau geti
verið hættuleg á flugi.
ÍSLENSK GETSPÁ Hætt verður að
birta Jókertölur, sem ekki hefur
verið greitt fyrir, á Lottómiðum.
Talsmaður neytenda, Gísli
Tryggvason, kveðst hafa beint
tilmælum þess efnis til Íslenskrar
getspár sem hefur með málið að
gera. Þar hafi verið fallist á að
gera þessa breytingu við næstu
kerfisbreytingu hjá fyrirtækinu
en hún verður í vetur.
„Það hefur borist ábending um
þetta atriði,“ segir Gísli. „Tilmæl-
in til Íslenskrar getspár byggja á
því að birting Jókertalna gæti
hvatt fólk til að kaupa meira en
það hafði í upphafi hugsað sér.“
- jss
Talsmaður neytenda:
Ókeyptur Jóker
ekki birtur
FRÁ GRENSÁSDEILD Erfitt getur reynst
að endurhæfa öryrkja allt að ári eftir
brotthvarf af vinnumarkaði.
Fréttablaðið/Valli
Flugfélag Íslands flýgur yfir
100 ferðir í viku til áfangastaða
sinna. Þú nýtur þess að lesa
dagblöðin, fá þér kaffi og
súkkulaði og áður en þú veist af
er lent á áfangastað.
Ferðin tekur enga stund.
Taktu flugið.
Pantaðu í síma 570 3030
eða á www.flugfelag.is
TÍMINN FLÝGUR flugfelag.is
Egilsstaðir 6.990
Reykjavík 5.990
Akureyri 5.990
verð frá:*
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
F
LU
3
35
92

10
/2
00
6
* Flugvallarskattar innifaldir. Eingöngu bókanlegt á netinu. Takmarkaður sætafjöldi.
ÍSAFJÖRÐUR
FRÁ
*